مساء الليلك والنرجس
.
.
.
طلب منّي أحد الأعزّاء
أن أطرح أحد محاولاتي بالنبطيّة ...
وعشان خاطره ... جاء هذا الطرح ;-(
باعوك يا قلبي باعوك
لدنيا الحزن باعوك
لضيق وألم خلّوك
وبجرة قلم عافوك
وترجع تقول حبّوك؟!
والله ترى باعوك
خذوا من ايّامي أحلى أوقاتي
وخذوا من شفاتي كل ضحكاتي
ومن الليالي نومي وسباتي
ومن ورودي عطرها
ومن مروجي زهرها
ومن الغصن ورده
وخلولك الشوك
بقسوة وظلم جرحوك
وترجع تقول حبّوك؟!
والله ترى باعوك
تتخيله قريب وهو بعيد عنّك
تحكيله اسرارك وهو يخاف منّك
تسأله عنّه وما يسألك عنّك
وفأحلى أوقاتك نسيوا او تناسوك
وبسيف الغدر ذبحوك
وترجع تقول حبوك؟!
والله ترى باعوك
كسّر اجراسه لا دقّت بذكراك
والئم جراحك وجراحي معاك
ترى الخسران من يشتهي فرقاك
روح بالخاين .. خل تنفعك دنياك
وانت يا قلبي ..
بتلقى غيرها .. يستاهلك ويهواك
من يزرع الورد ما يحصد الشوك
بحب وأمل يلقوك
ولا جا الزعل يرضوك
وتقدر تقول حبّوك
ومهما حصل يشروك
وسلامتكم