مرحبا كادي ،،

مخي ما أتبرمج عالإجازة لسا، أصحى من فجرية رب العالمين
وإذا جلست للساعة وحده أعتبر نفسي سهرت ، ستي
مبسوطة بالمرة عشان "وجهي حيرجع" << على أساس إنه راح
مع تعب الإمتحانات
..

أحب الكوايته بس يزوروا مريض ويقولوا:
- خطاكم السو ..
ويرد: خطاكم اللاش

* بعد عزيمة زي الي رحتيها ممكن نقول:
- سفرة دايمة
- أطعم الله من أطعمنا وسقى الله من سقانا
يعني ‘‘جاد الله عليكم ‘‘ بنفس المعنى، ما تفرق
كتيير ..

..
أفتكر مرة كنت بأزور أقاربي في المدينة، ورخيت أسلم
على ست كبيرة فقالتلي: ‘‘تقبّـلي النبي‘‘ - كنت أول مره
أسمع الدعوة دي وحبيتها .. عادة الناس يقولولي
تقبّـلي الكعبة ..

كمان جدتي بس أسألها عن حال أحد من زمان عنه
تقول: ‘‘يقبل الأيادي‘‘ - محد أعرفه يقول كدا إلا هي وبابا ..

وبس نكون بنضحك بهسترة -عمة ماما- تقولنا "يا باسط/
عزّل السوق" - والبيت كله سار يقولها حتى الصغار
..

أحب أعرف هادي العبارات، والرد التقليدي عليها .. يعني مثلاً
بس أحد يقولي ‘‘صح لسانك‘‘ المفروض أرد عليه بأيه!


شكرًا عالموضوع
الظريف