كل شي وارد هالايام !

[ابوفهد]

[align=center]


هلا برفيق الدرب مجد
يسعد الله ايامكم بالخيرات

لا ما دام الأمر كما هو في الجهراء الحبيبة أجل خلك هني أفضل

يا أخي أنا من زمان أقول هالوجه مو غريب على

أثاريك بتاع مشاكل الجهراء الفقيدة

لا الله يخليك كله إلا المشاكل

مشاكسة ممكن بشرط تكون من صالح الموضوع وتحريكه

بس تدري والله ينخاف منك أنت ترى مو سهل على خبري

دارك هني روووووعة ربي يسلمك

وحنا وياك بس أنت أكتب هني وخل الربع هناك

حقيقة أتمنى أن أتعرف عليك أكثر مدري ليه أنا حاس أننا معرفه

والدليل ألولوه ( منتدى الجهراء )

دمتم بخير [/align]

[المجد برهان...]

[align=center]


هلا برفيق الدرب مجد
يسعد الله ايامكم بالخيرات

لا ما دام الأمر كما هو في الجهراء الحبيبة أجل خلك هني أفضل

يا أخي أنا من زمان أقول هالوجه مو غريب على

أثاريك بتاع مشاكل الجهراء الفقيدة

لا الله يخليك كله إلا المشاكل

مشاكسة ممكن بشرط تكون من صالح الموضوع وتحريكه

بس تدري والله ينخاف منك أنت ترى مو سهل على خبري

دارك هني روووووعة ربي يسلمك

وحنا وياك بس أنت أكتب هني وخل الربع هناك

حقيقة أتمنى أن أتعرف عليك أكثر مدري ليه أنا حاس أننا معرفه

والدليل ألولوه ( منتدى الجهراء )

دمتم بخير [/align]

ما لاحظت شي في ردي الأخير .. ؟!
ما لاحظت اني سميتك فهد ؟!
و اني كنت أهلوس بالأخطاء اللي تسويني "غير عربي اطلاقاً" :p
كمثل : موضوع جديدة ..
هذي شلون طلعت مادري بس الله يخلي الكيبورد يكتب على كيفه
.
.

و انتي على طول صدقت اني راعي مشاكل
يعني يطيح علي راعي مشاكل ؟!
كل هالبراءة و أسوي مشاكل حرام عليك

إلا بسألك ، انت كنت في الجهراء .. ؟!
شكلك ما تعرفني لأن معرفي كان نفسه هو هو ما تغير !!
أو يمكن كنت من اللي انسحبوا بعد المشكلة الأولى ..
لأن هو بيني و بينك ،، صارت مشكلتين ..
المشكلة الأولى انسحب منها كم عضو مابي اذكر اسامي ..
و جنه جنه (التفسير : كأنه) نوار كانت منهم و الله العالم ، (هي ما انسحبت ، بس انسحبت من الاشراف و الله العالم ما اذكر زين )) و انسحب بعد يا طويل العمر اممم .. بركان ..؟! مادري مادري ..
بس عشان ما اتصير مشكلة اهني بعد :p
المشكلة الثانية بأى (التفسير : بقى) هي المشكلة العويصة
بس أنا ما لي دخل فيها و ربي
مادري شصار ، امممم ..
على الرسايل الخاصة كأنه..
لا لا هذا في المنتدى اللي بعد الجهراء ..
الظاهر اممم .. هو انا مادري شصار ، بس ناس وايد طلعوا ..
و طلعت اشاعات مغرضة و سوالف على الأعضاء ..
و قام لك الأخ .. ما اذكر اسمه ،، صالح .. ؟! أو ابو صالح واحد من الاثنين ..
عصب و سكر المنتدى .. و راح كل شي
راح التعب راح ..
و تميت أبجي و اصيح (التفسير : أبكي) ..
و أقول في خاطري ايه ، راحوا الربع ..
راحت الأيام يا المجد ..
راحت ايام الصداقة و الفنتكة (التفسير : مادري ) ,,,
راحت أيام اللي كنت فيها راعي فتن و مشاكل :p
كأني ذكرت إني سويت أحزاب في الجهراء كأني ..
ذكرت مو .. ؟!
اي في الردود دور بتلاقي ..
سويت حزب يا الله .. رهيب
بس صارت مشاكل بسبب الأحزاب ..
لأن بيني و بينك ، العرب مو متحضرين حتى في موضوع الأحزاب ..
خاصة النسوان ..
سووا لروحهم حزب و قعدوا يحاربون حزبي في مواضيعهم ..
وش لكم فيني .. <=== أدري حلوة ..
أحد يتعلف (التفسير : يتحرش) في المجد برهان .. ؟!
و قامت الحرب ..
من أحد المشاكل اللي سويتها ( ما شاء الله ، افتخر بمشاكلي ) إن سحبت عضوة من حزب النسوان و جبتها حزبنا .. جان ليش ما رئيسة حزب النسوان تزعل ..
و اتقول خلاص بطلنا الحزب :p
مع اني ما سويت شي ،،
هي بيني و بينك السالفة كلها مزح و تافهة ..
بس شوف ،، العرب يسوون كل شي صدق ، و تصير المشاكل

تدري يا بو الأفهاد ..
انا فكرت أسوي موضوع اهني ..
بس الفكرة يعني اممم .. ما اعتقد ممكن انها تطبق في عالم النت ..
لأن محد راح يكون صريح ..
فكرة امم يعني عنوان الموضوع (بدون إحراج) ..
يعني أستضيفك مثلاً انت ..
و أسألك اسئلة انت مجبر على اجابتها كلها :p و بصراحة تامة ...
و نوعية الاسئلة محرجة يعني ..
بس فكرت فيها ، قلت وش لي بالمشاكل ..
لأن احتمالية المشاكل واردة .. و الشي الثاني محد راح يجاوب بصراحة ..

يعني الحين انا اجي اسألك ..
أقول لك قط مرة قصيت على وحدة و قلت لها "أحبك" و انت ما تحبها .. ؟!
ما بتعترف :p

بس لو انته مثلاً .. اتجي تسألني ..
قط مرة قصيت على وحدة و قلت لها أحبك .. ؟
أقول لك اي أنا قصيت بس ما قلت أحبك
(( مو تصدقون انا قاعد أعطي مثال )) ..
مو انتوا تبون الإشارة بس علي أدري ..
.
.

و الكلام ما يخلص انا ادري ..
بس من ناحية المعرفة .. امم
أعتقد لو كنت تعرفني ، جان عرفتني من المعرف (المجد برهان))

تدري أنا أول منتدى شاركت فيه كان الجهراء ، و كنت امشارك عشان الشات ...
و دشيت الشات و سويت لهم مشاكل ..
كان اذكر في شي يطرد ، و كنت كل شوي أطردهم ..
هو كان في خلل في الشات لما انت اتقول يهود أو شي جذي الخط يأثر مادري شنو و ينطردون الأوادم ..
بس بعدين ، تميت أكتب في الشعر و الخواطر ، و بعدين رحت اتحرشت في الصداقة .. و بعدين عاد خذ المشاكل ...

بس تدري .. كان تفكير مش و لا بد ذيك الأيام ..
يعني كان همي الردود ..
لما كنت اكتب في الواحة "واحة الشعر" كان محد يرد علي !
اتصدق ، كان في شللية ، كل واحد و شلته يردون على بعض طبعاً ..
و انا فقير أول ما شاركت محد يرد علي ..
فكنت اتنرفز ..
لين ما بعدين قاموا يردون علي .. مع إن كتاباتي كانت مش و لا بد ..

يا اخي لا تخليني اهذر ترى فضايح الناس تطلع :p
.
.

[المجد برهان...]

فديت التوقيع الجديد

[المجد برهان...]

أقول أبو الأفهاد ..

شيل هالجم "التفسير : كم" صورة اللي حاطنهم و امسوين لنا ضجة و ماخذين مساحة شكبر ، و وقع و حط توقيعك الأصلي جان يستغلون الأعضاء التوقيع .. و يبوقون (التفسير : يسرقون) دفتر شيكاتك ، و خذ عاد ..
ما تشوف إلا الشرطة على باب بيتكم :p

[المجد برهان...]

يعني شوف مثلاً أنا في حالتي ..
عادي أحط توقيعي ، محد يعرفني شخصياً من المنتدى .. :p ، او بالأحرى ، ما عندي و لا واحد من المنتدى بالمسنجر :p تخيل كم سنة الحين ما تعرفت على احد .. (شهالآدمي) ..
بس انته أكيد عندك أحد .. شوف عاد شيسوون فيك لو تحط توقيعك .. ياهي شيكات بتنصرف ...
ياهو بيتكم بينباع .. ما بتشوف إلا واحد جايب الشنط و العفش و فاتح عليك الباب ..
تعال وين .. عاد ما ينفع الحجي (التفسير : الكلام ) بعدين .. :p

[المجد برهان...]

الطامة الكبرى ، إني قاعد أكتب كلام كله أخطاء مطبعية ، املائية ، نحوية ، لغوية و كل هذا لأني أكتب و أمسح يعني مو لشي غير من جذي اتصير لخبطة و خربطة و الخ ..

انت لو تدري بس يا بو فهد أنا اشلون اشتركت في الدرر :p
سالفة طويلة و يبي لها قعدة و فواكه و عشا و شاي و صلوات و أدعية .. :p

يعني فعلاً ..
أنا قاعد أكتشف شي ، إن الإنسان الفاضي اللي ما عنده شغلة و لا مشغلة ، يحاول يشغل وقته بأي شي .. حتى لو كان مو فالح في شي ، يطلع له شي يخربه ..
مثل حالتي الحين .. فاضي و ما عندي شغلة ، و مو فالح في شي و ما عندي شي أخربه ..
فشسوي .. أقعد أهذر .. و أخربط .. و أحاول أفتح لي موضوع أتكلم فيه عشان أحس إني مشغول ...

مرة أذكر واحد في المدرسة ..
قال لنا استاذ اللغة العربية كل واحد يروح بيتهم يكتب شعر و يجيبه ...
عاد جا اليوم الثاني ((شوف ترى اذا السالفة قلتها في الردود اللي قبل مشها لي عادي)) ..
جا اليوم الثاني الأخ الكريم و قال الاستاد يا فلان ..
قول الشعر اللي كتبته ..
جان يقوم الحمداني و يرفع الورقة و يقول .. : لازم اخلي له مجال عشان تشوفونه بوضوح ..

أنا و الليل و عبراتي يبويه العود !

جان الكل ساكت الحين و ما يدري شسالفة ..
و أنا بيني و بينك كنت مندمج أنتظره يكمل الشعر ..
و الأستاذ فاتح فمه .. و "الحمداني" و اقف و يتبسم يمين شمال ، اي مو الصف كله يطالع فيه ..
جان يقول له الاستاذ .. ايه .. كمل يا فلان .. !!
جان يقول بس خلاص هذا اللي قدرت عليه ..
جان يضحك الصف ..
أنا بس ابي اعرف شي ..
لما صاحبنا "الحمداني" كتب الشعر ، كان يفكر في شنو ؟! :p
يعني انا و الليل و عبراتي .. حتى الآن سليمة ..
بس بعدين خربها ====> يبويه العود .. ؟!
و لا .. القهر ما في تكملة .. !

مو قلت لك الفاضي يطلع له سالفة يتكلم فيها ... !

انزين أبو الأفهاد عيوني ..
صير زين عاد و سو لي واسطة و خلني أكتب في شريط الأهداءات ..
خاطري أكتب شي
من أمس إلى اليوم أكتب لك قصص جان تسوي لي واسطة يمين يسار
بعد ما يصير جذي .. أنا صار لي تقريباً 4 سنوات و ما تخلوني أكتب اهداء
صدق ما اشارك وايد ، بس اممم .. يعني مشوها لي عادي
كلما اشوف الشريط ..
أحس يدي تحكني ، أجي اضغط اقول يمكن صار في خلل ..
يمكن سووه لـ 150 مشاركة ..
أشوف لا .. أخوك تعبان

و الحل .. ؟!
أصيع ؟!

[المجد برهان...]

أبكِني ..

إنْ كانَ هذا ما يريحُ أعصابك .. !

فقدْ أمسى البكاءُ لي كالتثاؤبِ .. قبل المَنام !

و كُلِّي علم ..

إنْ لمْ أبكِ قسوَتَك ..

سأبكي حتماً لِفراقِك !



.

.



عِندما تستفيقُ مِنْ سُباتِ المشاعِر هذا ..

لا تأتِ .. لِإيهامِي بالمزيد مِنَ الحُب ..

فليسَ بعْدَ رواءِ حُبِّكِ سِوى الألم !

و أنا .. بِبلاهَتي ..

سئِمْتُ آلامَكَ التي لا تنتهي .. !

.

.



لا تُحْرِجْ نفسَكَ ..

بِمُراضاتي ..

فما يُرضيني بعيدٌ عنْ مُتناوَلِ يديْك .. !

طالَما أنتَ .. بعيدٌ عنْ عيْني !

تَعِبْتُ يا صاحِبي ..

مِنْ انطوائي على نفسي ..

و دفني .. بيْنَ جُدرانِ غُرْفتي الباهتة

التي .. جعَلَتني بألوانِها شاحِبا !

تَعِبْتُ انتظارَ زيارَتك ..

لِتنتشِلَني ..

مِنْ وِحْـلِ كآبتي ..

و تُحَلِّقُ بي ..

فوْقَ زُرْقَةِ السماء ..

فلا يَليقُ بلقانا .. سِوى أجمَلُ مكانٍ

تَنْظُرُهُ عيناي .. !

.

.



لا تُحَدِّثـني ..

عَـنْ أحلامِكَ الوردية ..

و عَنْ أوَّلِ قُـبْـلَةٍ يُحدِّثُ فيها خاطرُكَ شفتيَّ ..

رُبما .. يقتِلُني تذكُّرُها

إنْ لمْ تتَحَقَّقْ .. !

فالقَدَرُ .. أصْعَبُ مِنْ أن يُواجَه .. !!

.

.



إنْ لمْ نلتقِ ..

و لمْ يحْتَضِنْ أحدُنا الآخر ..

تأكَّـدْ ..

بأنِّي كُنْتُ في كُلِّ ليْـلة ..

أرسِمُ صورَتَكَ على وِسادَتي ..

و أحتضنها ..

لِأنام .. بالقُرْبِ مِنْك ...

لطالما .. أرَّقَـني قلَـقي ..

أنْ أغفو ..

و أفيقُ .. و لا أجِـدَكَ قُرْبي

في هـذه الدُّنيا .. !

.

.



كُلُّ يوْمٍ ..

أنا أقرَبُ مِنْ نفسِكَ إليْك ..

و أبعَدُ مِنْ كُلِّ المسافات .. عنك

فما يفصِلُ بيننا ..

هُوَ ما يفصِلُ السماءَ عَنْ البحْرِ ..

.

.



سألقاك ..

و إنْ لمْ تأتِني ..

و إنْ جَهَلـتَ تَقرُّبي ..

في دنيا أخرى ...

بِملامِحَ أجمل ..

.

.

[media]http://www.yukopiano.com/media/audio/original/13/Memory.mid[/media]

[المجد برهان...]

شوف شلون أبو فهد يتطنز علي من فوق
كأن واحد في بيت طابقين ..
امقفل البيبان ..
و جاي له أخوه يضرب الجرس ..
و المطر يطق ..
و رعد و برق و غيم
و يقول له افتح الباب بموت من البرد ..
و ذاك يطل عليه و يضحك
ياخذ حصى و يفلع (التفسير : يرمي) عليه ..
يدخل و يطلع يضحك عليه
يقول له زين مد لي حبل
يطل و يسوي له حركــات ..
.
.

مو زين تسوي فيني جذي
أنا ما أشارك إلا في مكان ما تنحسب فيه مشاركاتي
شوف حظي .. حتى المكان اللي احبه
ما تنحسب فيه مشاركاتي
انزين حط لي 400 مشاركة من عندك ..
هدية بمناسبة عيد ميلادي
ما يصير يعني ؟ :p
إلَّا رقم ما بيكلف عليك شي :p

[ابوفهد]

الغالي مجد
يسعد الله أيامكم بالخيرات

مشي يا رجل ولا تدقق بكل خطأ يحدث في الردود المهم أنه لا يكون خطأ متعمد سواء كنت فهد أو أبوه لن تفرق فالكلام موجه لي وليس لفهد ولدي مو صح؟

يعني عندك مثلاً هذا الخطأ منك:

و انتي على طول صدقت اني راعي مشاكل

هل يعني هذا أنني أم فهد؟!

قلنا لكم فوت ولا تدقق أحسن الواحد ما يصدع .

يعني يتم تسكير الجهراء بسببك ولست صاحب مشاكل؟

نعم كنت عضواً فيه لكنني لم أكن مشاغباً

حقيقة لا أعرف أحد فقد كانت مشاركاتي قليلة وهي عبارة عن طرح مواضيع اجتماعية وارد عليها فقط ولم أشارك في أي مواضيع أخرى.

لا أعلم عن المشاكل هناك إنما انسحبت بعد افتتاح الدرر.

بعدين الله يسلمك تراني خليجي وأعرف اللهجة الخليجية يعني مافية داعي عمليات التفسير هذي.

ما شاء الله عليك تسحب عضوة من حزب النسوان وتبيهم يسكتون عليك؟!

تدري لو سويت موضوع (بدون إحراج) صدقني ما حد رايح يرد عليك وما فيه أحد بيجاوب بصراحة فالأفضل عدم طرحه.

لكن لو سألتني هذا السؤال بقولك ما لم يسبق أن قصيت على وحدة ولم أقلها أصلاً صدق أو كذب فأنا أحب أم فهد وبس.

حتى الشات ما سلم من مشاكلك؟!

يا أخي أنا ما قلت لك أحذر وبلاشي فضائح ترى يمكن يكون معنا أحد أعضاء الجهراء السابقين بعدين يطلع فضايحك عاد رقعها.

مبروك عليك التوقيع يا مجد .

باين فعلاً انك مفلس مادياً وإلا ما حطيتوه .

إيه هين أحط توقيعي هنا تراني صحيح شايب بس مو خبل .

طيب ليه ما عندك أحد بالماسنجر؟!

أش رأيك أجل أضيفك عندي هاذ إذا فيه مكان فاضي بالماسنجر عندي .

والله فكرة يا مجد

أش رأيك تكتب لنا روايتك في طريقة تسجيلك بالدرر.

وما يهمك أنا أجي البحرين أجهز لك العشاء وتوابعه بس أنت حدد الموعد تلاقيني طاير مع الجسر.

بس تصدق أتمنى أنك دايم فاضي علشان على الأقل تمتعنا بهذرتك الحلوة وياليت كل الهذرات مثل هذراتك يا مجد ترى فيها أشياء مفيدة رغم أنك ترى أنها هذره.

حلوة أنا والليل وعبراتي

تدري مع كثر هذراتك بتوصل لعدد 400 مشاركة بعدين تطلع معنا السطوح وتكتب فيه.

كل شيء فيه واسطات إلا السطوح ما فيها واسطات كان غيرك أشطر :277:

حرك إصبعك وايد وبتوصل إن شاء الله.

ألف شكر لكم على هذه الهذرات الرائعة والدليل ردكم علي بأربع ردود وليس برد واحد .

دمتم بخير |557|

[المجد برهان...]

أبو فهد
يعني تسوي روحك ما تدري إن المشاركات اهني مو محسوبة لو اشلون ؟!
لو تسوي لي حرق أعصاب يعني ؟! :@

هذي سالفة و انتي على طول صدقت .. قعدت أضحك عليها ربع ساعة !
ما تدري بغيت أرجع و السبب هذي .. ((بيني و بينك حسيت روحي عجمي ، مو عندنا وايد في البحرين)) لحد يسمع تصيدنا سالفة بعد ما فيني شدة ..

و قلت لك ما تسكرت الجهراء بسببي ..
اتسكرت بسبب اهمال صاحب الموقع و صارت سالفة و حالة و وقعة و كذا و كذا و تجمعت الناس ...
بس تدري .. كل هذا بسبب الإهمال ...
يعني حط بالك على منتداك ولا تهمله لا ايصيدك نفس اللي صاد راعي الجهراء ...
طلعت اشاعات إنه انجن و قعد .. و فتح له بسطة عند مدرسة يبيع حب <--- أضمن لك تحتاج تفسير ;p
((لحد يصدق تصير لنا سالفة))

ما شاء الله عليك تسحب عضوة من حزب النسوان وتبيهم يسكتون عليك؟!

تدري لو سويت موضوع (بدون إحراج) صدقني ما حد رايح يرد عليك وما فيه أحد بيجاوب بصراحة فالأفضل عدم طرحه.

لكن لو سألتني هذا السؤال بقولك ما لم يسبق أن قصيت على وحدة ولم أقلها أصلاً صدق أو كذب فأنا أحب أم فهد وبس.

حتى الشات ما سلم من مشاكلك؟!

و سحبت عضوة خير يا طير ، ليش يحاربوني !
بعد العين بالعين و السن بالسن ما يصير أسكت عنهم ..
بس صارت فضيحة , و طلعت اشاعات على البنية ، خبرك النسوان و ما يسوون :p

بس تدري موضوع بدون احراج هذا موضوع فلتة ..
لكن المشكلة محد بيجاوب .. و محد بيرضى يشارك !
يعني تدري .. هذا الموضوع ممكن يسوي ضجة في الدرر !!

الله يخليك أم فهد و فهد و الأفهاد جميعاً ..
بس دير بالك عليهم و ودهم السوق كل يوم ، ترى النسوان في حاجة إلى التسوق دائماً ..
إذا ما توديهم السوق يحسون بالنقص فالإهمال ..
اسألني مع إني مو امجرب لكن طبيب :p
.
.

و عن الشات علموني شلون أطرد ..
و ما خليت أحد ما طردته ، حتى اللي علموني ..
و الكل يسب .. و يدعي
لين ما سكروا الشات ، بس مو أنا السبب لا :p
صار فيه سوالف غير شرعية ...
.
.

امممم ...
تطلع فضايحي ..
لحظة خل اشوف ... اممممم
لا ما عندي فضايح في الجهراء .. لا تخاف أخوك أسد ((جان ما يطلع واحد يطلع علينا اشاعات بعد :p))
.
.

عندي في المسنجر وايد ..
بس من المنتدى و لا واحد !!
تخيَّل ...
.
.

انته تعال البحرين و أنا أقول لك السالفة بالضبط ..
افا عليك بس ..
و خل العشا علي ، بس الباقي عليك انت عاد :p

انت لا تشوفني اهني اهذر و اخربط ..
ترى في الصج كله ساكت :p
صمٌ بكمٌ ..
لكــن لا آخذ عليك أغربلك ..

اتصدق ما أقدر أمشي هاليومين

لعبت كرة من جم يوم و تعوّّرت ..
ضربني واحد على الركبة الشمال و انا في وضع تسديد
و الله كانت ممكن هدف لو لا الضربة
سدحني أرضاً و انتفخت ركبتي و ما اقدر امشي عليها
و حالتي عويصة ..
شوي أحط عليها ثلج .. و شوي أحط عليها كمادات ساخنة ..
و لا أدري شسالفة :s
.
.

و عن سالفة السطوح خلاص بسوي لي صرفة
مو هذراتي ما تنحسب

اييييه ..
يقول الشاعر ..


اهذر كما تشاء .. تعيشُ في الشقاء

تخيَّل !

[المجد برهان...]

أبو فهد ..

واحد من اصحابي جايب لي غدا

انت تتساءل ليش الوجه هذا ===> بما أن صاحبي جايب لي غدا لازم افرح ..
لا .. ما دريت وش جايب لي

جايب لي رز برياني و لحم ..
و بارد

عاد أنا نسيت ..

الرز محطوط في هذا ، يعني شي ألمنيوم نسيت شيسمونه
صحن ألمنيوم ..

ليش ما أقوم و أحطه في الميكرويف

ليش ما يحترق و تصيدني سالفة

مو أنا حالتي حالة لا أقدر أتحرك و لا أطلع ، الناس تتصدق علي و تجيب لي أكل

يعني اليوم راح اموت جوع ..

هو اليوم باين من بدايته ، من شماتة بو فهد ..
إلى وضع بيتالز الخاص اللي كاتبته لي في ذاك الموضوع
.
.

شكلي باكله و هو محترق و اللي فيها فيها

[المجد برهان...]

ايييه ...

تدري يا بو فهد ..

أمس واحد شاف الضجة اللي امسويها
سواءً اهني او في حملة التبرع ..

جان يجيني يقول لي .. شمسوي انت ؟!
انت كبرت على هالسوالف
للحين عبالك ياهل .. !

خلاني أحس بالذنب
عاد هو ما يدري ليش أنا أسوي جذي ...
ما يدري اذا تصيدني هالحالة ، أسكت بالبيت و أتكلم بالنت !
بعد ما يصير أسكت في الجهتين ، اذا اتكلم في البيت أسكت في النت ، اذا اسكت في البيت لازم أتكلم في مكان ثاني بعد ما يصير جذي

بس للحظة ، حسيت إني كبرت و عجزت ..
و جبت عيال
و حسيت إن عندي ولد في الجامعة و راعي نسوان و مغربلني كل يوم مشكلة :p
.
.

و الله كدرني صاحبي يقول لي عبالك ياهل

((راجِع موضوع هندسة الأفكار في أحد الردود تلاقي قطعة من شعر بدايته تقول ، لله أشكي ))
اقراه ترى راكب على هالسالفة


عجزنا يا بو فهد و قعدنا ..
من انسوي شي قالوا لنا كبرتوا ..
هاي للحين ما وصلت الـ 30 بعد

[ابوفهد]

أهلين مجد المجود

كيفك اليوم إن شاء الله تمام وعندك هرج واجد بدون مرج ؟

بس حبيت أصبح عليك لأني دوبي واصل المكتب

وجالس ويا القهوة الصباحية ( التركية )



إلا وش مسوي وياك البرياني المحروق أمس ؟

تحياتي

[المجد برهان...]

أبو فهد ..

عجبتني هذي مجد المجود ، من وين امطلعها .. ؟! :p
.

.

من ناحية الهرج اعتقد اني بوقف
مو أقول لك صاحبنا أحبطنا خلاص ... عجزنا :p

صبحك الله بالخير و الود و العافية ..
و الله يجعل أيامك كلها سعادة و هنا ..
و يرزقك بوحدة تعرف تقرا الفنجان ، عشان تحرم تشرب قهوة :p

ياخيك الله ما يضيع أحد ..

يعني أنا وحداني بالبيت .. و ما عندي أحد يطبخ لي
و ما أقدر أطلع مو مصاب ..
فجاب لي البرياني و حرقته و اخترب الميكرويف و صارت سالفة ...
بس الله وكيلك ..
عقب شوي جان يطق الجرس ..
جان أقوم أعرج و افتح الباب ، هاااا

و إلا الهندي مال بيت جيراننا :o

أنا : ها أرباب كيسا
الهندي : أتشا ، انته اشلونك بوس <==== معروف في الحي الأفلاطوني :p
أنا : همارا Leg بروكن بيا حالتي حالة
الهندي : آآآ ، لازم في كورة أنا يعرف (وجه خبيث و أسنان صفران)
أنا : اي بيا ، انته في يعرف كل شي .. ، شنو هذا شجايب لينا طويل العمر .. ؟!
الهندي : هذا غدا ماما يسوي حق انته .. يقول انته في نفر أجا والا مافي جنجال
أنا : قلت له اي وين جنجال ، لو عندي مرة في البيت جان صار الجنجال العدل :p
اوكي بيْ ، شكريا ..
الهندي : أجا أجا بباي ((وجه يروح يمين و يسار))
.
.

قالوها ..

الله ما يضيع عبيده :p
بس ياخيك كانت طبخة مش و لا بد ..
أشك إن راعية البيت امسويتها !
شكلها الخدامة كانت طابخة :p
.
.

أهم شي أكلت ((هم الرجال بطونهم))