[c]
مســاء الخـــييييييير..
أخوي محمد هل صحيح ان في يوم الخميس أو الجمعة ستتعرض
اجهزة الكمبيوتر لفيروس خطيـييييييير..؟؟
ولك شكري..
[/c]
- الإهدائات >> | |
إضافه إهداء |
[c]
مســاء الخـــييييييير..
أخوي محمد هل صحيح ان في يوم الخميس أو الجمعة ستتعرض
اجهزة الكمبيوتر لفيروس خطيـييييييير..؟؟
ولك شكري..
[/c]
صدري سما .. واحساسي ... طير
؟؟؟
أيش الحكاية يا بت
أحـ بـ كـ .. نقطة .. تـ بـ عـ ثـ ر ت
مرحبا شيهانة
الخبر صحيح .. لكن مو كل الأجهزة طبعاً
الفايروس هو تشيرنوبل المعروف .. وأحد نسخ هذا الفايروس تشتغل يوم 26 ابريل اللي يوافق يوم الجمعة. والفايروس هذا يمسح جميع محتويات الهاردسك والبايوس.. يعني خطير مهو سهل
وبالمناسبة الفايروس هذا ما يضر إلا أنظمة ويندوز 95 و 98 بس.
طبعاً إذا كان جهازك فيه برنامج حماية وكنتي تسوي تحديث لملفاته أول بأول فالمفروض إنك ما تقلقي أبداً وتكوني بأمان من ها الفايروس.
ونصيحتي لك وللجميع إنك تسوي تحديث لبرنامج الحماية وبعدين سوي فحص شامل للجهاز .. وبعض الناس يغيروا تاريخ الجهاز من البايوس قبله بيوم بحيث يزيدوا التاريخ يومين وبعد يومين يرجعوا التاريخ الصحيح لأن الفايروس ما يشتغل إلا في تاريخ معين..
طبعاً هذا حل مؤقت والأفضل حذف الفايروس إذا كان موجود لأن بعض نسخه تشتغل يوم 26 من كل شهر.
والبعض طبعاً ما يشتغل على جهازه يوم 26 ابريل أبداً.
تحياتي
محمد
اشكرك اخوي محمد على التوضيح
واحب اضيف ان كُلا من شركتي نورتن وماكافي نزلت اخر ابديت لبرامجها كل ما
عليك تنزل هذا الابديت وانشاء الله ما هناك اي خطوره .
صباح الورد..
الروح ..
الحكاية زي منتي شايفة ..
محمد..
مشكور على الايضاح ونقل الموضوع ..اعتذر لسه ماتعودنا..
طيب..
*لو كان الاتصال بالشبكة يجيني من خلال شركة هي المتكفلة بالتشفير والحماية..لازم برضو يكون عندي حماية من الفايروسات؟؟
* ممكن استخدم جهاز ثاني فيه برنامج الفايروسات بس مادري هو محدث ولا لا؟؟
..
أنا وندو 98 للاسف لسه مااتقنت غيره..
وماعندي برنامج الحماية لاني معتمدة على الشركة التي توصلني بالنت
يعني اعتزل النت يوم 26؟؟
معذبينك معانا ..
ومشكووور مقدما..
صباح النور مرجوج..
الابديت طريقته صعبة..
اذا تكرمت ممكن تشرح لنا شرح مبسط..
كيف ننزل البرنامج؟؟
وكيف يكون التحديث..؟؟
والتحديث تنتهي مدته كل كم يوم؟؟
وبعدين لازم يكون عندنا فك ضغط الملفات؟؟
وكم تستغرق مدة تنزيل البرنامج؟؟
وهل يؤثر على اعدادات النت؟؟
وبس كفاية..
مشكووروماتقصر
مساء الخير
هلا شيهانة ...
حتى لو كنتي تتصلي بالنت عن طريق شبكة داخلية فيها جدار ناري Firewall فهذا ما يضمن لك إنه ما يجيك الفايروس لأنه بكل بساطة ممكن يجيك من ملف على أسطوانة فلوبي أو عن طريق الشبكة الداخلية نفسها أو حتى عن طريق الإيميل.
يعني ضروري يكون على جهازك برنامج حماية.
------
ممكن تستخدمي جهاز ثاني فيه برنامج حماية حتى لو كنتي غير متأكدة من إنه محدث والا لا...
لأن فايروس تشيرنوبل قديم شوي وغالباً رح يقدر أي برنامج حماية إنه يكتشفه .. بس الأفضل تحديثه طبعاً.
------
مافيه داعي تعتزلي النت يوم 26
ممكن تغيري التاريخ من البايوس حق الجهاز إلى 27 إبريل
ويوم السبت رجعي التاريخ الصحيح
ولا يهمك .. حاضرين لأي استفسار
تحياتي
محمد
الأخ مرجوج .. اسمح لي أشارك في الرد
شيهانة...
عملية تحديث برامج الحماية تتم بشكل تلقائي في جميع البرامج تقريباً وحتى بدون أن يشعر المستخدم بذلك. لكن ممكن تصير أحياناً بعض المشاكل في التحديث خاصة إذا كان جهازك متصل عن طريق شبكة محلية (في شركة مثلاً).
وعشان كذا بعض الشركات توفر ملفات التحديث منفصلة في مواقعها بحيث تسوي تنزيل لملف التحديث على جهازك وبعدين تشغليه كأي برنامج ويقوم بعمل تحديث للبرنامج.
أهم شي إنتي ما ذكرتي اسم برنامج الحماية اللي في جهازك عشان نقول لك كيف تسوي له تحديث.
ضروري تذكري اسم البرنامج ورقم الإصدار ..
أما بالنسبة لصلاحية التحديث فهي ما لها فترة محددة ... كل ما ظهرت فيروسات جديدة قامت الشركة بعمل تحديث جديد ... لكن عادة تكون كل أسبوعين.
وماهو لازم يكون عندك برنامج لفك ضغط الملفات .. لأنها عادة ما تكون ملفات مضغوطة.
مدة تنزيل ملف التحديث تعتمد على سرعة اتصالك بالنت مثلها مثل أي ملف تنزليه من الشبكة...
يعني ممكن أحياناً تاخذ ثواني وممكن تزيد ... بس ما أعتقد تاخذ أكثر من ربع ساعة إذا كان الاتصال بطيء جداً.
ولا يؤثر على إعدادات النت أبداً..
تحياتي
محمد
مشكور اخوي محمد على الرد
وايضا يمكن التحميل من موقع البرنامج وبعدها انستول للأبديت ويكذا يكون البرنامج
محدث وتقريبا التحديث يكون من 10- الى15 يوم
وبصراحه انا اشوف ان التحذير هذا شي روتيني
تصدقون ان اكبر شركه مصمه للفايروسات هي>>>>>>>>>>نورتن انتي فايروس
مساء النور والسرور اخوي محمد..
شرح وافي وبسيط ومفهوم للي زي حلاتي
برنامج الفيروسات ماعندي ابدا وماشية بجهازي على البركة..
لكن هاانا اعقلها واتوكل وانزل برنامج النورتن2002 الي شرحته لي
سابقا ولزيادة التأكيد غيرت التاريخ الى 10 الشهر الجاي انشالله
ينفع..
بس انا ماشوف احد مهتم فيه غيري ..ليه الباقي منزلين وندو 2000؟؟
*انا اخترت وجهت برنامج الفيروسات Cصـح..؟؟
* هل يحتاج الى تحديث الآن ولا لانه جديد خلاص.؟؟
* وكيف تتم عملية تحديث الورتن..؟؟
على فكرة تراني مانزلت برنامج فك ضغط الملفات ..
ولك جزيل الشكر..
هلااا باخوي مرجوج..
مشكور على المعلومات ..
نصدق ان الورتن هي اكبر شركة مصممة للفيروسات..
حالها حال الكهربائي والمكانيكي الي مايصلح العطل زين علشان
يضطرك ترجعلة ويظل يتربح من وراك..:cool:
ولك كل الشكر..
هلا أخوي مرجوج
ممكن نعتبر النورتون مصمم للفايروسات لو أخذنا بنظرية "من المستفيد"
لكن ما فيه دليل حتى الآن يثبت هذا الاتهام..
شكراً لك
-------------------
هلا بالشيهانة
ويندوز 2000 هو نظام تشغيل مثله مثل الويندوز 95 و 98 و XP ...الخ
أما النورتون فهو برنامج حماية من الفايروسات.. يعني مافيه مقارنة بينهم.
وصدقيني العالم كله مهتم فيه مثلك
* وجهة البرنامج C ... صح
* طبعاً يحتاج تحديث حتى لو كان جديد .. لأن التحديث الموجود عليه بتاريخ إنتاجه من الشركة.
* يتم التحديث بطريقتين:
الأولى من داخل البرنامج فيه اختيار اسمه Live Update يسوي تحديث آلي للبرنامج من الموقع.
والثانية تروحي انتي لموقع التحديث على النت وتنزلي ملف التحديث وبعد ما ينزل على جهازك شغليه ورح يسوي تحديث للبرنامج آلياً ويعطيك رسالة بانتهاء التحديث.
وبالنسبة لك .. انتي عندك ويندوز 98 ونورتون 2002 ... يعني الموقع الخاص بالتحديث هو:
http://securityresponse.symantec.com...es/US-N95.html
إذا لقيتي أي صعوبة في التحديث قولي ... ورح أشرح لك هي خطوة خطوة..
* أما برنامج فك الضغط ماهو ضروري في عملية التحديث.
وسلامتك
تحياتي
محمد
صباح الخير محمد..:o :o
والله بنام على الكي بورد من التعب من 12.30 لحد الآن وتنزيل البرنامج
ماخلص وباقي له بعد40 دقيقة..
البرنامج الي نزلته هو هذا
http://updata.soyou.com/soft/stcsr/rj/sdgj/na2002.rar
صح..؟؟؟
والتحديث الي لازم انزله هو
http://securityresponse.symantec.co...ges/US-N95.html
بس اشوف طريقة التحديث من نفس البرنامج اسهل..
لكن بياخذ وقت..؟؟
وبيطلب اغلاق الجهاز ولا خلاص على كذا..؟؟
تعبببببببت
أهلييييين شيهانة
إن شاء الله بس تكوني خلصتي من تنزيل البرنامج
على فكرة ... لازم يكون عندك برنامج اسمه WinRar لفك الملف المضغوط..
لاحظي الملف امتداده rar
طبعاً بعد ما تنزلي البرنامج وتفكي الملف المضغوط تشغلي ملف الإعداد (اسمه غالباً Setup.exe) وبعد ما ينتهي من الإعداد رح يطلب إعادة تشغيل الجهاز
طبعاً لازم تعيدي تشغيل الجهاز .. وبعدين تسوي تحديث للبرنامج بالطريقة الأسهل اللي هي LiveUpdat وإن شاء الله ما رح تاخذ وقت (حسب سرعة الاتصال)
المهم بلغينا باللي يصير أول بأول..
تحياتي
محمد
مساء الخير محمد..
وصلت لخطوة داون لود للبرنامج وخلص بعد ساعتين ونص..
الخطوة الي بعدها ماعرفت لها ..
ورفعت الراية واعلنت الهزيمة ..
أنا فكرت بمجرد مااسوي الداون لود للبرنامج القاه في قائمة البرامج
ومنه اسوي الابديت مش ستين خطوة بعد كذا..
الحين الملف موجود لما اسوي تشغيل او بحث لكن مايشتغل ..
شكلي بخلي الجهاز على علته..
الله يعطيك العافية وعساك عالقوة..
لكن برجع باسئلة غيييير
الذين يشاهدون الموضوع الآن: 1 (0 من الأعضاء و 1 زائر)