[c]بسم الله الرحمن الرحيم
(*مايلفظ من قول إلا لديه رقيب عتيد*)
[/c]السلام عليكم ورحمة الله وبركاته....
طبعاً أخوكم في الله يطلبكم الدعاء ....عريس
وباقي 42 يوم بس على يوم الزواج....
صارت بعض الأمور.....ما أدري أحد مر فيها قبلي من العرسان ولا لأ...
:star: مواعيدي صايرة وسييييييييييييييييييعة
أواعد الخلق وأطنش.... والعالم تسامحني بحجة إني (عريس خوي إبليس)
فعجبتني السالفة وصرت أتصل وأواعد بنية التطنيش
:star: طغت علي صفة غريبة....ألا وهي ( ما تفرق كثير !!)
أحضر يوم وأسبوع ما أحضر بدفتر التحضير....!!
آخر واحد يجي المدرسة وأول واحد يطلع...
ومن ليلة العيد للحين ما حددت دقنيكل يوم أقول بعدين
:star: صاير أختصر الكلام بشكل غير طبيعي...
صرت أتحاشى الإحتكاكات الكلامية على غير عادة لي !!!::*
والمستفيد الوحيد طبعاً من هذا كله طلابي....صرت أنهي الدرس في خمس دقايق فقط!!!
ونسبة إستيعاب الطلاب كبيرة !!
وأي شخص يحاول يستفزني أقوله (طاااااااااااااايه) وبس !
:star: شهرين أدور على شقة......!!!
في أحد يدور على شقة خلال شهرين!!!
وياليتني أنا اللي لقيتها...لا والله أنكل هو اللي لقاها لي الله يعطيه العافية وهو اللي مترها لي ومثل مايقولون هو المهوم بالزواج وأنا علي أستلم الهم من ليلة الدخلة
شد حيلك يا أنكل....ترى باقي الفرش والأثاث ولسه يبقالك تفصلي ثياب
:star:أحد الزملاء بالمدرسة عرف عن زواجي وجاني ينصحني....( ما عرفني زين المسكين)....
(إنتبه لاتكلمها كثير الحين ، لاتعطيها وجه هالفترة ذي عشان ما تكثر طلباتها)
(لاتفكر كثير بالزواج عشان ما تتوتر ) <=== وأناأخر مرة توترت فيها أيام الثانوية العامة
(لاتستعجل ليلة الدخلة وأول ما تدخلون بيتكم إعمل.....و....و.....:rolleyes:)
والمدير...ياحليله مديرنا.... يقولي (عسل السدر ممتاز يا ثامر) !!
وأنا في بالي سؤال واحد بس.....
هو أنا بأتزوج ولا بأدخل حرب؟؟؟!!
:star: للحين ماني متأقلم مع الوضع الجديد....
يعني خلاص ما راح تضيع لي ملابس في المغسلة ....ولا أجلس ربع ساعة أنتظر الدجاج على الفحم لين يستوي بالمطاعم ....
وفي الطرف المقابل......(ثامر إيش عملت اليوم)...(فين رحت) ....( من كان معاك) (أنكل ليش يحبك كذا؟:rolleyes:) (يعني مرسال أحسن مني)
:star: اليوم اكتشفت إكتشاف كبير.......إني منفصم الشخصية يعني من ذوات الفلقتين
فلقة طيبة وبريئة جداً....وفلقة مشكلجية تتنفس المشاكل وتستمتع فيها كثير
(يالله هذي النقطة عشان ما تقولون عني أبالغ :p)
:star: عندي عادة أطبقها في كل حصة.....أول خمس دقائق قراءة آية أو حديث وإستنباط الفوائد....بعدين نص ساعة شرح الدرس...بعدين عشر دقايق دردشة عامة ونصائح للطلاب...
وقبل كم يوم كنت أنصحهم عن أهمية الصراحة وإنك تصارح الشخص بعيوبه أو حسناته ....فأحد الطلاب قالي (أستاذ إنت وسيم ماشاء الله ) قلت له (كثر منها....)
وثاني قلت له (ليش حركة يديك فيها دلع يا ابني ) قالي ( إيش تتوقع من واحد متربي مع سبع بنات)....
فتأكدت وقتها إنهم فهموا النصيحة زيادة عن اللزوم
:star: في حياتي عرفت ناس كثيرين....وقفت مع كثير من العرسان فيهم...
والحين يوم عرفوا إني بأعرس ما صاروا يتصلوا ولا يسألوا....إذا عرفت أحد فيهم ياليت تقوله (ثامر ما يبي الفلوس اللي دينك....عنده اللي يزيد الحمدلله بس يبيك تسأل عنه)
:star: تصيبني حالة غريبة جداً....تكررت معاي كثير...
أكلم واحد بالجوال....وبمجرد ما ألقى شي يلفت إنتباهي أقفل غطا الجوال بدون أي تردد بوجه الرجال.....حركة ما أقصدها أبداً...لكنها تكررت كثير ولا أشعر فيها نهائياً.....لين يعاتبني اللي قفلت الجوال بوجهه ...وقتها أتذكر اللي صار !!!
عملتها في مرسال وفي خطيبتي وأخر مرة أمس مع أبوي
:star: أمي الله يحفظها دايم تقولي (الزواج يعقلك يا مجنون)
مع إن اللي شايفه إني الحين صاير مجنون !!!
يمكن المجنون إذا أنجن....عقل؟
أخيراً.....أبي أعلمكم شلون تسوون قهوة على شبة النار <==الشي الوحيد اللي أعرفله
1- تترك الحطب لين يجمر حتى يصبح بدون لهب
2- تضع كافتيرا من الماء سعة واحد ليتر حتى يغلي الماء
3- (تصب) الماء المغلي في دلة وتضع بها الهيل مقدار خُمس سعة الدلة ثم تضعها على (طرف) الجمر
4- تُحضر دلة ثانية و (تعبي) نصفها بالماء المغلي وتضع بن بمقدار نصف كمية الماء بالدلة
5- ما أن تغلي دلة البن (تشيلها) و(تصبها) بدلة الهيل حتى تمتلي الدلة الهيل تماماً
6- ثم تذهب في جولة للبحث عن غصن بحجم صغير قاسي...
7- تضع الغصن في فم الدلة حتى لا ينزل (الحثل) بالفنجان
8- غسل فنجانك زين من الغبار ثم إشرب ولاتهز فنجانك حتى تنتهي الدلة..... عشان أحس إن وصفتي أعجبتك^-^
:star: حقاً لا أعلم....هل سيتوقف أرسطوالعرب عن الكتابة والرحيل...أم هي مسألة إنقطاع وقتي.......ما زلت لا أعلم
على أي حال....كل ما أتمناه أن تذكروني بكل خير....
والذي نفسي بيده إني بكامل رضاي عن قلمي الذي إختتم مشواره بينكم هنا......وإني أرى فيكم الأخ والصديق والزميل....الذي لم أجده في حياتي...
فلكم دانت أعناق التحايا...ولكم أقطف نجوم الوفاء إن أردتم...
[c]---------
وصباحكم فُل({)
----------[/c]
ثـامـر الـحـربـي
