{ كوكيـز دانيـا على الطريقة الأمريكية
[align=center]
السلام عليـكم ورحمة الله وبركاته
< ردو السلام.. عشنه واجب..
دايمـاً أعمل كوكيز.. وكوكيزي لزيز:D عن جد اخدت الطريقة من جاره عمتي الأمريكية.. ليا سنين اعمله لزيز مرة أطعم من كوكيز انوش و ايكيا
جربوه..
أنا أعمل كميتين لأنه الكمية الوحدة قليلة:
ملاحظة:
• بما اني طالبة تغذية أحب اقولكم انه الكوكيز دا يتخن اذا أكلتو منو كتير.. حبة وحدة تكفيكم .. واحب اقولكم انه لازم تستخدمو الأكواب العيارية.. ومايستخدم الكوب العادي نهائيــاً
المقادير:
4 بيضـات
1 و نص اصباع زبدة غير مملحة ( تسيح على درجة حرارة الجو)
1 ونص كاسة سكر بني غامق
https://dorarr.ws/forum/uploaded/...0091011388.jpg
https://dorarr.ws/forum/uploaded/...0091011396.jpg
ثلاثة ارباع الكاسة سكر أبيض
فانيليا – 1 ملعقة كبيرة بكنج بودر أو بكنج صودا( بس مااعرف ايش هو فأحط بودر)
4 كاسات دقيق
شوكولاتة على شكل دموع الأفضل شكولاته غير محلاة او قليلة الحلى
https://dorarr.ws/forum/uploaded/...0091011401.jpg
الطريقة:
-في زبدية ( الزبدة + البيض) ونخلطهم بخلاط الكيك إلين يتجانسو تقريباً.
https://dorarr.ws/forum/uploaded/...0091011391.jpg
-( سكر بني + سكر ابيض) نحطهم في الزبدية مع الزبدة والبيض ونخلطهم بالخلاط مزبوط.
https://dorarr.ws/forum/uploaded/...0091011398.jpg
https://dorarr.ws/forum/uploaded/...0091011399.jpg
-( الدقيق + البكنج بودر+ الفانيليا) مع بعض يتجانسو ويدخل الهوا في زبدية لحالو بعدين يوضع فوق الزبدية الاولى.
-يخلط جيدا حيكون أصلا تقيل ممكن الخلاط مايمشي معاكي .. حاولي تسريع و أخلطيه..خليه يرتاح عشان مايوقف عليكي:D
-بعدين اذا صار تقيل وماقدرتي لخبطي بالملعقة كويس.
https://dorarr.ws/forum/uploaded/...0091011402.jpg
-اضافة قطع الشوكولاتة واذا حبيتي مكسرات و لخبطي بالملعقة كويس برضو عشان تتوزع الشوكوتة بشكل متساوي لجميع الأجزاء.
https://dorarr.ws/forum/uploaded/...0091011404.jpg
https://dorarr.ws/forum/uploaded/...0091011405.jpg
-يفتح الفرن قبل 10 دقايق على 355ف على من تحت مرة لا تفتحي من فوق..
-وتحطي الكوكيز في الصينية بدا الشكل مكور تقريبا لا تفلطحيه.. لأنه حيتفلطح مع الحرارة واذا ضغطي عليه ممكن يصير نحيف وناشف.
https://dorarr.ws/forum/uploaded/...0091011406.jpg
-خليه 10 دقايق بعدين شوفي اطرافه اذا حمرت خليه يحمر درجة خفيفة مرة من فوق لا تكتري التحمير لأنه جينشف ويصير بسكوت..
-حمار خفيف من فوق وشوية من الأطراف..بعدين جهزي مرطبان (حافظة) بغطاء تفرشيها مناديل وتحطي الكوكيز جوتها وتغطيه..
-بعدين ربع ساعه و يصبح جاهز للأكل:D فائدة الغطا عشان ماينشف..
-في الأخير حيكون بدا الشكل .. ترى لزيز والله بس التصوير ماادري كيف مبينه بشع.. كتير اخدو الطريقة مني..
•ممكن تضيفو بودرة شوكولاته كاكاو مر مع الدقيق اذا حبيتوه بالشوكولاتة
•حيطلع الكوكيز شوية دبة .
وان شالله يعجبكم..أكيد أصلاً..
مجرب مية مرة وعليه طلب.. حتى يقولولي أعملي وبيعي .. بس مالي خلق صراحة...
بالعافيه عليكم..:)
7
7
ودا في النهاية:
https://dorarr.ws/forum/uploaded/...0091011408.jpg
واستنى ردودكم ونتائج العمل بالصور..
أمولة أعمليه لزوجك مع القهوة..
وبالعافيه على الجميع.:262:.[/align]
