السلام عليكم ورحمة الله وبركاته....
ياجماعة الخير هادا الموضوع يحكي عن واقع مرير بنعيش في احنا السعوديين.....
في واحد مسكين تخرج من الجامعه باكالوريوس بتخصص طبي .....
والمسكين عمل ملف اخضر علاقي وانفلت بي في كل مكان في الحياه....
وطبعا يا يلاقي وعود وهميه يابياكل بالتليك على طول.....
المهم المسكين من كتر ماطفش جالس يفكر في التجاره.....
اول شي بدأ بحراج السيارات وصار المسكين يبيع ويشتري فيها ....
الين ماجالو واحد شريطي نصاب نصب على ابو جدو واخد الي ورا والي قدامو..
ودحين صار خبل ويفكر يبيع حبحب !!!!!!! بس متردد.....
صراحه من كتر ماحزنت عليه وابغا احمسو ايش قلتلو؟؟؟!!!!
قلتلو ياسيدي بما انك كنت مفلوت بملفك الأخضر دحين حتنفلت بكومة حبحب اخضر.....فا مافيها شي....
وبعدين من جد صرت في عداد الموظفين....
مسمى الوظيفه: مندوب مبيعات لكل مزارع الحبحب الي تملي بيها ددسنك كل صباح....
ومن جد راح تلاقي متعه في وظيفتك الجديده....
فايكفي انك مدير عام الحبحب ونائب المدير والسكرتير والسواق والبواب كمان...
وانت الي تحدد وقت دوامك وانصرافك من غير دفتر تواقيع وخطوط حمره...
وانت كمان تحدد مكان الدوام سواء كان في جده ولا مكه ولا حتى لو تاخد انتداب خارجي لقديد ولا عسفان بدون اخذ موافقة احد.....
وكمان راح تنقطع عن اخبار العالم الخارجيه النيله ومالك ومال الأخبار وملاحقتها ....
مثلا اذا انخفض سعر الدهب في سيراليون فاماراح يزيد من اربحاحك شي...
وان ترشح هلمنت شولدر لرئاسة المانيا فماراح يزيد هادا الخبر من حلاوة حبحبك....
وذا اهتز اقتصاد اليابان فاماراح تخسر ريال واحد الا اذا كان حبحب اليابان أرخص من حبحب ثول...
بس تعرف من ايش الخوف؟؟؟
الخوف انه يحل بهادي الوظيفه ماحل بكل الوظائف الي عندنا....
فايوم تجي تلاقي اعلان في الجريده (مطلوب بائع حبحب لشركه كبرى) بالشروط التاليه:
1-حسن المظهر
2-خبره 18 سنه في صنع مضخات الاسمنت
3-اجادة اللغه العبريه تحدثا وكتابه
4-اجادة اللغه البنقاليه كتابه من غير تحدث
5-الالمام التام بلعبة الفرفيره والكيرم
6-دورة سباحه تخصص ضفدع وفراشه
ممكن يطلع اعلان بهادا الشكل ماتدري....
وفي النهايه ابغا انصحك نصيحه اخويه:
اذا جاك موظف حكومي (متكبرا) وقالك فين ولا ايش تشتغل....؟؟؟
فاافعل التالي....
1-خذ نفسا عميقا
2-ارفع رأسك لأعلى
3-السعه لسعة بالتليك تسدحه بجانبك
4-وقوله انا رجل اعماااااااااال
واذا قلتله زي كدا فاأتأكد انك اصبته في مقتل.....
تحياتي للجميع......