- الإهدائات >> ابوفهد الي : كل عام وانتم الي الله اقرب وعن النار ابعد شهركم مبارك تقبل الله منا ومنكم الصيام والقيام وصالح الأعمال والله لكم وحشه ومن القلب دعوة صادقة أن يحفظكم ويسعدكم اينما كنتم ابوفهد الي : ابشركم انه سيتم الإبقاء على الدرر مفتوحة ولن تغلق إن شاء الله اتمنى تواجد من يستطيع التواجد وطرح مواضيع ولو للقرأة دون مشاركات مثل خواطر او معلومات عامة او تحقيقات وتقارير إعلامية الجوري الي I miss you all : اتمنى من الله ان يكون جميع في افضل حال وفي إتم صحه وعافية ابوفهد الي الجوري : تم ارسال كلمة السر اليك ابوفهد الي نبض العلم : تم ارسال كلمة السر لك ابوفهد الي : تم ارسال كلمات سر جديدة لكما امل ان اراكم هنا ابوفهد الي الأحبة : *نجـ سهيل ـم*, ألنشمي, ملك العالم, أحمد السعيد, BackShadow, الأصيـــــــــل, الدعم الفني*, الوفيه, القلب الدافىء, الكونكورد, ايفا مون, حياتي ألم, جنان نور .... ربي يسعدكم بالدارين كما اسعدتمني بتواجدكم واملى بالله أن يحضر البقية ابوفهد الي : من يريد التواصل معى شخصيا يرسل رسالة على ايميل الدرر سوف تصلني ابوفهد الي : اهلا بكم من جديد في واحتكم الغالية اتمنى زيارة الجميع للواحة ومن يريد شياء منها يحمله لديه لانها ستغلق بعد عام كما هو في الإعلان اتمنى ان الجميع بخير ملك العالم الي : السلام عليكم اسعد الله جميع اوقاتكم بكل خير ..
إضافه إهداء  

آخـــر الــمــواضــيــع

النتائج 1 إلى 8 من 8

الموضوع: قصه صديق هههههههههههه

  1. #1
    الصورة الرمزية العراب
    تاريخ التسجيل : Sep 2006
    رقم العضوية : 13340
    الاقامة : العراق الجريح
    المشاركات : 286
    هواياتى : الرياضه
    MMS :
    الحالة غير متصل
    معدل تقييم المستوى : 19
    Array

    قصه صديق هههههههههههه




    كان يامكان في قديم الزمان چان فد يوم واحد اسمة زكي ابن ام زكي شنو هذا چان خطيه داگة الفگر والضيم يعني الله مطيح حضة المهم لا اگللگم ولا تگلولي راح احجيلكم القصة مالتة لان قصتة منفلقة حيل .... وهاكم هاي هية القصة الاماية: زكي روح جيبلي دوة لان اليوم حيل دايخة لان السكر عندي هابط زكي : ماما شي عادي السكر يهبط من اكل الفلافل الامايه: ابني غير من الفگر والفلاس يعني قابل شآكل زكي : ماما هاي شبيچ قلة اكل اشو كل الاكل هالايام مال فگر الاماية: هسة دنچب انچب وروح جيب الدوة هاك هاي 1500 وروح يالله زكي : أي مامة طلع زكي بالشارع هوة والفلوس ودايخ بالعيشة وبالاكل مشه بالشارع چا ن فجأتاً شاف مرية عجوز گامز رب ربهة دتريد تعبر الشارع چان يلاحظ بكل حزم انه سيارة طايرة تريد تدعمهة صعدت عندة الحمية وصار حيل نشمي چان يچيت هيچ شطح على التبليط وجرهة خطية وتگردح و طلع منة دم المهم جرهة ونفض هدومهة لان خطية انچبحت من اثر الدفعة والسحبة چان تباوع علية العجوز وكلتلة انتة بما انه شفتك خوش ولد ونشمي راح اساعدك چان يگللهة شلون گلتلة راح ابيعلك شي يسوة ملايين چان يگللهة ملايين لو غزلان هع هع هع هع چان تگلة اثول اثگل شوية هية مال لعب جهال مال تحشيش چان يگللهة العفو خالة بس مو انتي ما اعرف شلونچ چان تگلة ليش عيني شفتني امشي على ايدي لو شنو المهم ما اطول السالفة ..... عليكم.... گلتلة انتة اشگيد شايل چان يگللهة 1500 گلتلة انطينياها واني انطيك الي عندي چان يگلهة هذا الشي الي يسوة ملايين چان تگلة أي.. گلها: والله گلتله: أي والله چان يگول باوع هاي الفيطي شلون دتمرغل بروحهة چان تكفخة وتگلة احترم اثول اني اكبر منك گللهة العفو وسكت فكر جابهة منا وداهة مناك صفن چان يگللها اوكي انطاها الفلوس چان تنطي الچيس وگلتله لتفتحة الة من تريد تزرع الشغلة الي بي وعافهة ورجع للبيت دخل على امة فرحان چان امة كلة هاااا يمة شبيك فرحان جان يگللها ماما اشتريت شي يسوة ملايين چان تگلة راويني چان يطلعلها الچيس فتحتة چان تلگة بي حبات ال فاصولية صفنت الاماية شوية چان تگوم اتصيح ابن القندرة اني مكيفة عندي زمال اعتمد عليّ رايح جايبلي سبع حبات فاصولية ب1500 انت شنو حمار چان يكللها اوكفي بالله خلي نزرعهة يالله تحجين چان يطلع للحديقة واخذ الكرك وحفر چان يحط الحبات وسگاها وفات للبيت نام و شنو كل مشوفة امة تگلة هااااا زوج هاااا قشمر ومن هالحچي المهم گعد الصبح چان يلگي امة امددة بالغرفة راح يگعد بيهة ولچ يوم شبيچ يمعودة لتموتين ومن هالحچي صحت الاماية بس شنو تهذي وتخربط هيچ تگول طويلة وعريضة وما اعرف شنو چان يكول لا يمكن امي لگفت من الصدمة مال البارحة خرة بحضي المهم صحت چان يگللهة شبيچ ماما گلتلة اطلع برة گللها ليش ماما كلتلة اطلع برة هوة شعبالة دينطرد خطية انعقچ وضاج فطلع بالحديقة جان ينصدم شاف فد شجرة شطولهة وين واصلة صفن بالبداية وبعدين گال شنو الي يسوة ملايين بهاي الشجرة فگال يمكن شايله فد شي بالبة مالتهة خلي اصعد فتشلبه وهوة ديصعد على النص مال الربع مالتهة جان يوگع گام وگف صفن چان يروح لبيت جيرانهم چان يگلة عمو عمو فگله هااااااا ابني گلة عمو بما انه انت مگربچي فأريد منك تبلية چان يگلة ليش ابني شتسوي بيها چان يگلة عمو اتفرج عليهة أي قابل شسوي بيها غير اصعد بيهة على الشجرة چان يگلة يالله اخذهة فكلة شكرا عمو ورجع للبيت وحط التبلية وصعد وصعد وصعد وظل يصعد لحد مگام يشوف البيت نقطة يعني ورة الغيم شوف الچذب المهم وصل للنهاية بس شنو هوة گام يفلت من التعب المهم مدر راسة وخر الغيم شوية چان يشوف قصر لا وشنو قصر فوگ الغيم يعني هيچ على اليمنة مال غيم أي صعد مشة على كيفة حتى شنو متطمس رجلة بالغيم لان اذا تطمس ينزل چفي على الارض واني اگول ارض لان شنو هوة بالسمة هسة وهم المهم مشة چان يدخل بالقصر بس شنو يمشي على كيفة بس هسة مو علمود اخاف يطمس بالغيم لا اخاف واحد يلگفة لان ميعرف منو بهالقصر فات يباوع يمنة ويسرة چان يشوف غرفة وبيهة صوت واحد بس شنو مو صوت مال اوادم هيچ صوت خشن يلعب النفس چان يمد راسة هيچ من جوة الباب چان يتفاجىء شنو هاي واحد بگد الثور بس مو ثور لا بشر بس شكله يخوف يا يابة يا يمة المهم بس شنو الي دوخة بحضنة حاط دجاجة ويمة طن مال ذهب لك شنو خيل هواية وهوة الاخ زكي منا مفلس رب مذهب دينة مسموط الاخ گال شنو السالفة منين الة هذا الذهب وهوة بحافات المياه لازم اعرف ظل يباوع چان يشوف الدجاجة گامت تعيط يعني تقاقي بس شنو بصوت عالي مو على كيفهة المهم جان تگوم تبيض بس شنو الي خلى يتخبل گامت تبيض بس البيض يطلع ذهب سبحان الله المهم شگال لازم لازم هاي شنو اللازم بيهة تكرار يعني هيچيعني مال ملحة ظل ينتظر لحد منام هذا البغل الچبير چان يمشي على كيفة وراح على الدجاجة دياخذهة چان تگلة الدجاجة ولك انت شجابك هنا فشنو فز الولد خطية حقة شنو دجاجة تحجي ومو أي حجي وانما ترزل المهم گاللهة اش لحد يسمعنة جان تكله يالله شتريد لتدوخني گللهة اريد اخذچ وياية چان تگلة شنو هالميانة انت شوكت عرفتني حتى تاخذني ترة عيب هالحچي اني بنت عوائل اخوية چان يگللهة اهو گامت تفيك هسة انتي كلچ على بعضچ دجاج قابل منو انجلينة جولي لو منو چان يحط ايدة على حلگهة واخذهة بس شنو الغبي من الخبصة انضرب بالباب من ديطلع لان الباب من هذا الجام وهوة اثول فنلطم بلباب چان يگعد من النوم هذا الرجال الچبير فتح عينة فركهة جان يشوف زكي الاثول وشايل بيدة الدجاجة العينتين زكي رأستا طفر مية بلوفة وهذا الچبير الرجال شنو صار مصرع من السرعة ولا عبالك چبير صار طيارة والله ورا وشنو هذا زكي هو والدجاجة رأسا على الشجرة بس شنو نزل تكردح يعني نزل شطح بلا لا تبلية ولا شي على بطنة واول ما وصل للكاع يعني للارض ركض على المطبخ ديجيب نفط حتى يحرگ الشجرة حتى هذا الرجال ما ينزل اشو من فات للمطبخ يدور نفط ملگة مخلصين وماكو نفط لابالمحطة ولا بطيخ صفن وشنو هاي من هوة صافن هذا الرجال دينزل من الشجرة بس يطول لان شنو تخرب القصة اذا يلحگ بزكي لان القصة تگول ميلحگ بزكي أي المهم زكي صفن مثل ما گلنة چان يروح ركض على السيارة مالتهم وهاااا صدك همة ما عدهم سيارة بس شلون قابل يحرگ الشجرة مترهم أي راح على سيارتهم وسحب بانزين ومنسحب لان سيارتهم كوري يعني فلتر يعني مينسحب منها بانزين وتمدد جوة السيارة المهم سحب البانزين وحطة بالسطلة وراح ركض چان يرش على الشجرة وطلع جداحة من جيبة وشعلهة والصدفة والمفاجئة محترگت الشجرة لان البانزين مو زين صفن زكي همين چان يگول شلون اليوم مراح تخلص هاي القصة الگشرة اني شورطني بهيج سالفة المهم جاب الكرك وظل يحفر ويحفر ويحفر لحد ما طلع فد شي من الگاع لزمة زكي جان يطلع نفط اسود حط منة للشجرة وعلگ الجداحة چان تاخذ الشجرة واحترگت ومات الرجال الچبير وملحگ ينزل ممات من ورة الحرگ لا مات لان القصة تكول مات بس ما اعرف شلون ومرت الايام والدجاجة تبيض وزكي وامة صاروا زناگين كله سيارات وفلوس وچان على غفلة تصير الشاشة سودة وانكتب علية نفط العراق للعراقيين فلا تفرطوا به للأغراب مع شكر وزارة النفط العراقية احمد ظلمة




  2. #2
    الصورة الرمزية ابن ديالى
    تاريخ التسجيل : Mar 2007
    رقم العضوية : 22609
    الاقامة : العراق الجريح
    المشاركات : 238
    MMS :
    الحالة غير متصل
    معدل تقييم المستوى : 19
    Array



    مشكووووووووووووووووووور اخويه العــــــــــــــــراب على هاي القصه الجميله يا عزيزي

  3. #3
    تاريخ التسجيل : Nov 2006
    رقم العضوية : 16200



    مشكور على القصة الممتعة


    ولا تحرمنا من مواضيعك

  4. #4
    الصورة الرمزية بلوتوث
    تاريخ التسجيل : Mar 2002
    رقم العضوية : 4918
    الاقامة : جـ(رمش عيونك)ـدة
    المشاركات : 4,801
    هواياتى : السباحة ومتابعة افلام الآكشن >>> اجنبي اكيد
    My SMS : رحمكما الله يا احمد صالح ويا ابا عبدالرحمن
    MMS :
    الحالة غير متصل
    معدل تقييم المستوى : 293
    Array



    قصة جميلة
    .
    .
    تسلم يالغالي
    [align=center][flash=https://dorarr.ws/forum/uploaded/Bluetooth.swf]WIDTH=300 HEIGHT=300[/flash]



    •:*¨`*:• BluetOOth-555 •:*¨`*:•



    [align=center]|؛¤ّ,¸¸,ّ¤؛|أحـِبـّك كِثر مايرتاحَ عِـطّـربصدّر مـغـرُورة ...!! (المعنا)|؛¤ّ,¸¸,ّ¤؛|[/align]

    [align=center]من روائع كتاباتي ..(( أجعليني قلماً )) ... حيـــWelcomeــــاكم[/align] [/align]

  5. #5
    الصورة الرمزية العراب
    تاريخ التسجيل : Sep 2006
    رقم العضوية : 13340
    الاقامة : العراق الجريح
    المشاركات : 286
    هواياتى : الرياضه
    MMS :
    الحالة غير متصل
    معدل تقييم المستوى : 19
    Array



    مشكورين على المررروووووووررررررر تورتووووو

  6. #6
    الصورة الرمزية ألنشمي
    تاريخ التسجيل : Mar 2006
    رقم العضوية : 5557
    الاقامة : جـــ في احضان ــدة
    المشاركات : 16,959
    هواياتى : السفر 000 والسياحة
    MMS :
    الحالة غير متصل
    معدل تقييم المستوى : 523
    Array



    [align=center]000
    00
    0

    مشكور عالقصة





    دمت بخير


    [/align]
    [align=center]

    لزيارة موقعي اضغط على الصورة

    اللهم من أرادني بسوء فأشغله في نفسه، اللهم إني ادرأ بك في نحره واعوذ بك من شره ،
    اللهم إنك تعلم سرى وعلانيتى فأقبل معذرتي وتعلم حاجتي فأعطني سؤلي،
    اللهم إنى أسألك إيمانا يباشر قلبي ويقينا صادقا حتى أعلم أنه لن يصيبني
    إلا ما كتبت لي وإن ما أصابني لم يكن ليخطئني وما أخطأني لم يكن ليصيبني 0 [/align]

  7. #7
    الصورة الرمزية إسلام
    تاريخ التسجيل : Nov 2006
    رقم العضوية : 17562
    الاقامة : أرض الله
    المشاركات : 1,515
    هواياتى : المطالعة: الموضيع العلمية والثقافية ، الرياض، السباحة التعرف على أشخاص جدد دوو ثقافات مختلفة
    MMS :
    الحالة غير متصل
    معدل تقييم المستوى : 37
    Array



    مشكور على القصة الممتعة أخوي

    سلمت يمينك

  8. #8
    الصورة الرمزية العراب
    تاريخ التسجيل : Sep 2006
    رقم العضوية : 13340
    الاقامة : العراق الجريح
    المشاركات : 286
    هواياتى : الرياضه
    MMS :
    الحالة غير متصل
    معدل تقييم المستوى : 19
    Array



    مشكورين ع المرور الجميل

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
جميع الحقوق محفوظة لمؤسسة واحة الدرر 1432هـ - 2011م
كل ما يكتب في هذا المنتدى يمثل وجهة نظر كاتبها الشخصية فقط