خدمات البريد .. سؤال

[بخيت]

سلام عليكم

محمد .. سمعت انه في من ضمن الخدمات الي تقدمها بعض الشركات الي تقدم خدمة البريد الالكتروني هي خدمة الفاكس ..
بحيث اذا اشتركت عندهم يعطونك رقم معين يكون رقم فاكس لك واي رساله على هذا الرقم تتحول لبريدك ..

ابغى اتأكد من الخدمه هذي اذا كانت موجوده وكيف ممكن يكون رقم الفاكس بالنسبه لنا في السعوديه دولي او عادي ..

كمان اذا في خدمات غير هذي اتمنى تفيدنا فيها وبعض اسماء هذي الشركات ..

تحياتي ..

[ناصر الأحمد]

بخيتوووووه

تسيف الحال

موقع الياهو يعطيك خدمه الفاكس


سجلت فيه من سنه يمكن ولا ادري وش سالفته

وهذا الي وصلني بالاميل شوف وش سالفته


Thank you for ordering eFax Free.


Please print this page for your records.
Your eFax number and PIN
Your eFax Free number is: 12403686250
Your PIN is: 4408



Your order number is 49350601.

Download eFax Messenger Plus. Messenger Plus allows you to create, annotate, and send faxes and email messages in addition to viewing faxes.
Tell your friends about your new eFax number!

يلا عليك الباقي


تحياااااااااااتوووووووو

[بخيت]

ياشين الملقف

الحين انا اكلم محمد اش دخلك ؟

حبيبي الي واضح لي والله اعلم ان هالخدمه مجانيه اخذتها انت والحقيقه شيء حلو انا كنت افكر انه مافيه الا باشتراك بمبلغ وجاي لمحمد مدرعم راسي ادور ادفع

بعدين مكتوب انهم سلموك رقم الفاكس ومعاه رقم شخصي (PIN) .. يعني الحين هذا الي يبي يرسل لك فاكس يدخل هلارقم زي التحويله يعني ؟

سؤال اخير انت جربت برنامجهم هذا eFax Messenger Plus واذا جربته هل هو مثل الماسنجر العادي ولا كيف ؟

اصلا الياهو هذي من جد ما دخلت لي مزاج

يله انتظرك ياشاطر تعال جاوب

[محمد المحيا]

هلا بخيت..

اسأل مجرب ولا تسأل طبيب

خدمة الفاكس هذي طبعاً يعطونك رقم في أمريكا.. يعني أي واحد يبغى يرسل لك فاكس لازم يرسله لأمريكا وبعدين الشركة تحول صورة منه على بريدك..

لما تدخل على بريدك في الياهو رح تلاحظ خيار على يسار الشاشة اسمه 'Get Your FREE Y! Mail Fax Number' ورح تسوي بعض الخطوات عشان تحصل على رقم الفاكس..

طبعاً الخدمة المجانية عندهم محدودة في المميزات وعلى ما أتذكر يحطون دعايات على رسايل الفاكس اللي توصلك.. وماتقدر تتخلص من الدعايات إلا إذا اشتركت بفلوس.. طبعاً تعرف الخواجات ما عندهم شي ببلاش..

[بخيت]

فين النيرو ؟

حبيبي ما عندي مشكله اني اشترك بفلوس اساسا انا كنت ناوي على كذا لاكن طلعلنا الشين ناصر بفكرة المجاني ..

الحين انت خليتني اتردد .. لان اي واحد يبي يرسل الفاكس لي راح يرسله على رقم خارجي .. انا فهمت صح ؟':

في حالة كان كذا الوضع فايش الحل المناسب لاقتناء رقم فاكس الكتروني بدون تكلفه اضافيه على الي يبغى يرسل مش علي ..
.
.

[محمد المحيا]

هلا بخيت

شكلك فهمت صح المرة هذي ;)

وأفضل حل في نظري هو إنك تاخذ رقم محلي من شركة الاتصالات السعودية وتستخدمه كرقم فاكس خاص فيك..

[بخيت]

محمد اعطيني وجه ياخي ..

ابغى فاكس الكتروني .. لازم من الواسطه يعني ؟

[محمد المحيا]

هلا بخيت..

طيب يعني أنا اللي مانعك؟؟

روح خذ فاكس إن شاء الله حتى عشرة فاكسات ':

أعيد وأقول خدمة الفاكسات الإلكترونية ماهي متوفرة في السعودية.. وما عندك إلا الخدمات الأجنبية مثل اللي قلت لك عنها.. إذا انت مصمم على رقم فاكس خارج المملكة رح أشوف لك المواقع اللي توفر الخدمة هذي..

فيه وجه أحسن من كذا؟ ':