معهد هيئة الدفاع عن حقوق الانسان لتدريس الحاسب الآلي بالرياض
السلام عليكم ..
والله ياحبايب انا مو عارف ابدأ من فين ..
قبل اسبوعين بدأت فعاليات مؤتمر لهيئة الدفاع عن حقوق الانسان في الرياض وتم الاعداد لهذا المؤتمر اعداد رهيب جدا وعلى مستوى عالي .. مما جعل الحاقدين على الجنس البشري من الزواحف ان يقوموا بدورهم ايضاُ ..
لكم ان تتخيلو ضب في شكل رجال اش ممكن يسوي يا اخوان ... طبعا الجنس البشري اكبر بكثير من انه يشك في بعضه لكن اذا جا ضب من الزواحف وتقمص شكل انسان كيف نقدر نميزه ؟ راح يكون فيه مشكله كبيره وارتباك في أمن البشريه كلها
لكن بمساعده من الله ثم بجهود مكثفه قدرنا نميز هالضب المتشبه بشكل انسان واليكم الوصف :
اولاً خشم هالرجال صاير قد المنطاد الي يطيرو فيه يعني لما يمشي في الشارع خشمه يكون واقف عليه بعض الطيور وبعض الذبان هذا امر طبيعي يعتبره هو ولا ينتبه ويكمل مشي عادي جداجدا
ثانياً لونه صاير مغبر وأشهب وجسمه مليان بقع من كل لون ونوع .. يعني تحصل في وجهه حفر وطعوس وكل شيء ..
ثالثاً شعررأسه ووجهه كمان متيبس يعني لو تمسك الشعر هذا او تحاول تحركه طاح .. يتفتت على طول ..
رابعاً اذا تكلم نص الكلام يكون بلغة الضبان والتماسيح .. يعني ما تفهم منه اي سالفه .. واحيانا تحس انه وهو يتكلم في نص السالفه نام لانه يحتفي الصوت .. وهذي خطه من خطط هذا العدو ..
خامساً من عادات الناس ياخذون معاهم مثلا فصفص ( حب لاهل الوسطى ) ويحطونه بجيوبهم لوقت الفراغ .. هذا يشيل شوي مسامير وشوي صواميل وكم سكروب ووقت الفراغ يجلس يفك ويركب فيهم ..
هذي بعض المواصفات عشان تتعرفون على الضب البشري الي عايش بيننا واليكم بعض الاعمال الي قام فيها :
علاوه على انه قبل فتره بنى غرفه فوق السطح وفي الليل وهو جالس يتفرج في فلم في التلفزيون جا الهوا وقشع سقف الغرفه وطار به وهذا الضب البشري طالع فوقه شاف السقف حق الغرفه طار ورجع يكمل الفلم عادي ..
الا انه في مؤتمر لجنة الدفاع عن حقوق الانسان انتحل شخصية احد المشاركين وراح حظر المؤتمر وقام بغسل دماغي لبعض البنات الي حظرو واقنعهم انه يدرسهم حاسب آلي ..
لا وفي قاعة المؤتمر بعد ..
عشان كذا نخص هنا بالنصح للفتيات ان يكونو واعين ومفتحين ويدرسون عند ناس متأكدين منهم مو زي البعض يدرسون عند ضب بشري يجي يشرح لهم عن المعالج حق الجهاز ويأشر عليه وهو يطالع في وحده من البنات قدامه ويقولهم هذا هو البرقع حق الجهاز ..
وبعد هذا الوصف .. نحذر جميع الجنس البشري من هذا الضب ومن التعامل معه وعلى من يراه ان يقوم بابلاغ السلطات في لجنة الدفاع عن حقوق الانسان ..
تحياتي ..
[/align]
[/align]
