!! عــــــــدنا !!

مساء الخير محمد..


*اذكر مرة قرأت أن في طريقة سهلة لنسخ المواضيع او الرسومات
بحيث تكون مجلد واحد بدل من اثنين واحد للكتابة وواحد للرسومات

ممكن أعرفها؟؟



*من هو وكيل شركة hpلاجهزة الكمبيوترات بالمنطقة الشرقية
وتحديدا الخبر..واذا كان في معلومات عنه ؟؟




*كيف أقدر انسخ الالعاب من على الشبكة بحيث اقدر استخدمها بجهاز
آخر غير مرتبط بالانترنت ؟؟



وهذه الاسئلة الحالية


:D

هلا شيهانة ..

الله يحييك من جديد :)

1- أعتقد إنك تقصدي بسؤالك إنك تحفظي صفحة من موقع في ملف واحد بدل ما تنحفظ الصفحة في مجلد والصور في مجلد ثاني.. عشان تسوي كذا من قائمة ملف File تختاري حفظ باسم Save As وبعدين في خانة Save as type تختاري Web Archive, single file واضغطي بعدها زر Save
بعدها رح تنحفظ الصفحة في ملف واحد بامتداد MHT وطبعاً تقدري تفتحيها بالمتصفح.

2- وكيل شركة HP في المملكة هي مجموعة الفيصلية. ورقم تلفون فرع الخبر هو 8870188

3- تنسخي الألعاب من الشبكة مثل ما تنسخي أي برنامج ثاني .. وتصير المسألة هي كيف تنقليها للأجهزة الأخرى.. طبعاً كل الألعاب الكاملة ملفاتها ضخمة جداً يعني رح تحتاجي وسائل تخزين كبيرة.. وتعتمد المسألة على تجهيزات الكمبيوتر اللي فيه الملفات..
يعني لو فيه سيدي رايتر رح يكون هذا الحل الأسهل.. ولو ما فيه سيدي رايتر لازم تشوفي حل ثاني مثل ذاكرة التخزين المتنقلة اللي تتصل بالجهاز عن طريق منفذ USB وميزتها إنها صغيرة الحجم وتتسع لبيانات ضخمة (حسب اختيارك) وبعد ما تنسخيها من الجهاز الأول تنقلي الذاكرة إلى أي جهاز وتوصليها بمنفذ USB وتنقليها عليه..
وكتب عنها الأخ بيبو في الموضوع هذا:
http://www.dorarr.com/forum/showthre...&threadid=3247

وفيه طرق ثانية مثل ZIP Drive أو JAZ Drive بس مكلفة شوي ومنتي بحاجة ضرورية لها.

أتمنى أكون جاوبت على أسئلتك وإذا فيه شي مو واضح قولي..

ولو كان كل شي واضح .. هاتي اللي بعدووو ;)

تحياتي

محمد