**((مشاريع تخرجي أيام الكلية™))**

[أرسطوالعرب]

عام 1419.....كانت سنة تخرجي من الكلية....

وكان مطلوب مني عمل مشروع تخرج فيزيائي...

في أول محاضرتين العالم قدمت المُقترحات للدكتور وقِبلها لهم...

وبقيت أنا

في كُل أسبوع أجيبله مُقترح أو مُقترحين ويرفضها......

ما أتذكر كُل مُقترحاتي....لكن بعضها ما نسيته.......وإليكم بعضها


1- مدينة بلا إشارات مُرور...
الشرح فيها طوووووووويل

وسألني سؤال بسيط...
الإشارات وُضعت لغير المُنظمين......إذا كان شخص غير نظامي كيف تسيطر عليه...؟

وأرجع أفكر أسبوع...
وأرجعله ثاني بالحجج

وضع متاريس أرضي عند التقاطعات لاتظهر إلا عند الاستشعار ....

طلعلي بسؤال ثاني....أبسط من الأول.... عدمني فيه
مشروعك لتخفيض استهلاك الطاقة الضوئية.....طيب إنت كذا تستهلك طاقة كهربائية وطاقة ميكانيكية لمتاريسك.....يعني زِدت الطاقة على الحكومة !!!

الله يسلمك يا دكتور...|210|


وأروح أجيبله مشروع ثاني

((استحالة حُدوث الحوادث في الشوارع))

فكرتها مغنطة الإسفلت...ووضع قلب حديد في كُل سيارة.. وغُرف تحكم لكل حي...
بحيث إن أي شخص ينحرف عن المسار وبسرعة كبيرة تظهر هذي كلها على شاشة تحكم الحي...
فيبدأ الشخص (المُتحكم) بتفعيل المغناطيس لإيقاف السيارة بتباطؤ خياااااالي

ويمكن أن يخضع التحكم في الشوارع لبرامج كمبيوتر

هذي فكرتها بعد التبسيط الشديد.......

طار فيني الدكتور...

( يا ولدي.....يرحم أمك.....أنا أبغى مشروع تخرج بكالوريوس...ما أبعى دكتوراة....)
( إنت تنفع مُخطط أول وبعدك مليون مخطط عشان يخفضون تكاليف خُططك.......حرام عليك يا ولدي إحنا دول على جُنُب)

وطلعت له بمشاريع ثانية

(توحيد أبراج الجوال في بُرج واحد...خاضع لانحناءة الكرة الأرضية بتناسب مع حدود الدولة السعودية)

قالي...... ما عندنا فلووووووس!!!

جبتله مشروع ثاني (وضع عدسات ضخمة حول الكرة الأرضية والاعتماد التام على الطاقة الشمسية...
يصير كُل بيت يضغط على زر تشغيل المكيف....يتم تحويل سريع للطاقة الشمسية من أقصى الأرض إلى دولتك وبعد كذا تحويل الطاقة الشمسية في المحطة إلى طاقة كهربائية ويصل بيتكم ويشتغل المكيف في غضون خمس ثوان ويمكن أقل )

قالي........ إذا السنغال وافقت على هذا الكلام أنا ما أوافق.......
كيف ناكل عيشنا يا ولدي بعدين...؟؟

يا جماعة الخير....

والله طفشته....وهو طفشني !!

ورطت معاه !!

إيش يبغى ذا ...؟

وجبتله مشاريع أنقح من هذي المشاريع وكُلها رفضها...

آخر شي.......في آخر أسبوع جلست في آخر المعمل....

وناداني قال (ها عملت مُقترحك ولا لأ؟)

قلت ( لا إذا أخذتها الترم الجاي يمكن ألقى شي يعجبك ) <== أمون عليه أدرس عنده أربع سنوات

ضحك الدكتور......وقالي أنا بأطلع من المعمل وبأقفل عليك الباب

وبأرجعلك بعد ساعة...

أبغى أرجع ألقاك مزبط عمل فيزيائي من الأدوات الموجودة عندك هِنا بس !!

راح ....وقفل علي باب المعمل....رِجع لقاني عملت له مغناطيس من الكهرباء....يعطي كهرباء أكثر من اللي يستهلكها....

وجنبها مِصباح يعمل بالريموت كنترول....

قالي بس.....هذا اللي أنا أبغاه

خلاص روح...هذي 100 درجة...

مع السلامة

....

ومع السلامة

[بسمة الحياة]

[ALIGN=CENTER]السلام عليكم..


ماشاء الله انبهرررررررررت بصراحة من الأفكار الفذة هذي والله خسارة

انك ماطبقتها ..تعرف..المفروض يتبنوك ويخلوا مشاريعك تشوف النور بس

ايش نقول

لكن صحيح؟؟ الدكتور عطاك الدرجة كدة على طول؟؟ بس تستاهلها والله

لأنك مخ متحرك ماشاء الله..واستمر بالبحث والتحصيل عشان مايتجمد مخك

خصوصا مع الوظيفة ومسؤولية البيت..والله يعينك وان شاء الله نسمع في

يوم عن ثامر العالم مع اننا عارفين مواهبه من زمان[/ALIGN]

[ابو فراس]

يا جماعه ترى هذا ولد عمي ثامر

قسم بالله يقربلي ..

والله العظيم انه يقربلي ..

يا نااااااس يا عاااالم ياهووووووووه ترااه ولد عمي
(( وفي روايه .. ولد ولد عمي))

يا شيخ حل ... انت من جدك

[EDrara]

[ALIGN=RIGHT]والله لو إنك كنت طالب عندي لمنحتك العلامة الكبرى من غير مشروع لأن كل فكرة أعلى من أختها ويكفي إنك جبت هذه الأفكار الجهنمية

اتريك مو سهل[/ALIGN]

[أرسطوالعرب]

مراحب....

أصبحنا وأصبح المُلك لله....

حيا الله بسمة...

فذة مين يا أختي....هذي أفكار واحد طفشان خيالي....

لكن تعالي شوفيني لما أفكر بروقان.......تذوقي أطعم شاهي في حياتك من إيديني

هذا الشي الوحيد اللي العالم تقدره فيني.....(الشاي اللي أسويه)

مين يدري....؟

أنا من صغري أحلم بإني أصير ملك...

لا كانت هذي أحلامي....عز الله مافيني خير

بس تفيها عن يسارك _ مو جهتي _

وحشتنا ردودك يا بسمة.....ووحشتنا أكثر مواضيعك....

قولي إن شاء الله.....

( تتحدين عابدة لله وتهزميها هيّ والهندي اللي يكتبلها ردودها )

تـ...حياتي...!

[أرسطوالعرب]

مرحباااااااااااااااااااااااااا ن مليون وبدون فرامل


يوسف...

تدري.....

بما إنك درست معاي في الكلية ودي نكتب مذكرات في (المليس) والغدا أبوريالين...

وأيام الجوالة وبطولات التِنس اللي دايم أتهزأ فيها

عاد تدري ....في ظاهرة غريبة ما أدري لاحظتها ولا لأ...؟

المطاوعة غير طبيعين في التنس........

....

أما من ناحية إنك ولد عمي فالإجابة ( حِل )


شوف يا عم

بيني وبينك دم يسري في عرق

أبقطعه وأهج


يوسف...

الظاهر إن إبوي يشفق عليكم عشان كذا غرس فينا (قرابتكم)

حزنتني يا شيخ

بأنزل أعطيك ريال


تـ....حياتي ...!

[ابو فراس]

ملييييييييييييييس يا ملييييييييييس

ياخي قلبت المواجع ليه كذا

اما من ناحية التنس وانا اشهد .. فالمطاوعه غير طبيعين فيها ...اههههب

((ايام ما كان عندنا تنس في البيت)) ان كنت تدري ابوهيمن <---- تدليعة ابوايمن كان حرييييف فيها
يا رجال يحط حره ومكبوتاته ويطلعها في التنس

حلوه مكبوتاته <------

ثامر اش رايك نشتري تنس انا علي الشبكه وانت جيب الطاوله

اما بالنسبه لأخواني فلا تعليق .. واترك التعليق لهم ..

** على العموم انا حنقل ارائك عنهم لهم ...
ويبقى اشوفك تعدي المدينه بعدها

شكلك حتقولي ابغى الأستقرار في جده ليه كل شوي طالع للمدينه

وتحياتي لأبو ابو عابد

[أرسطوالعرب]

يوسف....أخليك تنشكح صح...؟

تتذكر ..............

محمود قمر....


يا حياتي عليه...

جاب لنا في الاختبار النهائي ورقة من الاختبار الدوري الأول والدوري الثاني

وأبشرك.....أعطوه الدُكتوراه فخرية...

(عندنا دكتور علم نفس قدم على الدكتوراه ثلاث مرات رُفضت)

وخليني أحكيلك قصة بتموت عليها ضحك...

في الاختبار النهائي كان جالس قدامي ( هِيما) وجالسين نتناقش في الأسئلة والإجابات

وفجأة سكت هيما وبطل يتكلم

وأشوت أم الكرسي اللي جالس عليه وأقوله يا معفن

يا خواااااف

بالله تخاف من القمر الأسود......إنت أصلاً مشروع مُدرس فاشل

وأجلس أحطمه نفسياً ربع ساعة بالقليل

وآخر شي قلقت عليه !!!

ماني متعود إنه يخليني أتكلم دقيقة واحدة كاملة بدون ما يقطع هرجتي...

وأتلفت وراي....

وألقى الدكتور محمود قمر جالس على الطاولة اللي وراي وحاط رِجل على رِجل...

وكاتم ضحكته...

احترت ويش أسوي طلعت معي كلمة ما أدري كيف طلعت مني ( لاتكتمها أضحك )

وضحك ( كع كع كع ) <=== ضحكة الخال

وشالني بأوراقي....وجلسني على مكتبه اللي فوق المسرح...

وسوااااااااااااااااااااااليف

وضحك.....


أخر شي سحب ورقتي وقالي ( خربت برستيجي يالله إتوكل..)


طبعاً....أنا مخلص حل من قبل ما يجلس ورانا أنا وهيما....


ثامر (.....طالما إنها خربت خلني أكمل على أبوك ......أنا أتخيل أبوك وهو صغير يجري ويلعب.... ) <==بس !

[مرسال]

سلام ثمور

روح ياشيخ الله يسعدك

اما سالفة المسرح مسكتة

هههههههههههه<-------أنت عارف معناها الضحكة

سلامي لعابد

تحياتي(على فكرة الرد هذا معناه لي زمان عنك يامعفن)

[shadow hearts]

الله يعينك


بس بصراحه الي انت عانيتو قليل


اكيد لي عودة عشان احكيلك الي صار في


6 شهور كلها عذاب .....


لي عودة ....موضوعك جميل

[أرسطوالعرب]

أرحبووووووووووووو

مِرسال الونس...

عاد تصدق.....مِشتاقلك...؟

شوق الصحاري للأمطار...بعد يأسها من المطر

المهم زهب نفسك.....بأكتبك مع فضايح خُذ وخل الجزء الثاني

وبأخليك......(عضو مُراقب)

تحياتووووو

يا حياتووووووو ( ههههههههههه ) <=== حفرتها لكم وطِحت فيها

[أرسطوالعرب]

يالله يا شدو...

ننتظر قصتك....

ترانا متونسيين.....وبدل ما أتهزأ لوحدي تشاركني

أنتظرك....والموضوع موضوعك يا سيدي

ثامر ( أبوفهد كان مشروع تخرجه هو كيف نصنع الفريق الأهلي ) <==وقتها ما كان في الأهلي

[الوجه الآخر]

سلام

واالله منت هين يا ارسطو

حتى اساتذتك جننتهم

دا كلو عشان مشروع تخرج

يلا اتمنى اسمع عن ارسطو العالم

يعني أفكارك حلوه

بس لازم مين يتبناها

في اليابان اتخلصو من آخر اشارة مرور قبل كم يوم
واحنا لسه نفكر فيها

ارسطو لازم احد يتبناك عشان نكون احسن من اليابان

موضوع حلو

تحياتي

[أرسطوالعرب]

الوجه الآخر...

إحنا عندنا عالم تقدر ......

الله يخليهم لِنا...

أما من ناحية تبني الأفكار.....فهذا أنكل داق صدره....

وإن شاء الله أسمم أفكاره قبل ما يتبناني

شكراً الوجه الآخر.....

[عابده لله]

[ALIGN=CENTER]

السلام عليكم ورحمة الله وبركاته

أهلين ثامر ..
أدري اني منورة بس غايظااااك صح ..



ربي يحرسني ويحميني ..



/

شوف خوي بو عابد..

أذكر قبل سنة بالتحديد درست مشروع او إختراع جلست فيه تقريباً
سنتين كاملة وأنا أغيَر وأرتب وأعيد وأزيد..
وهات يا مكتبات وهات يا خط سريع ومحلات حدادة
ولمن خلصت وحسيت أني ملكة متوجة (( يعني يعني مخترعة الأخت))



رحت الغرفة التجارية عشان اخذ براءة إختراع وبعد محاولات
عدة عشان أقدم الدراسة ..
قالي الدكتور ........... يا بنتي روحي بيتك ابرك لك ..
لازم تقدمين لمدينة الملك فهد إختراعك ذا وعقب خمس
سنوات تاخذين براءة إختراع ...





بالله بتتكلم بجد ..
والله يا استاذة ..

أستاذة مين وانتوا بقيتوا فيها شي ..



ياشيخ بالله .. أصلأ هنا يقتلون اي موهبة وأي عقل وعقلية
خلنا بالجريش والكبسة ابرك لنا ..



أقول إش والإ إيش ..

والله لو تشوف الدفاتر أكوم أكوام وكلها إختراعات ومشاريع
لكن ..

ربي يرزقنا العافية وحب المطبخ وتربية الوراعين ..



ألف شكر يا ابو الإختراعات ثامر والله فتحت جرووووح
كنت اظنها أندملت ..

[/ALIGN]