تاريخ التسجيل :
Jan 2008
رقم العضوية : 30460
الاقامة : المدينه المنوره....
المشاركات : 3,943
هواياتى : اجوب بساتين الطفوله ^_^
My SMS :
MMS :
الحالة
غير متصل
معدل تقييم المستوى : 704
Array
مسا الورد والمحبه والود والرضا << كمان كيد عزاااااااااالك
كيفك ياخال ؟؟
زمان عنك والله ...
نشوفك بس كدا جسد بلا روح
يلا كويس انك رحت اليوم تجدد البطاقه ( تلاقيه ماجددها الا لما البنك ارسلو رسالة طلب تجديد)
عمومآ
كلمة ( مالي شغل ) دايمآ نقولها
وانا كمان بقولها دايمآ
ليه طيب ؟؟؟
لأن الدنيا صارت وسخه
والواحد لما يحسن نيتو صاروا ( يستغبوه ويستهتروا فيه )
ومو بس كدا
ياريت تجي على كدا وبس
كماااااااااااااااان يتبلوووه ويبلوووه بمصيبه هوا بغنى عنها
*^^**^*^*^
تخيل مره من المراريت
كنت جالسه في الجامعه
جاتني بنت ما اعرفها ولا عمري شفتها
قالتلي ممكن جوالك ؟؟ جوالي فصل واهلي برا بكلمهم عشان يجوا يآخدوني
طبعآ طبعي انا ( طيبه وحنونه وانحط ع الجرح يبرا ) << يختي عليا
اعطيتها جوالي بحسن نيه
وعادي اتصلت على اهلها
لكن لما رجعت البيت حكيت لخطيبي اللي صار << اول بأول
وقام عليااااا وصار يصرخ ,, وانتي اش دخلك .. يا ملقوووفه ,, خليها اش لك فيها
يمكن دي البنت بس تبغى رقمك
يمكن تروح توزعه
يمكن ويمكن ويمكن
قلتلو صراحه مع نفسها ,,, انا بتعامل بنيتي (اللي حتوديني ورا الشمس) لكن ما خفت الا من شي واحد
لا تكون البنت مريضه واتشعبط الفايروس بجوالي
رحت وحطيت جوالي يومين بدون استعمال << وسووووس يا موسوس
*^*^^**^^**^*^*
الدنيا ما فيها خير يا خال << ياريتك تتعلمي
والواحد يمشي جنب الحيطه احسنلو
لايدخل بسين وجيم
ماعمرك سمعت بمصايب راحوا فيها الشباب بسبب النخوه والشهامه
خلاااااص ماعاد فيه نخوه ولا شهامه
كل واحد يخلي نخوتوو بجيبووو
ولا يطلعها الا لأهلووو
ناقصين بلاوي !!!!!!!؟؟؟؟
*^*^*^^**^*^*^**
خد دي القصه
في رمضان كان اخويا يشتري سوبيا وفول وتميس كالعاده يا سعاده
المهم طلع سيارتو ,, ويجولوا حرمتين
طلعوا السياره كدا فجأه بدون احم ولا دستور
وقالهم اخويا : خير؟
قالولو : ودينا اي مكان يا ولدي الله يخليك
قال فين يعني ؟؟؟
قالوا عادي لو آخر الشارع
وشويا الا ما تشووووف الا الكبسه
والشرطه بكل مكااااااااااااااااااااااااان
وجوا للسياره وطلعوا الحرمتين غصبن عنهم
اتاريهم مسويين جريمه شكلهها قتل ,, وهاربين
واتفضح اخويا قدام الناس ,,, وهما يطلعوا الحريم من سيارتو
بس حصل خير ,, لأن الكل ومن ضمنهم الشرطه اللي مراقبين المكان
شافوا انو اخويا بس كان بيشتري فوول
شايف كيف؟؟؟؟
كان حيرووح بداهيه ويصير شريك بالجريمه
وووووووبس
شكرآ ع الموضوع الحلو يا خال
ربي يسعدك
ومالي شغل لو كلامي كتيييييييييييييير
“I Read Because One Life Is Not Enough”
][ يارب تخليلي حبيبي وحياتي وتاج راسي ( بابا ) الله لا يحرمني منو ][
[/align]