كل عام وانتم بخير
اعزّائي
اليكم هذه المشاركه بعد ان عاد النبض الى قلمي
وهي من الشّعر الشّعبي
[poem=font="Simplified Arabic,5,crimson,normal,normal " bkcolor="coral" bkimage="backgrounds/40.gif" border="double,9,sienna" type=2 line=0 align=center use=ex num="0,black"]
روّح العيد ماله يالغضي قابليّه=مايسمّى بعيدوانت عنّي بعيد
قرب الأجسام بعدا للقلوب الشّقيّه=دام الأرواح تاهت بين وعد ووعيد
لاتظنّ أن قصدي منك تشفق عليّه = أو أبيع المشاعر لك ثمنها زهيد
غيرتي لجل حبّك ثايره والحميّه= للسنين الخوالي والزمان الرغيد
حين شفت العلاقه بيننا مهمهيّه= والجفا والقطاعه نارها في مزيد
لو جلسنا نفتّش في ملفّ القضيّه=والعداله هدفنادون مكرا وكيد
يمكن إنّا نلاقي سرّ دمعه عصيّه= أو تقاسيم نبضه حايره في وريد
او نلوم الحظوظ العاثره والرديّه= العدد جمع لكن بالقرايه وحيد
لامتى والمجامل بيننا سرمديّه=والضماير صحاري موحشات (ن) وبيد
العباره صريحه والحروف ابجديّه=والنهايه بدايه للنهايه تعيد
أعلنيها وداع وباعتبرها هديّه =أو يجوز أعتبرها من ورى العيد عيد[/poem]
مع احلى الأماني