سلام
طبعا زي كل سنة !!!!!
قبل العيد بيومين تعال ياولد . رح لسوق الغنم دور لنا ضحايا
ورد الضحايا جب الضحايا ...
وبعد عناء شديد ودوران بين طيور الحب النجدية والنعيمية
تحصل الضحايا ...
ويجي دور الخبرة !!!
دخل يدك في اقرف مكان في الضحية علشان تشوف
هي ضحية فل انجكشن والا سيكل ..
وبعد ما تحصل الضحية فل انجكشن مراتب جلد
وانوار زينون ميد باي نجر بن فجل .. حملها في
السيارة اللي راح تخيس شهرين من الريحة ..
ولما توديها البيت يالله يا ولد رح جب لها توفي
وتبن بالكراميل ( كرمكم الله )
ولما يجي يوم العيد تصيح صفارات الانذار ...
يالله يا ولد وين السكاكين والسواطير والمدافع ..
وركب الونش ورد الونش ولا يطيح الونش
ويجي دور الضحية الاولى تحلف بالله انها اعقل
من عشرين رجال تقل تدري انها بتنذبح ؟؟ راسها
ومليون سيف ما تمشي حتى تكسر اصابيع رجولك
كلها من التسحيب . وبعد ما تجيبها يجي دور الشايب
وين القبلة؟#$ خلها تشرب موية!! ريحها!!
سن السكين زين !!
نيمها على جنبها المدري ايه انتبه!!! لا تقطع ايدك
لا ولا ولا ..
مدري ليه كل هالراحة لها وهي بترتاح للابد!!
بعد ما يملي البابا كل تعليماته بدقه ويروح .
من القهر ودي اذبحها من براطمها .
المهم بعد الذبح يرجع الشايب بتعليماته !!!!!!!!!!
!!!!!!!!!!!!!!!!!!!!!!!!!!!!!! !!!!!!!!
انتبه للجلد لا تشيل معه لحم !!!!
لا تفتح البطن وانت تسلخ يخيس الضحية
انتبه للمرارة لا تفقعها مع ان مرارتي
منفقعه من يومين ..
ما ادري القاها من الشايب الله يخليه لي يا رب
والا من الضحية ..
والا من اصابع رجولي ..
والا من اصابع يديني اللي قطعتها السكين .
والا من الريحة اللي تجيب الغامت ..
وبعد ما يخلص مشوار سفك الدماء
تعال يا ولد ود هذولي لعموتك !!!
وهذولي لخوالك !!!!
وهذي لللللللللل ..........
يعني الحكاية يا دوب تخلص على الساعة 12 ..
ويقابلك واحد في الشارع ويقولك
عيدك مبارك ..
وانا اقول في نفسي ليتك مع الضحايا
اللي اليوم ...
المهم كل عام وانتم بخير والله يعيده
علينا وعلى المسلمين بكل خير يا رب
الا الدجاج ما تصلح ضحية ؟؟ والله تنتيفها شغلة بعد
...
[/align]
