المشاركة الأصلية كتبت بواسطة zadi
__________________
السلام عليكم ورحمة الله وبركات
أولاً هذا الموضوع برعاية ( أندومي indomy ) وصابون ( لوكس )
ثانياً , ياحبايبنا ,,, صباحكم ومساكم خير وبركه ,,,
بصراحة حال المنتدى موعاجبني !!! راح تقولو ليه ؟
ياجماعة الخير صارت معظم المواضيع إما منقولة بزي ماهيه أو منقولة بحرفنة ( هذي تهمة تودي فدهية
) أو من الأخبار إللي الواحد ممكن يشوفها في أي جريدة حتى في مجلة المدرسة حقتو !!!
في مواضيع بتجلس في الصفحة الأولى فترة شهر أو أكثر في بعض الأقسام , ودا دليل على قلة المواضيع و ( كسل ) السادة الأعضاء !!!
زمان ياسادة ياكرام أيام ( الرعيل ) الأول ( حلوة الرعيل الأول تفكرني بالبر والغنم
) كانت المواضيع تصبح في أول الصفحة وآخر الليل تلاقيها راحت الصفحة الثانية !!!
ليه , لإنه في مشاركات ومواضيع كثيرة وتفاعل رووووعة مع كل مايطرح .
وماكانت المواضيع أي كلام ياعبد السلام , كانت مواضيع مناقشات حامية وأفكار جريئة وكلام في الصميم مع بعض الحش والتقطيع يعطيها نكهة الكبتشينو بالموز
.
اليوم ماني شايف الحركة الحلوة , ماني شايف التفاعل الحلو المفيد .
أرجع وأقول , طب ليه ؟؟؟
الحقيقة ماني عارف جواب !!!
هل هو إفلاس من الأفكار ؟؟؟
هل هو ضعف ثقافة ومعرفة ؟؟؟
حقيقي عجزت أوصل لسبب معين لهذي الحالة .
طبعاً أنا من النوع إللى دايم أحمل المشرف نجاح أو فشل القسم إللي تحت مسئوليته ,,,
وبما إن مشرفينا الأحباء لسا يادوب مستلمين الإشراف , فا أحب أشد على أياديهم وأقولهم شدوا حيلكم شوي ولازم يكون لكم في كل موضوع بصمة ,,,
حتى الإدارة الفاضلة ,,, يعني مانشوف لهم مشاركات كثيرة أو حتى مناسبة وتعلن عن تواجدهم بإستثناء أبو فهد الله يديه الصحة والعافية .
نطمع في تفاعل من المحيا و من أونكل زي زمان وأكتر ,,,
علشان لايزعل الراعي الماسي للدرر ( مستر indomy ) وخويه مستر lux ويشيلوا الرعاية ونلاقي نفسنا رجعنا للسريلاك ( الراعي القديم ) .
المهم أحبتنا ,,,
بجد ودنا نشوف تفاعل ومواضيع حلوة من عصارة ( بنات ) أفكارنا , حتى لو كانت ضعيفة المستوى ( محد ولد من بطن أمو أديسون ـ على قولة كادي )
وحتى لو كانت مواضيع هزلية هادفة ( لاحظو هزلية هادفة ـ كيف تجي ؟ أكيد تجي ) طالما إنها ماتهدف لشخص معين أو إنتقاص أو تهزيئ .
لازم نحرك المنتدى شوي شوي , الأيام دي مافي إختبارات ولا إجازات , يعني مالنا ومالكم عذر ,,,
والله إللي خلاني أنزل هالموضوع , هو بصراحة حبي للدرر وأبيها ترجع تتميز مثل أول وأحسن , وهذا الشي في يدنا , بس قولوا يالله يالله خضر الفنايل .
سلامي لكم كووووووووووووولكم .