ندالة أخوان

[إسراء]

صباح الأنوار ..

كيفكم كويسين ؟؟

طيب الحمد لله ..

في وحده هنا اخوها مطلع عينها و منكد عليها عيشتها !!!!

هدا و انا الكبيرة .. بس شكلو في الزمن دا الكبر ينحسب بالطول

المهم ..

هدا يا جماعة الخير .. اخويا كوكية .. ما ادري اشبو من يوم ما سار

اطول مني نسي شكلو انو انا اختو الكبيرة ^-^

و كل ما أقلو يمين يقلي شمال اقول ايوة يقول لا ...

أنا مش عارفه هم العيال كلهم تنحين كده ؟؟ ::*

ايش ؟؟ :-S مجرد سؤال ..

المهم ..

و دايما اقله يا عبد الرحمن انا اختك اكسبني في صفك ..

لكن لا حياة لمن تنادي ..

فجا اليوم اللي هو قبل اليوم و بعد أمس بيومين :rolleyes:

قلت لبابا بدي اروح السوق مع عبد الرحمن .. قلي فين تيغي تروحي ؟؟

قلتله بابا ابغى اروح الفيصلية .. قال خير ان شاء الله روحي ..

رحت قلت لعبد الرحمن قوم فز بابا يقلك روح معايا الفيصلية

راح قلي مني رايح ..

عبد الرحمن بابا يقول مو على كيفك ..

طيب .. الحكاية فيها فيصلية ..

قام الأخ و تكشخ و كانو ح يصور ..

و احنا في السيارة قلي فين تبغي تروحي ..

قلت الفيصلية .. راح قال لا المملكة



طيب ما حنضارب في السيارة و قدام السواق خليها لمن نرجع البيت ..

و الله نيتي طيييييييييييييييبة و لا كنت مبيتة سوء نية أبدا ..

المهم وقفنا قدام بوابة المملكة ..

نزل هو قبلي و بعدين نزلت أنا ..

دخل هو من باب و أنا من باب ==> عشاننا متضاربين ..

الا و الله و شويه كده اسمع واحد من السكيرتي يقول يا سيد ..

و أنا يا ترى مين ؟؟

طلع بينادي أخويا ..

راح بكل ثقة نعم ؟؟

قالو السكيرتي يا ابو الشباب ممنوع تدخل لوحدك ..

راح قال اخويا : لا أنا جاي مع الأهل ==> انا أهل :-S

إلا و فجأة لمعت فكرة مرة رهيبة في بالي(I) ..

و الله ما كنت ناويتها من أول .. بس ربك لمن يسخر شيء ..

يسبب الأسباب ..

ما علينا ..

جا السكيرتي ..

يا أخت .. هذا معك ؟؟

رحت قلت : نعم ؟؟ مين دا==> و أشر على عبد الرحمن

راح قال : اي

بكل برود قلت لا :cool:



الا السكيرتي قال معليش يا ابو الشباب اتفضل برة ممنوع الشباب من

دون عيلة ...

و الله لا يوريكم على اللي سار في البيت

بس قعدت افكره بالاشياء اللي ما تنعد اللي أنا عملتها عشانه ..

قعدت أقله تفتكر لما كملتلك كل دفاترك ..

تفتكر لمن قلت لبابا انك بتزاكر و انت كنت بتلعب كورة ..

و عدى الموضوع على خير الحمد لله ..

من دون أي خسائر .. الحمد لله ..

:devil: ..

[ابوفهد]

[ALIGN=CENTER]
اهليييييييييين اسطورتنا

يسعد الله صباحك بالخيرات

(caa) (caa) (caa) (caa)

فعلا يستاهل اللي حصل له

بس من جد

ان كيدكن عظيم

وياما تحت السواهي دواااااهي


تحياتوا [/ALIGN]

[إسراء]

مساء الأنوار ..

أهلين يا عمده ..

شايف كيف يعني انا ما ظلمت أحد ..


بس ايش قصدك سواهي و دواهي مين ؟؟؟

ما فهمت ..

[هنو]

مساء الخيرات والليرات ====

منك لله يا ظالمة

يا عمدة ترى هذا بعض ماعندها ,, ماشفتوا شي

كوكية صار يقول ابي اتزوج واطلع من البيت === لأنه طبعا مستحيل

أحد ياخذها ويفكه منها

وبعدين اي تحت السواهي دواهي؟!!

هاذي السواهي والدواهي بكبرها

أنا ماقلت شي ^-^

[ملكة البحار]

تعرفي اسطوره بيني وبينك
.

.

.


.



.



.

.

.

يستاهل:-S

[إسراء]

صباح الأنوار ..

هلا هنو ..

دحين انا ظالمة ؟؟؟

طيب يا هنو

ما في هداك الشيء اللي اتفقنا انو كوكية يسويه

اقعدي بها يا ماما

[إسراء]

صباح الأنوار ..

هلا حنونة ..

تعرفي بيني و بينك ..




























أنا مرة حزنت عليه

[ابو فراس]

صباح الناس الطيبه ..

القصه حاس انو فيها تزوير وتحريف ..

اضعها في نقاط ..

اولا ..

هذا اولا ..

ثانيا ..

وخلي بقية النقاط بعدين ..

لكن يمكن اخوك .. يكون او لايكون ... وجهة نظر شخصيه .. من طابع انحيازي ..

وفي النهايه لابد من الأعتراف ...بان اللي صار واقع .... مادام فيها سكيورتي (متعقد منهم )


[ALIGN=CENTER]===
بس ليه البنات على 160سم (هذي الطوبله مره) بالشكل هذا ... :rolleyes:
===
[/ALIGN]

[إسراء]

صباح الأنوار ..

أهلين مرساة .. منور ..


((القصه حاس انو فيها تزوير وتحريف ..))

و الشاهد في الموضوع ؟؟؟

و لا معتمد على إحساسك ؟؟؟

عادي يمكن في ناس عندهم حدس ..

فكل شيء جايز ..:rolleyes:

و على قولة المثل كل شيء جايز حتى حب العجايز ;)

تانيا ..

(( لكن يمكن اخوك .. يكون او لايكون ... ))


معليش بس دي من جد ما فهمتها

يكون بيتهيألي مثلا انو أخويا !!!!!



اقلك شيء مرساة !!!!

على فكرة مرة رهيب Nickname تبعك

مو دا الشيء اللي كنت بدي اقوله ..

كنت بدي اقول انو الواحد صايم و كده و انت عارف انو الواحد صايم ..

بس :-S

[هنو]

يا صباح الورد

انتي رح تذليني ؟!!

طااااااااااااااااااااااااااااا ااااااايب

على بالك رح اعجز ؟!!!

التفاهم بيننا عند المحطة الساعة 9







ممكن اكلم مرساة فينيقيا بليز ؟!!

ثانكس





لكن يمكن اخوك .. يكون او لايكون ====== عفواً للتدخل بس انت

فاهم معنىا الي قلته ؟!!!

لا أتمنى ذلك .. عشان مانزعل من بعض

[إسراء]

هلا هنو ..

ح توحشيني لمن ح سافر بكرة ..

لا خلاص ادن يعني اليوم ..

مرة ح توحشيني ..

تعالي هنا محطة ايش !!! ..

انا اقلك مساااااااافرة يعني الساعة 9 ان شاء الله ح كون في المدينة ..

ازا ما طاحت الطيارة و لا اتخطفت .. بعيد الشر بعيد الشر ..

هناك في محطة مرة تقهرني مرة مقربعة و كبيييييييييرة ..

مدري على ايه ..

نتقابل فيها ..



ايوة هنو عادي الموضوع موضوعك .. كلمي اللي بدك ..

يا هووووووووووووووووووووووووووووو وووووووووووووو ..

:316: :316: :316: :316: :316: :316::316: :316: :316::316: :316: :316::316: :316: :316::316: :316: :316:

ايوة كده و ريهم دنا ورايا ضهر يحميني ^-^

[ابو فراس]

صباح الورد والجوري ..

اهلين اسراء .. هنو ..

دمتم بكل ود واحترام ..

[إسراء]

صباح الأنوار ..

مرساة فينيقيا ..

لك أنت أيضا كل تحيا الإحترام و التقدير ..

و الود موجود ..



مجرد مزحة في موضوع ..

ماتاخدش في بالك ..


شكرا لك ...















بيجر لهنو


الله يستر على عرضك لا عاد تردي عشان الصحوبية اللي مش باين لها معالم اللي بيننا

[هنو]

سلام مربع بحتة ونص ====

محطة مقربعة ولا مو مقربعة انا مارح اعمل فرحي هناك

أهم شي بنزين وحتة كبريت أولع في شوشتك

وبعدين وش على بالك؟!! :cool:

انتي بس أعطيني القرين لايت ;)







بيجر لمرساة

ماصار الا الخير

[الغالية]

لي عودة ............ ;)