خطيبي اصغر منّي ..

[((كــــــــادي))]

[align=center]][®][^][®][السلام عليكم ورحمة الله وبركاته][®][^][®][




تعودنا ان يكون الخاطب اكبر من خطيبته سناً

بس يا ترى لو جاكِ عريس اصغر منكِ تقبلي تتزوجيه بدون تحفظ ..

او تقبلي به عشان تهربي من كلمة عانس !

وانت يا شاب ..

لو اكتشفت ان اللي تبغى تتزوجها اكبر منك سناً..

تقبل تتزوجها او راح تغير رأيك و تدور على غيرها ؟

و انت يا أب .. ايش رأيك في الموضوع ؟

طبعاً كلكم راح يجي في بالكم رسولنا الكريم و زواجه من السيدة خديجة ام المؤمنين .

" يا ليت نتكلم عن آرائنا نحن الشخصية "



[/align]

[zadi]

________________


الموضوع ياكادي مش أرائنا الشخصية ,,, الموضوع هو نظرة وتقاليد مجتمع ,,,

بمعنى لو إن واحد جا خطبك وإنتي مثلاً عمرك 18 سنة وهو عمره 35 سنة !!! هل بيرضى أفراد عائلتك بذا الفرق ؟؟؟

ونفس الشي ينطبق على الشاب لو إنه في سن 25 سنة وبيخطب وحدة عمرها 40 أو حتى 35 سنة ,,, هل بيرضون أهله بذا الفرق ؟؟؟

المشكلة الله يسلمك في عقلية وتقاليد وأعراف المجتمع إللي تربينا عليه وفيه .

في الغرب , ماتفرق ذي الأمور كثير ,,, يعني تلاقي واحد ممكن يتزوج وحدة في عمر أمه أو أخته الكبيرة ,,, وماحد يقله شي .

مشكورة طال عمرك مشرفتنا الطيبة .

تحياتي

[SOUTHSTAR]

[align=center]يعطيكي العافيه يا كادي ..

بالنسبة لرأيي الشخصي ما أشوف فيها مشكله اذا كانت بحدود المعقول .. يعني سنتين ثلاث سنين بالكثير ..

لكن بصفه عامه .. هو شي عادي .. أعرف ناس كثير متزوجين وزوجاتهم أكبر منهم بخمس وعشر سنين .. وماشاء الله عايشين احلى عيشه ..

لكن دام سألتي عن رأيي الشخصي .. قلت لك وشهو ..

شكرا لكي ..[/align]

[همسة عاشق]

بسم الله الرحمن الرحيم

على بركة الله توكلنا << مالي دخل لوو احد ما عجبو كلامي ولا إتخاصم مع حرمتو خخخخ

طبعا انا ما بتكلم من ناحية دينيه ولا من ناحية إنو زمان على عهد الصحابة
بتكلم في وضعنا الحالي وأيامنا المنيلة

بالنسبة لحكاية الزواج من وحده اكبر في العمر لها محاسن ولها مساوئ

نبدأ في المساوئ :: بما إننا شعب عربي مثقف ومره ما نهتم بالمظاهر ولا عندنا شغل القال والقيل << عاد أفهموها براحتكم خخخ
إذا كان الفرق في العمر كبييير بينهم
أول شي : تلاقي الناس يقولو عن الرجال أكيد فيه عيب ولا ما كان إتزوج وحده صغيرة وما حوج نفسوو للي أكبر منو .
ثانيا : يقولو الرجال حاطط عينو على فلوسها ولا ورثها ولا أي حاجة علشان كدا إتزوجها
ثالثا: تلاقيهم يقولو البنت لفت عليه وقدرت تصيدو ولا ميين يقبل يتزوج وحده بتعنس ؟

ولا بلاش من دا كلوو
الرجال نفسوو ممكن تجيه لحظه يفكر فيها بعد الزواج يقوول ليش أنا متزوج وحده عجوزه ولا وحده اكبر مني ؟ أبغى وحده تدلعني ولما اكبر في السن تساعدني مو تتكسر معايا ؟

إذا المتزوجين تلاقيهم يدورو ع التانيه ويقولو البنت كبرت بدور على وحده تكون سمبتيك ولا كتكوته تدلعني بدل اللي عندي جننتني صارت دوبه وهلكتني بالبزوره

هذا إذا ما طب في مراهقة الأربعين ومسكت معاه على حاجاات تاانيه << أسألوو طياري الخطوط السعوديه وهما يقولو لكم أكثر :s

<< وي كإني طلعت من الموضوع

نرجع تاني


نقول المحاسن << ما أضن إنو أحد يوافقني فيها

يقولو الأكبر تكون أركز وأعقل وتكون أفهم
وما تكون طرقه زي الصغيره وتكون خبره في أمور الحياه :s


دحين دا كلوو رأي الشعب السعودي


أما رأيي الخاص

وحده تخاف الله << مو مسلمه ببطاقة الأحوال بس
وما تحب البني آدمي من قلبها وما تفكر في غيرو
وترضى بالقسمه والنصيب وتكوون قنوعة

حتى لوو إيش ما يكون عمرها ما فيها مشكلة
بس مو الواحد يقولك يا تطخو يا تكسر مخو

يعني ع الأقل تكون حلوه ولا جسمها حلو مو معدومه وبعدها يتندم << خاصه لما يطلع الأسواق أكيد عيونو بتطلع خخخخخ

وسلامتكم

[((كــــــــادي))]

هلا // زادي ...

انا اشوف ان المجتمع يغض النظر إذا كان العريس هو الأكبر ..

حتى لوكان الفرق مرررررة كبير ما يهتمو..

اما بالنسبة للمرأة حتى لمن يكون الفرق بسيط جداً بينها وبين خطيبها..

لازم تلاقي احد يقول : ايش تبغى بها اكبر منك.

و بعدين هناك نقطة ..

المرأة لها فترة خصوبة تقريباً محددة .. يعني مو معقول ازوج اخويا وحدة مرررررة كبيره

على قولتك .. كبر امه او اخته الكبيرة !

***

شكراً لمشاركتك معي

دمت بخير

[((كــــــــادي))]

هلا // southstar


اولاً .. شكراً لإبداء رايك

ثانياً .. عشر سنوات فرق كثيرة مرررررررة

يعني اكون آخر سنه جامعة و هو لسا في سادسة ابتدائي ...

هذا اعتبره ولدي

بالنسبة ليا .. اشوف الفرق كم شهر تنبلع و على مضض اما اكثر من كذا لا.

[((كــــــــادي))]

[align=center]هلا // همسة عاشق [/align]


[align=center]

بتكلم في وضعنا الحالي وأيامنا المنيلة

هو هذا المطلوووووووووب

نبدأ في المساوئ ::

خير بداية

إذا كان الفرق في العمر كبييير بينهم
: تلاقي الناس يقولو عن الرجال أكيد فيه عيب ولا ما كان إتزوج وحده صغيرة

هذا إذاكان اول مرة يتزوج ... و كمان يقولو دا لعّاب ايش اخرو عن الزواج لدا العمر ؟!

تلاقيهم يقولو البنت لفت عليه وقدرت تصيدو ولا ميين يقبل يتزوج وحده بتعنس ؟

كلام نسوان ... من فين عرفتو!

الرجال نفسوو ممكن تجيه لحظه يفكر فيها بعد الزواج يقوول ليش أنا متزوج وحده عجوزه ولا وحده اكبر مني ؟ أبغى وحده تدلعني ولما اكبر في السن تساعدني مو تتكسر معايا ؟

إذا المتزوجين تلاقيهم يدورو ع التانيه ويقولو البنت كبرت بدور على وحده تكون سمبتيك ولا كتكوته تدلعني بدل اللي عندي جننتني صارت دوبه وهلكتني بالبزوره

كلامك صحيح 100% .. وإذا ما جابت له بزورة كمان راح اتزوج .. والله انتم غلب

نقول المحاسن << ما أضن إنو أحد يوافقني فيها

يقولو الأكبر تكون أركز وأعقل وتكون أفهم
وما تكون طرقه زي الصغيره وتكون خبره في أمور الحياه :s

مو دايم .. بعض المرات تلاقي الصغيرة عقلها يوزن ذهب و تصبر و تقدر الظروف

الله يوفقك الين تلاقي بنت الحلال اللي مواصفاتها على مزاجك ..

وبعدين .. غض البصر في الأسواق [/align]

[همسة عاشق]

كلام نسوان ... من فين عرفتو!

شكلك ما إتعرفتي على الفوارس ولا عشتي مع بنات مكه << استغفر الله حتى رجالهم عندهم القال والقيل خخخخخ

الله يوفقك الين تلاقي بنت الحلال اللي مواصفاتها على مزاجك ..

أهم شي أبغى صعنطوط صغير << يموووت في الصغار

وبعدين .. غض البصر في الأسواق

وي سلامات قصدي على الرجال اللي ح يتزوج اللي أكبر منو :S

دنا غلباااان خخخخخ
وبعدين واحد إشتغل في أسواق جده أكثر من ثلاثه سنين يعني عيوني مقفله وما يحتاج أطل :P

[طالبة الجنة]

هلا والله بالجميع كيفكم ؟ إن شاء الله بصحة وعافية

أولا : بالنسبة إذا كان الخطيب أكبر سنا من الفتاة فأعتقد إن المجتمع ممكن يتقبل هذا الوضع عادى على أساس إن (الرجل لا يعيبه سنه) مثلما يقال طبعا هو ممكن فى الأول يواجه إعتراضات من البعض ولكن فى النهاية بيمشى

ثانيا: بالنسبة لو كانت الفتاة أكبرسنا من الخطيب فالمجتمع لا يتقبل أبدا هذا الوضع بإعتباره خروج عن العادات والتقاليد

طبعا هو الزواج ممكن يتم بعدما يواجه الإعتراضات والإنتقاضات

ساعات يبدأ الزوج فى إنه يعاير زوجته بأنها تكبره سنا وهو "يا عينى لسه فرفور"

وكمان تبدأ المعايرات من أهله وإنتو عارفين بقا كلام وحكاوى الحريم اللى ما بتخلص والهمز واللمز

وتشعر الفتاة وقتها وكأنها إرتكبت جريمة

والله الواحد بيحس إن فيه عادات وتقاليد جاهلية وغير متحضرة بالمرة فى مجتمعاتنا لكن حنعمل إيه صعب علينا نغيرها أو نتعداها وإن خالفناها أصبحنا منبوذين

أنا عن نفسى لا يمكن أن أقبل بواحد أكون أكبر منه حتى ولو الفرق بسيط

أما لو هو أكبر منى بشوية يعنى حد أقصى جدااااااااا أكبر منى بعشر سنوات ممكن ليه لأ؟

أسفة على الإطالة ولكنه بجد موضوع يستحق النقاش فعلا


"كادى" مشكووووووووورة يا قمر على الموضوع الأكثر من راااااااااااااائع

ربى يحفظك ويسعدك ويوفقك وينور قلبك بنور الله

دمتى بحب الله

[*amula_beauty*]

[align=center]والله لولا مشاغلي كان سدحتلكم رأيي طووووووويل


بس من آخرتها

انا ما اقبل اتزوج واحد اصغر مني ولو بسنه

ماباقي الا هياااااا


الرجال واحنا اصغر منهم شايفين انفسهم

كمان يكون اصغر مني


منجد يخنقوووووووووو



****************************** **

انا اشوف حلو لو الزوج اكبر من زوجتو ب5 سنين

مره مناااسب

يعني من 5 الى 7 سنين

<< خطيبها اكبر منها ب7 سنوات ....


وبس

اما اننا نخلي للرجال ممسك علينا


لا والف لاااا

وهزلت

بعدين كيف اعايرو بكبرو ؟؟؟؟ الشيبه حقي؟؟؟؟


لازم اعايروو بكبروو واني اصغر منوو
عشان يحمد ربوووو
مالت عليهم عن بكرة ابيهم ماعدا بابا واخويا


اشكرك يا قلبي ع الموضوع الحلووووو

تستاهلي عليه بوسه ^_^

ربي يسعدك

[/align]

[لست بكاتبة]

الله عليك ياكادي
شوا هل موضوع في الصميم ..مشاء الله عليك
أنا ماراح أزيد عن قول أختي عاشقة الله _مشاء الله عليها ماقصرت
بس صحيح كلام سهيل في أمثلة عندنا كذا
بس دائماً أقول في خاطري هذا الظاهر يترا كيف الباطن صح هما سعيدين ..:
بالنسبة لرايي الشخصي
مو مهم العمر المهم تقبل الطرف الأخر _ الإستجابة له _ التكيف مع عوامل سن للطرف الآخر_ التفاهم _وإحترام كل منهم الآخر
صدقيني إذا توفر هذا قد يتنازل كل منهم بدون شعور عن الإحتياجات الخاصة -إذا كانت جميع الإحتياجات العامة متوفرة من الطرف الآخر
هذا رأي في الموضوع
أما ماينطبق على حالي
ماأدري أش أقولك ..بصراحة أن بجد خايفه أن اللي يأخذني يكون أصغر مني ..
بس اللي تتكلم حاطه شرط معين ولين ذحين كل للي جو ماتوفر فيهم هذا الشرط _وإذا توفر لاقدر الله في أصغر مني حزوجه تقولي ليــــــــه؟؟؟؟؟؟

1- تحقق الشرط
2- الهروب من العنوسة
3- أكون الزوجة الأولى أحسن بكثير من الزوجة الثانية (وجهة نظر شخصية بي)
بعدين حبيبتي ماعجبوا وبعد كم سنه يبغى يزوج الشرع حلل له 3 بعدي مو وحده
مشكوره كادي موضوعك حماس

[((كــــــــادي))]

قبل ما ارد عليكم ..


*amula_beauty*


لست بكاتبة


ايشبكم عدلتو في ردودكم ...


شكلكم فضفضتو و قلتو اللي نفسكم فيه و بعدين اتراجعتم


يللا ... اللي اتمسح لازم يرجع

[((كــــــــادي))]

هلا // همسة عاشق ..

لا والله ما جربتهم لسا ..

وانا من طبعي ما احب القيل و القال و التدخل في امور الناس ..

بس دا الموضوع ما كنا نشوفه زمان ... بس اليومين هذه كثر .

و انا مو ضد ان الواحد ياخذ وحدة اكبر منه ...

كل واحد حر في حياته .. بس اهم شي انه يكون مقتنع باللي يسويه 100%

وفارق السن كل ما كان اقل كل ما كان افضل .

[((كــــــــادي))]

[align=center]مرحبا // عاشقة بيت الله [/align]

[align=center]

طبعا هو الزواج ممكن يتم بعدما يواجه الإعتراضات والإنتقاضات

ساعات يبدأ الزوج فى إنه يعاير زوجته بأنها تكبره سنا وهو "يا عينى لسه فرفور"

وكمان تبدأ المعايرات من أهله وإنتو عارفين بقا كلام وحكاوى الحريم اللى ما بتخلص والهمز واللمز

وتشعر الفتاة وقتها وكأنها إرتكبت جريمة

طيب ليه من الأول ما حطت البنت هذا الشي في بالها ؟؟!

انو راح يعايرها ... انها ارتكبت خطأ في حق نفسها ... انو الناس السنتها ما ترحم ..

يعني المفروض الواحد يحط حساب لوضعه و ناسو.

والله الواحد بيحس إن فيه عادات وتقاليد جاهلية وغير متحضرة بالمرة فى مجتمعاتنا لكن حنعمل إيه صعب علينا نغيرها أو نتعداها وإن خالفناها أصبحنا منبوذين.

معاكِ حق ... وانا من الناس هذه

بس مو لدرجة اني اعتبر اللي يتزوج وحدة اكبر منه اجرم .

بس ما احسها حلوة .

وحتى انتِ طلعتي زيي
v
v
v

أنا عن نفسى لا يمكن أن أقبل بواحد أكون أكبر منه حتى ولو الفرق بسيط

أما لو هو أكبر منى بشوية يعنى حد أقصى جدااااااااا أكبر منى بعشر سنوات ممكن ليه لأ؟

~*~*~*~*~*~

النقاش معك ممتع .. تشرفي في اي وقت [/align]

[((كــــــــادي))]

[align=center]هلا /// *amula_beauty*

[align=center]

انا ما اقبل اتزوج واحد اصغر مني ولو بسنه

ماباقي الا هياااااا

[/align]

وانا لو اصغر مني بشهر ما قبلت .. كيف بسنه !!

[align=center]
الرجال واحنا اصغر منهم شايفين انفسهم

كمان يكون اصغر مني

منجد يخنقوووووووووو

[/align]

شوفي الخنقه من الجد :

عشان زوجي يقهرني .. في بعض المحلات يناديني بـ امي

والله انفجر في الحل ..واللي يصير يصير مو انت اللي فتحت على نفسك

والمصيبه انو اكبر مني بـ 6 سنوات .. يعني انا عنده

ولوما انو طيب و حبيّب ...ما كان استحملتو

[align=center]
مالت عليهم عن بكرة ابيهم ماعدا بابا واخويا
[/align]

وما عدا ابويا اخواني و زوجي

تواجدك اسعدني يا قمر [/align]