للجميـــع _ أرجو المشاركة *_*

[السنافي]

اخوي المنتظر يسعد مسأك

حبيت ان اشارك في للجميع أرجو المشاركه

وقد اطلعتك على ماأجود به دون الرجوع الى الكتب او البحث في النت

لان هذأ يسمى اختلاس

مع احترامي للجميع

[الصارم البتار]

البارحه يــــــوم الخلايـــق نيـــــامـا ** بيحت من كثر البكا كل مكنون
قمــــت اتوجــــد وانثـر الما على ما ** من فوق عيني دمعها كان مخزون
ولي ونـــــة من سمعهـــــا ما يناما ** كنـي صويب بين الاضلاع مطعون
والا فونــــــة راعبـــــي الحمامـــــــا ** غاد ذكــــرها والقوانيــص يرمون
تسمـــــع لها بيــن الجرايد حطامـــا** من نوحها تدعي المواليف يبكون
والا رضيــــع جرعـــــوه الفطـــــــاما ** امـــــه غدت قبل اربعينه يتمون
عليك ياللي شربـت كاس الحماما ** صــــرف بتقــــــدير من الله ماذون
جاها القضـــا من بعد شهر الصياما ** صافي الجبين بثاني العيد مدفون
كســـوه من عقب العرى ثوبً خاما ** وقامـــوا عليه من الترايب يهلون
راحو بهــــا حــــــروة صلات القياما ** عند الدفــــــن قامو لها الله يدعون
برضـــــــاه والجنه وحســن الختاما ** وادمــــوع عيني فوق خدي يهلون
حطوه في قبر عســـــاه الهدامــا **في مهمه من عزب الاموات مسكون
ياحفرة يسقــــي ثـــــراك الغماما ** مزن مــــن الرحمه عليهــــا يصبون
جعل البختــــــري والنفل والخزاما ** ينبــــت على قبر هوى فيه مدفون
مرحــــوم ياللي مامشـى بالملامـا ** جيران بيتــه راح مامنه يشكون
واوســع عذري وان هجرت المناما ** ورافقت من عقب العقل كل مجنون
اخـــــذت انا واياه سبعــة اعواما ** مع مثلهــــن في كيفــة مالها لون
والله كنه ياعـــــرب صرف عامـــــا ** ياعـونة الله صرف الايام وشـلون

وعذراً على الإطاله ... وسلامتكم ،،،،:bhrt:

[عــــزيــــز]

ان قلت لك مرتاح والله انا كذاب
[l]وان قلت روحي سرها البعد كذابه

[/l]

[* الـمـنـتـظـر *]

السنافي .. مرحبا بك مرّة أخرى ..

أشكرك على ما تجود به قريحتك الأدبيه ..

لك منّي على كل الشكر ..

وخذ راحتك أخوي .. أكتب اللي يعجبك ..

لا تختلس ولا تجيب من أشعار المتنبي ولا أبو العتاهيه ..

وسو اللي يريحك .. طيب ..

يلّه سلام .. :cool:

[* الـمـنـتـظـر *]

الصارم البتّار .. أسعد الله صباحك بالنور والأنوار ..

بالفعل رائعة هالقصيدة .. بكل ما تحمله الكلمة من معنى ..

تصدق ولا يوم إلا وأنا أردد أول بيت فيها ..


البارحه يـوم الخلايـق نيــامـا *_* بيحت من كثر البكا كل مكنون


من كل قلبي أحييك على طلّتك الحلوه دائما ..

وتقبل كل تحياتي .. وتقديري

[* الـمـنـتـظـر *]

[c][moveup]

يا دموعه ليه بين لي خضوعه

ليه يجرح كبريائه في رجوعه

يوم انا أتمنى وصاله صد عني

ويوم جافيته ولهتي يا دموعه

[/moveup][/c]

[عــــزيــــز]

[c]



لايدان المرء بشيء ليس به..
ولا خلق بالناس معصوم الزلل..
لما التخاطب بلغة الاعتقاد..
كفاك ياجارح الا لا تؤتمن..
يا للعجب.. افي الصراحة صدق المشاعر تغتصب
يا للعجب..كيف يبدو المرء ظالم الخطب
***
تعتقد ان لك في مهجتي الشي القليل ..
وانني اهدف بلا الحب التملك كالبخيل..
اساءت بي فهما..
اساءت بي عقلا ..
كفاك سوء ظن..

[/c]

[SS1500]

[moveup]
يــوم الــقــدر بعــث لي رســــولك ،،، كنت أحلم بواحد يشبهك جيب إنت
!ماكنت أصدق قبل أعرفك وأنولك ،،، إن الهنا .. كل الهنا .. تملكه بنت
[/moveup]
[moveup]
نوره الهوشان[/moveup]

[* الـمـنـتـظـر *]

عزيز .. يا بعد عمري أنت ..

ما أدري ليه لما أشوف أسمك تضحك الدنيا في عيني .

======> واحد بكّاااااش بطريقه فوق ما تتصور .:p





SS1500

منور يا غالي انت ونوره الهوشان ..

ولا عدمناك ..







[c]


















والله وبديت أشغله وأطري على باله .

بديت أذوب خفوق اللي مذوبني

يا كثر ما قلت في نفسي هنيا له

مرتاح ما يدري أنّ الهم عذبني

اللي جرا لي بدا هالحين يجرا

ولو انبوني ضميري ما يأنبني

[/c]

[الصارم البتار]

البارحة ما هملج الطرف بنعاس ** ما فاض من نجم عيوني تخيله

لا باس ياعيني على السهر لا باس ** على وليفٍ فات ما القى مثيله

عنا قطع شوف المواصل له ارماس *ولا في يدي من ناعس الطرف حيله

فيما مضى ياخذ جوابي من الراس ** واليوم لا عاني وانا ما اعني له

العشرة اللي ما توثق على ساس ** تطيح لو صارت حصون طويله

ياونتي منها المعاليق يبّاس ** صبري قضى ما باقي الا قليله

صبرت صبر صابني منه وسواس ** صبر له النفس العزيزة ذليلة

على وليف حال من دونه الياس ** والياس طب للقلوب العليلة

من يتبع المقفي مرده بالافلاس ** مثل الذي بالقيظ يدفق صميله

هذي دروب الحب جده ودرّاس ** الله يمضيها بستر وجميلة

موفق للخير ياظبي الاطعاس ** لا تحسب الدنيا باهلها طويلة

الصاحب الغالي تحطه على الراس ** واللي يودك لا تدور بديله

صلاة ربي عد ما هب نسناس ** على نبي وضح الله دليله

[المستشار]

ياخوي وينك ماعاد صرت تنشاف ..

زعلان ولا كل هذي قطاعة

[عــــزيــــز]

[gl]

بديت تحب ..بديت تغار
بدا قلبك يعيش بنار..
بديت اسهر عيونك..عسى الله يكون في عونك

***

اشوفك لاهي وحاير..
وقلبك يكسر الخاطر..
تحب ومنخطف لونك..
عسى الله يكون بعونك..

[/gl][/c][/COLOR][/SIZE]

[* الـمـنـتـظـر *]

هلا والله بالصارم البتار ..

وصدقني إضافاتك ولا أروع ..

أتمنى ما تنقطع ..

تحياتي لك .








رومانسي بيك ..

شوف حبيبي .. الواحد لما يكتب يكتب زي الناس .. ok

انت الحين قاعد تقول ..

ياخوي وينك ماعاد صرت تنشاف ..

زعلان ولا كل هذي قطاعة

والصحيح .. هو ..

ياخوي وينك صرت ماعاد تنشاف ..

زعلان ولا كل هذي قطاعة

صح ولا أنا غلطان ;)





عزيز ..

بغد قلبي أنت ..

يا شيييييخ غني لين تقول بس ..

وبصراحه أنت تختار كلمات رائقه

أهم شئ ما تكتب ..

تشكرات أفندم جروحي جاكوزا ..

وقسما عزما لولا بيّا نار .. ما فيا أسفا الخخخخخخ :p

ومع السلامه

[المستشار]

[c]

ماني على فرقاك ياشوق ناوي

مير الزمن له وقفة بين لحباب

يشهد على ماقول قلب شقاوي

ودمع نثرته بان من بين لهداب

كانك على ذبح الوفى فيني قاوي

اذبح خفوق اللي يحبك ولا تاب

واللي بقى من وقتنا مايساوي

لحظه نعانيها من البعد اغراب

لا يانجوم الليل ماني بهاوي

فرقا غناة الروح ولو طالت اسباب

----------------------------------------------

عزيز حبيبي .. وش رايك بس ;)

يالمنتظر يااااااااااااااخي;) مشي حالك حالك يمشي :cool:
[/c]

[* الـمـنـتـظـر *]

[c]

إهداء للي في بالي ..






وين أنت يا أغلى العرب ناوي

تو القمر ما سرا توّه

ما شفت يا المترف الرّاوي

وشلون دنياي محلوّه


[/c]