(منقول من كاتبه الأصلي الغير معروف لدينا )
مساء الليلك والنرجس للجميع
.
.
.
أطفال الناس الهاااااي
1- في الصباح حيث يبداء يوم اطفال الهاي عندما يستيقظ على صوت
الكناري اللي بغرفته بعدها يتوجه للحمام يتروش ويفرش اسنانه ويطلع
من الحمام تستقبله المربيه بالمنشفهوتصبح عليه يروح يغير ملابسه
وياخذ شنطته وينزل لغرفة الطعام ويصبح على امه وابوه واحلى
بوسه ياخذها منهم ويفطر ذاك الفطور طبعا عباره عن كرون فلكس
ابو الديك ذاك وبيضه وحده بس!! وكاس عصير وشويت زبده مع العسل
على خبزه ما عمري شفتها.
بعدين يقوم يغسل فمه ويودع الماما والبابا ويتوجه للسياره يلقى قدامه
السواق مبتسم ويفتح له الباب ويوديه لمدرسته الخاصه< اللي بلفلوس > :cool:
وعيالنا المحترمين
عيالنا يقوم الصبح بعد ما يطلع عين اهله ولازم افراد العائله تمر عليه
عشان تصحيه وكل واحد وطريقته:
الاب:قم قامت قيامتك
الأم:قم عساك بالقرندي
الأخ: والله اذا ما تقوم لافقع وجهك
الأخت الصغيرة: تيجي تنطنط فوق السرير
أخته الكبيرة : < تسوي نفسها بتدلعه> يالله قوم وأعطيك شنطة أخوك تروح فيها للمدرسه
< ما درت انه يروح بحزام>
بعد ما يقوم يمر الحمام على السريع ويغسل وجه شطف هذا اذا راح
وبعدين ياخذ اقرب كتب عنده ويربطها ويجيك مدحدر يدور الفطور ويتفاجأ
انهم ما حطوه؟؟
بعد ما يجي الفطور وهو كالعاده : فول شكشوكه تميس + حليب ابو علم
يبدأ الورع بالأكل وشوي الا وهو حاذف أخوه بعلبة الهندسه؟؟؟
عشانه سحب صحن الفول من عنده، |374|
المهم بعد ما يخلص الفلم اليومي يروح الولد للسياره يلقى اخوه فاتح
الكبوت ويصب ماء للرديتر المشقوق تقفل اخلاق الورع وينقز للشارع ويأشر لأقرب سياره ويروح للمدرسه < أكيد أبو البلاش>
أطفال الناس الهاااااي
2- بعد المدرسه يرجع ويلقى المربيه في استقباله تاخذ
الشنطه وتوديها لغرفته بصحبته يغير ملابسه ويغسل وجهه ورجليه
ويستريح له ساعه في أنتظار افراد العائله عشان يتغدى وبعد الغداء
الرايق < طبعا ما اعرف ايش اسمه بس اللي اعرفه انهم ياكلونه بشوكه وسكين >
يروح لغرفة الجلوس ويشرب شاهي للتهضيم ويحلي بقطعة كيك وبعدين
يروح لغرفته ينام له ساعه قبل العصر.
عيالنا المحترمين
يجي من المدرسه وثوبه قالب لونه بني< تقول جدار مدرسه >
ولا دخل البيت حذف الشنطه < اسف الحزام> بالصاله وفصخ ثوبه
ووينك يالشارع < اخوياه يحترونه> وهاتك ياللعب
كوره بعز الظهر وعادي الشارع مولع من الحراره وهم عادي مررره
ولا كأنه فيه شيء واهله ما يدرون ؟؟
في هذه الأثناء يرسل ابوه كتيبه من اخوانه للبحث عنه |427| |426| |424|
ولا لقوه وجابوه للبيت قام يصيح طقوني وسحبوني قدام الناس < والله ما أحد لمسه النصاب>
المهم يحطون الغداء < معروف يا كبسة لحم ولا مشخول دجاج >
غيره ما فيه!! يتغدى الورع الكريم ويصــــــــــــــــــك بعدها لتر للبن
بعدها يجلس ساعه فاتح ثمه < تحاول تسكر بفمه أنسى >
يحتري من يوديه يغسل له يديه!!!!!!!!!؟؟؟؟؟؟؟|210|
أطفال الناس الهاااااي
3- اذا جاء العصر جابوا دروسهم وشافوا وش عليهم من
واجبات وحلوها وحضروا دروس بكره بمساعدة الماما والبابا.
بعدها يروح لغرفة الألعاب ويجلس على البلاي ستيشن 2 وخذ لعب
لمدة ساعتين تقريبا يعني اللى وقت ما بين المغرب والعشاء.
بعدها تطلبه امه مع بقية أخوانه عشان يجتمعون ويشربون العصير
ويتكلموا فمواضيع مررررررررررره حلوه < أسألوني >!!!!!!؟؟؟؟؟
عيالنا المحترمين
يجي وقت العصر وهو نايم < مفعول اللبن > يقوم قبل المغرب
وياخذ دروسه وواجباته < وأقلامه ناسيها في درج الطاوله اللي بالمدرسه>
ويروح عند أخته ويتحايل عليها بكل ما أوتي من قوه على شان تحل له
الواجبات واذا قالت لا يا ويلها يا سواد ليلها .
بعد كذا أنواع الصياعة مع عيال الحاره ومن هم على شاكلته
ما يخلون
هندي الا وسرقوا درّاجته ولا دكان < حلوه دكان > الا ولعبوا بحسبته
ولا رجع البيت < على الساعه 11 تقريبا > تلقى راسه مفقوش من
جميع الاتجاهات والشرطه تدوره وجارهم مسوي أعلان عليه مطلوب
حي أو ميت |160||132| |133| !! وخذلك عاد < مساكين اهله >
أطفال الناس الهاااااي
4- أطفال الهاي بعد ما يتعشى ويمسي على اهله يروح لغرفته ويجلس
على النت ساعه أو ساعتين الى موعد نومه < الساعه 10 تقريبا >
بعدها يغير ملابسه وتجي المربيه وتحكي له قصه اللين ينام تغطيه وتطفي النور.
عيالنا المحترمين
لا رجع البيت< الساعه 11> ما يدخل من الباب لا ينط من فوق السور على شان ابوه ما يمسكه .
وعلى طول ينطلق إلى غرفته ويسكر الباب ويطفي النور ويطل من الشباك يعني
على باب الشارع الرئيسي يشوف وش صار على مسلسل المشاكل المكسيكي اللي جابها معه للبيت|137| |138| |140|
وكيف بيحلها ابوه مع الناس ومع جارهم ومع الشرطه.
وفي أثناء ذلك يستغل الفرصه ويروح للمطبخ وياخذ منه جبن < جبنة البقره الضاحكه >
وخبز ويرجع لووووووووووكره<اسف غرفته>
ويقفل باب الصندقه <اكرر أعتذاري الغرفه> ويتعشى من ذا الجبن والخبز
اللين يدوخ <على الساعه >> لا وأزيدكم من الشعر بيت ما ينام
الا وهو متلثم!!!؟؟؟ < على باله مراقب الأخ ولا نايم بالصحرا>
بس ويجي تاني يوم .. ويستمر المسلسل
عاجبكم !!!
...
تحياتي،،،،،،،
[/align]
... 
.. 
[/align]
