يوم من رمضان الدررية الدرة المصونة نااااااابض العيييييييييييييلم

[نبض العلم]

السلام عليكم رحمة الله وبركاته
أولا لأن الموضوع حيطول مقدر أراجع لو في حروف لصقت وما اتكتبت بس عاد انتو أذكياء قيسوها لأقرب كلمة تخطر ببالكم

أولاً فكرة حلوة ان في فكرة زي دي الفكرة على الغم اني ما احب أتكلم فرمضان لأني أعرف نفسي لما أفك ماراح أسك <<< متأثرة بالإعلانات

حقيقة كنت ومازلت متحمسة اني أشارك فدا الموضوع بس لما جا اليوم قلت ياريت اخترت آخر يوم كان مالي ومال اللقافة بداية الشهر لأني انشغلت بعد الساعة 12 البارح بمشوار طاريء بعدين وصل حضرة الصول سبع البرومبا سي السيد ولازم خشتي تقابله طول ماهو موجود ألين يمل ويشفلو شغلة واتفضى للدرر شويتين جا أخوية شويتين قمت أطبخ السحور شويتين أكلنا شويتين صلينا شويتين أنا والبزرة اتضاربنا عشان يلبسوا بجايمهم ويناموا الله يسامح أمي وأخواتي جونا الاسبوع الماضي وخربولنا نظامنا

إليكم التفاصيل:

بعاً لي كم يوم نومي متلخبط بالذات اليوم عشان خايفة من عمتي رحيق أكدت عالموعد خلتني أششششششششششهق على بالي نسيوا الموضوع

(برب) دقيقة

فتحت اللمبة لأني من الصبح عمالة أكتب في الظلام
ألاً طبعا القدماء في الدرر يعرفوا دي المعلومة إني معلمة من عصر الدينصورات و عندي من البزورة الله يحفظهم دستة <قولوا ماشاء الله لاقوة إلابالله> أي الأعمار ؟ حاضر

كل المقاسات عندي الشباب والمراهقين الأشبال والأطفال وسن المدرسة وقبل المدرسة نواني كمان <<< ماسارت مجمع من الحضانة للجامعة

الشاهد هو (النونو) حسام عمره سنة و10 شهور

اللا يشوفوا يقول يناسوا عليه شكلو وديع وأمور وهو أشر طفل على وجه المعمورة
وقت مستقطع
يامامي .. فجعة جانبية حاولت احمل صورة ولدي من المنتدى ماقدرت . فحملتها من مركز للتحميل خارجي طلعت الصورة قد الغرفة رجعت أحملها من الدرر كتب العبارة التالية :
يمكنك عزيزي نبض العلم أن تقوم برفع الصور والملفات في منتديات الدرر بدون اللجوء لمواقع أخرى
بسم الله اش عرفكم ؟

المهم: أمس الصبح جاتو حالة هستيريا مو طبيعية من اللعب الضحك والصراخ والضرب لي ولأخواتو منتبهت للوقت مع شقاوتو الحلوة خليناها صبّاحي حتى دار وداخ وقام يتقلب جمبي عالسرير كأنو بيأدي حركات بهلوانية شقلبة وزحف لغاية مايدوخ .. نمنا . صحيت الساعة وحدة ونص صليت وقرأت قرآن ودعيت لي ولزجي وبزورتي جيت أرجع أنام فرصة الباشا فطورو في العمل والبنات الكلافيخ أقصد الكبار عند أمي فمكة من قبل رمضان شاردين من نظامي في الإجازة ومافي غير أنا والشغالة والصغار قلت أريح اليوم نفطر من بواقي أمس ويتصل علي الباشا قبل العصر يقول: إيه راييييك لو أجي أفطووووووور؟

طبعا يومو كلو في العمل موداري إني سهرانة قلت والله ؟ قال والله
قلت : الله يحييك
وبفففففففففففف وهي على المطبخ طاخ طيخ طاخ طيخ وجري جري أطبخ ومن التلاجة للحوض للدولاب تحت للدولاب فوق للحوض وهلما جرا

أقلكم

دخت بدي أرح أنام وفي المسا أكمل لأن الصور كمان تعبتني مو راضية تتحمل

وي ويل باك سووون ان شاء الله

[To0ofy]

نبض العلم

صباح الخير

نمتي ولا لسه

الموووهيم

انتو يامعشر المتزوجات ربي يحفظكم

حوستكم حوسه برمضان

الله يعينكم

يعني احنا اللي ما ورانا بزوره

يومنا ضايع كيف انتو وراكم بزوره وسي السيد وفطور وسحور ماشاء الله

الله يعينكم ويعين مامتي

كان نفسي اشوف صور آخر العنقود

ياحبي للبزارين الصغار لما يلعبوا

بس لما يبكوا ويعملوا عمايلهم السودا زي ما تقول أموله دايما أشرار عفاريت صغار

الله يحفظهم لك ويخليك ليهم

ورمضان كريم عليك

[*amula_beauty*]

ههههههههههههههههههههه

وتلوموني لما اقووول ما ابغى افتح بيييييييييييييييييييت

اهه ما قدرت تنام وحساااام يتقلب ع السرير
يسعدك ربي ^_^ .... انبسطت وانا بقرأ

[مريوم }..]

وأنا استمتعت يا أبلتي << خليتي كل المواد ودرستي رياضيات ليش ؟!

كلنا شويتين صلينا شويتين أنا والبزرة اتضاربنا عشان يلبسوا بجايمهم ويناموا

حبايبي والله الأمهات أحبهم يوم أشوفهم دايماً ويا صغارهم وكتاكيتهم ,,
أحس حلوة حياة الأم ويا البيبي ان شاء الله ان شاء الله بعد كم سنة بحط لكم صور بيبيي }..

الله يعينك يا نبض ويعين كل الحريم أربع وعشرين ساعه ريحتكم ريحة مطبخ
الحمدلله مرتاحييين ’’

يلا حطي صووورة البيبي الأمور أبي اشوفه

[نبض العلم]

نبض العلم

صباح الخير

نمتي ولا لسه

الموووهيم

انتو يامعشر المتزوجات ربي يحفظكم

حوستكم حوسه برمضان

الله يعينكم

يعني احنا اللي ما ورانا بزوره

يومنا ضايع كيف انتو وراكم بزوره وسي السيد وفطور وسحور ماشاء الله

الله يعينكم ويعين مامتي

كان نفسي اشوف صور آخر العنقود

ياحبي للبزارين الصغار لما يلعبوا

بس لما يبكوا ويعملوا عمايلهم السودا زي ما تقول أموله دايما أشرار عفاريت صغار

الله يحفظهم لك ويخليك ليهم

ورمضان كريم عليك

أهلين [blink]كرملة[/blink] مساء الورد

أوووووووهوووووو نمت وشبعت نوم من الساعة 11 للساعة 2 <<<< نومة عجايز

بإذن الله انزل الصور بس خليكِ مع الأحداث الرهيبة

تسلمي عالمرور ياأمر
.
.

[بنت اللغة]

وربي حزنت عليكِ

الله يعينك
ويقويك..

بانتظار الصور

[نبض العلم]

ههههههههههههههههههههه

وتلوموني لما اقووول ما ابغى افتح بيييييييييييييييييييت

اهه ما قدرت تنام وحساااام يتقلب ع السرير
يسعدك ربي ^_^ .... انبسطت وانا بقرأ

هيا كدا بس ؟

لسا يختي ياأمولة ماشفتي شي ها كيف الجنة تحت أقدام الأمهات

الأم أجرها على الله <<< قلبناها مسلسل

ياستي كل شي له ضريبة وهم زينة الحياة الدنيا

ويسعدك دايما ً

خليكِ مع الأحداث

[نبض العلم]

وأنا استمتعت يا أبلتي << خليتي كل المواد ودرستي رياضيات ليش ؟!





حبايبي والله الأمهات أحبهم يوم أشوفهم دايماً ويا صغارهم وكتاكيتهم ,,
أحس حلوة حياة الأم ويا البيبي ان شاء الله ان شاء الله بعد كم سنة بحط لكم صور بيبيي }..

الله يعينك يا نبض ويعين كل الحريم أربع وعشرين ساعه ريحتكم ريحة مطبخ
الحمدلله مرتاحييين ’’


يلا حطي صووورة البيبي الأمور أبي اشوفه

مريم ياشعنونة

أكيد الحياة حلوة

بس الا ريحة المطبخ ما أقواكِ

ولا كنت انتبه ان أمي تتبخر بريحة المطبخ وانا صغيرة

كنت أوفها بعد ماتطبخ تتروش وتغير وتتمكيج تجلس معانا عالسفرة

وأنا زيها الموية خلصت وانا بعد كل فطر وسحور أتروش وكلونياتي بتخلص والعيد لسا ما جا

عقبال ماتطبخي وتخلص الموية وعندك ضيوف ياشماتة

خليكِ معايا

.
.

[نبض العلم]

وربي حزنت عليكِ

الله يعينك
ويقويك..

بانتظار الصور

ياهلا والله ببنت اللغة

من جد حزنتك ؟

ترى أبكي خخخخ

نحن السابقون وانتم ىاللاحقون

انتِ هنا فموضوعي وأنا هناك فموضوعك

هههههه حاولت انزل توقيع كل شوية ينقطع النت وأفشل

حتشوفيه عما قريب ان شاء الله

[حبيبة ابوها]

وبفففففففففففف وهي على المطبخ طاخ طيخ طاخ طيخ وجري جري أطبخ

هههههههههههههههههههه اناا اقول بااين من ردودك إنك أم سسسنعه

أهم شي قلت والله ؟ قال والله > كأنك تقولين تكفى غيّر رايك

سواليفك توسسع الصدر اللـه يوسع قبرك ياارب بعد عمر طويل , ويخلي لك عياالك

بس جد ليتك مدرستني رياضيات , أحس طالباتك فالينها معاك

ونومك عوافي

[حبيبة ابوها]

^
ههههههههههههههه واللـه عدلته كم مره عيا يتعدل
فاهم الرد غللط يحسبني كاتبه قصيده خخخ

[نبض العلم]

هلا والله بحبيبة ابوها

اكيد احنا عنان اللهلبة والسناعة

لما حلفت هو على بالو اني فرحانة وانا نتقطططططع من الهم

الله يسعدك

يللا دعوة لك وللبنات عالمسحراتي ابيع لكم طراطيع وصواريخ عاد انت بنت عمنا

يعني بارفع سعر الوحدة للضعف <<< انتي تقدري وأنا أستاهل

عشان نفرتك عم زادي ومركازو قال مسحراتي ولا شفنا منو ولا سحور

[» رَحيْـقّ "]

ههههههههههههههههههههههههههه ياملحك مخروشه <- تراها مدحه :b

خلتني أششششششششششهق

الشهقه مضرّه للصحه ؛
من جد ياشينهم الأطفال يوم يستلعنون بالليل ><"
وفجأه تطب عليهم الطاقات والركض واللعب والصراخ وإذا مرّه خربها الصياح :s
الله يعين الأمهات و يعظم اجرهم ؛

وبانتظار البقيه والصور

[نبض العلم]

بس جد ليتك مدرستني رياضيات , أحس طالباتك فالينها معاك

اوهووووووو بس فالينها

الا اقعد اتسدح واتبطح معاهم من الفلة تنتهي السنة ولسا مانتهى المنهج

تعرفي رياضيات لازم ندلع وندادي ونراضي البنات عشان يحبوها او على الاقل بس يفهموها صح..

تسلمي ياحبيبة ويعافيك ربي

[نبض العلم]

يووووووووووووووووو

عمالة اكمل تسدح وتبطح هنا على بالي باقي اسبوع على ام سلمان طلعت الليلة

يااااااااااارب يشتغل التيربو صح عشان اكمل مواضيعي

الشبكة مقطوعة وعمالة اتصيد شبكة من كم يوم عشان اكتب واكمل في الدرر ولافي وعشان عيونكم جلست عالمكتب جنب الشباك زي النسنس عشان اكمل معاكم واوفي بوعدددي