__ (( أين تذهب هذا المساء ـ جدة أم الرخا والشدة )) __

[zadi]

___________________


السلام عليكم ورحمة الله وبركاته ,,,

خيرالبر عاجله ,,,

الموضوع دا من المفترض يقوم به حبيبنا أبو علي ( همسة عاشق ) ,,, لكن الظاهر إن العشق أخذ أبو علي علينا وخلاه ينسانا خاصة وإنه توه خاطب جديد يعني هاتك ياحب وغرام وبطاقات سوا وأشحنلي واشحنلك لليل

حبيت أبدأ بالنسبة لمدينة جدة , بالنيابة عنه حتى يجي ويشيل شيلتو

اليوم راح نروح مطعم مية مية , أهل جدة أكيد يعرفوه , بس إحنا يهمنا كمان إللي جايين من برات جدة يعني ( مهاجرين الصيف ) ودول تلاقي الواحد فيهم معاه ( فلوووووووووووووس كتيييييييييييير ) ومو عارف فين يصرفها
وإحنا دورنا نوجه لأن أهل مكة أدرى بشعابها , صح ؟؟؟

اليوم ممكن ناخذ مطعم ( يلدزدار ) في شارع الأندلس

أكلهم ممتاااااااااااااااااز وشهي

والجلسة عندهم حلوة مش بطالة , يعني تستمتع بالأكل وممكن تقضي مايقل عن ساعتين بين أكل وشاي وسالفة تجر سالفة ,,,

أسعارهم معقولة يعني مش مبالغ فيها ,,,

عنوانهم زي ماقلنا في شارع الأندلس قريب من الكورنيش ( الحمرا القديمة ) في طريق الخدمة وإنت متجه جنوب بعد ماتعدي تقاطع إشارة الأندلس وفلسطين ,,,

وبالنسبة للشباب , في كوفي ومطعم نكهة القهوة , قسم الشباب , كمان جلسته حلوة ومعسلاته مية مية و وجباته الخفيفة مزيونة وسعره يعني فوق المتوسط ( إذا بتعتمد على مكافأة الجامعة , دورلك على محل فول وطعمية أبركلك إلا إذا كان معاك صاحب مريش , أرمي عليه ) ,,,

موقعه كمان على كورنيش الحمرا ( القديم ) قريب من الكونتيننتال ,,,

_______________

على فكرة كل يوم ممكن نطرح أماكن جميلة , في جدة , ونحاول قدر المستطاع وصف الأسعار والعنوان وأي معلومات تانية ,,,

طبعاً جدة فيها أماكن كثيييييييييييييييير تستاهل الزيارة , بس خلنا ناخدها حبة حبة , عشان ( لا نتبرجل ) وبعدين تضيع ( الطاسة ) ,,,

سلالالالالالالالالالالالالام , وبالتوفيق ,,,

____________________

كمان على فكرة ,,, ممكن الأخوة أو الأخوات من المدن الثانية ينزلو موضوع شبيه لدا الموضوع عن مدينتهم وأشهر أماكن التسلية والمطاعم والمهرجانات والأسواق والمولات إللي فيها ,,,

نتمنى من الجميع التفاعل ياجماعة ,,, صحصحو , محد في الإجازة ينام ,,,

باي

[((كــــــــادي))]

حلو ...

طيب حطو لنا الأماكن الجديدة اللي في جدة ..عشان لمن نجي عندكم نكون عارفين فين نروح

بدل تكرار الأماكن .

يعطيك العافية زادي ... نشاطك ملحوظ جداً

دمت بخير .

[zadi]

_________________


أهلين كادي , حيا الله أم سلطان ,,,

فيه أماكن كثير في جدة عائلية وشبابية , بس ماودي أحرق الموضوع على أبو علي , أنا قلت بس أبدأ عشان يتحفز هو ويجي ,,,

وبعدين بصراحة في الأماكن العائلية أنا ممكن أنفع , لكن في الأماكن الشبابية , طبعاً أبو علي بإمتياز أحسن مني ,,,

وعلى فكرة , إنتي ممكن تبدئي بنفس الموضوع بس على مايخص المنطقة الشرقية يعني ممكن الدمام أو الخبر أو الظهران ,,, ها , شرايك ؟؟؟

( نشبة , صح )

[((كــــــــادي))]

[align=center][align=center]

ولو يا زادي ... لا نشبة ولا هم يحزنون

خلاص ولا يهمك ...

خلي المنطقة الشرقية عليا وفي موضوع مستقل [/align][/align]

[*amula_beauty*]

[align=center]مساء الورد والنور والصيف الحلوووو


يا شباب يا حلوين

نفسي بس تكونوا شويا مفصلين بجده


خطيبي عندكم جداوي كُــح

يعني عشان لما اجي جده بعد كم اسبوع اتفلسف على راسو


وانا خلولي المدينه عليا ... ازبطكم فيها


يا عمري يا مدينتنا


والمطعم الحلو دا يا زادي حروحلو

بس خليها لما ينزل راتبو ... عشان اشفي غليلي فيه انتف ريششو مزبوط

^_^[/align]

[zadi]

___________________


ماني عارف أبو علي إيشبو مطنش الموضوع ؟؟؟

عموماً , برضنا في إنتظاره يشيل الموضوع

اليوم , ودنا نروح مطاعم السمك في جدة ,,,

طبعاً جدة والسمك زي الشامبو والبلسم إللي ( إتنين × 1 )

وإنت متجه شمال مع طريق الحرمين ( الخط السريع ) تعدي كوبري المطار وتعدي كوبري القاعدة وتعدجي محطة الشرقية وتعدي قاعة فرح وتعدي كمان على طووووووووول إلين توصل محطة الرحيلي على اليمين , كمان تعديها ,,,
يجيك على اليمين أول وأفخم إستراحات السمك إللي هو ( القلزم ) ,,, بصراحة مكان جميل فيه عوائل وقسم شباب ,,,
السمك عندهم بأنواعه وأشكاله وألوانه ,,,
فيه ناجل ـ هامور ـ حريد ـ شعور ـ صيجان ـ جمبري ,,, ( رز ودجاج ماااااااااااااافي )

الجلسات عندهم حلوة ومغلقة ,وكل جلسة فيها تلفزيون قنوات ,,,

يجيبولك ضيافة دله قهوة عربي وصحت تمر ,,, ( أنتبه لاتحاسب عليه زي أخوانا الصعايدة )

فيه كمان كباين مكيفة ومغلقة للي ما يتحمل الجو ,,,

فيه العاب أطفال حلوة ,,,

أسعارهم في المعدل , يعني الكيلو من 90 ريال وإنت طالع ,,, وشغلهم ممتاز بصراحة والاكل طيب ,,,

__________________

إذا , ماودك القلزم ,,, فيه بعده تمشي على طول ,,, إستراحة بن مهري ,,, جددوها الآن وكويسة ,,,

_________________

بعدها في المرجان ,,, أكلها طيب ونفس مواصقات القلزم فيها ألعاب أطفال وأكلها طيب وعندهم الطواجن مية مية ,,,
أطلب طاجن الربيان بالرز ,,, شي خطييييييييييييير
والمرجان دي المفضلة عند محمد المحيا وأبو فهد وأونكل ,,,
__________________

ماعجبتك , أمشي طوالي إلين توصل كوبري دهبان , أطلع الكوبري وأمشي غرب ,,, وإنت نازل تلاقي على يدك اليمين إستراحة مرة حلوة ,,, أنا مارحتها , بس شفتها بعيد وأنا رايح على الدرة لأنها على الطريق ,,,
إللي راحوها يمدحوها , وجلساتها مرة حلوة ,,, وأكلهم يمدحوووووووه بقوة ,,,

__________________


ماعجبتك , أرجع لطريق المدينة وأتجه شمال كنك رايح على رابغ وصعبر ,,, راح توصل ثول ,,, طبعاً هناك منبع السمك وأصله ,,, بس الإستراحات متواضعة شوي لكن تاكل على طبيعتك ( يعني ترجع وتتروش على طول قبل لاتنام ولاتلاقي زفر السمك هلك المدام )

_______________


ماعجبتك ,,, لف وأرجع على الطريق إللي متجه على جدة , وسيييييييييييييييدا على أي ركن جحا , عنده شاورما وطعمية وقول الحمد لله على السلامة ياجي من السفر

________________________


حسن ؟؟؟؟؟

[To0ofy]

زادي ماقصرررررررررررررت..

بس اللفه والدوره للرجال اللي معاهم السيارات يعني هالحريم اللي من برا جده من

فين بيعرفوا الهرجه اللي فووووق بدون خرايط..


اسمع ياحرمة انتي وهيا..

في عندك الريد سي مول في طريق الملك فهد جديييييييييد وحلوووووكبير..

وفي عندك الروشان مول في فيدركرز وتشيليز مرره لزيزه أكلاته وفي البيك للي يحب البيك..

وفي طبعا ألعاب للاطفال حلو عند دوار الكرة الارضية ما ادري اسمه كدا ولا انا سميته..

المووووهم..

وعندك ستارز أفينيو لسه دوبو فاتح جدييييييييد برضو بس ماني فاكره بالزبط فين يمكن قريب الخالدية

ما ادري اسألي عمك زادي..

عندك برضو..

عندك قدام عزيز مول بجنب العماره اللي فيها بنك البلاد مطعم حضرمي ..

أكلاته لزيزه ومررره حلوه بس ماني فاكره اسمه..

واذا ماعجبك قدامه على طوووول عزيز موووول يعجبك للتسوق..

في برضو وانتي جايه او رايحه المطار عندك مجمع العرب حلو بس يرفع
ضغطي يمكن على شان دايما اضيع فيه..

في محلات مرررررره كتيره اكتر من عزيز وفي منطقة جدا كبيرة مخصصه للأطفال والعابها

مررررره حلوه انا وصحباتي لعبنا فيها<<<<من الطفولة الزايدة..

وعندك برضو كمان..

فيرتغو وجافا هاذي كفيهات في مركز فلسطين..

حلوووه مرره طبعا منطقه للشباب ومنطقة للعوائل وعشان تكيفي انتي وعيلتك

روحي بدري في الصباح اذا راح تفطروا هناك..

وفي اماكن كتيره بس صبركم عليا لغاية ما ارجع جدة وانعش ذاكرتي..

يلاااا سلاااامو..

عمو زادي بليز اوصفلهم الأماكن لا يضيعوووو

[To0ofy]

ياحرمة انتي وهيا..

عندك طريق الاندلس كللللللله مطاعم فخمه وراقيه وفي البيك ومطاعم الريدان ومطعم شعبي أبو زيد للفول والمعصوب للي يحب الفول..

وطبعا في فروع لروبي وتشيليز وفيدركرز ومطاعم تانيه ماني فاكرتها..

عندك..

الشلال ياحبي لها خدي بزارينك وروحي هناك..

وعندك الشاليهات زادي وهمسة يحكولكم عنها..

عشان لاتضيعوا يلااا سلااام..

[zadi]

__________________


توووووووووووووووووووفي ( واحد بيزعق بأعلى صوتو )

هاذي ماصارت أين تذهب هذا المسا , صارت اين تذهب هذا الشهر أو أين تزهب هاذي السنة

خربت طقم الحمام ياتوفي

[To0ofy]

وي وي..

خرب الطقم كللله..

خلااااص توووبه مالي دخل خليهم يضيعوا بجدة..

بعدين لاتقولوا ياليت اللي جرى ماكان..

إبأى صلح الطقم ياعمو زادي..

وخليها وين يروحوا هازى المساء

[قمر الغربية]

أنا حأدخل عرض يزعل حسن هو حر حنعرض الأماكن في جدة
في مطعم كويزين حلواني بالقرب من الفيفا في شارع التحليه حاجه حلوه . ( تكفيك 70 ريال أنت والشلة )
في مطعم قوديز طريق الملك في ستارز آفينيو أو في شارع التحلية خلف القاليريه ( حط في جيبك واحطاط )
في مطعم خنفشاري ناويه أروحه في طريق المدينة في آخر دور في العماره اللي فيها المنزل أو الهابيتات زي مايقولوا .
في مطعم ستيك هاوس وجربوا بلاك روك في طريق الملك بجانب ستارز آفينيوا( عبي الجيوب )
في مطعم في فندق الرووز وود في الدور الثاني بوفيه مفتوح أعتقد الفرد ب 175 على كورنيش جده .
في مطعم سبيرز في فندق أنتركونتيننتال جدة يأخذ العقل الدور الثاني الفرد ب 150 أو 175

في مطعم فانتازيا بدايه كورنيش جده

[همسة عاشق]

الموضوع دا من المفترض يقوم به حبيبنا أبو علي ( همسة عاشق ) ,,, لكن الظاهر إن العشق أخذ أبو علي علينا وخلاه ينسانا خاصة وإنه توه خاطب جديد يعني هاتك ياحب وغرام وبطاقات سوا وأشحنلي واشحنلك لليل

عم وائل موو كإنك جاي تخرب عليا ؟؟؟

انا وعدتكم ب نشرة مفصلة عن جده وعن المهرجان

وإن شاء الله عند وعدي

أما العشق واللي بعدو فدا مرره مو عندي
وسلملي

[zadi]

_________________


الموضوع دا شكلو مااااااااااااااااات

[DANiA]

الأسواق في جدة لا تعد ولا تحصى,

مجمع العرب :


) روشــــان مول الموقع : طريق الملك عبدالعزيز - امام دوار الكرة الارضية.

2) سلطــــان مول الموقع : شارع الامير سلطان بن عبدالعزيز - امام دوار درع الجزيرة

3) جـــــــــدة مول الموقع : شارع التحلية - امام دوار الذرة .

4) التحلية سنتر الموقع : شارع التحلية - امام دوار الذرة والفلك .

5) عزيز مـــول الموقع : شارع الامير ماجد - بالقرب من دوار الطيارة .

6) الصـواري مول الموقع : طريق الملك عبدالعزيز - تقاطع شارع القبضة مع شارع أحمد العطاس.

7) الصواري لاند مارك الموقع : طريق الملك عبدالعزيز .

8) رد سي مــول الموقع : طريق الملك عبدالعزيز . "تحت ال*****"

9) حرآء آفينيو الموقع : شارع حراء تقاطع شارع الامير سلطان بن عبدالعزيز .

10) سوق حراء الدولي الموقع : شارع حراء تقاطع طريق المدينة .

11) برنتان مــول الموقع : شارع فلسطين تقاطع شارع الملك فهد .

12) أبراج البدرية الموقع : شارع الروضة .

13) ميجا مـول (الصيرفي) الموقع : شارع التحلية تقاطع شارع الملك فهد .

14) أويسس مول الموقع : شارع الملك عبدالله تقاطع شارع الملك فهد .

15) ساوث مــول الموقع : جنوب جدة .

16) آيــــة مــول الموقع : شارع الامير سلطان بن عبدالعزيز - بالقرب من دوار الآية.

17) كورال مـول الموقع : شارع التحلية بالقرب من سوبرماركت الدانوب .

18) سلامة مـول الموقع : شارع الامير سلطان بن عبدالعزيز تقاطع شارع صقر قريش. " تحت ال***** "

19) جرير مــول الموقع : شارع الامير سلطان بن عبدالعزيز .

20) الجامعة بلازا الموقع : شارع عبدالله سليمان - امام بوابة الجامعة الجنوبية .

21) السليمانية مول الموقع : شارع السليمانية تقاطع شارع الملك عبدالله .

22) سيتي بلازا الموقع : شارع الامير سلطان بن عبدالعزيز - بالقرب من دوار التاريخ .

23) روشانا مــول الموقع : شارع الامير سلطان بن عبالعزيز تقاطع شارع التحلية " تحت ال***** "

24) جولري سنتر الموقع : شارع الـــتـــحـــلـــيـــة .

25) سوق المنتزهـ الموقع : شارع الـــتـــحـــلـــيـــة .

26) سوق دانيا الموقع : شارع حــــراء .

27) كازاليشو الموقع : شارع حـــــراء .

28) جولد مــول الموقع : طريق الملك عبدالعزيز تقاطع شارع القبضة .

29) لمسات مــول الموقع : شارع الملك فهد .

30) مركز الخياط الموقع : شارع التحلية .

31) سوق المساعدية الموقع : طريق المدينة .

32) مركز بن حمران الموقع : شارع التحلية .

33) اوتو مــول الموقع : طريق الملك عبدالعزيز .

34) إيــتــوال مول الموقع : طريق الملك عبدالعزيز .

35) الصواري سيتي الموقع : طريق الملك عبدالعزيز تقاطع شارع صاري " تحت ال***** "

36) حراء بلازا الموقع : شارع حراء بالقرب من دوار التاريخ .

37) عطا الله مـول الموقع : طريق الكورنيش بجوار ملاهي عطا الله .

38) لــي مــــول الموقع : شارع التحلية .

39) العرب مــول الموقع : طريق المدينة تقاطع الطريق الدائري بجوار كوبري المطار " تحت ال***** "

40) نجود سـنـتـر الموقع : شارع التحلية .

41) الهداب مول الموقع : شارع التحلية تقاطع طريق المدينة .

42) سنترال بارك الموقع : طريق الملك عبدالله امام الدوارالكبير دوار الملك عبدالعزيز " تحت ال***** "

43) الاندلس مـول الموقع : طريق الملك عبدالله امام الدوارالكبير دوار الملك عبدالعزيز " تحت ال***** "

44) الخالدية بلازا الموقع : شارع الروضة ويحتوي سوبرماركت الدانوب على ثلاث ارباع السوق


المولات والاسواق " 4 نجوم "

) سوق النجار الموقع : شارع الروضة تقاطع طريق الملك فهد .

2) سوق الحجاز الموقع : طريق الملك فهد .

3) سوق اليمامة الموقع : طريق الملك فهد .

4) سوق الشاطيء الموقع : طريق الملك عبدالعزيز تقاطع شارع القبضة .

5) سوق جدة الدولي الموقع : شارع التحلية تقاطع طريق المدينة .

6) سوق الباروم الموقع : شارع الاندلس .

7) سوق الشمال الموقع : شارع حراء تقاطع طريق المدينة .

8) مركز الحفني الموقع : شارع التحلية تقاطع طريق المدينة .

9) مركز الجمجوم الموقع : طريق الكورنيش تقاطع شارع فلسطين .

10) مركز الحمراء الموقع : طريق الكورنيش تقاطع شارع فلسطين .

11) سوق الشعلة الموقع : طريق المدينة .

12) سوق المحمل الموقع : البلد .

13) سوق الكورنيش الموقع : البلد .

14) سوق المدينة الموقع : طريق المدينة .

15) سوق الخالدية الموقع : شارع الروضة .

16) سوق طيبة الموقع : شارع الملك فهد .

17) سوق محمود سعيد الموقع : شارع الملك فهد .

18) سوق الخيمة الموقع : شارع الملك فهد .

19) سوق الشرق الموقع : شارع المكرونة تقاطع شارع التضامن العربي

20) سوق الدراجة الموقع : شارع الملك فهد امام دوار الدراجة .

الاماكن الترفيهية والنوادي الرياضية1)

آيس لاند الموقع : شارع الامير سلطان بن عبالعزيز .

2) in 10 so الموقع : شارع التحلية فوق (الصيرفي مول) .

3) ملاهي الشلال الموقع : طريق الكورنيش تقاطع شارع صاري .

4) مرسى الاحلام الموقع : أبحر الجنوبية .

5) حلبة (جدة ريس واي) الموقع : طريق المدينة .

6) TRAPEL M الموقع : طريق الملك عبدالعزيز .

7) بولينج المساعدية الموقع : طريق المدينة .

8) بولينج البحر الموقع : طريق الكورنيش .

9) سلطانة الموقع : شارع التحلية امام سوق الدانوب .

10) سكاي دايفينق الموقع : طريق المدينة .

11) ملاهي عطا الله الموقع : طريق الكورنيش .

12) ديجام الموقع : شارع الامير سلطان بن عبدالعزيز .

13) ملاهي المكتبة الراقية الموقع : شارع الامير سلطان .

14) تشيكي تشيز الموقع : طريق الكورنيش .

15) فن تايم الموقع : طريق الكورنيش .

16) جولدن جيم الموقع : شارع البترجي بجوار المستشفى السعودي الالماني.

17) نادي شمس الموقع : شارع الامير سلطان بن عبدالعزيز .

18) النادي الاهلي الموقع : شارع التحلية .

19) نادي الاتحاد الموقع : شارع الصحافة .

20) نادي هــمـــر الموقع : شارع التحلية امام سوبر ماركت الدانوب .

21) نادي kTG الموقع : شارع الامير ماجد تقاطع نهاية شارع صاري .

22) وقت اللياقة الموقع : طريق الحرمين بجوار كوبري (بريمان).

23) نادي صحارى الموقع : طريق المدينة تقاطع شارع صاري .

24) جدة اكوا بارك الموقع : طريق المدينة الطالع منطقة ذهبان .

25) جانغل لاند الموقع : طريق المدينة الطالع كوبري القاعدة الجوية .

26) مركز العلوم والتكنولوجيا الموقع : الكورنــيــش .

27) ملاهي الأمــــــــواج الموقع : الكورنــيــش .

28) فانكي تاون الموقع : شارع فلسطين داخل مركز الجمجوم.

29) وندر لاند الموقع : شارع حراء داخل سوق دانية .

30) غابة سيتي الموقع : طريق المدينة بعد كوبري المطار

31) معرض جدة المائي الموقع : طريق الكورنيش تقاطع شارع صاري (تحت ال*****)

غير الشاليهات برضو لا تعد ولا تحصى..


زحمة جدة و جوهــا تصد النفس عن الخرجة..
الرجاء استعمال الدرجات للتنقل " تخفيفاً للزحمة"


رجاء ممنوع السباحه في البحر... انتبهو ( مصايب وبلاوي فيه )

[To0ofy]

دانيا كله تمام تمام ماعدا رقم 26 احذفيه من القائمة

الله يحفضك هذا مو مكان ينحط\\

أصلا دا المكان المفروض ينشال من جذوره حتى أطرافه ويقتلع من جدة كلها

<<<خير دعاية شامبوو

الله يحفظك شيليه..

اخواننا السياح لايورطون ويروحون له..