7
7
7
هذه إجابات أمى الحبيبة الغالية
هى ست بسيطة جداً، كلامها تلقائى وعفوى
إجاباتها باللغة العامية المصرية
أتمنى يعجبكم اللقاء معها
السؤال الأول
ما هي نظرتك للنت ؟ وهل فعلا الن تسرق أبنائكِ من الجلوس معكِ ؟
النت
دا كان يوم ما يعلم بيه إلا ربنا لما ركبنا النت دا
كل أما أئوم وأصحى ألاقيكو ئاعدين عليه،
ولابتساعدونى، ولما أئلكو تغسلو المواعين ماتئموش إلا أما تشفونى وأنا رايحة أغسلهم
ياريتنى ما دخلتو
السؤال الثاني :
يا ترى ما هو الحلم والأمنية التي تتمنينها لابنك أو أبنتك الذي يقرأعليك هذه الأسئلة ؟
نفسى ربنا يسعدك ويوعدك بواحد طيب إبن حلال
وأشوف عيالك وأشيلهم على إيديا ئبل ما أموت >> بعد الشر عليكى يا ست الكل،الله يعطيكى طولة العمر
ودى الأمنية اللى أنا عيزاها..وربنا يسعد كل البنات
السؤال الثالث :
هل ابنكِ هذا أو أبنتك هذه مرتبة أم فوضوية ؟ وما هو السبب ؟
لما تكون الغزالة رايئة بتكونى منظمة أوى، وبتساعدينى فى كل حاجة
وأحياناً تبئى زى البروطة ولا بتعملى حاجة.. بس فى الأصل إنتى طالعة منظمة ونضيفة زيى، مش زى خواتك الله يهديهم اللى مدوخنى
أن الصراحة مش خايفة عليكى.. لما تتجوزى حتعرفى تفتحى بيت >> شايفين يعنى أنا شطورة يارب يخليكى ليا يمامتى إنتى يا حلوة يا عسل
إنتى اللى نصفانى
السؤال الرابع :
هل تدليع الفتاة أو الفتى يدمر؟ وكيفتجمعين بين حبكِ وحنانكِ له وبين تدليعه الذي ربما يخربه؟
أه طبعاً أمال إيه الدلع الزايد بيبوظ العيل، وبيخليه يطلع معندوش شخصية ولا بيتحمل المسئولية
أنا أحب عيالى وأحن عليهم وأدلعهم أه لكن وئت الجد الجد،
السؤال الخامس :
لو طلب منكِ أن تغيري شيء في هذا العالم , ما هو أول شيء تفكرين تغيرينه ؟ ولماذا ؟
........... مشفر >> قالت شئ شخصى
السؤال السادس :
نصيحة تنصحيننا بها أثابكِ الله ؟
أنصحكو تحافظو على الصلاة فى وئتها، وتئرو القرآن، وترضو باللى ربنا عطهولكو،
لإن كل شئ فى الدنيا دى نصيب
دى كانت إجابات كدا ع السريع
أتمنى يعجبكم اللقاء
جزاك الله خيراً عمدتنا الفاضل
ربى يحفظك ويرضى عنك