لا ضاق صدري رحت أقلب عربسات
تذكرون قصيدة الرجال اللي يقول بمطلعها (لا ضاق صدري رحت أقلب عربسات)...
هذا واحد من الشباب ردّ عليه وهذي القصيدة السابقة والرد عليها بعدها:
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
لا ضاق صدري رحت أقلّب عربسات=قمت أتفكر في عجايب زماني
متنقلٍ مابين ذيك المحطات=بإبهامي ألفّ الأرض في ثواني
وماشـدني من بين كل القنوات=اللي بها ناظرت شيٍ دهاني
قم يانديمي فوق زين الموديلات=VXR توّه صادرٍ بالمواني
النوع TOYOTA من أرقى الموديلات=JAPAN صنع الأفنس الكيفراني
يصبر على قطع الوعور الصعيبات=يطوي صحاصيح الخلا مايعاني
عليه مطنوخٍ يحفظ الوصيات=عند اللوازم ذيب ماهو هـداني
شيك عليه وجهزه للمهمات=ثم فلّله من (شيشة) المسلماني
وخذ النفود قطوع صوب القريات=وعَدْالحدود لدار صاف الثماني
متنحرٍ دار الطرب والوناسات=عشايرٍ من قوم (طوني) و(هاني)
الديرة اللي سَلم أهلها خذ وهات=ما للحيا بطبوع ربعه معاني
لا جيتهم تلقا الهنا والمسرّات=والضـيف له قيمة وقدر ومكاني
يقلطون (الـتـرتـة) ومعه (كيكات)=ومشـروبهم.. مشـروبهم شكل ثاني
حياتهم هزٍ .. ووزٍ .. ودبكات=ويرددون الهابط من الأغاني
دارٍ بها للزين وسمٍ وبصمات=به ناعـسات الطرف سيد الغواني
لا شفت أنا هاك الغنج والحركات=مسكت راسي ثم قلت آه يااااااااني
وأخص أنا بالقول باسكال بالذات=هي شيء .. واللي غيرها شيْ ثاني
عليه عيونٍ تقطع القلب بسكات=همت .. ضعت و(جمدت) بمكاني
تبلغه شوق وسلام وتحيات=وتحب جبهة عودها (مشعلاني)
صحيح قالوا قبل من يختشي مات=والله يستر من توااااااالي زماني
[/poet]
[ALIGN=CENTER]وهذا الردّ على القصيدة السابقة:[/ALIGN]
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
لا ضاق صدرك ياقليل المروات=صل الصلاة ولا تجي للأغاني
استخدم ابهامك في طي الصفحات=صفحة كتاب الله باب الأماني
أخير من شوفة وجيه الخواجات=اللي غضب ربي عليها يباني
لحمة مخمة فالبلا والملذات=غرتك صبغة وجهها البهلواني
ترسل نديبك في ردي المهمات=أهل الردى فالدرب دايم خواني
"والفكس" لا تطريه بالذات بالذات=ماهو بمركوب النذل والهداني
الفكس مركوب الرجال الثقالات=مقنى عربين النسب والمجاني
باسكال يا مسكين راحت ولا جات=مالك ومال الساقطة يافلاني
وجه عليه من التشاكيل صبغات=أبيض مع أحمر والشعر برتقاني
لا شافت الطرقي تبديه نظرات=وتميل مثل الداب والعقرباني
بنت لها فالليل صولة وجولات=تضحك على مثلك بطرف العياني
تضحك على لحيتك بنت لها أخوات=يا كيف ترضى يافتى للهواني
تحب جبهة مشعلاني ياذا الشاة=أثرك تدور ريحة الزعفراني
لا والله إلا راس مافيه نعرات=اتحب راس ابليس يا مودماني
يا ونتي ونيتها 10 ونات=الآدمي يا ناس طلع جناني
خلك بدار أهل الكرم والجمالات=دار حباها الله رفعة وشاني
دار بها ستر البنات العفيفات=هذي بلادي ياطويل الأذاني
اشعب ركابك في جميع النحيات=امن وامان ويش غير الاماني
أخير من دار تحب الريالات=باعوا الكرامة يالله المستعاني
[/poet]
[ALIGN=CENTER]**منقول**[/ALIGN]
...
[/ALIGN]