كل week end يكون لنا يوم مخصص نخرج فيه كلنا مع العيله سوا ونروح مكان معين طبعا احنا البنات مالنا الا اننا نسك فمنا ونمشي ،هما صح ياخذوا رأيي انا واختي بس في النهايه قرار الاولاد هو اللي يمشي علينا
المهم في يوم من هادي الايام المنيله على عينها رحنا مكان غبي جدا بس اخواني اختاروه عشانه ينفع للتكحيل:rolleyes: وكان معانا يومتها ولد عمتي (لانه مواعد صاحبه هناك) ويوم ماوصلنا ودخلنا المحل واخواني راحوا بعيد عننا يكحلوا واحنا كمان رحنا نكحل اجل كيف هما بس اللي يكحلوا :p
واحنا دايرين وطالعين ونازلين الا واكفش اخويه وهو حاط عينه على وحده ومحل ماتروح البنيه وهو وراها ،طلعت نزلت وهو داعس معاها فقال لي عقلي يابنت قومي راقبيهم(ملقوفه بعيد عنكم خخخ:cool: )وبس سرت داعسه معاهم انا كمان، وشويه الاقي البنت تجلس على الكرسي واخويه يجلس جنبها وهيا تطالع فيه هااااا جينا للشي اللي مااطيقه( يصيبها تبغ الرقم )وماالقاه الا ويحط يده في جيبه يبغ يطلع الكرت عشان يعطيها هوا رحت انا ماصدقت خبر ونقزت لهم وجلست في النص بينهم(غيّوره على اخواني يالطيف اللهم لايبلاكم) وابتسمت وحطيت رجل على رجل واطالع شويه في البنت وشويه في اخويه ، واخويه انهبل يوم شافني قعدت وسطهم ماتوقع مني هادي الحركه وصار وجهه كده
وقال لي قومي من هنا بالطيب احسن لك، قلت له مابغا (مسويه اني قويه وانا من جوه قلبي يرجف.. خخخ) قال قومي ولا حسابك معايا في البيت ، قلت في عقلي يلا هو كده ولا كده حانفرش فخلاص اخبصها احسن لي وقعدت وماقمت ، راحت البنت فهمتها انه مافي رقم فراحت قامت ومشيت واخويه حقد عليا( احسن انا اكره الترقيم واللي يرقموا:moh: )بس ايش...اخويه ماعندك احد البنت مره دخلت مزاجه مصرّ الا والا يرقمها ماستسلم بس كان يبغ احد يشجّعه شويه (مسكين اول مره يرقم) راح قال لصاحب ولد عمتي تعال معايا تكفا ابغ ارقم وحده (عاد هذاك ماصخ ماعنده ورى )قال له يلا قدام، وراحوا وشوي كده الا لقيت البنت تقرب منهم والا انتهزها فرصه اخويه وطلع الرقم وقال لها اتفضلي ، الا صاحب ولد عمتي طالع فيه و قال له انتا ايش بتعمل بالضبط؟؟ هذي اختي ، اخويه صار كده
وفي النهايه اتعرفت العيلتين وصرنا نخرج سوا دايما
ملحوظه: الموضوع جاني ايميل وحبيت انقله لكم
هادي اول مشاركه ليا اتمنى انها تعجبكم ..... و سلامتكم^-^
