سلام .
قرر أربعة شباب عزابية انهم يسوون رحلة على مصايف السعودية ..
وقالو .بنروح كذا مدينة في السعودية .. كانت جدة هي المحطة الأولى
اللي وصلو لها .. طبعا بعد ما وصلو دورو لهم عن سكن
ومن هنا بدت قصة المأساة ..!!!
بحثو عن سكن في كذا مكان طبعا ما يبون فنادق بحكم انهم شباب
محدودي الدخل (دجة ) ..
بحثو في كذا عمارة شقق وما حصلو شقة .. ومن عمارة لعمارة ومن
شارع لشارع ومع الأسف ما حصلو . ليه ؟؟؟
قالو انتم عزابية !!!!
حتى ليت أحد كان يحسن استقبالهم !!
وبعد ساعات من البحث حصلو خرابة مكتوب عليها يوجد سكن عزاب
يخاف الجن يسكنو فيها فما بالك بالأنس ..
حمدو الله انهم لقو شي ينامو فيه .. في الليل قررو انهم يروحو أي
مدينة العاب ( ملاهي ) .
يوم وصلوالملاهي وطبعا قطعو التذاكر كان الحارس موقف قدامهم .
قال وين ؟؟
قالو بندخل الملاهي ..
قال ممنوع ...
قالو ليه ؟؟
قال انتم عزابية !!!!
راحو وكلهم اسى وحسرة انهم ما دخلو الملاهي ..
فكرو قالو وين بنروح في ها لليل ؟؟
قال واحد منهم ما فيه الا الكورنيش عند البحر وروايح الخيول والدبابات
اللي تفتح النفس ..
جلسو على الكورنيش وهم يفكرون انهم يروحو مدينة ثانية ممكن تكون
افضل من جدة ...
راحو الطايف .. ونفس اللي صار لهم في جده صار في الطايف .
ممنوع دخول العزابية ..
قال واحد منهم وش رايكم في الرياض نشوف الفيصلية والمملكة ويمكن
يكونو متفهمين شوي وحاطين
شي للشباب غير المقاهي .. راحو الرياض ونفس الكلام
ممنوع دخول العزاب ..
اخيرا قالو الشرقية .. قال واحد منهم بيصير نفس الشي ليتنا ما نروح ..
رجعو ديرتهم وصيفو ذيك السنة بين الضبان والجرابيع في البر ...
في الصيفية اللي بعدها قررو انهم يروحو برا السعودية .. طبعا سوو كل
شي ورتبو انهم يروحو
احد الدول العربية القريبة ....
طلعو للخارج وكانت أول سفرة لهم برا السعودية ..
بعد ما وصلو كانو خايفين من كابوس ( ممنوع دخول العزابية ) .
أول ما سألو عن سكن لقو ملايين الشقق بأسعار خيالية حتى ان بعض
المكاتب قدمت عروض تفوق الخيال
زي السواف والشغالة والاقامة المجانية في احد القرى القريبة ..
كان كل شي قدامهم مفتوح عالم عمرهم ما شافوه .. حاجات كانو ما
يشوفوها ولا بالساتيلايت ( الدش )
اشياء تفوق الوصف مع العلم ان الدولة اللي راحو لها مهي دولة غنية
زي السعودية ...
طبعا شباب ومراهقين وعندهم حب الاكتشاف وحب المغامرة برايكم
وش بيسوو في ديرة مسموح فيها بكل
شي ( كلللللللللل شي ) ..
طبعا جرفهم التيار الى كل ماهو محظور وممنوع ... سهرات ليلية ..
مومسات ( والعياذ بالله ) .. مسكرات .. أي ممنوع كان عندهم مرغب
لكن يجي هنا دور السؤال من المسؤول عن اللي صار لهم واللي قاعد
يصير لكثير من شبابنا ..
ليه السياحة عندنا مقصورة على العوايل بس ؟؟
طيب ليه النساء ما ينقال لهم للعوئل فقط يعني البنت ما فيها شر ؟؟؟
كثير نشوف نساء مع محرمهم السواق يدخلو أي مكان ... بأي شرع
ينسمح لهم والشباب لا ؟؟
الكلام يطول في هالخصوص لكن .. يبقى في النفس شي من حتى
....