المساعد الشخصي الرقمي

مشاهدة النسخة كاملة : كبسة الرز بالتونه .. تخليك تأكل اصابعك من الندم



aljenny
10-04-2002, 10:26 PM
يسعد أيامكم جميعاً بالبصل والثوم <-- (على بالي عرفت أخش جو معكم)

الليله يا أحبائي التشيفات والتشيفين عندنا طبخه روعه <-- (بكل ماتعنيه الكلمه)

طبقنا اليوم هو : " كبسة التونه " !!

هذا كان طبقي المفضل أيام كنت في " المنفى "

(طبقي المفضل في سهولة الطبخ ولا أعني بأي حال من الأحوال أكلتي المفضله)

المقادير :

1- علبة تونه ( يمكنك الحصول عليها من أي بقاله قريبه من بيتك )

2- كيس رز أونكل بنز ( بنز ضمان الجفالي وكاله )

3- حبة مرقة الدجاج ماجي ( ماجي ! مايبيلها شرح )

4- قدر ( قابل للتضحيه في حالة الحرق )

5- ملعقه ( خاشوقه باللهجه المغربيه )

6- فرن ( فرن )

بإسم الله نبدأ الكبس ..


تحط القدر (الفقره الرابعه من بند المقادير ) فيه مويه إلى الربع فوق الفرن وتشب النار .. وبعدين تكب الرز في القدر .. وتطالع الرز إلين يبدأ يشرب المويه .. وبعدين تحط حبة الماجي في القدر وتقعد تحرك الرز وفيه حبة الماجي إلين تختفي (سم بإسم الله) .. وبعدين تشوف الرز شرب المويه كلها (عليه بالعافيه) تقوم تفتح علبة التونه وتكبها على الرز .. وتقعد تحرك إلين يتختلط الرز بالتونه .. ويطلع شكله من بعيد رز برياني (من بعيد) ذاك الوقت تقدر تحطه على جنب وتطلب لنفسك واحد بيتزا على السريع

تمنياتي لكم بوجبه هنيه تكفي ميه

وأي إستفسار حول أرقام محلات البيتزا أنا حاضر

My-Spirit
10-04-2002, 10:55 PM
:D

انا شكلي مش راح انفع ابداً اكون مشرفة هنا :mad:
انا بس ابي اعرف
انتوا تحلمون وتجون هنا آخر الليل ليه :mad:

امس كان ارسطو وطبق الستيك اللي على الشموع حقته

واليوم انت وكبسة التونة اللي ما انصح احد صاحي يجربها

خخخخخخخخخخخ

يع

يخرب بيت سنين ابليسك يا الجني

شوف عيوني انا راح اعملك طبق رز بالتونة كمان بس مش زي طبقك هذا
لا طبقي راح يكون بحق وحقيق واتمنى انك تجربه
واكيد انا واثقة انك راح تنسى ارقام تلفونات اصحاب البيتزا

الا صحيح على طاري البيتزا
انا ابي دومينوز .. هي من ضمن المقاطعة ولا ؟؟

:D :D حياك الله في مطبخنا يا الجني
بس حاسب مو تحرق نفسك لما تشب الفرن مرة ثانية
ولا تنسى تغسل مواعينك لما تطلع من هنا احنا اي احد يدخل عندنا لازم نخليه يساعدنا :D :D

aljenny
11-04-2002, 05:38 PM
راحت السكره .. وجت الفكره !

وش أنا مسوي البارح ؟ !

طابخ لكم ؟

وتونه بعد !

لو أن الجوع رجلاً لقتلته وشربت من دمه ووزعت الباقي شربات ..

الجوع خبل .. بغى يلبسني المريله .. ويغسلني الصحون

المشكله إني بعد هالطبخ والنفخ نمت خفيف



يسعد أيامك ياروح الروح ..

لاعدمناك على ذيك الطبخه .. بصراحه خلتني أجمع قدوري وخاشوقتي وأظف وجهي

وبعدين وش قصدك (( طبقي راح يكون بحق وحقيق )) ؟

يعني أنا كنت آكل جرايد مكتوب عليها رز بالتونه !

لا لا كذا جرحتي شعوري الحسي في شهية التذوق الكرشي <-- (وين أرسطو عن هالسطر)


يالله عن إذنك .. أنا معزوم على طبق " رز بالتونه .. للجني "

بيني وبينك ريحته تقط الطير من السما

جعت وأنا مابعد دخلت الموضوع

لا عدمناك ياروح الروح

تحياتي



ملاحظه : من ناحية المقاطعه .. قاطعي جميع أنواع البيتزا .. إلا بيتزا هت ودومينوز بيتزا .. هذولي ماعليهم مقاطعة .. خصوصاً إذا كان الطلب سوبر سوبريم أو إكسترافاجانزا

My-Spirit
12-04-2002, 12:32 AM
يمي يمي .. طيب يا الجني
يصير نخلي الاكسترا فاغانزا بس مش بالمقاطعة :( عشاني :D

القلـ الأبيض ـب
12-04-2002, 04:17 PM
يسعد أيامك يا حبيب القلب مازولا ==> قصدي الجني بس متأثر بأجواء المطبخ شوي

تصدق عاد أحلى ما في هالطبخة هي الفواكة اللي معاه وماعليك من

كلام روح الروح لأنه أصلا الأرواح الطيبة بتغار من الأرواح الشريرة :D

يالله أنا ماشي لأأني حاسس بشوية مغص ==> الله يستر:eek:



وداعاً

aljenny
13-04-2002, 08:06 PM
ياهلا بأبوقلب أبيض من التونا ({)

ياشيخ هذا نورك وإلا التونا إنزاحت عن كبدي ؟

أنا شفت إسمك من يومين في المطبخ مدري في المنتدى قلت إذا هو أبوقلب زي البرلنت أكيد بيسلم علي

وهذاك نورتنا (I) ..

حياك يالغالي


( حكمه : حين تشعر بالمغص .. اعلم أن المعده شغاله أوكي (Y) )

ملكة البحار
16-04-2002, 07:28 AM
السلام عليكم ...

صباح الخير ...للشيف العالمي الجني ...


الجني الموضوع هذا نحس بشكل:D بس فيه البركه:)
يوم نزل اخترق ميلي وماقدرت ارد:(

كلووو كوم وترقيم المقادير كوم ... 6 فرن::[

يعطيك الف عافيه خلاص حسوي طريقتك مااسوي طريقة الروح:cool:
ومارح تعورني بطني ...



تحياتي

aljenny
16-04-2002, 08:18 PM
وعليكم السلام ورحمة الله

يسعد أيامك ياتشيف البحار <- (مازال عرض التبجيل قائم .. وماراح أناديك شيف)


العذر والسموحه طال عمرك ياصاحبة الجلالة .. عشاي ذيك الليله كان واحد من شعبك الموقر .. بصراحه شعبك بالكبسه تأكل أصابعك وراهم


بجد زعلت كثير عشان إيميلك .. لا لا لا سلامته ألف سلامه

طيب ماحاولتي تعرفين من الجاني ؟

على الأقل ممكن تتفاوضين معاه وتستردينه بمبادرة سلام مقابل التطبيع والإنسحاب الغير مشروط .. وتكون عملية مدروسة بحيث يقوم هاكر من مهكراتية المنتدى بالتطبيع بدلاً منك بحركة تهكيرية من الطراز الأول ويخلي إللي مايشتري يتفرج !

وبعدين نفتح كشك يبيع كبسه بالتونه للي يتفرجون .. وبكذا نخلي إللي مايشتري يشتري ويتفرج !


يعطيك العافيه يالملكة على تشريف جلالتكم مطبخنا

( يبدو أنك من الحكام الذين يتلذذون بأكل شعبهم )


يالله ! شكلها كبست الكبسه على نفسي وصار أنبوب السياسة يصرف في المعده

حياك يالطيبه

ملكة البحار
17-04-2002, 06:15 PM
السلام عليكم ..


هلا الجني شفت ... يالله ع قول ابورهف تعليمه بس جااامده ...
نعم عرفته وارسلي اعتذار ...وانا سامحته :)

اما التفاوض كان غير عادل ابداً ...
طلب يعطيني الباسورد مقابل اضيفه بالماسنجر ورفضت وانتهينا على اخذه للميل ... :MAD2:



شعبي اجري عليه تعديلات وترقيات هذه الايام وماهم فاضين :D


مررره شكرا على الطبخه والسؤال والموضوع ..:)

aljenny
26-04-2002, 10:22 AM
وعليكم السلام ورحمة الله

يسعد صباحك يالملكة ..

ولا تزعلي يالطيبه .. هم دائماً كذا ..

يسرقونك وبعدين يعلنوا أمام الجميع :

" ندعوك لزيارتنا .. وقبول كرم ضيافتنا .. على أرضك ! "

إن قلت " لا " .. قالوا شوفوا ياعالم .. نمد له يد الخير ويرفضها

وإن قلت " نعم " .. بتموت من القهرررر


فأحسن شي تنسي الميل .. ويبقى الفيميل


يعطيك العافيه عزيزتي على تنويرك مواضيعي

عسوله
26-04-2002, 07:42 PM
جني لا عليك طريقة طبخ رهيبه
وينك من زمان المفروض تعمل كتاب وتنزله للطبع وصدقني ولا كتاب ابله نظيره
مايسير كل المواهب هذي تخبيها علينا

aljenny
27-04-2002, 07:43 PM
يسعد أيامك عسوله ..

لوما الحيا ياعسوله كان وريتك باقي مواهبي ..

لعلمك .. الجني أثناء فترات الراحه بين تقطيع البصل وهرس الثوم يسوي نمره مخصوص للمطبخ

علي إكروبات مهيب صاحيه .. مئة متر تتابع .. رمي جلّه .. بولو .. كريكيت <- (خوالي هنود)

كما لايفوتني أن أدعوكم إلى العرض الخاص بمدرب الأسود "محمد الحلو "

يعني المطبخ بالنسبه لي أقدر أسميه منتجع ..

عشان كذا أنا جيت مشبه بين درة العروس ودرة المطبخ العالمي !


حياك عسوله .. وبالهنا والعافيه <-- ::]

عبدالرحمن الطويل
30-04-2002, 03:23 PM
ياخي اما انت عليك طبخات ماهي معقولة ... تيننن ... تيننن أوووي



من يوم ماحطوا هالدرة وانا مستني تنزل طبخة عليها القيمة ...

والحمد لله اخيرا تحقق حلمي ...

ياسيدي عليك يا جنجنون .... اثبت للحريم ان الرجال دائما افضل ...حتى في مطبخهم :)

aljenny
03-05-2002, 01:11 PM
يسعد أيامك يبورهف ..

إنتا إللي تينن أوي خالص

الطبخه هذى ياعزيزي رساله واضحه وفي الصميم لكل إمرأه تطالب بالمساواه ...

(( نعم أيتها المرأة .. نحن معشر الرجال غزوناكن وفي عقر مطبخكن نحمل على أكتافنا التونه والرز والبصل لنشكل طبقاً يكبس على أنفاسكن وينهي ماتبقى من أصابعكن المرفوعه للتصويت من أجل المرأة

رساله إلى الإبهام والسبابه والخنصر والبنصر وخامسهم الغير معروف لدينا .. تونتنا قادمه تنادي كل رأس أينع وحان قطافه ...... إحذر تسلم

أين أنتن وأين المساواه ؟؟ .. أخيييييييه منكن ))



ياخي حسيت إني وسيع وجه :hap: مع إنهم متحملين طبختي ماحذوفها من أجل الذوق العام ومع ذلك أستخف دمي !

لا لا بجد أنا مع المرأة في أي مكان ( فكرياً ! ) وأي زمان وعلى مدار الساعه

أنادي بالمساواه .. وأطالب بأن تكون إستمارة السيارة بإسم المرأة وتشغيلها بالبصمه!

وسلامتكم