[align=center]
احيانآ تصادفنا لحظات نحس فيها بالوحده
ونحس ان مكاننا جاي مرررررررره غلط
فيه اشايء كثيره بالدنيا تخلينا نحس بدا الشعور
حالتي صعبه جدآ ...
احس اني ضايعه
احس غلطة عمري اني وافقت ع الزواج
( المشكله مو بالولد ) والله خطيبي انا مره مرتاحتلو
المشكله بوضعي
احس شكلي ( سخيف) لأني حتزوج
***************************
لما افكر انو حياتي حتتغير
واني انا بنفسي حتغير ... وخططي وطموحاتي مهدده بالتغيير
احس باحساس ضايع
ادري انو تفكيري غلط .. والزواج سنة الحياة ...
لكن انا وحده ما كنت حاطه الزواج ببالي
********************
][احساس صعب ][
لما اتخيل اني بنام برا بيت اهلي
بكون مع شخص غريب عني
وبنام معاه
وعلى شان ,وبسبب حضرة جنابو راح احمل واتخن واتألم بالولاده
حكبر واعجز وافقد حيويتي
*******************
][ احساس قاتل ][
لما كل مستقبلك بيكون مرتبط بشخص تاني
ما بيدي احل ولا اربط ... لأني جزء من كيان دي الاسره
*******************
فهموني وقولولي ليه كدا؟
انا ليه افكر كدا ؟
واحساسي دا طبيعي ؟؟
ليه مو قادره اتقبل التغيير
*************************
][ صــــــــــــدمــه ][
لأني مو متحمسه للتغيير دا
كلمني خطيبي .... وبلغتو عن قراري بالغاء الملكه
سألني ليه ؟؟؟؟
قلت بكل برود ... ( مالي نفس ... مو متحمسه... ما ابغى املك دحين )
واجلت الزواح لوقت غير معلووووووم ....
سنه
سنتين
يمكن اكتر
هوا طبعآ زعل مني ... بس امرو لله ...
مدري ايش ابغى ؟
ابغاه يــطفش؟؟؟؟؟؟؟
ييأس؟؟؟
ولا ايش حكايتي....
******************
انا زي باقي البنات ولا حالتي صعبه ؟؟؟؟
ليه المتزوجين دايمآ يسبوا الزواج ؟؟؟؟
ليه المتزوجين دايمآ يشتاقوا لأيام العزوبيه؟؟؟؟
ليه وليه وليه ؟؟؟؟؟
*****************
][ افكار تروح وتجي ][
من الهوس اللي عندي اقول لنفسي ...
كيف حسافر شهر العسل مع دا الرجال ... لوحدنا
وهوا ماعمرو طلع برا السعوديه ... بينما انا عادي متعوده على السفرات ؟؟؟
بقعد امشيه ؟؟؟ ولا بصير دلبيلو السياحي ؟؟؟
اكره احس نفسي فاهمه اكتر من زوجي ....
اكره اكون مثقفه اكتر منوو
اكره اني اجيد اللغه الانجليزيه وهوا لا ....
اكره الفوارق كلها
واكره افكاري
*****************
شوفولي حل مع نفسي ...[/align]