مساء الخير
يوم كنا صغار .. كنا نسأل الوالد الله يرحمه .. اشمعنى يا يبه الرجال يقدروا يتزوجوا أربع حريم والنسوان ما يقدروا يتزوجوا أكثر من رجال؟
هذا كان السؤال.
وطبعا الوالد يستنانس لما نسأله هذا السؤال بالتحديد .. ليش؟
.
لأنه حافظ قصه أو حكمه مدري من وين سامعها وياخذ راحته وهو يجاوبنا على هذا السؤال .. وحكم انه متزوج قبل أمي وبعد أمي .. بس أمي الله يخليها كانت الزوجه المفضله
احنا أصلا كان عندنا فضول غير طبيعي نبي نعرف الجواب .. وخاصة الجواب اللي كنا نعرفه من الوالد .. كان إذا سألناه سؤال "الليش" هذا مغط روحه وخذ له نفس عميق وتبسّم .. وقال هاتو الأغراض.
طبعا احنا من كثر ما سمعنا الشرح على جواب "الليش" كنا نعرف الأغراض اللي يبيها ..
كاس زجاج فاضي ..
غرشة صاص ..
استكانه وفيها شاي ..
غرشة بيبسي ..
كوب ماي.
باختصار .. الأغراض كانت معايير الجواب.
نلتف حول الوالد الله يرحمه وهو يصب في الكاس شوية ماي .. وشوية صاص (أبو ديك) .. وشوية بيبسي .. وشوية شاي.
وبدون ما يذوب الخلط نبص نشوف الكاس صار كوكتيل.
ويقوم الوالد ينتفظ ويهز راسه .. ويتبــــسّم <--- يتيسم غير يبتسم
كنّه جاب العيد.
يطالعنا ويتبــــسّم.
وقبل لا يقول شي .. مره ثالثه ويتبـــسم.
قام يضحك الوالد.
الوالد تفجر من الضحك.
وقف الوالد.
رفع ايديه للسما وسمى بالرحمن وقال :
"إلهي ما أحكمك .. إلهي ما أعدلك .."
جلس الوالد .. طالع فينا .. طالع أوي فينا الوالد
الوالد طالع أوي.
وسأل:
الحرمه لو تزوجت أربع رجال بتصير مثل كاسة الكوكتيل .. ولو حملت وجابت ولد مستحيل تعرف مين أبوه .. صح يعيال؟
ايوه صح.. صح يا يبه!!
سبحان الله .. ما أحكمك.
السؤالان هما :
لماذا (مهما بلغ إيمان المرأة من قوه) ترفض أمرا أحلّه الله؟ هل رفضها يعني ضعف إيمانها؟
ولماذا معظم الرجال (ما عدا أنا طبعا) يرغبون في الزواج من ثانيه؟
الموضوع ناقص أشياء كثيره لذلك أرجو إكمال الفراغات .. كل حسب وجهة نظره.
وللجميع تحياتي.
أوع ايدك تنقل الموضوع لدرة المجتمع
------------------
سامي