السلام عليكم ورحمة الله وبركاته
اسعد الله ايامكم بالحب والسعاده والرضى
هاااااااااااااااااااااااااااع
بحثي اليوم عن الكفر .. بترك الصلاه
ابغى اشوف مين الشاب اللطيف اللي كتب نسبة المسلمين في السعوديه 99%!!
هذا غلطان ..
انا متأكد انه ما عمره كان في الشوارع وقت الصلاه
او حتى لو دخل المسجد ماشاف احد يصلي قبل كذا؟؟..
كلامي ملخبط صح؟؟
تحسوا انو قاعد اخبط يمين ويسار !!
انا اوضح اكثر..
قال صلى الله عليه وسلم : (العهد الذي بيننا وبينهم الصلاه .. فمن تركها فقد كفر)
وقال عليه الصلاة والسلام : (بين الرجل والكفر ترك الصلاة)
والله ياجماعة الخير اي واحد كان رايح في طريقه للمسجد يطالع في زحمة الشوارع وقت الصلاه
اش يقول وايش يفسر ؟؟
طيب 10 % منهم مسافرين وممكن يجمعوا ويقصروا
و 10 % كلهم حريم وكلهم مابين اللي عندها الدوره واللي ماخلصت الاربعين .
10 % لم يبلغ سن التكليف والصلاه المفروض انه يصليها لكنه ما وصل لمرحلة انه يكفر اذا ماصلى
10 % كلهم مريضين ورايحين المستشفى لانهم لو ماراحوا راح يموتوا خلاص ..
طبعا انا حطيت نسب عاليه جدا ومستحيله لكن الواحد يفكر في اشد الاحتمالات صعوبه
دحين 40 % كلهم باعذار طيب ال 60 % الباقيين ايش عندهم ؟!؟
يا شباب ويا بنات ويارجال ويا نساء ترك الصلاة كفر كفر كفر..
يعني لو انقتلت حلال فيك ..
ولا تقلي انا اصلي الفروض كلها بس الظهر حر ما ابغى اصليه
انا مقدّر انه عندك عرض ازياء وخايف على البشره بس لو ماصليت فرض واحد ما كانك صليت اي فرض.
فاتقوا الله ولا تسوفو لانه الشخص ما يضمن عمره وممكن سكته قلبيه وانتهى الفلم وتموت كافر !!
وثاني شي عما ذكرت في المسجد انا قلت في اول الموضوع (او حتى لو دخل المسجد ماشف احد يصلي قبل كذا؟؟..)ايش معناته الكلام هذا ؟
تشوفو في الصلاه الواحد كانه واقف في جنازه طبعا كل شويه يوقف على رجل مره يمين ومره يسار ومره يطقطق في اصابيعه ومره يحك قفاه وووو ... كانه مجبر على الصلاه وياريت بيصليها عدل
وغير كذا اللي تشوفه سبحان الله خشوع وعينه مو في الارض وبس ..من كثر الخشوع تحس انه عينه في سرّته بالصلاه على محمد
وتوشف فمه ما يتحرك
ولمن تسأله يقول لك انا اقرا في قلبي !!
مايجوز ما يصير هذي مو صلاه .. هذي فلّه اللي بتسويها لازم تتحرك شفاهك في الصلاه وجوارحك وقلبك كله لازم يتحرك اما تقلي في قلبي كسروا قلبك ..
لا والعجيب يا اخوان انه نجد منهم من يجلس مع اهله ويفتيك فتاوي شرعيه
ياخي انت كافر انت كااااااافر كيف تفتي وكيف تبغى مني اني اسمع منك وانت في نظري ونظر الدين والاسلام كافر!!
ياجماعة الخير .. اسال الله العظيم رب العرش العظيم باسمائه الحسنى وصفاته العلى ان يهديني واياكم للحق والصواب وان يتوب عن تراكي الصلاه ويهديهم اليوم قبل غد
فاني اخشى والله العظيم ان توافي المنيه من لم تهده يا الله .. فاهدنا جميعا واصلح لنا امرنا وانفعنا بما علمتنا وعلّمنا ما ينفعنا وزدنا علما يرضيك يارب العالمين ..
فان اصبت فمن الله وحده لا فضل لي وان اخطأت فمن الشيطان ونفسي
والصلاة على سيدنا محمد والسلام عليه وعلى اله وصحبه وسلم ..
مع حوووووووووووبي،،
