صيف 2002

[LAST*HOPE]

(جده مدينة المتناقضات .. مدري ليه بس ودي اقول كذا!!

وصلت هناك يوم الثلاثاء .. رحله متعبه على السياره ومشوار يكسر الظهر .. لا ومع العائله الكريمه واخواني وخواتي الصغار ما يحلا لهم الصراخ الا بالطريق


كان الجو لا بأس به .. أفضل بكثير من المتوقع والسكن جاهز و واسع , طبعاً مافيه الا أنا والوالد والوالده واخوي الصغير وخواتي .. فكرو معاي ثواني, وشوفو مين اللي بيجلس ينزل العفش من السياره من المذكورين آنفاً

نزلت العفش واذا حسبتم فيه راحه بعد كذا غلطانين .. باقي اروح اجيب لهم عشاء بعدين اشوف اذا ناقصهم اغراض .. الخ الخ الخ . وكل شي الا الراحه

ثاني يوم او ثالث وصلت سيارتي بالشحن , والعائله الكريمه صار مسؤل عنهم شايبنا ياعسى الله يطول عمره بالصحه والعافيه (آمين) , وصرت انا على كيفي ;) . قضيت أول اسبوع أتنقل معاهم وين ما راحو رحت معاهم , مو لسواد عيونهم .. بس عشان أدخل محلات العوائل . منتزهات وحركات وكل شي .. بعدين عاد بديت أغير جو .. إتصلت على أحد اللي تعرفت عليهم عن طريق المنتديات وقابلته كذا مره هو واللي يجي معاه .. وما كانت اول مره واتمنى مو الاخيره :rolleyes:


خلونا نرجع شوي لما قبل السفر .. كنت كلمت أبو فهد وقال لي انه مسافر جده وراح يقابل الشباب .. قلت خير نشوفك هناك ..

يوم وصلت هناك اتصلت على ابو فهد وصرفني واتصلت ثانيه قال ما ادري متى اقابل الشباب قلت خلاص اذا قابلتهم انا موجود عطني خبر نجتمع .. مع العلم اني ما قابلت ولا واحد منهم قبل الى الآن وعلاقتي معاهم ما تتعدى النت .

الحاصل اني من ذاك اليوم ما شفت ولا سمعت من ابو فهد ولا عاد اتصلت او سألت على أساس لو حصل اجتماع راح يعطيني خبر .

اللي طلع ان ابو فهد قال للشباب لاست هوب سافر (شوفو الحسد يا ناس :rolleyes: ) وبعدها بكم يوم رجع هو للرياض وانا ما اعرف تلفون احد من الشباب .. بالتالي مافيه فرصه نشوف احد ..

بعد اسبوعين او أقل قابلت ذاك اللي يسمونه نايف على المسنجر وسألني عنهم .. قلت ما قابلت احد .. قال كيف!؟ قلت تركت خبر عند ابو فهد ولا سمعت منه .. قال اتصل عليهم قلت ما اعرف رقم احد بعدين خلاص لو اجتمعو اكيد بيقولون لي ماله داعي كل شوي اتصل , قال طيب انا بتصل عليهم وبعطيهم رقمك ::* .

مادريت الا ذاك الصوت جايني في نفس الليله .. الووو لاااست .. ياخي ابو فهد الزلابه ما قال لنا شي والمعذره والخ الخ الخ

لاست: مين معي ؟؟

هو: معاك الظل ..

وسلام وكلام و موعد ...

وصل الظل ومعاه اثنين ..


الظل يسلم علي وعرفته .. يعرفني باللي معاه (مرسال) فلان بن علان .. (أرسطو) ثامر الحربي ..

مشينا ومشي الوقت معانا وسوالف و احاديث وثامر ساكت !!

مو معقول ثامر ساكت

أنا: ايوه يا ثامر اخبارك كيفك وكيف التدريس معاك ..

ثامر : الحمدلله ماشيه الأحوال ... (الساعتين اللي بعد سؤالي كله كلام ثامر .. يشكي من المشوار حق المدرسه و يوصف وضعه الصعب)

تصدقون بغيت ابكي !!

من جد الولد يمر بأزمه قويه و عنده صدمه من المصير اللي آل اليه !!
بعد الشكوى من الوضع الحالي اشتغل على موال (آآآآآه يالقريات ..آآآه يا أيام العز ... الخ) وكانت الآه تطلع من قرب محروووووق !
بالأخير قام مرسال (دليل على اننا كنا جالسين) يقول ..

مرسال: خلااااص .. حرام عليك ياشيخ .. حتى انا صدقتك ..

أنا: !!!!

أرسطو: خلاص يعني يكفي ؟ <=(بكل برووووود)

مرسال: ايه يكفي ياخي والله صدقت نفسك ودخلت جو مع الدور.. أنا خفت أتلطش من نفسي ..

أنا: (برضو) !!!! (مع تتنيحه قويه .. احساس غريب بأني فاهم كل شي بهالدنيا )
فجأه سكت ثامر ورجع هااااادي .. وصار كلام مرسال كثير واستهباله اكثر


طبعا اكيد عرفتم ان الظل وارسطو كذبو علي وقلبو أدوار وشخصيات مرسال وارسطو (اقول الظل وارسطو لأن مرسال في البدايه حاول يطلع من اللعبه لكن تدبس فيها غصب)

ماعلينا .. الحاصل اني قابلتهم بعد هاليوم كذا مره .. وفي مره من المراريت كنا في شقة ثامر .. ومعانا صوت الصباح .. ياحليلك ياصوت الصباح من جد ذاك اليوم ضحكت ضحك ..

حبيبي صوت الصباح حياوي .. وثامر مثل عوايده بجيح وكل شوي يطب في الواد .. وصوت الصباح ينحرج ويرد وهو منحرج ويصرف ثامر ويقول له ياخي اسكت لا تكثر كلام .. الخ
وثامر مصر على الازعاج !!
بعد شوي قام الظل وطب مع ثامر على (الحليم) اللي بعد شوي غضب وطلع طلعه غير طبيعيه .. يقول للظل (ياخي انتِ اصلا المفروض الواحد يكلمك بصيغة المثنى .. وحده لك و وحده لشنبك)

------------------------------------------------

هناك كانت كاميرتي معاي .. وصورت صور كثيره حبيت اشاركم ببعضها :rolleyes:


شروق الشمس في جده حلو ..



لكن غروب الشمس في جده (غير) .. (للمعلوميه ما شفت غروب شمس على البحر في حياتي الا في جده .. عشان كذا لا تشرهون)

















بحر جده بروعته التي لا يظاهيها أي مكان في العالم.. فلو أنك طققت لطمةًَ جيده (من طق يطق طقاً اذا قمت الصباح للدوام او للمدرسه ومن شين الأخلاق ربطت الشماغ حول أنفك) محكمة الإغلاق منعاً لتسرب الروائح السيئه (صدقوني اذا قلت سيئه فأنا أعني ما أقول.. آخر اشاعه على ذمة نايف وثامر ان أحد مصادرها الرياض)... ومن ثم ركزت نظرك نحو الأفق كي لا يقع ناظرك لا على الشاطيء أو الكورنيش .. ولا على البحر القريب من الكورنيش (قول مسافة اثنين كيلو في البحر من جهة الشاطيء لا تناظر فيها ابد) حتى لا تقع عيناك على أي من المزابل والخرابات والبلاوي المتلتله (ممكن تلاقون ملابس داخليه حفاظات أطفال جيف حيوانات .. كل شي ممكن) من أجل ذلك نكرر .. أبعد عيناك إثنين كيلو في البحر عشان ما تشوف شيء من المذكور وستجد أنك تذوب في الطبيعه .. (ايه هين)














--------------------------------


طيب وش بعد في جده نتكلم عنه وش فيه بعد ..

اممممممممممممممممممممممممممممم م...

... هناك طرق جده .. اهأ اهأ اهأ
صدقوني عاد في هذي .. غيييييييييييييييييييير

يا ناس ياهووووووه من منكم شاف طريق المدينه .. ياسلااااااام على الطريق ..
طريق يقول لك (والله ما تطلع من عندي الا وانت مسوي حادث) طريق سريع, وأي طريق ..!
خلونا نفكر ثواني بس في نظام المخارج والمداخل على هالطريق .. المظلوم هنا هو اللي جاي من طريق الخدمه .. تلاقيك ماشي في أمان الله فجأه تحس إنك مرتفع فوق مستوى الأرض شوي .. طبعا راح تكتشف انك طالع فوق رصيف !!!
والله ماني قادر افهم ليه هم يسوون كذا .. هل بين وزارة المواصلات وبين الورش ومحلات قطع الغيار عقود و تعاون مشترك والا ايش السالفه !!
ابي اعرف ليه الرصيف كذا داخل في الشارع وماخذ سيد كامل !!

طيب خلاص . .معليش بنمشيها ,,, فهموني لييييييه الأماكن اللي فيها (الألغام) هذي تكون مظلمه !!!!! بالاضافه الى كون ارصفتها غير ملونه(الا اذا فيه علامات كفرات سبق و أن أكلتها) وبطريقه غريبه تندمج الوانها مع لون الطريق في تناغم يمنع التميز بينهم .. سبحان الله بلدية جده فعلا غير ..!

يعني يبون يتأكدون مافيه أحد يعدي من عندها سليم ! يبون يتأكدون كل من يمر عليها لازم يطلع عليها وتتكسر سيارته ؟

هذا غير الحفر والمطبات الغريبه اللي ماليه الشوارع وغير وغير وغير ..الخ

أحلى شي الحفريه اللي مسوينها في طريق المدينه .. طريق رئيسي يوم سوو فيه حفريات صار سيد واحد بس !!

الله يعزك يالرياض كانك عز .. لو بيسوون في حواريها (مو خط سريع) حفريات من اليوم الى بكره تلاقيها اقل شي سيدين (يعني يكفي سيارتين) ..


خلصنا ..



-----------------------------------------
==========================


تسائلات دارت في ذهني !؟!

· امممممممممممممم ...

+هل جده غير عشان قصة شعر ثامر !!؟
+عشان شنب عمو شنبو .. الباك شادو بتاعنا !!؟
+هل عشان مرسال صار أرسطو .. و أرسطو صار مرسال !!؟
+أم هل لأن صوت الصباح يخاطب الباك شادو بصيغة المثنى ..؟؟!
+ أم هل السبب يكمن خلف نصبات محمد المحيا .. مره يقول لي اعرف صوتك وانا اول مره اكلمه .. ومره يقول لي اعرف اغوص واذا جيت جده تفقشت العلوم .. واسألو الباك شادو الغواص (نمبر ون ) في جده ..


+ هل السبب فهودي؟ .. حبيب قلبي يصير عنده النشاط غير طبيعي كل ما شم الهوا البحري في جده ..!



والله من الشقاوه بعد ..


<=(لاتدققون بالوصاخه .. هذا انظف مكان على الكورنيش)


<=(قايل له مالك ومال البنات .. عذاب في عذاب .. لكن ما سمع كلامي)

خلوني اقول لكم قصه خطيره .. صارت له هناك في محل اسمه اعتقد تشكي تشيز .. الحاصل ان هالولد مجنوووووون ياعسى الله يصلحه (لا تغركم البرائه .. ناس ضاعت اعمارهم عشانهم انغرو فيها..) .:020:
الحاصل انه كان يركض يركض يركض .. بين العوائل والاطفال والنساء والرجال و ولد خالتي الكبير كان يركض وراه يخاف عليه من شي والا شي .. فجأه فهودي وقف خلف حرمه .. ومسك العباة حقتها .. ويسحبها بأقوى ما عنده .. وطلعت البلاوي المخفيه والحركات .. طبعا ما وقف على طول هرب ولا فكر بشي .. جا ولد خالتي الكبير يمشي في أثر خطوات فهد .. الحرمه التفتت ميييين لاقت في وجهها ؟؟؟
طبعا لاقت ولد خالتي الكبير .. وبنت الحلال فهمت الموضوع غلط .. ولا تسألو عن اللي صار بعدها :019:





---------------------------------------

======================





في الختام أحب أشكر بلدية جده على النظام العالمي الجديد للمحافظه على نظافة المدينه .. حيث يكلف هذا النظام الجديد الملايين التي لم تذخرها المدينه للأجل زوارها .. وهذه صور للعمال الذين يعملون ليل نهار بلا كلل او ملل وبتفاني واخلاص ..!




.
.
.



----------------------------------------------

==========================



الفلاش القادم ذكرياته اهداء لشباب جده صيف 1423-2002 مع خالص الشكر .. و أحب أن أذكر أنني في هذه الرحله لاحظت أن الجميع يدعون الظل بـ (أنكل) وبصراحه اكتشفت عليه اسلوب يقنعك وغصب تقول له لو ما تبي .. شكر خاص له ولثامر والجميع .




[FL=http://lasthope.20m.com/heroL.swf] width = 500 height = 400 [/FL]

ملاحظه:

أناقلت الذكريات مهداه للشباب .. أما العمل وخاصه أنه أول عمل لي بالفلاش فأهديه لأجمل ذكرياتي و أنقى صفحات حياتي .. أهديه لأول شخص أهديته و أول شخص أهداني .. أهديه للذي جعلكم ترونه في امتدادي و وجودي .. أهديه للذي جعل هذا العالم أفضل..
فله المعنى وله الشجن وله الحنين وله كل هذا الفن .. إن كان فن


تحياتي ..

أخوكم:
LAST*HOPE-الأمل الأخير.

[LAST*HOPE]

بما اني ما سويت زر اعاده للفلاش قلت احط لكم وصله احتياط


http://lasthope.20m.com/heroL.swf


ارفعو الصوت على الآخر عشان تسمعون بوضوح ..





وانبه انه ممكن يصدر جزء ثاني لهالموضوع .. لكن بعنوان يختلف


وبتكون لي وقفه مع الغوص واللي صار لي هناك في اول مره اغوص فيها



باي .

[ابوفهد]

[c]

هلا حبيبي لاست هوب

اقول خلك من النصب والاحتيال

انا كلمتك وقلت ترانا في المكان الفلاني

وقلتلي انا مرتبط مع بعض الشباب في جدة

وان قدرت اتخلص منهم بدري كلمتكم

ولا عاد كلمت ابداً بعدها

علما ان الحبيب الظل لما سأل عنك

قلته الكلام هذا

وحسب معلوماتي منك شخصيا

انك مرتبط مع الوالد

عاااااااااااااااااد شف

علشان نصبك واحتيالك

قفلت الدرر زعلانه عليك

بس ترى الصور ما طلعت اولا

وثاني شيء فالح بالفلاش حقك

ناقصين موسيقى

تحياتي

[/c]

[الأصيـــــــــل]

مساء النرجس والليلك
.
.
.
حبيبي لاست هوب

لو كنت ادري انك جاي جده كان صار العجب

ترى ثامر ولظل ومرسال كانوا مرة محترمين معاك

لو شفتك كان خليتك تصدق اني ابو فهد وان ابو فهد الحقيقي كان بيضحك عليك:p

على العموم حبيبي انا اتشرفت بشوفتك لما جينا الرياض وكان لي الشرف ان

ادور معك في برج المملكة

تحياتي وانشالله بنشوفك ثاني والله يديم المحبة

[الشمس]

مراحب

مابعد قريت الموضوع كله بس شفت الفلاش
من جد خطير وفيه تطور كبير ..
إللي شاف أوووول فلاش سويته أيام الملتقى رح يعرف وش التطور اللي أقصده :rolleyes:

هذا غير إني أحب هالأغنية كثير ويعجبني أنريكو أكثر




لي رجعة بعد القراءة

[aljenny]

يسعد أيامك لاست هوب ..

أجل الله لايلومهم يوم سموها " جده غييير " !


وحنا على بالنا هالغير من شي متوزي ومانعرفه .. أثاريه من التكدسات بأنواعها

يابعد قلبي يالرياض .. محد يعرفك إلا إللي " إستوعبك "

يا أخي تصدق وأنا أكتب " الرياض " أحس إني أرسم لوحة .. أسمع نغمة .. أرسل رسالة .. أدق وترد .. أقوم أسكر وترجع تتصل

آآآآه ما أرق الرياض تالي الليل .. أنا لو بيدي أخذتها بيدها ومشينا .. بس الهيئة الله يهديهم مشددين على نقطة اليد

مشكور يخوي على مجهوداتك في إيصال الحقيقة و الصور التحفة .. صح الكاميرا شكلها مش حالك بس حلوه .. التصوير رجعني لأفلام شمس البارودي وحسين فهمي يوم إنه فرفور وماشي سوقه أيام أفلام حافيه على جسر الذهب ودمي ودموعي وإبتسامتي (ينفعون معرفات)


نجي للفلاش .. خطييييير .. صح مقتبس من جيمس بوند بس حلو .. خطييييير

[مرسال]

مساء الخير تركي

يووووووووووووووووة أنت لسا فاكر

بس على فكرة متأكد ان اللي قابلتة مرسال;)

تركي قول آمين ياجعلك ماتطب تبوك صحيح مافيها بحر لكن فيها بحور

تركي بصراحة فلاش ولاأروع

تحياتي

[LAST*HOPE]

هلا حبيبي أبو فهد ... ياخي بنصب على كيفي براسك شي :p :p :p


ياعم اذا انا نصاب ومحتال .. علمني الأصيل ونايف وش يصيرو .. :rolleyes:


احمد ربك عندك واحد مثلي في المنتدى .. ;)


وعارفينك يابو فهد من غير ما تقول ..


أما سالفة التقفيل بالله لا تذكرني ماني ناقص

من جد ذاك اليوم بغيت اصدق الاشاعات .. لكن الحمدلله طلعت سليمه هلا حبيبي أبو فهد ... ياخي بنصب على كيفي براسك شي :p :p :p


ياعم اذا انا نصاب ومحتال .. علمني الأصيل ونايف وش يصيرو .. :rolleyes:


احمد ربك عندك واحد مثلي في المنتدى .. ;)


وعارفينك يابو فهد من غير ما تقول ..


أما سالفة التقفيل بالله لا تذكرني ماني ناقص

بغيت اصدق الاشاعات لكن الحمدلله .. قت سليمه (طلعها الشقه )


امممممم .. الصور ياحبيبي ما ادري وش سالفتها .. مره تطلع وعشر لا

من جد ضيقت صدري .. لكن ماني فاضي اجلس انقلها لموقع جديد والا من هالخرابيط .. الشكوى لله .

اما الفلاش .. فلو سمحت لا تجلس تقول موسيقى وخرابيط .. الفلاش اغنييييه .. يعني تقول ما حنا ناقصين اغاني .. واقول لك صدقت والله ويا عسى الله يعفو ويغفر ... ويتغضى عن ضعفنا

[LAST*HOPE]

أهلا بالاصيل .. (ياخي كل ما اشوف اسمك ودي ابكي .. شكلك وانت متبهذل في الرياض يحزّن)

اخبارك حبيبي والأحوال ؟؟

ياعم انا سألت عنكم هناك .. انا زل لساني وسألت من جهه .. والشباب أولهم أرسطو و الظل من جهتهم مافيه الا صياح ونياح وياعم انت غاوي مشاكل وبهذله وهم وضيقة صدر .. خلينا كذا احسن هذا الوجه المشرق من جده واهلها .. مالك ومال الظلام الخ الخ الخ


طوال ايامي الباقيه في جده صرت اتعوذ منكم قبل انام


صراحه ما ادري عشان عندنا نايف ما نشوف غيره والا ايش السالفه بالضبط .. لكن لما قابلتك بالرياض كنت أليييف جداً .. أو يمكن عشان لك عشر ايام ما نمت ..

من جد مستغرب انك تذكر انه انا اللي معاك بالمملكه ذاك اليوم :cool: .. كنت في جو ثااااانيييييي


ياعم ياما في الحبس مظاليم (وش دخلها) ..

وان شاءالله نشوفك مرات ومرات .. وتشرفنا ياغالي

[LAST*HOPE]

طلعت يامحلا نورها .. شمس الشمووسه


اهلين وسهلين .. بشموستنا :cool:

أجل فيه تطور كبير هاه .. :rolleyes:


يعني من اول يوم كنت تقولين ان فلاشي القديم ذاك رهيب كنت تنصبين علي .. وش يدريني عاد انك الحين ما تنصبين علي بعددددد هاااه


إللي شاف أوووول فلاش سويته أيام الملتقى رح يعرف وش التطور اللي أقصده

بديت افكر جدياً انا واياك ما نجتمع في منتدى ولا اي مكان خلاص


يقول اللي عرفك صغير يحقرك كبير


مشكله اذا فيه احد ماسك ماضيك الأسود .. ابي اسوي نفسي فنان هنا لكن للأسف مكفوش


يالله .. عموما شرفنا تشرفيك و أسعدنا حضورك .. وان جيتي الحق






من جد اسعدتني كلماتك


ما توقعت اني تطورت لهالدرجه ولا كان في بالي افك مع نفسي كذا لولا انك شهدتي


ثانكس شماميسو ..


وفي انتظار عودتك

[LAST*HOPE]

بايات الجني لا ركّد الله فيك مجنون .. ما دام خير


من جد كل ما احس الرياض واشوف اللي يحسونها ويشعرونها .. استغرب .. وعلى ايش !!!


واللي يزيد الطين بله انه ما يملى عيننا ولا شي وكل ديره اقل و أدنى من الرياض .. !!!! :rolleyes:




اقول عاد ما تلاحظ انك مصختها بالاخير .. شفيك قلبت علي


أول شي الكاميره اصلا ماهي كاميرا .. اقصد ماهي كاميرا فوتوغرافيه متخصصه .. هي اصلا كاميرة فديو وفيها ميزه زياده تصوير فوتو غرافي على مموري ستك من نوع مش حالك :o

وبالنسبه للفكره حقت الفلاش والله ما سرقت من احد شي

توارد خواطر لا أكثر :p


لا والله ما ادري يمكن يشبه جمس بوند بس انا اصلا ما تابعت له شي ولا احبه .. لا القديم و لا الجديد حق بروسنان مدري وش اسمه ..

كل مافي الأمر اني كنت جالس أتعلم على الفلاش عشان بسوي كرت و اخربط وطلعت معي الكورتين اللي في البدايه وخليتهم يجتمعون في النص وطلعت الحركه حلوه وسويت الفلاش بس :rolleyes:


مشكور يالجني على المرور .. و تعجبني فيك صراحتك وتلقائيتك ;)

[LAST*HOPE]

مرسال .. أهلين وسهلين


امممممم ..


لا ماني متأكد .. بس تعودت اخذ الانسان زي ما يبي على شرط انه يكون اللي يبي ..:rolleyes:


بعدين ليه احس انك خايف تنسى اسمي



ثانكس ياعم على التشجيع .. وثانكس على المشاركه ..


وخلينا نشوفك ..

[BackShadow]

يسعدلي مساكم جميعاً


توني اشوف الموضوع ذا


ما اقول الحين الا شي واحد

[c]
اللي ما يطول العنب
[/c]


حرجعلك ثاني يا حلو


مع تحياتي

[ملكة البحار]

سلام لاست هوب ...
فاتني هذا الموضوع ماقراته من زمان ...
(nom3)
هوا انت من شلتهم ...


....................

فلاش حلو ..بدايه جميله ...

....................

الصور أغلبها ماتظهر عندي...الولد الصغير شكلو أخوك

تحياتي ..

[أرسطوالعرب]

[c]بسم الله الرحمن الرحيم
(*مايلفظ من قول إلا لديه رقيب عتيد*)[/c]
السلام عليكم ورحمة الله وبركاته....

مو معقول...... مو معقول

فاتني هالموضوع

أول شي......

تركي من جد موضوعك متعوب عليه....متعووووووووووووب عليه

ذكرتني بأيام حلوة....

أول شي بأحكيلك عن أشياء خلف الكواليس....

مرسال كان عندي...وعمو الظل مرّنا وأخذنا عشان ناخذك...

ويوم قربنا كنت متحمس ...

وقلت للشباب :- يا (عيال) كيف تتوقعوا شكله ؟

ما أحد رد علي..

قلت لهم :- أتوقعه نحيف وطويل وأبيضاني وشنب خفيف...

ومرسال :- لا يا شيخ ؟

أنا:- ليه شفيها ؟

مرسال :- أكيد بيكون نحيف وطويل وشنب خفيف ...إيش الشي الجديد ؟

الظل :- بس يا ولد إنت وهو ....وصلنا خلنا نتصل عليه


بعدين قابلناك وسلمنا عليك

وكالعادة أنا وأنكل نسحب في الجدد....قبلك سحبنا بـhi too وسحبنا بالوائلي ...

بس المرة هذي كان معانا مرسال...

فأنكل قلب الأدوار وعرفك علي إني مرسال ومرسال إنه أرسطوالعرب...

بدون تنسيق مسبق....

مرسال بغى يخربها لأنه مو متعود على أجواء التسحيب

لكنه سلك في الدور بسرعة... ما شاء الله

المشكلة إنه أتقن دور أرسطوالعرب لدرجة إني بديت أشك إني مرسال؟؟

وأنا بعد لقيت نفسي صرت مرسال 100% ....

أرحب فيك و(أسكت) وأصــــن

وتاركك إنت تدير الحوار وتسألني الجيش وبرودة الجو بتبوك و..و..و...

وأنا رامي ثقل

عامل خفي ساعد الهرجة...
أرسطوالعرب كانت معه سبحة ......رمز من عشقه للقريات...
مرسال معاه سبحة..... (أي واحد في الشمال لابد تكون معه سبحة لأنها دليل الفحولة )


إلا أقول...

لاتسوي فيها اللي شك وبغى يعرفنا ...

والله ثم والله ثم والله إنها مشت عليك

ولولا إن أنكل خاف إنك تزعل وتشره علينا كان تركها ماشية عااااادي

بس إنه حنون ^-^


سالفة صوت الصباح وذاك اليوم اللي بالشقة...

ذاك كان مشهد واحد بس لحقته لأرسطوالعرب وهو يتصرف بـ(الإيحاء) ..

شغلات بدري عليك تفهمها

لأني ما بعد فهمتها


أما الشعر لاتنق واللي يرحم والديك...
حلقنااااااااااااااااااااااه

بس تدري....

من جد ما تركب...

شعر طويل ولحية !!!!

السيد شلولخ على غفلة


يالله عندي فاكسات إطحس شوي


مرسال:-
ذاك يوم يسجل إعجابه فيك...
تصدق.... لو تهبق معانا وأعطيك معرفي وأخذك معرفك يمشي الوضع عااااااااااااااااادي
على فكرة....
ما تحس إن شخصية أرسطوالعرب تمثلك في أشياء كثيرة ؟!

الظل:-
أموت ضحك كل ما شفتك تسوي حركة....
حركة اللون اللي إنت حاطه بنت كلب...

يالله يا تركي ....ورينا ويش بتسوي الحين ؟

أيام كان تركي عندنا إنشكحت مع hero وأمس يوم كنا بمكة إنشكحت مع (أنا إنتهيت)

وبعدين يعني؟؟؟؟!!!!!!!!!!!!!!!

[c]---------
أولى أبواب الفضيلة.....تقييم الجهل
----------[/c]
ثـامـر الـحـربـي