حد فاضي... سوالف قديمه..وذكريات

[الأخيــــــــر]

أتذكر وانا صغير
كان عند جيراننا ببغاء ال حد هنا عادي
بس لو اقولكم غير الببغاء عندهم
دجاج وارانب وغنم وبعاريين وبقر وعنز وديوك ودجاج حبشي وحجل وسمان وضبان وحمام وقطاوه و و الخ
ماادري اذا نسيت شي
بيتهم غريب جدا
علي كثر الدواجن والغير دواجن يمكن عيالهم يتهيأ لي انهم اكثر
عيله غريبه
اذكر يوم ولدهم عمره سبع سنين يجري ورا عنزه ويمسكها من رجولها وينسدح تحتها ويرضع منها
كنت كل يوم اطلع من البيت اشوف شي غريب منهم وارجع البيت واقعد طول الليل احكي لأمي الين تنام عن اللي شفته ((حكايه قبل النوم وهي اللي تنام الله لايحرمني منها))
طبعا ايامها لساني يالله يركب كلمتين صح
مره دخلت بيتهم بزياره مع امي
ويستقبلوني ويامرحبا وياهلا
كانت العيله وبشكة حريم الحاره مجتمعين في الحوش تحت شجرة عنب ويسولفون وياكلوا فصفص ويشربون شي يشبه الحليب
بس عليه رغوه
وحضرتي مااعرف الاشياء هذي
حدي لبن الريف "الان الصافي"
الحاصل
قالت لي بنتهم الكبيره
تعال عبدبد شف العصفور اللي يتكلم
ورتني الببغاء
وتقوله "ابو علي ابو علي"
يرد عليها "اهلا وسهلا"
انا سمعت الببغاء يتكلم
واجري والا ماتجري
وأشوف قدامي حرمه
علي بالي امي
وانط اتعلق علي اكتافها
"امي العصفور يتكلم ياامي"
مفجوع وحالتي حاله
وش ذا العصفور اللي يتكلم
بعدها قالت لي البنت هذا اسمه ببغان
انا علي لساني مسكت معي بغبغ
وتاخذني البنت توريني حديقة الحيوانات اللي عندهم
وأشوف بقره تلعب بذيلها

واتسمر مكاني
كل شوي اطالع تحت البقره
شي غريب
شوي الا البنت تصرخ علي "اشـــــــــرد"
انا وخرت عن البقره و اطالع وش بلاها البقره
الا الديك الحبشي من وراي
ويمسك بسروالي
وانا وقتها ماادري ايش هذا اللي ماسكني بسروالي
بس من الفجعه
اصرخ واجري
ولو ان الباب مفتوح والبنت واقفه علي الباب وتصارخ علي" تعال بسرعه بسرعه اشرد"
انا الا اخرج من الشبك
ويتعلق سروالي
باقي اتذكره لونه احمر وفالينه بيضاء علي ظهرها مرسوم واحد واقف علي قارب ويجدف
المهم
شبك سروالي
واستلمني الديك الحبشي
مدري يعض مدري ينقب
بس هبل فيني
عمري ايامها ثلاث الي اربع سنين
طلعت منها بالسلامه
وصلت البيت
وانا ابكي وحالتي حاله وشوي اتشنج وشوي اسكت
وقعدت تقريبا ستة اشهر تجيني كوابيس
كله من البغبغ والديك الخبــل

وفي جعبتي الكثير...انتظروا.. مع مشاركاتكم

[المستشار]

ياصباح الخير

اخوي الأخير .. تسلم والله على هالجو الرائع اللي عيشتنا فيه ..


يعطيك ألف عافية .. بس عاد لا تنسى اللي في جعبتك ..


راح ننتظرك اكيد

[زهرة البساتين]

هههههه


الله يسعدك يا شيخ


ايش القصص هادي


فعلا افلام كرتون





رهيبه تسلم الاخير

[* الـمـنـتـظـر *]

صباح الخير الأخيــــــــــــر ..

تصدق أروع شئ لمن تصحا وأنت طفشااان ومالك خلق في شئ وتقرأ

قصة زي كذا ..

أنت عارف أنا من الصبح وانا على المنتدى وما لي نفس ارد على أرد ..

بس والله القصة ضحكتني .. رغم أن الأرانب كثيرة عندكم ;)

بس روعه ..

المهم يا غالي في أسر كثيرة كذا ... يا كثر البزوره عندهم .. ومسوين

في البيت حقهم مزارع وحديقة حيوانات ولا تنسى كمان المرجيحه ..

اشياء كثيرة تصير .. بس أكيــد بيوت زي كذا ما تصير إلا في الريـف طبعا

المهم يا طيب .. أستمتعنا بقصتك .. وواصل مسلسل الروائع ذي ..

ترانا فاضين على الآخر ...

وعلى فكره تراني جايب القرد هذا اللي في التوقيــع من عندهم من

هناك من الحديقه .. وكان يشكي منك .. ويقول ما عدم صحته إلا أنت .

ومزحك الثقيل .. كان يقول أنك تسحبه برجوله في الحوش .. كلام كثير

قال لي عنك ما في داعي الحين ..

تحياتي لك وأشوفك على خير ..

[BackShadow]

صباح الخيييييير على الناس الرايقة


والله انك صادق .... الطفولة ممتعة ومواقفها الشينة كثير


بس خلني امخمخ واطلعلك كم موقف من اللي يحبها قلبك


على فكرة ...

ما قلتلي ... بصراحة يعني

انت رجعت البيت بسروال والا بدون ؟؟؟!!!


مع تحياتي

[My-Spirit]

كتكوت ..

انت مخبي الحاجات دي فين يلا

شلون ما كنت ادري انا عن حديقة الحيوانات هذي

اما فعلا نكته سالفة الــحبشى اللي وراك

[الأخيــــــــر]

مااظن عاد فيه غير يااختي سبرايت

مافيه مثل منتدانا الاول