- الإهدائات >> ابوفهد الي : كل عام وانتم الي الله اقرب وعن النار ابعد شهركم مبارك تقبل الله منا ومنكم الصيام والقيام وصالح الأعمال والله لكم وحشه ومن القلب دعوة صادقة أن يحفظكم ويسعدكم اينما كنتم ابوفهد الي : ابشركم انه سيتم الإبقاء على الدرر مفتوحة ولن تغلق إن شاء الله اتمنى تواجد من يستطيع التواجد وطرح مواضيع ولو للقرأة دون مشاركات مثل خواطر او معلومات عامة او تحقيقات وتقارير إعلامية الجوري الي I miss you all : اتمنى من الله ان يكون جميع في افضل حال وفي إتم صحه وعافية ابوفهد الي الجوري : تم ارسال كلمة السر اليك ابوفهد الي نبض العلم : تم ارسال كلمة السر لك ابوفهد الي : تم ارسال كلمات سر جديدة لكما امل ان اراكم هنا ابوفهد الي الأحبة : *نجـ سهيل ـم*, ألنشمي, ملك العالم, أحمد السعيد, BackShadow, الأصيـــــــــل, الدعم الفني*, الوفيه, القلب الدافىء, الكونكورد, ايفا مون, حياتي ألم, جنان نور .... ربي يسعدكم بالدارين كما اسعدتمني بتواجدكم واملى بالله أن يحضر البقية ابوفهد الي : من يريد التواصل معى شخصيا يرسل رسالة على ايميل الدرر سوف تصلني ابوفهد الي : اهلا بكم من جديد في واحتكم الغالية اتمنى زيارة الجميع للواحة ومن يريد شياء منها يحمله لديه لانها ستغلق بعد عام كما هو في الإعلان اتمنى ان الجميع بخير ملك العالم الي : السلام عليكم اسعد الله جميع اوقاتكم بكل خير ..
إضافه إهداء  

آخـــر الــمــواضــيــع

صفحة 1 من 4 1234 الأخيرةالأخيرة
النتائج 1 إلى 15 من 52

الموضوع: __ (( ماني ملاقي عنوان مناسب !!! إذا لقيت قولي )) __

  1. #1
    الصورة الرمزية zadi
    تاريخ التسجيل : Mar 2002
    رقم العضوية : 30
    الاقامة : جدة
    المشاركات : 4,541
    هواياتى : كله على كله
    My SMS : سديق واحد سكالوب بانيه / كثر شطه : )
    MMS :
    الحالة غير متصل
    معدل تقييم المستوى : 609
    Array

    __ (( ماني ملاقي عنوان مناسب !!! إذا لقيت قولي )) __






    _______________

    سلام يا أخوان ,,,

    الموضوع ببساطة كدا , خفيف ظريف , بس بجد عندي فضول أعرفه ,,, نخش في الموضوع برجلنا اليمين ,,,

    من المعروف إن في كل مجتمع عربي عنده كلمات دلع أو كلمات مجازية ودلالية تعبر عن تسميات لأشياء معينة , يمكن أسماء ذي الأشياء تكون من غير المناسب إن الواحد يقولها في مكان عام أو قدام أحد معين , أو للرغبة في إن يكون الموضوع سر مفهوم بس بين إثنين أو أكثر لكن في نطاق معين !!! ( يادي أم الفلسلفة ياخي هات ماعندك وريحنا : ) طيب صبرك )

    يعني مثلاً , خلينا نمسك على الكلمات الدلالية إللي الناس بتقولها لأطفالهم وتعلمهم هيه ,,, مثلاً يعني , في مجتمع المنطقة الغربية من المملكة وأقصد تحديداً في مكة وجدة والمدينة ,,, فيه كلمات مثل ( أشو ـ ككا ـ ننا ـ ببش ـ بوبو ـ ) هذي معانيها معروفة جداً بين أفراد المجتمع في المدن إللي قلنا عليها ,,,
    طبعاً بعض العوائل لها مصطلحاتها الخاصة وإللي محد يعرفها غيرهم ,,, مثل ( بلبل ) عندنا معناها ( العضو الذكري للطفل ) هههههههههههههه

    طيب و ألحين وضحت الفكرة ,,, هاتو ماعندكم ,,, وياريت الكل يشارك في الموضوع من كل الدول إللي أخواننا الأعضاء منها ,,, يعني عندنا من الخليج بصفة عامة , ومن مصر , ومن المغرب , ومن اليمن , ومن سوريا وبلاد الشام , ومن السودان ,,,

    عطونا ماعندكم , يمكن يوم من الأيام واحد تطق في راسه يعمل من الموضوع رسالة ماجستير , يلاقي الموضوع دا أكبر عون له

    وتحياتي ,,,

    (( معاي حق إني ماني عارف أحط إسم للموضوع أو لأ ؟ هههههههههههه ))


    « سُبْحَانَكَ اللَّهُمَّ وبَحَمْدكَ أشْهدُ أنْ لا إلهَ إلا أنْتَ أَسْتَغْفِرُكَ وأتُوبُ إِلَيْكَ »
    ________________

  2. #2
    الصورة الرمزية *amula_beauty*
    تاريخ التسجيل : Jan 2008
    رقم العضوية : 30460
    الاقامة : المدينه المنوره....
    المشاركات : 3,943
    هواياتى : اجوب بساتين الطفوله ^_^
    My SMS : و يمتـــد الصمْـــت ، كغيمـــة مُثقـــلة تنتظر من يستسقيهــا ..
    MMS :
    الحالة غير متصل
    معدل تقييم المستوى : 704
    Array





    هههههههههههههههههههه

    آآآآآآه يا قلبي


    ايش تبغى انتا ياخال؟


    بالنسبه للقائمه اللي قلت عليها حقت المنطقه الغربيه .. منجد صااااادق .,, انتا عايش معانا ؟


    اما ( بلبل) عجبتني ,,,,

    اهل بابا يطلقوا عليه مسمى آخر ( نبـــيل ) هههههههههههه مدري ليه




    طيب خد عندك .....



    ( مونيكـــا ) يعني ( ملعقة )

    ( مكرونه موسي موسي) يعني ( مكرونه بالبشاميل )

    ( حلاوة فطـــور ) يعني ( حلاوة طحينيه ) << تربية شغالات من مصطلحاتي الى الآن

    ( تن تن ) يعني ( سياره )


    ( طماطم ع النار) يعني ( ايدام طماطم )


    ( حلاوه شعر ) يعني ( غزل البنات )


    ( جنجفها ) يعني ( زبطها ) << تتنطق زي ما اخواننا المصريين ينطقوا كلمة ( خمسه جنيه )

    (تكتكا ) يعني (اسمر بالمررررررره )


    ( عش العصفور ) يعني ( هداكا السعف اللي يتحط بالدلّه حقة القهوه )

    ( ببي ) ما يبغالها شرررررررح

    لو افتكرت شي تاني حرجع اقولك ....

    ربي يسعدك ع الموضوع الخنفشاري دا يا احلى واطيب خال ^^

    التعديل الأخير تم بواسطة *amula_beauty* ; 27-05-2010 الساعة 03:03 PM




    “I Read Because One Life Is Not Enough”



    ][ يارب تخليلي حبيبي وحياتي وتاج راسي ( بابا ) الله لا يحرمني منو ][


    [/align]

  3. #3
    الصورة الرمزية لست بكاتبة
    تاريخ التسجيل : Feb 2009
    رقم العضوية : 52208
    الاقامة : قلـ منتديات واحة الدرر ـب
    المشاركات : 2,826
    هواياتى : .......
    My SMS : ــــــــــــــــــــــــــــ
    MMS :
    الحالة غير متصل
    معدل تقييم المستوى : 813
    Array



    يعني ككا حطيت عندها
    وي أشو لا
    ليه
    هههههههههه
    سبحان الله بكل شيء الوزن له دور
    هههههههه
    كل اللى تم ذكره عندنا
    في كلمة دحين ماهي في باللي
    اذكر انها بنسبة لنا عادي والمعنى عادي بس بنسبة لغيرنا طلع معناها جدا وسخ
    وقامت الولده الله يطول في عمرها بمحيها من القاموس
    بس دا للى عندي دحين
    ويمكن بعد الساعة 9 لليلا اعود
    رايحه الحرم افطر هناك بس مراح ادعي لي احد
    التعديل الأخير تم بواسطة لست بكاتبة ; 27-05-2010 الساعة 03:18 PM






  4. #4
    الصورة الرمزية اختكم الكبيره
    تاريخ التسجيل : Dec 2006
    رقم العضوية : 20541



    هههههههههههههههههههههه

    وربى عليك طلعاااااااات موطبيعيه يازادى

    سجل حضورصامت اخر انبساااااط مع الموضووووووع

  5. #5
    الصورة الرمزية ابو تركي 1976
    تاريخ التسجيل : Aug 2006
    رقم العضوية : 9660
    الاقامة : جدة
    المشاركات : 2,862
    هواياتى : الإنترنت + الهدوء والرومانسة
    My SMS : و إن حكمت جارت علي بحكمها =ولكن ذلك الجور أشهى مـن العـدل
    MMS :
    إم إم إس
    18
    الحالة غير متصل
    معدل تقييم المستوى : 986
    Array

    :002:




    مسطلحات جنوبية حجازية وجنوبية ساحلية يعني بالعربي من الجبل الى البحر
    (الدودو )يخوفون الأطفال هذه ساحلية اما تهامة والحجاز فيقولون (بابح) القطعة من القماش اما تستخدم في المسح او غير تسمى (خرقة , خلقة , هترة ) اعطني ( ناولني , هات , هتيها , جيبها ) الأهبل ( خبل , مخبول , مافي راسه طخة عقل , معبول )
    لنا رجعة إن شاء الله
    التعديل الأخير تم بواسطة ابو تركي 1976 ; 27-05-2010 الساعة 06:17 PM

  6. #6
    الصورة الرمزية ((كــــــــادي))
    تاريخ التسجيل : Mar 2002
    رقم العضوية : 80
    الاقامة : نكهة مميزة
    المشاركات : 5,604
    هواياتى : القراءة ،، اشياء اخرى :)
    My SMS : كلكم احبابي و نظر عيني :)
    MMS :
    إم إم إس
    mms-77
    الحالة غير متصل
    معدل تقييم المستوى : 1213
    Array



    ياااااااااي ،،،


    الموضوع فلللللللللة



    خذ عندك :


    شاشا = شغالة

    لحم مطقطق = لحم مفروم محموس " يعني زي اللي في السمبوسة "

    امبووو = هذا مصطلح للأطفال يعني موية

    دقدق = يعني الحاجة الصغيرة وكمان تجي بمعني " صغار ورا بعضهم "

    يعني مثلاً نشوف تكرونية في الشارع ماشية و وراها كومة بزران صغار .. فنقول " عيالها دقدق "

    لي عودة

    ~*~*~*~

    يسعد ايامك بالخيرات زادي

  7. #7
    الصورة الرمزية سارونه
    تاريخ التسجيل : Nov 2006
    رقم العضوية : 15993
    الاقامة : ديرة العز .. ~
    المشاركات : 1,672
    هواياتى : بس الموج مايساعد ولا الأقدار بتساعد .. ~
    MMS :
    إم إم إس
    11
    الحالة غير متصل
    معدل تقييم المستوى : 525
    Array







    تعرفون الحبحبوة ؟؟ والدقة ؟؟



    على سيرة الموضوع بس
    نبعدكم عن الككا شوي


    زادي يرحم امك لاعاد تفكر
    قسم بالله ليطلبونك ايران تخطط لها
    وحنا نبيك مانغامر بك هع << ترقع لك
    [align=center]
    [/align]

  8. #8
    الصورة الرمزية أرسطوالعرب
    تاريخ التسجيل : Mar 2002
    رقم العضوية : 6



    سلام

    معليش داخل عرض


    أمولة

    مو لأنه ما في أحد من المدينة تقومي تفكي عليهم بلوف

    خافي ربك يا شيخة

    يعني لا هي من ثقافة السحمان ولا الشهدا ولا الحرة ولا أي شي اللي قلتي عليها

    أصلاً مافي أي صلة

    وبعدين إيش دخل نبيل في الموضوع !!

    ...................

    وعشان ما تقول إني داخل أتلكك خذ عندك

    أمنا الغولة
    هوال الليل
    ملاحظة :- لاتغضب مني.......فأنا أكتب لنفسي...أُصلح بها ما أفسدتني به !



    ثامر بن عابد.....الحُر / الأبي

  9. #9
    الصورة الرمزية zadi
    تاريخ التسجيل : Mar 2002
    رقم العضوية : 30
    الاقامة : جدة
    المشاركات : 4,541
    هواياتى : كله على كله
    My SMS : سديق واحد سكالوب بانيه / كثر شطه : )
    MMS :
    الحالة غير متصل
    معدل تقييم المستوى : 609
    Array



    بسم الله ماشاء الله , تعجبكم المواضيع النص كم ذلحين لو كان الموضوع بخصوص الوضع السياسي وموقف الدول الكبرى من قنبلة إيران كان أعطيتوني أشكل بقووووووووووووووة هههههههههههههههههه

    ماعلينا ,,,

    أول حاجة , خبر طاااااااااااااازة , ونا قاعد أكتب هنا سمعته في العربية , تم تعيين عثمان الغامدي قائد للقاعدة في الجزيرة ,,, يعني خدو بالكم وأعرفو إنتو بتتكلمو مع مين إحم , من اليوم ورايح خليني أشوف أحد يشاكسني ماله عندي غير مكالمة وحدة على ولد العم وهو جاهز ها , أحد عنده هرجة ؟

    _____________

    أهلين سنيورة أمولة ,,,

    بلبل هو دلع نبيل ههههههههههههههههه تصوري ,,, واحد يدلع نبيل ويقولو يابلبل هههههههههههههههههه
    والله داك اليوم كنت أنا وأم فجر الصغير ولدي عند الدكتور , وهو دكتور هندي , دحين فجر خايف من الدكتور ويبغا يشرد منو ,,, يقول لأمه ( البلبل أحا ) يعني , ولا خلاص هيه واضحة ,,, المهم , الدكتور أستغرب يقوللي إيش بلبل ؟ إيش كلام ؟ هههههههههههههههه
    قسم بالله , هيا كيف أفهمه إيش معنى بلبل ؟؟؟؟؟ سويت نفسي ماسمعت وصرت أهدي على الولد عشان يكشف عليه

    السيارة عندنا إسمها الأن , مافي غير يطفشني الصغير بابا أبا أروح معاك في الأن

    الحلاوة إسمها واوا

    البطاطس إسمها تاتس

    الجمبري إسمه جمبور


    هاااااااااااااااااااا أفتكرتلكم حاجة تموت ضحك ,,,

    عندي الولد الصغير دا بصراحة لولوة عقلي ,,, المهم , من صغره وهو يحب السبايدر مان ,,, ونا جايبلو كل أشكال السبايدر مان , ومسميه ( صديق ) بفتح الصاد وتسكين الدال ,,, طبعاً إسم صديق إسم مكاوي قديم , وينطبق على بعض الشخصيات إللي كنت أعرفهم أيام كنت في مكة ,,, فصار كل ما أروح معاه محل ألعاب : بابا أشتريلي صديق ,,, ولما يلعب مع عيال خالته وبقية شلته يجبلهم البلا بصديق ,,, حتى يوم رحت أشتريله ملابس وكان في المحل سراويل صغيرة عليها بات مان وسوبر مان , الواد راصه وألف سيف يبغى سروال صديق هههههههههههههههه هيا خيطها ؟؟؟

    تسلمي يا أمول ,,, مشكورة على المشاركة , وعليكي بـ ( صديق ) المنتدى , أرسطو , تراه ضارب حرش معاك , هههههههههههه

  10. #10
    الصورة الرمزية zadi
    تاريخ التسجيل : Mar 2002
    رقم العضوية : 30
    الاقامة : جدة
    المشاركات : 4,541
    هواياتى : كله على كله
    My SMS : سديق واحد سكالوب بانيه / كثر شطه : )
    MMS :
    الحالة غير متصل
    معدل تقييم المستوى : 609
    Array



    _________________

    أهلين بلستو داعية ,,, يعني منتي بداعية لنا في الحرم ,,,

    طب ما هو إنتي ماشاء الله عليك فهمتيها على طول ( الأشو والككا ) ههههههههههههه

    أنا قلت راح ألاقي صعوبة كيف أوصل المعلومة و أتاري البشر ( مسقفين ) جداً من دي الناحية ههههههههههههه

    على فكرة , حسب ما أعتقد إنك من المدينة , وأهلالمدينة عندهم مصطلحات بالنسبة للأطفال حلوة وتخصهم وحدهم ,,, ممكن تزودينا بها لاهنت !!!

    صومن مقبولن وإفطارن شهين ورحمة الله وبركاته

  11. #11
    الصورة الرمزية zadi
    تاريخ التسجيل : Mar 2002
    رقم العضوية : 30
    الاقامة : جدة
    المشاركات : 4,541
    هواياتى : كله على كله
    My SMS : سديق واحد سكالوب بانيه / كثر شطه : )
    MMS :
    الحالة غير متصل
    معدل تقييم المستوى : 609
    Array



    ________________


    أهلين بست الكل , العودة ,,,

    ياستي مرحبمبك ألف عدد حبات المطر وعدد أوراق الشجر وعدد النجوم ( واحد متأثر بأغنية وردة الجزائرية ) هههههههههههههه

    حضور صامت مرا مايمشي معانا ,,, إحنا هنا نتعلم شوية ونفرفش شوية ونزعل شوية وندق راصنا في الجدار شوية ( لمن أحد يجي يقفل الموضوع ويقول بالغلط ) وبعدين يجي عمنا أبو فهد ويصلح المسايل ,,,

    يالله في إنتظار مشاركتك , أعتقد إن عندك شي كتيييييييييييييير منو ,,, لاتبخلي علينا ,,,

    مشكورة يالطيبة ,,,

  12. #12
    الصورة الرمزية zadi
    تاريخ التسجيل : Mar 2002
    رقم العضوية : 30
    الاقامة : جدة
    المشاركات : 4,541
    هواياتى : كله على كله
    My SMS : سديق واحد سكالوب بانيه / كثر شطه : )
    MMS :
    الحالة غير متصل
    معدل تقييم المستوى : 609
    Array



    __________________

    حيالله أبو تركي ,,,

    الدودو حتى عندنا في كل الحجاز تقريباً مصطلح تخويف للأطفال مثلاً جاك الدودو أو إذا بتكره الطفل في شي تقولو فيها دودو ,,,

    يعطيك العافية ياكبتن ,,, في إنتظار مشاركة أخرى جميلة ,,,

    تحياتي ,,,

  13. #13
    الصورة الرمزية zadi
    تاريخ التسجيل : Mar 2002
    رقم العضوية : 30
    الاقامة : جدة
    المشاركات : 4,541
    هواياتى : كله على كله
    My SMS : سديق واحد سكالوب بانيه / كثر شطه : )
    MMS :
    الحالة غير متصل
    معدل تقييم المستوى : 609
    Array



    _______________


    أهلاً بالحكومة ومجلس الأمن والوحدة الدررية كلها حيالله أم سلطان ,,,

    طبعاً بما إنك أم , فا أكيد إن لك مصطلحات بينك وبين سلطان وأخوانه الله يحفظهم لك , صح ؟

    يعني , هل للقارورة ( الرضاعة ) عندكم إسم أو مصطلح لها ؟

    أنا أتذكر إن أمي كانت تقولي إني أنا كنت مسميها ألـ ( واا ) : )

    الشغالة عندنا نسميها سيستر ( ناس كلالالالالالالالالاس ههههههههههههههه )

    الأكل بصفة عامة : الننة , طبعاً للأطفال ,,,

    البوبو : اللحمة , تلاقي الولد يقول لأمه قدام الناس ماما أبا بوبو , بس محد فاهم ويش معنى البوبو هههههههههه

    أمبوووو : موية , زي عندكم : )

    النوم : ناني

    وأيامك كلها خير وبركة يا أم سلطان , في إنتظار عودتك ,,,

    موفقة يارب ,,,

  14. #14
    الصورة الرمزية zadi
    تاريخ التسجيل : Mar 2002
    رقم العضوية : 30
    الاقامة : جدة
    المشاركات : 4,541
    هواياتى : كله على كله
    My SMS : سديق واحد سكالوب بانيه / كثر شطه : )
    MMS :
    الحالة غير متصل
    معدل تقييم المستوى : 609
    Array



    __________________


    حيالله سارونة ,,, شكلك ونت صغيرة كنتي مسنترة عند الحجة هههههههههههههه

    حبحبوه ودقة ,,, شي ,,,

    الله على دقة الحجة وبالذات لمن تكون مكترة فيها ملح الليمون وتكون حامضة شوي , هههههههههههه

    تصدقي لحد الآن وين ما ألاقي حجة عندها حبحبوة أو حلاوة باكورة أو كربو لازم أشتري , وأقعد أتمزج عليهم ,,, بس سبحان الله في ديك الأيام كان لها طعم , واليوم لها طعم ثاني ,,, الأول أحسن وأجود ,,,

    مرة , قريب لقيت حجة عند سوق محمود سعيد عندها بسطة كنها دكان , ماخلت شي ,,, ونا قاعد أشتري منها إلا والحجة عندها جوال , دق الجوال عليها فردت وقعدت أنفردت بالكلام التكروني حقهم ونا قاعد أسمع وأحاول أفهم , مافهمت غير ( سنو الآفية ) يعني زي السلا أو كيف الحال ,,, والباقي بربرة ,,, قعدت أفتكرت حجة في حارتنا زمان إسمها حجة آمنة , الله يرحمها حية أو ميتة , والله ياناس عليها ديك الحجة , مرا كانت حبوبة معانا وتسلفنا وتعطينا ( كرامة ) ههههههههههه الكرامة هي الزيادة يعني الوصايا في اللوز أو الفصفص ,,, يرحم ذيك الأيام ,,,

    مشكورة ياسارونة على المداخلة الحلوة ,,, تانكيو

  15. #15
    الصورة الرمزية zadi
    تاريخ التسجيل : Mar 2002
    رقم العضوية : 30
    الاقامة : جدة
    المشاركات : 4,541
    هواياتى : كله على كله
    My SMS : سديق واحد سكالوب بانيه / كثر شطه : )
    MMS :
    الحالة غير متصل
    معدل تقييم المستوى : 609
    Array



    __________________


    مين , أرسطو باشا , ياهلا والله , أزهرت وأنورت وعلى بيتنا أنوار ,,, حيالله أبو عابد ,,,

    ههههههههههههههه

    إنت لساعك فاكر أمنا الغولة ,,, البزر دحين تقولو جااااااااااااااتك أمنا الغولة , يقولك قولها بعدين دحين موفاضي هههههههههههههههههه

    ولا , هول الليل ,,, ذا إللي كانوا يجيبولنا عنو حكايات ,,,, إلين الواحد صار هاجس عنده حتى لمن كبر هههههههههه

    روح اليوم قول لعابد جااااك هول الليل , أتوقع يقولك قوم يافككككككككككك ( يعني قوم ياكذااااااااااااااب ) هههههههههههههههههه أي هول الليل في ذي الأيام ؟؟؟ الليل صاير نهار والنهار صاير نهار برضو ,,,,

    يعطيك العافية ياعم ,,,

    بس شكلك مستعجل , ليه ؟

صفحة 1 من 4 1234 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. [قصيدة انقلها لكم] لا تنثرين الدمع قولي لي وش فيك
    بواسطة الكونكورد في المنتدى دُرة الأدب العربي والإبداع المنقول
    مشاركات: 3
    آخر مشاركة: 26-03-2010, 01:33 AM
  2. للفن عنوان وللفراولة ألوان
    بواسطة وردة وردية في المنتدى مطبخ حواء الدرر
    مشاركات: 4
    آخر مشاركة: 11-02-2010, 10:24 AM
  3. بلا عنوان!!!
    بواسطة طيف في المنتدى اســتراحـة الــدرر
    مشاركات: 3
    آخر مشاركة: 07-12-2008, 01:51 AM
  4. ........................ ماني كاتب عنوان
    بواسطة ناصر الأحمد في المنتدى اســتراحـة الــدرر
    مشاركات: 8
    آخر مشاركة: 06-09-2004, 04:24 PM
  5. رسالة ما لقيت لها عنوان
    بواسطة ومضه في المنتدى دُرة الأدب العربي والإبداع المنقول
    مشاركات: 11
    آخر مشاركة: 07-07-2002, 04:05 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
جميع الحقوق محفوظة لمؤسسة واحة الدرر 1432هـ - 2011م
كل ما يكتب في هذا المنتدى يمثل وجهة نظر كاتبها الشخصية فقط