وللرجال عليهن درجة
موضوع قديم متجدد..
متجدد؟!!
ماأعجبتني هالكلمة .. لكن عشان ما أكسب آثام في هذا الشهر الفضيل مارح أعلق وأقول وجهة نظري في هذا الموضوع القديم المتجدد
اللـــــــــــــــــــــــــــ ــــهم لا اعتراض
بخصوص الزواج مثنى وثلاث ورباع.. قلت مارح أعترض ولا رح أقول رأييلكن أبي أسأل سؤالين: للقوامين
نبدأ بأصحاب القوامة <== أقولها من دون مسخرة عشان الآثام بس |315| مثل ما تعرفون شياطيني مربطة مع بداية شهر رمضان
كنت أقول سؤالي لأصحاب القوامة:
لما تقرر إنك تتزوج مرة ثانية على زوجتك الأولى، قلت لما تقرر وماقلت لما تفكر والسبب في اختيار هذه الكلمة بالذات هو إني أفترض أنه جميـــــــــــــــــــع الرجال يفكرون في الثانية والثالثة والرابعة.. نرجع لصلب السؤال..
لما تقرر إنك تتزوج مرة ثانية، وش اللي رح تعمله بخصوص القرار هذا قبل ما تبدأ بتنفيذه؟
هـــــــــــل .. تعطي اللي حولك خبر وتشرع في البحث عن الزوجة وتجي تعطيهم خبر مرة ثانية إنك لقيتها.. بعدين تعطيهم خبر مرة ثالثة إنك ملكت.. بعدين تعطيهم خبر مرة رابعة باليوم اللي بتسافر فيه لشهر العسل؟
أم: تتزوج بالسر وتقول مسافر انتداب وبعد كذا ترجع وتبشرهم بزواجك ؟
أم: تحاول بحث الموضوع مع زوجتك الأولى وأبنائك، وما تشرع في تنفيذ القرار إلا بعد مايفهمونك وعلى أقل تقدير ترضى نفسهم عليك ولو شوي بس؟
وقبل هذا كله خلنا نعرف.. هل تشوف إن لزوجتك وأبنائك الحق في بحث الموضوع معك؟
.........
للقوارير
لا سمح الله .. لما يقرر زوجك أنه يتزوج عليك، وتقتنعين أنه مافيــــــــــــــــــه أمل يغير رايه، وإنك لو عاندتيه بيعاند أكثر وأكثر لحسن عقولهم تصير .... أكملي الفراغ
هل تأملين فيه شي؟ أقصد وش تنتظرين منه قبل لا يقدم على هذه الخطوة الخطيرة؟
لا تفشلوني وجاوبوا، وسلامتكم
[/align]
ماعلينا منهم يجون على راحتهم 