** ماذا ستفعل في هذا الموقف ( 3 ) **

[BackShadow]

يسعدلي مساكم جميعاً


اكمالاً لسلسلة " ماذا ستفعل في هذا الموقف "


الموضوع عبارة عن طرح موقف معين

ونشوف كل شخص ايش ممكن يعمل فيه


يعني يستفيد الجميع من وجهة نظر الآخرين

في التغلب على المشاكل وايجاد الحلول المناسبة لها


المطلوب ان نكون على طبيعتنا ... ونبتعد عن المثاليات


الموضوع طبعاً للشباب والبنات بصفة عامة


ملاحظة :


السلسلة ملك الجميع

ممكن اي شخص يبغى يعرض موقف في حلقة من الموضوع

يرسل رساله خاصة لي حتى نحجز له حلقة وبامكانه ان ينزلها

حتى لا يكون هناك تعارض في الحلقات


**********

الموقف الثالث :

[c]


لك صديق حميم جداً وتربطك به علاقة قوية

تاكلون سوا وتشربون سوا ...

تتقابلون بشكل يومي

طبعاً من كثر ما تكون معاه احياناً ترد على جواله

وانت تعرف ان له صديقة من ضمن مجموعة من صديقات

يعني اخينا في الله ما عنده مانع يضحك على ذي وذي


وفي يوم اتصلت وحدة منهم وانت اللي رديت

وطبعاً هي عارفتك من كثر ما يقول انا مع صديقي


المهم البنت كانت تبكي وجلست تحلّفك وتسألك


" هل صديقك يحبها ويبي يتزوجها او انه يلعب عليها "


ماذا ستفعل وقتها


هل ستخبرها بالحقيقة ... ام توهمها بحب صديقك لها

ام ماذا ستفعل !!!!؟؟؟


طبعاً لتعقيد الموقف اعتبر ان صديقك متزوج كمان

وماهو معلم البنت


*****

بالنسبة للبنات ممكن الوحدة تتخيل

ان صاحبتها هي اللي تلعب على الولد

وان الولد اتصل عليها وسألها السؤال هذا .

ايش ممكن تسوي البنت

هل ستخبره بحقيقة صديقتها

ام تؤكد ان صديقتها تحبه هو فقط



[/c]


ماذا ستفعل في هذا الموقف ( 1 )

ماذا ستفعل في هذا الموقف ( 2 )


مع تحياتي

[فهد الاحمد]

ها ها ها ها هاااااا .. رهيب انت يا الظل ... وهذي المواقف فعلا تصير كثير ...
__________________

وبصارحة .. الجواب كان صعب كثير ومحير ...........................;)

لأن في هذه الحالة .. اذا قلت للبنت ان .. والله فلان مايحبك وجالس يلعب عليك .. وما يفكر انه يتزوجك ..

بهذا الجواب .. بكون ريحت ضميري من جهة ... لكن من جهة ثانيه .. بيزعل صديقي علي .. واكيد هذي بالنسبه له نذاله .. والنذل ماله مكان عندنا ..

اروح اقنعه .. واقوله حرام عليك لا تلعب على البنت .. البنت تحبك .. ما تدري بكره لو عرفت انك تكذب عليها وش بتسوي ....
وين بيقتنع ... وكل الناس ماشيه على نفس المنوال ....

_________________

فبصراحه .. كان جوابي ....

- والله يا بنت الناس .. بصراحة .. صحيح ان علاقتي بفلان كبيره وهو زي اخ لي ... لكن .. انا اعتبر ان هذي الامور امور خاصه فيه .. وما احب اتدخل في هذي المواضيع .. وهم بعد انا ما احب احد يتدخل في خصوصياتي ..
انا ما ادري بصراحه اذا يعرف غيرك ولا يحبك ولا ما يحبك ...
لا انا احب اسأله هذي الاسئله ولا احب احد يسألني هذي الاسئله ..

يوم من الايام .. يا بنت الناس .. كلميه وصارحيه .. وسايسيه .. الين ما توصلين للي تبينه ..

وشكرا لإتصالك ....
_______________

بس يا الظل .. هذا اللي بسويه .. وانا ماااااااااااااااااااااااااالي ..

[ملكة البحار]

السلام عليكم

الظل موضوع روعه مثل روعة السلسه

.
.
فهد الاحمد ...جبااااااان
.
.
.
انا لو سئلتني النصيحه رح اقولها الصراحه
وماهمني لو زعل مني البشر دام رب البشر راضي
.
.
تحياتي

[مرسال]

سلام



المشكلة انك قايل ماتبغى مثاليات ولا كان علوووووووووووووم

خليها على ربك

انا راح اتخيل الموقف لأن كل اصحابي اهل ذمة وضمير ومالهم

ومال الطرق هذي..


الرد يعتمد على صاحبي اذا كان يبغاها ابغى اقول لها اسألي قلبك

وهو يقول لك ..طبعا البنت بتسوي فيها رومانسية وبتستحي وتسكر

السماعة على طول

واذا مايبغاها ابغى اقول لها اسألي قلبك

ليش خلاك تسألي السؤال هذا اكيد في شئ..طبعا البنت بتسوي

فيها مجروحة وبتسكر السماعة على طول

انا جاوبت بكل صراحة

هاه اللي يبغاني اصير صاحبة يرسل لي رسالة خاصة

بس بالدور لو سمحتوا;)

تحياتي

[فهد الاحمد]

ما ادري .. بس احد غلط علي انا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟


اجل جبان ها يا ملكة البحار .. ؟؟؟؟؟؟؟؟؟؟؟ ليه هو الصريح يصير جبان ؟؟؟؟؟؟؟؟؟

في ستيييييييييييييييييييييييييييي يييين داهية .


هههههههههههه ;-(

[ملكة البحار]

فهد الاحمد ماعاش الي يغلط عليك اناكنت "امزح"
.
.

[عبدالرحمن الطويل]

هلا محمد


ياسيدي ..مو لازم اوصلها المعلومة بشكل مباشر ...

راح احاول اهديها في البداية ..واخليها هي تجاوب على السؤال بنفسها ..

كل واحد يشوف الصح والغلط بنظرته هو للأمور ..

لكن لو خليت صاحب أو صاحبة امشكلة ..يطلعوا بالجواب بنفسهم ..أكيد راح يكون جواب مقنع لهم 100%


بس بيني وبينك ...

يمكن أول مرة ومن مفاجأة السؤال ...

أقولها شوي واخليه يكلمك ...سلام :cool:

[ابوفهد]

[ALIGN=CENTER]

مرحبا بالطيب الغالي

اولا انا ماعندي رد طويل وكلام كثير

تدري ليش ؟


لانه لو يرن الجوال عندى من اليوم الى يوم الدين

ماكلفت نفسي ارد عليه مهما كانت الاسباب

لذلك لم ولن اقف هذا الموقف ابداااااا


بعدين لاتقولي تخيل انك من اللي يردون ;)


بقولك لا لاني واثق من انه لن ارد ابدا

علشان كذا اتعب نفسي بتخيلات ليه

تحياتي [/ALIGN]

[Sami96SA]

مساء الخير

حلوه هذي السلسله يا محمد

للأسف ما مداني أشترك في الأولى


بالنسبه لموقف موضوعنا مال اليوم .. وبعيد عن المثاليه.

مدام هو صديقي فأنا عارف وراضي بخرابيطه والا ما كان صديقي من الأساس إذا مبادئي تختلف عن مبادئه خاصة وانتهاك أعراض الأمم من طبايعه.

أنا صديق لمجرم خطير .. فلا بد لي أن أكون مجرما مثله.

والمثل يقول :

أخبرني من صديقك أقل لك من أنت.


طبعا فيه حالات شاذه في كيفية التعامل مع مختلف سلوكيات الأصدقاء لكن بصفه عامه من يرضى عن فعل صديقه فقد أشرك فيه.

اتفقنا طبعا في البدايه "بدون مثاليات".


بما أني صديق وفي .. ومخلص .. راح أقول لها كلام راح يطمنها ان الرجال واللي وعدك فيه من حب وزواج كله صحيح وانتي بس تطمني ولا تخلي الشكوك تلعب براسك.


وبس.


------------------

سامي

[ملك العالم]

[ALIGN=CENTER]السلام عليكم ..

اسعد الله جميع اوقاتكم ..


والله في الحقيقه من ناحتي انا بصراحه اذا سألتني بقول


والله صعب الموقف جداً


لكن انا بقول لك ردت فعلي


انا اذا كلمتني وسألتني بقول والله انا ما ادخل في خصوصيات الرجال


يعني انا صحيح اعتبره زي اخوي لكن لكل شيء حد


اقنعها اني نا ادري عن شيء وبعد كذا اتفاهم مع صديقي


واقول له لا يعلق البنت وهي تبغاه اذا ما يبغاها خل البنت تشوف


مصالحها ..


وان شاء الله ما انحط في هذا الموقف


تحياتي للجميع



ارق تحيه .,., ملك العــــــــ الوافي ـــــــــالم[/ALIGN]

[إسراء]

مساء الأنوار ..

مرحبتين أنكل ..

الله يعطيك العافية .. بجد موضوع رهيب ..

اوكي ح قلك ايش ح اعمل وقتها على طول ..

انت قلت انو هيا صاحبتي .. و مو اي صاحبة .. و ما قربت مني لدي

الدرجة الا لشيء كويس فيها ..

يعني لو اتصل عليا و سالني ..

معليش الرجال بشكل عام مهم أغبياء .. و اكيد هو لو ما حس انها

بتلعب عليه ما كان اتصل و سال ..

غير كده ..

أنا مع صاحبتي على الخير و الشر .. لا يمكن ح اقول حاجة تاذيها أو

تضايقها .. ممكن أقلو روح أسألها او أسأل نفسك .. و بعدين بيني و

بينها أسألها طيب و بعدين ؟؟ أو ايش تبغى بكل دا .. لين ما تقتنع ..

ولو ما اقتنعت و انا حاسة انو الشيء اللي هيا بتعملو مرة غلط .. ممكن

أهددها اني ح اتركها لو استمرت في اللي هيا فيه ..

أكيد ح تقتنع .. لو هيا صحبتي و يهمني أمرها .. ح اضل وراها وراها ليل

و نهار شغلي الشاغل هيا .. و كترة الدق يلين الحجر ..

بس مستحيل طبعا اني أاذيها ..

يمكن اكون غلط و يمكن اكون صح بس هدا هو الشيء اللي راح اعملو ..


غالي تحياتي

الأسطورة

[فهد الاحمد]

عندي تعليق بسيط على كلام الاخ سامي ... لأن موب شرط .. اذا كان صديقي سيء انا بكون سيء ... برأيي ان هذا مفهوم خاطئ جدا ..

طبعا .. الرجل السيئ .. هذا لا يعني بأنه لا يمتلك صفات حسنه ..

ومثلا .. صداقتي مع هذا الرجل اللذي يلعب بمشاعر الفتيات .. تكونت بسبب موقف ما .. موقف ادركت حينها انه شخص يستحق صداقتي له .
__________________

وانا الى الآن مصر على رأيي ... اذا كان فلان يعتبر هذه المواضيع من شؤونه الخاصه ... ما اظن اني بسمح لنفسي اني اتدخل في هذه الشؤون .. وما بيكون ردي على البنت غير الكلام اللي انا قلته ..
_________________

لكن ممكن .. بعد المكالمة .. اصارحه واحاول اقنعه بأن تصرفاته تصرفات مراهقين .. ومن الخطأ انه يلعب بمشاعر البنت .. مهما كان البنت لها احاسيس ومشاعر .. وممكن عند اكتشافها للكذب .. بتنصدم .. وبيتعب نفسيتها ..
________________

واذا كان كلامي له مقنع .. وفعلا اقنعته .. فهذا شي طيب ..
واذا ما اقنعته بكلامي .... فهذا شي راجع له .. وبس ..

_________________

تحياتي ..

[BackShadow]

يسعدلي مساكم جميعاً



اشكر الجميع على طرح الآراء الرائعة هذي

واتمنى ان نستفيد منها جميعاً


يبدو ان الموقف حساس

لدرجة ان البعض تخوف من الخوض فيه


استعراض للآراء هنا بشكل مختصر


[c]** فهد الاحمد **[/c]

اتهرب من الاجابة على سؤالها .

(( وقوف مع صديقي ))



[c]** ملكة البحار **[/c]

اعلمه بالصراحة وابينله ان البنت تلعب عليه .

(( وقوف مع المتضرر ))



[c]** مرسال **[/c]

اتهرب من الاجابة على سؤالها واظللها .

(( وقوف مع صديقي ))



[c]** أبو رهف **[/c]

احاول اوصللها معلومة انه يلعب عليها
ولكن بشكل غير مباشر .

(( وقوف مع المتضرر بشكل غير مباشر ))



[c]** ابوفهد **[/c]

غير مقبوله اجابتك يا عمده

الرجاء المحاولة مره اخرى .



[c]** SAMI96SA **[/c]

اوقف مع صديقي واطمنها انه يحبها .

(( وقوف مع صديقي ))



[c]** ملك العالم **[/c]

انكر معرفتي باي شي في الموضوع هذا .

(( وقوف مع صديقي بشكل غير مباشر ))



[c]** الاسطورة **[/c]

اوقف مع صديقتي وما اعلمه شي .

(( وقوف مع صديقتي ))



****************************** ***



اشكر الجميع على طرح الآراء .. وسأكون في انتظار البقية



مع تحياتي

[الأمــل]

أخي الظل....

بارك الله لك في خيالك... الذي يوقعنا في مواقف يصعب علينا تخيلها ،،،،،،،،،،

فلنتخيّل....

أخي..قلت طبعاً لتعقيد الموقف اعتبر ان صديقك متزوج كمان

وماهو معلم البنت)

فهل هذا التعقيد للشاب فقط دون البنت؟ أرجو ذلك.

حتى يسهل علينا تخيل المشكلة....وبناءً عليه سأبني تخيلي....

يعني صديقتي ستكون غير متزوجة.

طبعا هي صديقتي واعرف عنها كل شيء،،، وأعرف بعلاقتها هذه.........أكيد سأكون قد نصحتها من قبل مرارا وتكرارا بترك هذه الاتصالات المحرمة التي لا فائدة منها إلا غضب الرب ، والعواقب الوخيمة. ولنتخيل أنها لم تأبه لنصحي.

فتكون مكالمة الشاب بمثابة الخيط الذي أتعلق به أنا لأصل إلى مرادي وهدفي في هداية صديقتي لجادة الطريق.... (التحاور مع الطرف الآخر، بعد أن فشل التحاور مع الطرف الأول) .

سأخبره بالحقيقة ، وأنها تتلاعب به ، وأنها قررت أن تتركه لذا أنا من رد عليه ، أعتقد أنه سيصدم ، ويقفل الخط ....أتخيل الآن أنها غضبت مني ولتصرفي هذا ...... لا بأس ستزعل مني فترة قد تطول أو تقصر ، ولكن في النهاية ستعلم أنني قد فعلت ما هو في صالحها.

انتهى...

أرق تحيات أختكم
الأمــــــــــ ـــــــــل

[tofi]

الله يعطيك العافية ... الظل ...

ما عندي أي مشاركة .... لأن ( عقلي تعبان شوي وما ودي أفكر)


المهم : كنت مارة من هنا وحبيت أسلم على حضرتك ...


أشتاق كثيرا لنقاشك ، وأتمنى أن يكون ذلك قريبا ...



تحياتي وتقديري


توفي