يسعدلي مساكم جميعاً
طيب يا ناصر ... الحين جيتك وانا فاااااضي
يعني باطلع لك كل اللي في قلبي
والله يعينك تتحملني
شوف حبيبي ...
الشات هذا انا استخدمة من عام 1988 م
( يعني ايامها يا حنان كنتي في الروضة )
يعني من قبل لا يكون فيه شي اسمه انترنت هنا
كنت استعمله عن طريق MainFrame
اقضي فيه عدة ساعات لغرضين
( تضييع وقت + اكتساب لغة ) <-- لا تستخدم النقطة ذي ضدي
واعترفلك اني استفدت ... ولو انه مش بالدرجة اللي ابغاها
بس يمكن قصر المدة هو السبب
وبعدها انتقلت للمايكروسوفت تشات
ولانه عربي ... قرفت منه
تدخل الغرف تلاقي اساميها لا تخرج عن الآتي :
* صور بنات سعوديات في درة العروس
* صور بنات لبنانيات على البحر
* صور اميرات
* اللي ***** يدخل هنا
* شباب صيع وشابات اصيع
فيه طبعاً تلاقي غرفة غرفتين تحس من اسمهم ان فيها ناس محترمين
بس بعد ما تدخلها وتتكلم معهم شوي تكتشف واحد من اثنين
* يا انهم هكر
* يا انهم يتقنعون بقناع البرائة
واذا تبي تكتشف الاحتمال الثاني فببساطة ادخل باسم بنت
وشوف العالم كيف ترمي عندك ;-(
نرجع للموضوع ... هذي اللي فوق مقدمة تاريخية
سؤال واضح وصريح ... " هل الشات تافة "
شوف حبيبي
انا باجاوبك بطريقة ثانية
مثال 1 :
* انت لما تجي تتكلم عن افريقياً مثلاُ تقول " القارة السوداء "
رغم ان فيها كم دولة شعبها " قشطة "
لكن انت طبعاً قلت عنها كذا لان اغلبها " سود "
* اذا جيت تتكلم عن الجزيرة العربية وعن ديانتها
اكيد بتقول ان شعب الجزيرة العربية " مسلمين "
رغم معرفتك التامة ان فيه بينهم " يهود و مسيحيين "
والسبب ان الغالبية العضمى هم مسلمين .
اللي ابغى اوصله لك يا ناصر وللحزب الحاكم
ان الشات من المقياس اللي فوق " تافة "
لان اغلب الشتاتيت <--- جمع شات
للاسف اغلبهم يدور حول تضييع الوقت بكلام فاضي
وبنكت من تحت الحزام
وبتوزيع صور اباحية وارقام هواتف علنية وبركسيات
وحدث ولا حرج ..
لا انكر ان هناك بعض الشتاتيت تكون متزنة
ولكن ... كم تكون نسبة هذه المواقع !!!؟؟؟
1% ، 2% ... تزيد قليلاً
اعتقد بانك تغالط نفسك في طرحك لهذا الموضوع
جميعنا يعلم ما هو الشات وما هي المنتديات
قارن بين الروابط اللي حطتها ملكة البحار هنا وبين مثال سامي
اعتقد فيه اختلاف واضح بينهم
الروابط اللي اعطتني ملكة البحار رائعة بصراحة
انا عجبتني الفكرة ... ليش ما نسوي درة للتعارف
انا عارف ان ابو فهد بيصيح الحين
بس صدقني انا مستعد اثبتلك ان الدرة هذي بتفشل
لسبب بسيط ان روادها حيكونوا قليليين
لان روادها بيقولون الشات اسهل لنا
بصراحة انا اول ما قريت الجيزانية اتذكرت نايف
بغيت اتصل عليه واعطيه الرابط
عموماً ... نرجع للموضوع
فيه شي لازم نفهمه يا جماعة
كل شي في الدنيا ممكن نقول عليه الجملة هذي
" فيه كذا وفيه كذا "
يعني فيه الخير وفيه الشر
بس اذا كان لازم نختار تعريف واحد للشي هذا
لازم اننا نختار ... يا تنتن يا تنتن
يعني يا نقول ان الشات تافة يا نقو مش تافة
طيب اجيبها من جهة ثانية
انا باروح من بكرة وبادخل اكبر خمارة
واقول في النهاية " اهم شي الاخلاق "
يعني اهم شي اهلي وش ربوني عليه
انا ماني داخل اشرب ولا ابي نساوين
انا بس داخل اتعلم لغة من خلق الله
طبعاً الكلام اللي فوق مو منطقي
لان اللي ممكن يسوي زي كذا قليل
بعدد اللي يدخل الشات علشان يستفيد ثقافياً
الخلاصة ( الزبدة على قولك )
انا ما اقول كل اللي يدخلون الشات تافهين
انا قلت الشات تافه
انا داري ان فيه ناس بيدخلون علشان يستفيدون لغة
وفيه ناس بيدخلون علشان يتعلمون شي مفيد
وفيه ناس بيدخلون للوناسة النظيفة
بس هذا ما يمنع ان نسبة هذولي مقابل نسبة اللي يدخلون للمرقعة وقلة الحياء لا تقارن
يعني مثلاُ ابو رهف يمدح في الشات ويقول انا ما اتعلمت كمبيوتر الا من خلال الشات ... اوكيه
يعني كم واحد علمك في الشات يا ابو رهف ؟؟؟!!
الف .. الفين شخص
مش معقول انك تحكم على الشات باكمله من خلال شخص او اثنين
ما اعتقد ان هناك انصاف في المقارنة بين الشات والمنتديات
فرق كبيييير بينهما
المنتديات اعتقد كلنا مدمنين عليها لسبب بسيطة
وهو اننا نستفيد منها ثقافياً وفكرياً
ابي اسئلك سؤال وتجاوبني عليه بكل صراحة ..
والسؤال مطروح للحزب الحاكم كلهم
* من خلال مشاركاتك في المنتديات والشات
من ايهما استطعت ان تجني استفادة اكثر
من الناحية الثقافية والاجتماعية والفكرية ؟
اتمنى ان اكون قد اوصلت وجهة نظري بدون استعجال
وبصراحة ... تعبت ... يمكن ارجعلك بعدين ;-(
مع تحياتي للجميع