رجوعك مايعزيني.......

[طالبة علم]

حبيتكم تقرون هالرائعه للشاعرة نور الرياض..وأتمنى أنها تحوز على رضاكم وأعجابكم..

رجوعك مايعزيني.......

انا ماجيتك اعاتب و اناشد حبك المزعوم***ولا لي حاجة عندك ابتجمل وبقضيها

ولا هانت علي نفسي أقلل قدرها واسوم***غلاها عند انسان مجنبها وناسيها

خسرتك؟هوانا اصلا كسبتك ياحبيبي يوم***وكيف اكسب هوى نفسٍ لغيري كل مافيها

نعيت بداخلي حبك وجدت في العلوم علوم***بكيت ومالقيت احدٍ مع روحي يواسيها

ومع غدرك واحزاني سماي تلبدت بغيوم***تجمع همّ هالعالم وسط عيني يغذيها

تساوت عندي الدنياو عيني ما هناها نوم***ومرت بي ليال ٍ سود تمنيت الفرج فيها

لجا لك كل احساسي وقلبٍ يشتكي مضيوم***رجعت بكفي الخالي اقلبها واناجيها

انا ماندم على حبي ولا الحق خفوقي لوم***ولا ودي تجاملني ولا نفسي تعزيها

ولكني اصور لك شعور ٍ داخلي مصدوم***وأنعي اصدق احساسي وقصتنا ابنهيها

انا مهما تقدم لي بيبقى خافقي محروم***رجوعك ما يعزيني وناري ما يطفيها

رجيتك بس تنساني يكفيني أسى وهموم***يكفي تسقي جروحي واذا نامت تصحيها

خيارك كان بيدينك وردك واضح و مفهوم***وغيري ماسكن روحك وحبي باقي فيها

فمان الله نتوادع لا ظالم ولا مظلوم***وعفا الله عن ليالينا..نست اجمل حكاويها

للشاعرة الرائعة:نور الرياض

[فارس الجنوب]

احلى عيون

يعطيكي العافيه اختي

قصيدة رائعه

مشكورة

تحياتي

اخوكي

فارس الجنوب

[طالبة علم]

هلا والله فيك أخوي فارس الجنوب,,
وأنت الأروع يااخوي..بمرورك الكريم..
تسلم والله..

تحياتي وشكري لك..

[الأصيـــــــــل]

تحيةبعطرالكـــــاديللجميع

.

.

.



عزيزتي أحلى عيون

اختيار جميل وموفق


لك مني كل التحية،،،