عرض للطباعة
الكريم كرامل
- علبة كريم كرامل
- نصف لتر حليب
- كيس دريم ويب
- علبة قشطة
- ملعقة صغيرة فانيلا
في خلاط العصير نخلط بودرة الكريم كرامل مع الحليب والقشطة وكيس الدريم ويب مع الفانيلا ثم نضع الخليط على النار لتسخينه فقط ونحاسب من غليانه (يعني ما نخليه يغلي) ومن ثم نتركه قليلا حتى يبرد
نضع الكرامل في وعاء ثم نضع عليه الخليط وندخله الثلاجة حتى يبرد ويتماسك
عند التقديم نقلب الوعاء لصحن ونزنه بقطع من الفراولة
ســـــلام...
معليش اختي الروح
ما نضيف مويه في الخليط و لا الحليب كفايه؟؟
معليش لو تكتبين نوع الكراميل والحليب والقشطه المستخدمه ... عشان نوصل لأفضل النتايج :)
و كم بالضبط نخلي الخليط على النار ...
ادري انك مستغربه انه ولد زيي ااحم يسأل في المطبخ.....معليش هوايه جديده
أهلين دون جوان
وأخيراً ..
حصلت واحد يسألني عن المقادير (وجه وحدة تقول لك ايه هين مع تكشيرة)
المهم عيوني
نرجع للمقادير
الحليب كفاية .. انا ما جبت طاري الموية .. يعني مش معقول راح اعلمكم خطأ .. هذي أمانة :rolleyes: ..
نوع الحليب .. اي نوع ينفع .. المراعي .. ندى .. حليب السعودية .. بعد وش عندكم من حليب بالسعودية ما اعرفه انا .. يعني اخوي اي نوع مش مشكلة واذا ما كان فيه حليب سائل تقدر تخلي نصف لتر ماء + 4 ملاعق أكل حليب بودرة .. ونصف اللتر عبارة عن كأسين (كبار) تقريباً
نجي للقشطة .. (وجه وحدة كمان تقول لك اللهم طولك يا روح <== مش انا يعني)
تقدر تستعمل قشطة بوك .. لونا .. نستله .. وش فيه كمان انواع ..
المراعي كمان تنفع او KDD تبع الكويت .. وش فيه بعد .. بس هذا اللي اعرفه واذا رحت البقالة راح اشوف لك انواع ثانية كمان :D
الكرمل ..
عاد هذي صعبة شوي لاني ما اذكر أسماء كثير لها
فيه ROYAL وفيه GOODY وفيه كمان حاجة GREEN مش عارف ايه
أخيراً يا حدق ..
نخلي الخليط سلمك الله وعافاك .. تقريباً 10 دقايق مو أكثر
أووف خلصت من الكتابة اخيراً :rolleyes:
ان شاء الله تعجبك
والشيف My-spirit في الخدمة دائماً
اختي العزيزة .. الروح ،،
حرام عليك اربع طبخات وفي يوم واحد ..:MAD2: :MAD2:
كذا تعب قلب :bhrt:
طيب اقول: ما عندكم توصيل مجاني .. ولا حتى بفلوس
بس حنا بعد ما تزوجنا .. وما فينا حيل لكل هالطبخ ..
لذلك انا اقترح ان تتبنى هذه الدرة فكرة التوصيل المجاني ،،
وتقبلوا تحياتي ،،
اخوي وزميلي في الاشراف :D
الله يسلمك كان يوم جمعة .. ولازم ندلعكم .. يعني عيب انك تنزل سلطة من غير ما تنزل وجبة رئيسية وعيب انك تنزل وجبة من غير تخلية .. شفت كيف :D
وعن خدمة المنازل ولا يهمك يا الغالي ..
هذي موجودة في الخطة الخمسية (لاتسألني وش تطلع) للمطبخ وراح ننظر في الأمر :D
يعطيك العافية وسامحنا لأن المكان ريحته طبيخ شوي :D