بسم الله الرحمن الرحيم
السلام عليكم ورحمة الله ....
اللي يحب الحليب يرفع يدوووووو
بالنسبة لي ما احب الحليب ... يكفيني اللبن
وعلى قولة القايل : اللي يخاف من البعبع يطلع له
و طلع لي من حيث لا احتسب ...
لنا معارف عندهم مزرعة و فيها
اعزكم الله .
وصارو يجيبون لنا حليب بكميات كبيرة ..
و نحن ما عندنا احد يحب الحليب ...
بصراحة ابتلشت ... حتى قلت لهم لا تجيبون لنا حليب ..
لكن مازالوا يجيبون
طيب و الحل ...!! وين أودي كل هالحليب ..!!
ليتني اعرف ناس محتاجة كان ارسلته لهم .
المهم ...
سألت امي : كيف نسوي لبن من الحليب ..!!
قالت : اتذكر امي يوم كانت تسويه من زمان
...اخذت الطريقة و رحت البيت انفذ ..
تعالوا شوفوا ايش صار معي
أول شي سويته رحت السوق و اشتريت خضاضة لبن
أجل اقعد طول يومي اخض
~*~*~*~
اولاً ....
هذا الحليب ..
غليته و تركته يدفى ..
بس يا انه طول الين دفى ... يمكن اخذ اكثر من 3 ساعات عشان يدفى
~*~*~*~
ثانياً ...
نجيب زبادي ..
لكل لتر حليب علبة زبادي
ونحرك الزبادي مع الحليب كويس
و نتركهم في مكان دافي " يعني نتركهم في المطبخ بدون مكيف "
لمدة 8 ساعات .
~*~*~*~
ثالثاً ...
هنا بعد ما اختمر الحليب و صار زبادي
بس لازم يكون زبادي اخف من اللي حطيناه .
نحط الزبادي في الفريزر تقريبا ساعتين
~*~*~*~
رابعاً ....
نحط الزبادي اللي سويناه في خضاضة اللبن و نشغلها ..و نتركه يخض لمدة ساعة او ساعة ونص.
~*~*~*~
و هنا بعد الخض ...
و هذه الزبده تجمعت
.
.. و هنا اوضح
و هذا كاس لبن للحبايب ...
و السلام عليكم
مع تحيات .. كادي بنت الوادي