مساء الخير شباب ..
مرحبا صبايا .. بصراحه صار لي موقف اليوم أنا والرومانسي ..
بجد موقف لا نحسد عليه .. وكنّا بنروح تونه ..:p
واللي صار
طلعت أنا والرومانسي من دوار البواخر وطلعنا على الكوبري .
المهم .. أول ما طلعنا الكوبري كان فيه واحد صاحب مرسيدس قديم
ورانا ..
قمت هديت شوي ..
وما خليته يطلع عشانه كان ملصق فينا ( نذاله ):cool:
شويه إلا والرجال يتجاوزنا من اليمين ويسقط هذيك السقطة ..
وي .. وي .. وي .. وي ..
ويجي اخونا في الله الرومانسي ..
وتعال ياتعبئة ..
أفااااا يالمحتري .. والله لو أنا مكانك أندمه على الحركه ذي ..
ليه وش شايفنا بزارين ..
عاد أنا ماصدقت حكي ====> واحد مخفه
على طول اكشحه بالنور العالي طول الطريق .. وملصق فيه ..
والرومانسي .. شغااااال ..
أيوه كذا الرجال ولا بلااااش .. تعجبني يا قوي ..
وتعال شوف البواري والنور على العالي طول الطريق ..
ابيه يوخر من الطريق
آخرها لصقنا سيارتنا بالمرسيدس .. واخونا بالله مو راضي يطلع من
اليسار ..
يا عوادك بالله .. ألعن الشيطان ..
مره الرجال ولاهو معانا ..
أفاااااا .. على آخر الزمن ننحكر وما نقدر نسوي شئ ..
لا والله ما جابته أمه اللي يحكرنا .. لصقنا فيه ومشينا وراه ..
في الأخير نزل مع النزله اللي تودي على غليل ( الله يستر )
انقهرت طبعاً .. لأن الرومانسي طول الطريق قاعد يضحك علي ..
ويتريق .. ويتعنتر ..
وطبعاً .. نزلت وراااااااااااااااااه ..
الرومانسي: خير عيوني وين رايح ؟؟
أنا : أبتفاهم مع ذا ..
الرومانسي: يا بن الحلال ألعن الشيطان ما يصير .. خلاص فكنا منّه ..
أنا: ياشيخ والله مايروح ..
ونزلنا وراه نكشح له بالنور .. وهاتك يا بواري ..
توقفنا أول أشاره .. وأجي على يساره ..
يعني اللي في وجهه الرومانسي ..;)
شويه إلا وينزّل القزاز ..
واحد خال .. خال مين قال خال .. طلع خال وعم وجد وانت ماشي ..
بصراحة ياجماعة الخير .. احس التعبير يخوني الحين ..
بجد وصفه شيء صعب صعب .. بس انا ودي اعرف للحين ..
وشلون شالته هذيك السياره ..
طبعاً .. هو الظاهر كان ناوي ينزل ..
لكن ..
كان لابد من تصرف فوري .. وذكي طبعاً .. لينقد ما يمكن إنقاذه ..
وبكل وجه بشوش .. قال له الرومانسي:
هههههه .. الله يقطع ابليسك ياشيخ .. ياخي اما انت عليك حركات ..
وقسماً الخالق الناطق من برستيج ..
طبعاً بهذا استطاع ان يمتص الثورة الجامحة التي كانت واضحة عليه ..
وبعدها اخذ في الإكمال ..
ياخي سبحان الله العظيم .. يخلق من الشبه اربعين ..
تصدق ..
محسبينك خوي لنا ندلعه ونقول له برستيج .. ووراك من هذاك الوقت ..
وشايفينك دخلت جو معانا .. قلنا اكيد هو ..:rolleyes:
(( طبعاً هذا كله ويهو يطالع فينا بنظرة .. آآآآه .. الله لا يبتليكم )) ..
وكنت حاس انه برضه ناوي على نيه ..
ولأول مرة ادعي لإدارة المرور .. او احس انها سوت شيء ينفع ..
فتحت الإشارة ..
وعينكم ما تشوف إلا النور ..
كان هنا منتظر ورومانسي ..
ودعسه .. ياشيييييخ حرقنا الموستنج .. والله ما يجيب معنا شئ
عموماً .. بعد هذا الموقف ..
ودنا ننصحكم ونوجه لكم نصيحه ..
تروا عيال الناس مو بلعب ..
انتبهوا من المساقطه .. ولا التكشيح بالأنوار ..
لا يطلع لكم برستيج ثاني مثلنا ..
وتووووووووووووووبه يارومانسي .. توبه ..:066: