][ أهــل زوجــي طفــشــونـي ][ !!!

[*amula_beauty*]

[align=center]





على هامش موضوع' عمو زادي

وطلباته
حبيت اسوي نفسي عضوه فعاله ... واتناقش معاكم



عنوان موضوعي واضح

بما اني دايمآ اسمع دي الجمله من المتزوجات !!!!

اهل الزوج ومشاكلهم اللي ماتخلص ....

بما اني دحين على وجه زواج وكلها كم شهر واصير ( ام راكان)

<< الله يكفيني شر ابو راكان

حبيت افتح دا الموضوع

- ليه دايمآ اهل الزوج مسببين ازمه للبنات الحلوين
وبالغالب اذا ام الزوج طيبه .. يطلعوا اخواته اشرار


والعكس صحيح

يعني ادري انو فيه بنات (عاقلات) زيي مثلآ

عادي احس انو يمديني ازبط الهرجه معاهم

راس مالها
لسان حلو + طبخه حلوه + عدم اللقافه + الترتيب

والأمور تصير 100%



************

فيه اهل زوج يعملوا مقالب جامده للزوجه


ياترى لفين ممكن توصل العداوه ....والمشاكل؟؟؟

ومن مين المشكله؟؟؟؟
؟؟؟؟؟؟؟؟؟؟

,,,,,,,,,,,,,

عن تجربه شخصيه ... لما كنت بالمتوسط وحده من عماتي كانت تكره ماما

وكانوا متقاطعين تقريبآ

لكنها (عمتي) نادتني واعطتني مويا عكررره...

وقالتلي شربيها لأمك وابوكي بس بدون ما يدروا

خليه سر بيننا
عشان انا شايفه العلاقات بينهم متوتره دي الفتره

..................



شايفين كيف؟؟؟؟


ام المصايب

بس انا ما رضيت وقلت معليش ما اسوي شي من ورا اهلي
ومسكت السواق والشغاله واخواني
ونبهتهم ما يآخدوا منها شي

!!!!!!!!!!!!



يلا باب النقاش مفتوووح

وعاد قولوا مافي مواضيع

بتتصفقوا ترا
<< قلبت ع الوجه التاني


ربي يسعدكم ^_^[/align]

[SOUTHSTAR]

والله قريت الموضوع .. وتوقعت انه موجه لجهه وحده ..

طيب ليه ما كتبتي طفشوني اهل زوجتي ؟؟

ومعروف ان الحماه غالبا هي سبب المشاكل ..

اولا .. الله يوفقك مع ابو راكان .. ويجمع بينكم في خير ..

ثانيا .. اهل الزوج او الزوجه .. اذا تدخلوا في امور المتزوجين .. افسدوا الامور ..

صدقيني يا أمل .. مو كل العوائل تحب المشاكل .. هي تعتمد على التفكير والجو المحيط بهم ..

والملاحظ ان المشاكل تجي من الجانب النسائي اكثر .. لما يحملون من احاسيس تحكمهم كالغيره وعدم التحكم بالمشاعر وغيرها ..

لكن .. الطيب ما يلاقي الا كل شي طيب يواجهه ..

و عدم تكبير الأمور وحل الأمور بعقلانيه وهدوء هو الحل لكل هالمشاكل ..

يعطيكي العافيه يا بنيتي .. و تفائلي بالخير ..

[*amula_beauty*]

[align=center]

والله قريت الموضوع .. وتوقعت انه موجه لجهه وحده ..

طيب ليه ما كتبتي طفشوني اهل زوجتي ؟؟

ومعروف ان الحماه غالبا هي سبب المشاكل ..

اولا .. الله يوفقك مع ابو راكان .. ويجمع بينكم في خير ..

..

انا اتكلم عن البنات

انتا لو تبغى تعمل موضوع اسمو اهل زوجتي طفشوني ... اعملبسس دايمآ انا اسمع انو اهل الزوج هما المشكله



وكلامك صح

احيانآ تطلع الحماه ضره لبنتها

وتقلب ام الحياه حقتها


وممكن ابو البنت يغار من خطيبها ( زي بابا مثلآ) مره يغار من خطيبي

وممشي الموضوع على مضض


الله يبارك بعمرك ياعزيزي

وعقبالك

^_^

وتجي تقولنا عن حماتك اللي مطلعه عيونك << كأني بدعي عليك !!![/align]

[الماسي]

[align=center]اهلين ام راكان


اقول طال عمرك اكثر من يفتوك


في دة الموضوع الاخوان المصريين


لان الحموات عاملات عماااايل معاهم


وفي النهاية يعطوك الزبدة والتي تقول


" البعد عن الحماه غنيمة "

طلعت خارج الموضوع اخخخخ


وتحياتي ،،،[/align]

[zadi]

_____________________


شوفي ياأمولة هانم ( واحد دوبو جي من مصر ومسوي فيها )

إنتي في يدك تكوني ( حبيبة ) لهم أو تكوني ( شرارة ) عليهم

يعني إذا عاملتيهم كويس في البداية ( يابت أتمسكني لحد ماتتمكني ـ كمان سمعت هادا المسل هناك ) وخاصة ( عمتك أو إيش تقولولها في المدينة أظني خالتي ) هادي إللي ( أكفشي ) فيها بيدك وسنانك يعني خليها تشعر إنك زي الخاتم في يدها وإنك أرضى من بنتها حتى , وشوفي كيف راح تصير معاك , وكمان تشوفي كيف أبو راكان كيف راح يكون مبصوووووووط والبسمة ماتفارق ( خشته ) زي كدا

نتكلم بجد يا أمولة , المشكلة إن بعض البنات في بداية الزواج ينقصها التربية وينقصها الأدب وكيف تتعامل مع الصغير والكبير , وتحس إن جوزها دا غنيمة وحقها لوحدها , وتنسى إن أمه إللي سبب وجوده ربت وتعبت وصبرت لمن شافتوا متستت في بيته , صعب عليها إنها تقبل إنه يبعد عنها ولو شوي , فتلاقي البنت من أول يوم تفرد عضلاتها وتقول للأرض أنهدي ماعليك أحد قدي .

وشي تاني كمان , بعض البنات يطلبوا طلبات في بيوت أزواجهم مايقدروا يطلبوها في بيت أهاليهم إما خوف أو فقر أو أشياء كثير . ولمن تجي بيت جوزها بدل ماتكون له عون تصير عليه فرعوووووون

وكمان برضه تلاقي البنت أيام الخطوبة شي كوووووووووووووول وبعد الزواج ( غووووووووووووووووول )

يعني ( بوشين )

ودا مو معناه إن ( التماسيح ) بريئين براءة الديب من دم يوسف ,,, لا , كمان في بعضهم ممكن يكون سبب في المشاكل إللي بين ( حرمتو ) وبين أهلو ,,,

دحين مستعجل شوي , لي رجعة هنا تاني ( أمسكولي محلي , لحد يقعد فيه )

بس بجد يعطيك العافية جبتي موضوع ولا أحلىىىىىىىىىىىىىىى من كدا

( شريرة ) بس يجي منك خير

_____________

[To0ofy]

ما أدري ايش هرجتهم اهل الزوج..

مافي بيت الا تلاقي فيه أهل الزوج يعني أمه وأخواته الا عاملين الهوايل مع مرت ولدهم..

طيب ليـــش؟؟

حسب فلسفتي الشخصية<<<<وما ادراك ما فلسفتي..

دايما الولد يكون للأم أحب من أخواته البنات

فلم يتزوج الولد ويبدي اهتمامه لزوجته

تبدأ أمه تغار وتفكر انا امه ربيته وتعبت عليه ما يسأل عني..

واذا الأم كبرت عقلها يجو أخواته..

اذا تعودوا على اخوهم يمشيهم يطلعهم يجبلهم حاجاتهم وفجأة تزوج

وصار مسؤل عن وحده غيرهم حينجلطوا..

وراح يقولوا كله من مرته نسته أهله

والله لا نسته ولا شي هذي مسؤليات الزواج وما أدراك ما الزواج..

وعلى دا الموال راح يعيشوا

أموووووله ألف مبروك عليك أبو راكان..

ومن اليوم ورايح راح أناديك أم راكان<<ايش رأيك

وعلى سيرة العمات..

وحده من عماتي ياكرهي لها بس

ملقوووووفة حشريه مدخله خشمها وين ما كان

مره من المرات بقول لبابا ما ابغى دي المدرسه انقلني منها

مو كويسه ..

راحت تملقفت الحرمه وقالت ليش ينقلك منها كل المدارس زي بعض

هنا ولا هناك واحد..

طبعا بابا كان موافق تقريبا

أما كلمتين منها خلته يغير رأيه

الله لا يـ..........استغفر الله العظيم

مشكوووووووره أختي أم راكان

موضوع ولا احلى..

تحياتي..

[*amula_beauty*]

[align=center]

_____________________



نتكلم بجد يا أمولة , المشكلة إن بعض البنات في بداية الزواج ينقصها التربية وينقصها الأدب وكيف تتعامل مع الصغير والكبير , وتحس إن جوزها دا غنيمة وحقها لوحدها , وتنسى إن أمه إللي سبب وجوده ربت وتعبت وصبرت لمن شافتوا متستت في بيته , صعب عليها إنها تقبل إنه يبعد عنها ولو شوي , فتلاقي البنت من أول يوم تفرد عضلاتها وتقول للأرض أنهدي ماعليك أحد قدي .

بس بجد يعطيك العافية جبتي موضوع ولا أحلىىىىىىىىىىىىىىى من كدا

( شريرة ) بس يجي منك خير

_____________

اهلين عمو زادي


شفت انتا دفشتي وطلع معايا دا الموضوع

..........................

والله معاك حق

والله كأنك صحيتني

كنت بسوي مشكله مع اهلي خطيبي بس كلامك صحاني

بجد لازم ما ننسى فضل امو
ونتحملها مهما كان

حكم والله انتا ابو الحكم

**************************


وبعدين انا مو شريره ( انتا اطيب شرير بالعالم )

عشان تشوف انو انا انسانه رائعه بس


ربي يسعدك


وتكفى ارررررجع لا يتقفل الموضوع قبل لا ينفتح

حاكم انا شايفه الاعضاء في سبات عميييييييييييييييييييييييييييق [/align]

[*amula_beauty*]

[align=center]

أموووووله ألف مبروك عليك أبو راكان..

ومن اليوم ورايح راح أناديك أم راكان<<ايش رأيك

مشكوووووووره أختي أم راكان

موضوع ولا احلى..

تحياتي..

الله يبارك بعمرك يا قلبوووو

وبعدين لو تقولي ام راكان مره تانيه ( بتتصفقي ترا)

انا لسا صغيره

والله حسيت نفسي عجوووزه الله يسامحك



******************
ياحبيبة قلبي

على قولتك المشاكل سببها الغيره
لا الأخوات ولا الام تتفهم التغيير

وتبغى ولدها ما يتغيير سبحان الله
غصبآ عنو يتغير

اصلآ حياتو اتغيرت كيف ما يتغيير؟؟؟؟

الغيره هيا مشكلتنا احنا البنات

ربي يسعدك ع الطله الحلوه يا قمر


يا( ام مقبل) ............

عشان نفاول عليكي بخير

ويقبل ابو مقبل [/align]

[*amula_beauty*]

[align=center]صحيح اللي قالو عمو زادي عين العقل


يعني ( الخاله) ام الزوج مسكينه مهما كان

بس الأخوات اذا امهم مسكينه هما اشرار

مافيها


المشاكل مع اهل الزوج نسبتها 50% على اقل تقدير

وافهم يا فهيم [/align]

[*amula_beauty*]

[align=center]

[align=center]اهلين ام راكان


اقول طال عمرك اكثر من يفتوك


في دة الموضوع الاخوان المصريين


لان الحموات عاملات عماااايل معاهم


وفي النهاية يعطوك الزبدة والتي تقول


" البعد عن الحماه غنيمة "

طلعت خارج الموضوع اخخخخ


وتحياتي ،،،[/align]

معليييييييييييييييش دنت وقععععععععت مني

^_^

بما انك شطحت برا الموضوع

تستاهل


والله شكلك ما قرأت رد عمو زادي ولا كان غيرت رأيك

وبعدين لا تقول ام راكان

ترا بتتصفق زي غيرك

شرير



ربي يسعدك ^_^

بمزح معاك بس تكفى لا تقول ام راكان



[/align]

[DANiA]

الصراحة الموضوع مو عاجبني جداً,

حرام العمات مافيهم شي على حسب تربيتهم بس انتو خليكم كل شي بحدود مع الكل سواء العمات ولا اهل الزوج سوي الواجب وبس
لا تزوديها وخليكي بعيدة يعني , كوني طيبة معاهم وربنا مايضيعلك شي اذا احسنتي معاهم, اذا كانه مو كويسين فزوريهم عادي بس شي قليل مرة في الأسبوع مثلاً , صلة رحم وبس .. وابعدي عنهم وعن الكلام والمشاكل..

وحتتجنبي كل المشاكل ..

كبرو عقلكم ياهو , الحرمة هي الي في يدها كل شي.. وهيا الي تخلي زوجها يقوم بصلة الرحم مع اهله واهلها,, لا تعملي مشاكل واذا في مشاكل طنشي وابعدي ولاتدخلي نفسك واعطيهم الأدن الصنجة :d واعمل واجبك وبس
دا الي ابغا اقولك مافي زيادة
و

لا تتكلمو على احد مايجوز..

[*amula_beauty*]

[align=center]

الصراحة الموضوع مو عاجبني جداً,

حرام العمات مافيهم شي على حسب تربيتهم بس انتو خليكم كل شي بحدود مع الكل سواء العمات ولا اهل الزوج سوي الواجب وبس
لا تزوديها وخليكي بعيدة يعني , كوني طيبة معاهم وربنا مايضيعلك شي اذا احسنتي معاهم, اذا كانه مو كويسين فزوريهم عادي بس شي قليل مرة في الأسبوع مثلاً , صلة رحم وبس .. وابعدي عنهم وعن الكلام والمشاكل..

وحتتجنبي كل المشاكل ..

كبرو عقلكم ياهو , الحرمة هي الي في يدها كل شي.. وهيا الي تخلي زوجها يقوم بصلة الرحم مع اهله واهلها,, لا تعملي مشاكل واذا في مشاكل طنشي وابعدي ولاتدخلي نفسك واعطيهم الأدن الصنجة :d واعمل واجبك وبس
دا الي ابغا اقولك مافي زيادة
و

لا تتكلمو على احد مايجوز..

حبيبة قلبي :

دانيا

يا حياتي انتي
انا ما بتكلم عن اهل زوجي ... لأنو ما اتزوجت لسا

وما شفت من اهل خطيبي الا كل خير

بس يا قمر

انا بتناقش معاكم بموضوع صاير وكلنا عايشينه

يعني معظم البنات المتزوجات بيشتكو من اهل الزوج

وهدي وجهة نظر نقلتهها لكم نتناقش فيها لا اكثر ولا اقل

عمو زادي بين وجهة نظر
وتوفي قالت وجهة نظرها
وsouthstar والماسي ادلوا بدلوهم

يعني نقاش مفتوح يقبل الرد والصد

انا فهمت وجهة نظرك

والغرض من الموضوع اننا نعرف اسباب نطق البنات لدي الكلمه ( اهل زوجي طفشوني)

وبس

ربي يسعدك

وشكرآ ع الطله الحلوه يا قلبووو

ولا تزعلي ترا الحكايه نقاش فقط لاغير




^_^[/align]

[DANiA]

يابنتي مافي شي:d حتى دا وجهه نظري,
تسمعي من ناس اهل زوجي وحماتي

بس ناس ماتسمعي منهم بالعكس كأنهم اخوات , على حسب الناس والتربية

شكرا امولة

[طيف]

[align=center][align=center]
غاليتي و عروستنا // امولة

ربي يتمم لك على خير و يسعدك و يهنيك دنيا و آخرة

من الامثال الي عندنا ,,,,

(( بيت المويمة جنة ، و بيت الجدة مودة و بيت العمة مذمة و بيت الحمية نار على كل صباح دار))

و آخر فكاهي (( سالم سلمته، طلق حرمته ، كله من اخته ))

-----

أمولة اصابع يدك ماهي وحدة ، و كذلك الناس و اسلوبهم


اطلبي التسخير لك من الرحمن ,,,الدعاء الدعاء

و اجتهدي بالاسباب التي تعينك على اسعاد من حولك ان كان زوجك او أهله

و الله يعينك عالي جاي

ربي يخليلك البابا ,,,, شفت فيه والدي الغالي

خليه يعرف انك دلوعة البابا

ان كان علي ,,,اكيد راح اغار على اخي من زوجته لأنه نظر عيني و تاج راسي

شكلها هي الي راح تغار لكن هذا ما يخلي الواحد يتسبب بالمشاكل ,,, No way عيوني له

ربي يكتب للجميع الحياة السعيدة

حفظك الرحمن اينما كنت

[/align][/align]

[*amula_beauty*]

[align=center]

يابنتي مافي شي:d حتى دا وجهه نظري,
تسمعي من ناس اهل زوجي وحماتي

بس ناس ماتسمعي منهم بالعكس كأنهم اخوات , على حسب الناس والتربية

شكرا امولة

يسلموا على المرور للمره التانيه

ربي ما يحرمنا منك يا عسل

^_^[/align]