واحد يمون قالط في جهازي وتوهق بعمره كانه وصل للاجهزه الثانيه

[ناصر الأحمد]

السلااااام عليكم

صراحه مدري وش سالفته

عندي جهاز شغال من قبل رمضان وناسيه



فتحته قبل كم يوم

لقيت الرساله هذه من وين جاي ؟؟؟؟:-S

مدري عنه

وش يبي جاي مدري

الجهاز فاضي

مافيه شي غير الوندوز

خليه يتمشى علي كيفه
وحتى الاشتراك لو اللطشه ماراح يستفيدمنه بشي لانه مايشتغل على غير رقم تلفوني ( مدري هم صادقين الشركه ولالا)


والسؤال

انا عندي شبكه بالبيت موصله عن طريق الجهاز هذا

وملغي خاصيه الجدار الناري

هل يقدر ياصل للاجهزه الثانيه ؟

طبعا الاجهزه الي عندي ماعليها خوف لاني عارف لو يبي يدخل يبي يتوهق



بس فيه اجهزه ثانيه هي الي عليها الخوف

يعني يقدر ياصل لها او مايقدر

تحيااتووو

[محمد المحيا]

مرحبا جعجع..

أكيد إنك مسوي شي والا ماتخاف الخوف ذا كله

اسمع عزيزي...

الشخص هذا يستخدم خدمة موجودة في أنظمة ويندوز 2000 و NT و XP واسمها 'Messenger Service' وهذي الخدمة تختلف عن MSN Messenger المعروف ووظيفتها هي الاتصال بين السيرفرات والأجهزة الأخرى وتبادل الرسائل بينها .. لأغراض الصيانة مثلاً..

المشكلة إن الخدمة هذي ماهي محصورة بمديري الشبكات لكن يقدر أي شخص استغلالها في إزعاج الآخرين خاصة إنها ما تسجل مصدر الجهاز المرسل ويمكن خداع الآخرين عن طريقها.. وسبب انتشارها هو سهولة استخدامها بواسطة أمر متوفر مع النظام نفسه. وبعض الأشخاص يسوي ملف باتش لإرسال المئات من الرسائل في وقت واحد.

عموماً ما فيه خطر منها على الأجهزة لكنها مجرد إزعاج لا أكثر. ولو كنت مشغل الجدار الناري كان منعها لأن أغلب برامج الجدران النارية تقفل المنفذ رقم 139 اللي يستخدمه الماسنجر هذا.

لكن لو تحب تلغي الخدمة يدوياً سوي الخطوات هذي:
1- اضغط على ابدأ Start وافتح لوحة التحكم control panel
2- افتح Performance and Maintenance وروح لـ Administrative Tools
3- افتح Services وروح لـ Messenger
4- دبل كليك على Messenger واضغط على Stop لإيقاف الخدمة.
5- غير نوع بدء التشغيل startup type إلى Disable

بس هذا كل شي

تحياتي

محمد

[ناصر الأحمد]

مساءالخير

اهلين محمد كيفك ان شاءالله بخير

يعطيك العافيه



الحين عرفنا وش السالفه

وبالنسبه للجدار الناري انا مستخدم البرنامج الي في الوندوز اكس بي

وكنت مخليه مفتوح لان بعض المواقع يطلب اغلاق البرنامج وبعض المرات الماسنجر مايشتغل لين اسكر البرنامج

الا ان الحوسه هذه افتكيت منها حاليا وصرت استخدم الجدار الناري بدون اي مشاكل

وفيه كمان سوال

بس لاتقول عجاز

كثير من الاشياء الي نحوس فيها انا واخوي سوا
ومسوين مشاركه في واحد من الاجهزه , اي شي يبيه من برامج اوملفات

اسوي لها نسخ في هذا الجهاز

بعدين هو ينسخها على جهازه والعكس ايضا اذا بغيت شي منه سوا نفس الطريقه

الي ابيه واسال عنه

فيه طريقه اني اذا بغيت ارسله شي اوصله رساله اني سويت الي هو يبي مثل هذه المسج الي طلع لي في الصوره

او فيه طريقه محادثه فوريه بينا غير الماسنجر طبعا ( دايم اسوي عليه حظر )

وهو ايضا
يعني ابي شي يكون بين الاجهزه

اتمنى يكون استفساري واضح

ويعطيك الف عافيه

تحيااااتووو