يا فستان جديد يا حجلس في البيت ...!

[المسآفر]

كادي
مساء الخير ختي


يالله يا مكثرهـآأ طلباتكن خافن الله ..
مصاريف الرجـآأل كلهـآأ ع الاعراس وراتبه كامل كله حق الهدايا فلانه تزوجت ابغيلها هديه وهديه
حق علانه ولدت وهديه حق مادري منو ومادري شوو

الله يعين الريااييل عليكمـ ..

[((كــــــــادي))]

[align=center]هلا // ابن العميد

يوووو عليك يا ابن العميد ،، انت جامد كذا !!

طيب خاطر المدام بكلمتين حلوين وهي حترضى

يبن لها اسبابك و ليش ما تقدر تجيب لها فستان تاني

حاول معها بكم حل .. قول لها خذي من اختك ،، من جارتك ،، اي شي بس لا تكون قاسي كذا

و الفستان ما يجلس عندي في الدولاب ... اتصدق فيه لجمعية البر بلا منة ،، في ناس بتستفيد و الحمد لله

****

دمت بخير [/align]

[((كــــــــادي))]

[align=center]هلا // امووووولة


طيب انا زيك كذا ما احضر إلا زواج الأقارب ،، ومو اي اقارب كمان

لذلك الفستان اشتريه لمناسبه ( زواج خالتي مثلآ)

تجي سنه او كم شهر او حتى سنتين ....

يصير زواج ( ولد عمتي) ,,,, عادي احضر فيه

هذه لا يمكن تحصل معايا ...

الموضة زي منتي عارفة بتتغير ..

يعني لو على الملابس الكاجول اقول معليش لكن ملابس السهرات لا و الف لا

يعني اخد فستان اختي القديم

كمان قديم .... آه جاتني سكتة احس اني حبكي

****

دمتِ بأناقة [/align]

[((كــــــــادي))]

[align=center]هلا // تووووفي


والله الحكاية مو حكاية فشخرة ...

الحكاية نفسية ،، انا عن نفسي ما احب البس نفس الفستان في مناسبتين متقاربتين .

ممكن الساعة نفسها ،، الجزمة " اكرمكم الله " نفسها لكن الفستان لا .

انا بصراحة ما يهمني رأي الناس قد ما تهمني نفسي .

و صحيح ان العروسة للعريس ،، بس برضو نحن غيرنا جو و شفنا الناس اللي ما شفناهم من زمااان .

****

دمت بخير [/align]

[((كــــــــادي))]

[align=center]هلا // نور الهدى


التجهيز المسبق وارد ،،،

خصوصاً إذا عندي خبر بالمناسبة .

اما إذا كانت مفاجئة ... جري على السوق إذا ما عندي شيء جديد [/align]

[((كــــــــادي))]

[align=center]هلا // عمتوووووووو


ايشبكم يا بنات على الأفراح ؟؟؟!!

كلكم ماتحبوا تروحوا افراح ؟؟!!

طيب إذا ما رحتوا و وجبتوا مين راح يجي افراحكم و يوجب ؟؟؟؟

والله الفرح على اسمه فرح ..

تشوفي ناس ما شفتيها ،،، تغيري جو ،،، تسمعي اخبار جديدة ،،،

صحيح انا ما اروح كل شوية فرح ،،، لكن اروح بين وقت و وقت

وما فيها شي لو الوحدة لبست الفستان كم مرة ،،، كل وحدة على حسب نفسيتها

و تقبلها لهذا الموضوع .

شوفي ياستي فرح يعني حريييييييييييييييييم وهرووووج

شفتي هذه الهروج .... هي اللي تعطيكِ قراءة حقيقية لتفكير كل وحدة

عن نفسي .. استمتع بكشف دواخل الشخصيات

***

دمتِ بخير

[/align]

[((كــــــــادي))]

[align=center]

امووووله

[align=center]

دايمآ اقول لماما

هما ينبسطوا واحنا ننكرف


ايش دخلنا في الناس اتزوجوا ولا ما اتزوجو الله يهنيهم[/align]

ترضي محد يجي في زواجك !!

و تدخلي وقت الزفة و تلاقي اغلب الطاولات فاضية !

من جد مو حلوة [/align]

[((كــــــــادي))]

[align=center]زادي،،،

اسمح لي ...

احسك بتبالغ... معقول المدام ما بتروح مناسبات!!

إيش الحكم الديكتاتوري دا؟؟؟

قال تعالى : (يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَى وَجَعَلْنَاكُمْ شُعُوبًا وَقَبَائِلَ لِتَعَارَفُوا)

في مثل بيقول : الجنة من غير ناس ما تنداس[/align]

[((كــــــــادي))]

[align=center]طالبة الجنة..

و الله لك وحشة ... من زمان ما دخلت ولقيتك اون لاين

نرجع للموضوع

لو الحال عندنا زي عندكم كان نحن كمان الستات ارتحنا .

و الله الروحة عند الكوافير ممل

و البحث عن الجديد من الفساتين كمان متعب و ممل ..

بس نعمل ايه !! لازم

لكن نفسياً ما ارتاح إلا لمن اكون لابسة شي لائق و مميز <<< احب الشياكة و الهندمة

و شكراً لنصيحتك للستات [/align]

[((كــــــــادي))]

[align=center]ألنشمي...

الله يسلمك يا رب

شوف يا بو ايمن .. انا اصرف من جيبي و ما اقول لزوجي جيب ،، بس هو رجال

ما يخليني اصرف على نفسي في كل شي .. يعني يجيب لي الساعة هدية و يدفع عن باقي المستلزمات

لو اعرف انه مو في مقدوره يشتري لي شي و الله ما اشيل هم الزواجات و الحفلات

اجلس في البيت افضل ،، خصوصاً انو اهلنا كلهم في الطايف و جدة و المناسبات اغلبها تصير هناك

يعني بعيد عنا و يبغالها سفر . [/align]

[((كــــــــادي))]

[align=center]حبيبة ابوها

... ايشبكم على الكعب يا بنات !!

إذا نحن ما لبسنا كعب مين يلبسوا!! شكلكم ناوين تخسرو التجار

طيب نترك الكعب في حاااالو ،،،، البسي فلات شيك يوفي بالغرض

الشي الحلو اللي في ردك ... إنك تتفقي معايا في عدم لبس نفس الفستان في زواج تاني.

و على قولتك مو كل زواج انا حاضرته .. الأقارب وبس .

اسعدني تواجدك و ردك <<< عشان اتفقنا [/align]

[((كــــــــادي))]

[align=center]وردة وردية ..

مو عشان كذا تكون اغلب الفساتين اللي نحضر بها المناسبة جديدة ...

لأننا ما بنحضر إلا زواجات الأقارب جداً .

وهذا اللي اغلبنا بيسويه ..

زواجات الأقارب = فستان جديد
زواجات المعارف = فستان من الموجود<<<<<<<<< صارت معادلة مو فساتين

دمت بخير [/align]

[((كــــــــادي))]

[align=center]هلا // سارونه


في فساتين ما تتعدى الـ 300 ريال وتكون حلوة و ناعمة وآخر شياكة

ليش اروح للغالي مرررررررررة

خلي الغالي لمن تكون المناسبة عندنا نحن .. مثل زواج اخويا او اختي .

و بعدبن كل واحد ادرى بميزايته ... إذا يقدر يشتري ليش ما يشتري و يتمتع !!

و لاتنسين ان الله يحب ان يرى اثر نعمته على عبده .

***
دمتِ بخير[/align]

[((كــــــــادي))]

هلا // المسافر

متطلبات الحياة ...

والرسول صلى الله عليه وسلم قال : تهادوا تحابوا

وإذا ما رحت لفلان في عزيمته ما راح يجيك في عزيمتك !

[البارونة]

حركتاااااااااااااااااااااااااا ااااااااات