| - الإهدائات >> | |
| إضافه إهداء |
سلام
الجني .. الحمدلله على سلامتك وما تشوف شر إن شاء الله ..
والله لا يعيدها عليك لا قريب ولا بعيد آمين يارب ..
شوف يا الجني .. بتفلسف وأقول لك ..
لا تكون شايل هم شي , أو متضايق من شي ..
ترى الضيقة وأنا اختك تسوي أكثر من كذا ..
و مادمت كشفت وقالوا لك سليم , فخبرتي تقول أنه هذا هو السبب ..
انتبه لنفسك وتذكر إن الدنيا كلها ماتسوى ..
د.الشمـــــــس
*و جاءت سكرة الموت بالحق ذلك ماكنت منه تحيد*
هلا بالظل الوارف ..
ماشر يالغالي .. شده وزالت والحمد لله
وكله بفضل الله ثم دعائكم يالحبيب
تحياتي لك
----------------------------------
هلا بثامر العرب ..
اللهم آمين .. اللهم آمين
يعطيك العافيه على دعواتك الصادقه
الله يجزاك خير يالحبيب الغلباااان
( وشرأيك في الثقل ؟ )
----------------------------------
هلا بالسامي الحبيب ..
أجل أرسل له رساله أعلمه فيها وش كثر أحبه ؟
ما أقول إلا الله يحبب الملائكه فيك يارب
ولا يوريك مكروه .. ويحفظك لعيالك
إلا على فكره .. ماكأن هالبيت إللي كتبته مكلف واحد غيرك مبلغ وقدره ثلاثون هلله ؟
طيب يا أخي إكتب على الأقل " منقول " عشان بس سياسة المنتدى
وإلا تبيني أحط لينك يعني :cool:
تسلم يالغالي .. وتحياتي لك
----------------------------------
هلا بالنايف العذب ..
والله وبغيت تصف عقود فل وكادي علي بس ربك ستر
وبعدين يخوي أنت غلطان في الموجه .. هذاك كان البرنامج الأول في إذاعة الرياض
حاول تصيخ أذانك .. TRY AGAIN PLEASE
(الله يقطع بليسك خربت الثقل )
----------------------------------
هلا بنجم سهيل تالي الليل ..
يقطع شيطانك ياشيخ ! وشو آدميه هاللي بحلم فيه إسم الله علي ؟!
أقووووول الله يجزاك خير ويعطيك العافيه على دعواتك
تحياتي لك
----------------------------------
هلا بالمنتظر ياعساه مايمل منه صبره ..
أنا إللي ودي أخاويك بس خلني ألقى فرصه عليك :cool:
ياخي الله يجعلك تفطس دوم ودوم سعاده .. وياخذ من أيامي لك أيام وأعطيك وإن راح عمري لك فلاهو خساره
أنت الرهيب ونت المسكت ونت الملاك ونت الأريكسون أبوكاميرا بالتعاون مع سوني
الله يسمع منك ويقبل دعاك (بالذات حقات الليموزين)
وينور دربك مثل مالدرر منوره بأهلها (حشى صالة أفراح)
تحياتي لك يالحبيب ( لعيونك طشيت أم الثقل )
----------------------------------
( وأدرك شهريار الفراش .. والصامت من حمام الدار بيصبر علينا لبكره )
<html><center><embed width="330" height="180" src="http://www.geocities.com/aljenny2002/jenny2.swf"type="application/x-shockwave-flash"></center></html>
السلام عليكم ورحمة الله وبركاته
يسعد أيامكم جميعاً ..
أولاً وقبل كل شي .. أعتذر لنفسي عن ماسببته لها من ضرر معنوي نتيجة تأخيرها عن فرصة الإستمتاع بإعادة قراءة ردودكم .. والرد عليها
ولكن الحمد لله على كل حال .. هذا أنا معكم في يوم الجمعه الفضيل .. وفي نفس الوقت .. وعلى أحسن حال
------------------------------
هلا بعازف الصمت .. هلا بالعليل المداوي
الله يسلمك يالحبيب ..
بصراحه بيتين ولا أروع .. تحكي معاناتنا معك في قلة مشاركاتك !
عزيزي أبوعبدالعزيز .. إشتقت إلى عزفك المنفرد المميز وتقاسيمك الخاصه على قانون الشك
تحياتي الخاصه يارفيق درب المنتديات
------------------------------
هلا بعالي الهمه .. الشامخ
تحليل دقيق .. مايجيبه إلا واحد قاعد هناااااااااااك فووووووووق
تصدق .. توني أدري ليش هم يحطون أبراج المراقبه عاليه !
بس عاد بشراك لي خوفتني شوي .. لكن أباخذها من مبدأ "الرقم غلط"
بيني وبينك .. أحياناً البكش يفك زنقه
أشكرك على كل سطر كتبته .. حكمه ، نصيحه ، نداء ، أو ذكرى وتوقيع
تحياتي لك يالغالي
------------------------------
هلا بمرسال القلوب .. هلا بالشوق وأهل الذوق
الشر مايجيك يالغالي ..
تصدق .. وأنا بعد توني أفهم الموضوع ! (ماضنتي إنك أتنح مني)
بس عاد خذها نصيحه .. إقعد ببيتكم وإترك عنك الوقفه بالشوارع والطلطله بالليموزينات .. لأن الجماعه صكيت عليهم ومن غير شر ماظنتي بيطلعون
أنصحك تشوف لك خط بلده تراهم يقولون شمله الدمج
تحياتي وتقديري لك يالغالي
------------------------------
هلا بالشمس وضياها ..
الله يسلمك ياوخيتي .. والشر مايجيك إن شاء الله
ونتي صادقه يالدكتوره .. كانت شوية هموم والصدر ضايق ومغموم .. والضغط ضارب للمليون على خمسمية ألف ذاك اليوم وأنا ماحسيت
والحين أخوك بدأ مشوار الحرص على الضغط بالعلاج والمتابعه .. الله يعافينا منه
تحياتي وتقديري لكِ ولفلسفتك الواقعيه
------------------------------
هلا بلاست هوب الموهوب <- ( معليش آخر رد ومزنوقين في الألقاب )
للوهله الأولى قلت مهيب عوايده لاست هوب ! ..
بالعاده يمطرنا بردود تقاس بالمتر المكعب ! ..
واليوم الرجال بخل علينا .. يالله عسى خير ؟!
ولكن وقت قريت الرد .. لقيته يغني عن ألف سطر
تحياتي لك يالغالي
------------------------------
جزاكم الله خير أخواني وأخواتي على مشاركتكم ..
وشكري ومصطفى وتقديري لكل من إتصل وسأل ولو حتى بالمسيج
" الله لايورينا وإياكم مكروه "
تحياتي لكم .. والسلام عليكم
ألف سلامة عليك يا جنجون ...
بصراحة ماتوقعت الموضوع جدي كذا ....
الف لاباس عليك
وياريت تتغطى كويس يوم تنام
هلا بغريب الدار ومناه التسلي .. يسلي خاطره عن حب خله .. غريب الدار
أفأ !! .. يعني وشلون ماتوقعت الموضوع جدك ؟
تبيني أجيبلك ورقة التحليل وإلا كرت المواعيد وإلا صورة الأشعه وإلا إسم الدكتور وإلا يمكن تلمح تبيني أسويلك لسته بأسامي الممرضات وإلا يكون تبيني أمرك ونا رايح مراجعه شوي وتقول إعزمني على شاي وبعد الشاي تلمح على عشا ؟
لا لا لا لا هذا مو من حقك وأصلاً هالمره العشا عليك ! (عصبي ! )
معليش حبيبنا أبورهف .. هذا كان إختبار جهد الأعصاب وحبيت أجربه في رد
سم ؟
الله يسلمك ويخليك لعين ترجيك يالغالي .. ويحفظك ويحفظلك
ونصيحتك على العين والرأس .. أكيد بتغطى بإذن الله
طيب خذ هالنصيحه رداً على نصيحتك ..
لاتشتري أي شي تقليد .. عليك بالألماني وإذا ملزم خذ ياباني أصلي
شف هالمساكين إللي يبون الرخص حقين الطائره التايوانيه إللي طاحت اليوم !
لو إنهم مشترين طائره يابانيه كان أزين لهم !!!
( واحد فاهم الخبر غلط ! )
مشكور على الزياره .. وتحياتي لك
مرحبا الجني
هاااي أول مشاركة لي في مواضيعك وبصراحة
أشهد أن أسلوب رائع لطرح ما أصابك
والحمدلله على سلامتك وياعساك دوووم سالم
يسعد أيامك Sara's Heart <- (مطلوب مدرس إنجليزي خصوصي متفرغ)
وهاااااي أول رد .. مرحبا
ياخطوه عزيزه جلال جداً علي بتشريفك لهالموضوع .. بزيارتك ودعائك وتوقيعك
وبصراحه تراني بغيت أكتب لك الرد بالإنجليزي .. بس مشكلتي الكيبورد عندي عربي وبنغالي بس
لكن ماعليه .. أنا الحين أكتب لك وأنا فاتح على السي إن إن .. يعني شعوري إنجليزي
الله يسلمك لغاليك .. ويحفظك من الشر
أشهد إنك بطيبتك أروع يالطيبه ..
تحياتي وتقديري لكِ
(تراني أتخربط إذا شفت حرف مدح .. يعني الحمدلله إني عرفت أرد .. وأسألي سامي)
سلام .
مساكم الله بالخير ....
والله محد يدربي راسه في هالمنتدى كثري ..
بروح انام لعل وعسى ربي يهدين واقوم اصلي الفجر
في جماعة واصوت في موضوع الفجر الصادق حق صلاة الفجر
اني احيانا اصليها في وقتها ..
سلام الملقوف
[c]
<embed width="260" height="138" src="http://www.geocities.com/a811a/malqoof.swf"type="application/x-shockwave-flash">
[/c]
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
