السلام عليكم
الحقيقة يا الربع انا مليت من العمل الروتيني وقررت اغير نشاط حياتي شوي
ويوم سمعت عن الجماعة في الصومال والاستثمار الرائع في القرصنة
قلت يا ولد ... ليش ما تصير قرصان وتريح راسك
الجماعة هناك يحكرون سفينة من السفن اللي معدية من قدامهم
وبعد كذا تشتغل المفاوضات ويجوك شيوخ القبايل يترجون فيهم
والقرصان منهم يقول علي الحرام والطلاق اذا ما فكيتوني لا انسف ام السفية ولا يهمني شي
طبعاً القرصنة موجودة من ايام " جزيرة الكنز "
[align=center][/align]
بس الجماعة في الصومال بصراحة عرفوا يستغلوها زين
يعني جالسين ينتظرون اي سفينة تمر من جمبهم ودقايق وهم فوق ظهرها وساحبينها من رقبتها لمحل ما يبون
وبعد كذا يطلبون الفدية اللي يبونها في السفينة والا ما يفكونها
التقارير تقول ان الجماعة خلال سنة واحدة بس جامعين اكثر من 150 مليون دولار
آخر السفن اللي قومت الدنيا والى الحين ما قعدت كانت سفينة شحن بترول تنقل حمولة لارامكو السعودية
الجماعة ما اخذوا اكثر من ربع ساعة الا وهم مسيطرين عليها وطبعاً لانه يمنع حمل السلاح فوق السفينة
السفينة تعتبر اكبر سفينة نقل بترول في العالم
قيمتها مع حمولتها كانت 250 مليون دولار
تخيلوا علشان الجماعة قنوعين طلبوا بس 25 مليون
قسم بالله لو انا محلهم اقل من 50 % ما اطلب
طبعاً هم شعارهم اذا انت رجال دور علينا وقرب مننا
الاسطول الامريكي اللي راج الدنيا في كل مكان ما قدر يقرب منهم
لسبب بسيط ... انهم ما عندهم شي يخسرونه
يعني زي اللي يقولون ما يهمنا نموت ... اذا بتقتلنا تعال واقتلنا فوق السفن اللي حاجزينها
طبعاً فيه سفن الى الآن محجوزه عندهم وما انفكت لان اصحابها ما دفعوا الفدية
هذي مقدمة الموضوع
الحين بجد الجماعة ذولي وش سالفتهم
معقول ما احد قدر يكسر روسهم ؟
وكيف يستلمون الفلوس الخاصة بالفدية ؟
اكيد شغالين على خطوط شحن يعني بعد كل عملية ارمي
هل تتوقعون وراهم دول ؟؟
والسؤال الاخير والمهم ....
من يعرف لي واسطة عندهم يشغلوني معاهم ؟؟؟
[align=center][/align]
رد مع اقتباس
[/align]
|557| 
[/glint]
المشاركة الأصلية كتبت بواسطة وردة وردية
