صباح الخير
كيف الشباب وكيف الصبايا؟
أرسل لي زميل على إيميلي في الشغل صوره .. هي في الواقع أكثر من صوره .. كاريكاتير لطيف .. وجيت بفتح الإيميل إلا وهو واقف على راسي.
قال لي افتح افتح وشوف .. فتحت ولقيت <<<<<<
صدق من قال : "صورة تغني عن ألف حرف" .. زميلي يتمتم.
قلت له وانت وش اللي مضايقك؟ معظم الحريم أوزانهم زايده عن اللازم وهذا الكاريكاتير مجرّد عكس لنصف الواقع أو أكثر .. يا رجل خلهم ينبسطون.
قال وكيف يا صاحبي واحنا يا الرجاجيل نروح فيها.
تروح فيها؟ كيف؟ وانت وش دخّلك؟
الوحده منهم لين حطّت دراعها على صدرك وانت نايم ما غير تخنقك, غير الضيق اللي بتلاقيه في السرير وهي حايشه المكان بس لها ولحومها.
لا حول ولا قوّة إلا بالله.
قلت له يا أخي انت بعدك ما تزوّجت؟!!
صحيح بس يا أخي كاسرين خاطري المتزوجين واللي حريمهم براميل مثل اللي فيذا الكاراكتور مدري وش يسمّونه .. الله يكون بعونهم .. مساكين والله مساكين.
وأضاف:
وليش دي الحريم يمتنون ويتخنون كدا .. ليه ما يراعون أكلهم ويلعبون رياضه وينسمون في بطونهم باستمرار.
ينسمون؟ وش دي اللغه البايخه اللي تتكلم فيها؟ قال ينسمون قال!!
ايوه يا أخي ما سمعت في التنسيم .. وبعدين ليه وليه القعدات الطويله اللي مال أبو أم جدّتها داعي لين ما متونهم تاخذ سنتيمترات من جميع الإتّجاهات .. يا أخي والله حرام عليهم .. الرجّال يكد ويتعب لين ما يجمع له قرشين يتزوّج وبعد ما يتزوّج بسنتين تقوم دي الحرمه منتفخه كنها بالونه والعياذ بالله .. الوناسه تروح بعد سنتين يا صاحبي وباقي العمر تعيش مع دبّه منفوخه.
قلت له .. تعوّذ من ابليس مو كل الحريم دبّات .. في منهن اللي تحافظ على رشاقتها سنين طويله بس وش تبيها تسوّي والرجّال ما يشبع كل سنه يبي ولد .. البطن يتمغّط والشحوم تملأ المكان وبعدين انت يا الرجّال تطلب المستحيل وتعيد في موّال "ألا ليت الرشاقة لك يا حرمتي تعودُ".
بس وين تعودٌ يا صاحبي وين تعودًوووووووا.
موب عايده الرشاقه يا حبيبي موب عايده.
قال وهو معصّب : يبو الشباب فيه حريم من قبل ما يحملون ويولدون كرشهم تسابق ظلهم .. حشى وش ياكلون؟!!
قلت : يمكن وراثه.
قال: لا وراثه ولا شي كاهو أبوهم عصقول وأخوتها ما شا الله عليهم رياضيين .. إلا من زود الركاده وأكل الشوكولاااا.
واخذ بالك من "الشوكولااااااا؟"
سمعتها البارحه في ال MBC وحده تعزم خويتها على شوكولااااااا.
ما علينا .. كمّل وش كنت تقول؟ طيّب ما قلت وليه الرجاجيل ما يخفّفون من كروشهم .. لو تلاحظ معظم رجال الخليج والسعوديّه خاصة بطونهم متروسه وكل واحد فيهم يتنافس مع الثاني مين كرشه أكبر.
طأطأ برأسه وقال : انت ما منّك فايده دايما متحيّز مع الحريم .. أنا أروح أشوف شغلي أبرك لي.
أحيانا تكتب موضوع بتسرّع فتصيب بعضا من القرّاء بالحرج .. وربّما جرح لمشاعرهم / (هن) .. وأنا اليوم رغم يقيني أنني سأتسبب في إحراج وجرح مشاعر إلّا أني وبعد تفكير عميق قرّرت أن أخاطب كلّ دبّة في هذا الكون بأن تتّق الله في نفسها وتخف على روحها من شيل هاللحم وتذكّروا أن ليس كل لحم مرغوب.
وأدعوكم جميعا رجالا ونساءاً صبيةً وصباياتن بأن تحافظوا على رشاقتكم بالرياضه اليوميّه .. أو الأسبوعيه .. أهم شي لا تصيروا دبب.
ما قصدتك يا ثامر والله العظيم .. الكلام للحريم أكثر شي .. ما أبيهم يصيرن براميل مثل اللي في الصوره.
وتحيّاتي .. وقبلها اعتذاراتي إن .....