المساعد الشخصي الرقمي

مشاهدة النسخة كاملة : __ (( ماني ملاقي عنوان مناسب !!! إذا لقيت قولي )) __



zadi
27-05-2010, 02:33 PM
:245:

_______________

سلام يا أخوان ,,,

الموضوع ببساطة كدا , خفيف ظريف , بس بجد عندي فضول أعرفه ,,, نخش في الموضوع برجلنا اليمين ,,,

من المعروف إن في كل مجتمع عربي عنده كلمات دلع أو كلمات مجازية ودلالية تعبر عن تسميات لأشياء معينة , يمكن أسماء ذي الأشياء تكون من غير المناسب إن الواحد يقولها في مكان عام أو قدام أحد معين , أو للرغبة في إن يكون الموضوع سر مفهوم بس بين إثنين أو أكثر لكن في نطاق معين !!! ( يادي أم الفلسلفة ياخي هات ماعندك وريحنا : ) طيب صبرك :134: )

يعني مثلاً , خلينا نمسك على الكلمات الدلالية إللي الناس بتقولها لأطفالهم وتعلمهم هيه ,,, مثلاً يعني , في مجتمع المنطقة الغربية من المملكة وأقصد تحديداً في مكة وجدة والمدينة ,,, فيه كلمات مثل ( أشو ـ ككا :245: ـ ننا ـ ببش ـ بوبو :134: ـ ) هذي معانيها معروفة جداً بين أفراد المجتمع في المدن إللي قلنا عليها ,,,
طبعاً بعض العوائل لها مصطلحاتها الخاصة وإللي محد يعرفها غيرهم ,,, مثل ( بلبل |579| ) عندنا معناها ( العضو الذكري للطفل |119| ) هههههههههههههه

طيب و ألحين وضحت الفكرة ,,, هاتو ماعندكم ,,, وياريت الكل يشارك في الموضوع من كل الدول إللي أخواننا الأعضاء منها ,,, يعني عندنا من الخليج بصفة عامة , ومن مصر , ومن المغرب , ومن اليمن , ومن سوريا وبلاد الشام , ومن السودان ,,,

عطونا ماعندكم , يمكن يوم من الأيام واحد تطق في راسه يعمل من الموضوع رسالة ماجستير , يلاقي الموضوع دا أكبر عون له :233:

وتحياتي ,,,

(( معاي حق إني ماني عارف أحط إسم للموضوع أو لأ ؟ هههههههههههه )) |547|

*amula_beauty*
27-05-2010, 02:55 PM
هههههههههههههههههههه :201:

آآآآآآه يا قلبي


ايش تبغى انتا ياخال؟ :218:


بالنسبه للقائمه اللي قلت عليها حقت المنطقه الغربيه .. منجد صااااادق .,, انتا عايش معانا ؟ :220:


اما ( بلبل) عجبتني ,,,, :236:

اهل بابا يطلقوا عليه مسمى آخر ( نبـــيل ) هههههههههههه مدري ليه :drr05_16:




طيب خد عندك .....



( مونيكـــا ) يعني ( ملعقة ) :drr05_25:

( مكرونه موسي موسي) يعني ( مكرونه بالبشاميل )

( حلاوة فطـــور ) يعني ( حلاوة طحينيه ) << تربية شغالات :drr05_81: من مصطلحاتي الى الآن :130:

( تن تن ) يعني ( سياره ) :drr05_35:


( طماطم ع النار) يعني ( ايدام طماطم )


( حلاوه شعر ) يعني ( غزل البنات )


( جنجفها ) يعني ( زبطها ) << تتنطق زي ما اخواننا المصريين ينطقوا كلمة ( خمسه جنيه )

(تكتكا ) يعني (اسمر بالمررررررره )


( عش العصفور ) يعني ( هداكا السعف اللي يتحط بالدلّه حقة القهوه )

( ببي ) ما يبغالها شرررررررح :drr05_03:

لو افتكرت شي تاني حرجع اقولك ....

ربي يسعدك ع الموضوع الخنفشاري دا يا احلى واطيب خال ^^

لست بكاتبة
27-05-2010, 02:56 PM
يعني ككا حطيت عندها:245:
وي أشو لا
ليه
هههههههههه
سبحان الله بكل شيء الوزن له دور
هههههههه
كل اللى تم ذكره عندنا
في كلمة دحين ماهي في باللي
اذكر انها بنسبة لنا عادي والمعنى عادي بس بنسبة لغيرنا طلع معناها جدا وسخ
وقامت الولده الله يطول في عمرها بمحيها من القاموس
بس دا للى عندي دحين
ويمكن بعد الساعة 9 لليلا اعود
رايحه الحرم افطر هناك بس مراح ادعي لي احد:150:

اختكم الكبيره
27-05-2010, 03:05 PM
هههههههههههههههههههههه

وربى عليك طلعاااااااات موطبيعيه يازادى

سجل حضورصامت اخر انبساااااط مع الموضووووووع

ابو تركي 1976
27-05-2010, 03:31 PM
مسطلحات جنوبية حجازية وجنوبية ساحلية يعني بالعربي من الجبل الى البحر
(الدودو )يخوفون الأطفال هذه ساحلية اما تهامة والحجاز فيقولون (بابح) القطعة من القماش اما تستخدم في المسح او غير تسمى (خرقة , خلقة , هترة ) اعطني ( ناولني , هات , هتيها , جيبها ) الأهبل ( خبل , مخبول , مافي راسه طخة عقل , معبول )
لنا رجعة إن شاء الله

((كــــــــادي))
27-05-2010, 03:33 PM
ياااااااااي ،،،


الموضوع فلللللللللة



خذ عندك :


شاشا = شغالة

لحم مطقطق = لحم مفروم محموس " يعني زي اللي في السمبوسة "

امبووو = هذا مصطلح للأطفال يعني موية

دقدق = يعني الحاجة الصغيرة وكمان تجي بمعني " صغار ورا بعضهم "

يعني مثلاً نشوف تكرونية في الشارع ماشية و وراها كومة بزران صغار .. فنقول " عيالها دقدق "

لي عودة

~*~*~*~

يسعد ايامك بالخيرات زادي :)

سارونه
27-05-2010, 07:08 PM
تعرفون الحبحبوة ؟؟ والدقة ؟؟

:254:

على سيرة الموضوع بس
نبعدكم عن الككا شوي :223:


زادي يرحم امك لاعاد تفكر :268:
قسم بالله ليطلبونك ايران تخطط لها :172:
وحنا نبيك مانغامر بك هع << ترقع لك

أرسطوالعرب
27-05-2010, 07:16 PM
سلام

معليش داخل عرض


أمولة

مو لأنه ما في أحد من المدينة تقومي تفكي عليهم بلوف

خافي ربك يا شيخة

يعني لا هي من ثقافة السحمان ولا الشهدا ولا الحرة ولا أي شي اللي قلتي عليها

أصلاً مافي أي صلة

وبعدين إيش دخل نبيل في الموضوع !!

...................

وعشان ما تقول إني داخل أتلكك خذ عندك

أمنا الغولة
هوال الليل

zadi
27-05-2010, 09:23 PM
بسم الله ماشاء الله , تعجبكم المواضيع النص كم :233: ذلحين لو كان الموضوع بخصوص الوضع السياسي وموقف الدول الكبرى من قنبلة إيران كان أعطيتوني أشكل بقووووووووووووووة :245: هههههههههههههههههه

ماعلينا ,,,

أول حاجة , خبر طاااااااااااااازة , ونا قاعد أكتب هنا سمعته في العربية , تم تعيين عثمان الغامدي قائد للقاعدة في الجزيرة ,,, يعني خدو بالكم وأعرفو إنتو بتتكلمو مع مين :134: إحم , من اليوم ورايح خليني أشوف أحد يشاكسني :233: ماله عندي غير مكالمة وحدة على ولد العم وهو جاهز |119| ها , أحد عنده هرجة ؟

_____________

أهلين سنيورة أمولة ,,,

بلبل هو دلع نبيل ههههههههههههههههه تصوري ,,, واحد يدلع نبيل ويقولو يابلبل هههههههههههههههههه :245:
والله داك اليوم كنت أنا وأم فجر الصغير ولدي عند الدكتور , وهو دكتور هندي , دحين فجر خايف من الدكتور ويبغا يشرد منو ,,, يقول لأمه ( البلبل أحا ) يعني , ولا خلاص هيه واضحة :drr05_35: ,,, المهم , الدكتور أستغرب يقوللي إيش بلبل ؟ إيش كلام ؟ هههههههههههههههه
قسم بالله , هيا كيف أفهمه إيش معنى بلبل ؟؟؟؟؟ سويت نفسي ماسمعت وصرت أهدي على الولد عشان يكشف عليه :134:

السيارة عندنا إسمها الأن , مافي غير يطفشني الصغير بابا أبا أروح معاك في الأن |547|

الحلاوة إسمها واوا

البطاطس إسمها تاتس

الجمبري إسمه جمبور


هاااااااااااااااااااا أفتكرتلكم حاجة تموت ضحك ,,,

عندي الولد الصغير دا بصراحة لولوة عقلي ,,, المهم , من صغره وهو يحب السبايدر مان ,,, ونا جايبلو كل أشكال السبايدر مان , ومسميه ( صديق ) بفتح الصاد وتسكين الدال ,,, طبعاً إسم صديق إسم مكاوي قديم , وينطبق على بعض الشخصيات إللي كنت أعرفهم أيام كنت في مكة ,,, فصار كل ما أروح معاه محل ألعاب : بابا أشتريلي صديق ,,, ولما يلعب مع عيال خالته وبقية شلته يجبلهم البلا بصديق ,,, حتى يوم رحت أشتريله ملابس وكان في المحل سراويل صغيرة عليها بات مان وسوبر مان , الواد راصه وألف سيف يبغى سروال صديق هههههههههههههههه هيا خيطها ؟؟؟

تسلمي يا أمول ,,, مشكورة على المشاركة , وعليكي بـ ( صديق ) المنتدى , أرسطو , تراه ضارب حرش معاك , هههههههههههه

zadi
27-05-2010, 09:30 PM
_________________

أهلين بلستو داعية ,,, يعني منتي بداعية لنا في الحرم ,,,

طب ما هو إنتي ماشاء الله عليك فهمتيها على طول ( الأشو والككا ) ههههههههههههه :245:

أنا قلت راح ألاقي صعوبة كيف أوصل المعلومة و أتاري البشر ( مسقفين ) جداً من دي الناحية ههههههههههههه

على فكرة , حسب ما أعتقد إنك من المدينة , وأهلالمدينة عندهم مصطلحات بالنسبة للأطفال حلوة وتخصهم وحدهم ,,, ممكن تزودينا بها لاهنت !!!

صومن مقبولن وإفطارن شهين ورحمة الله وبركاته :245:

zadi
27-05-2010, 09:37 PM
________________


أهلين بست الكل , العودة |547| ,,,

ياستي مرحبمبك ألف عدد حبات المطر وعدد أوراق الشجر وعدد النجوم ( واحد متأثر بأغنية وردة الجزائرية ) هههههههههههههه

حضور صامت مرا مايمشي معانا ,,, إحنا هنا نتعلم شوية ونفرفش شوية ونزعل شوية |579| وندق راصنا في الجدار شوية :273: ( لمن أحد يجي يقفل الموضوع ويقول بالغلط :233: ) وبعدين يجي عمنا أبو فهد ويصلح المسايل :drr05_35:,,,

يالله في إنتظار مشاركتك , أعتقد إن عندك شي كتيييييييييييييير منو ,,, لاتبخلي علينا ,,,

مشكورة يالطيبة ,,,

zadi
27-05-2010, 09:48 PM
__________________

حيالله أبو تركي ,,,

الدودو حتى عندنا في كل الحجاز تقريباً مصطلح تخويف للأطفال مثلاً جاك الدودو أو إذا بتكره الطفل في شي تقولو فيها دودو ,,,

يعطيك العافية ياكبتن ,,, في إنتظار مشاركة أخرى جميلة ,,,

تحياتي ,,,

zadi
27-05-2010, 11:00 PM
_______________


أهلاً بالحكومة ومجلس الأمن والوحدة الدررية كلها |547| حيالله أم سلطان ,,,

طبعاً بما إنك أم , فا أكيد إن لك مصطلحات بينك وبين سلطان وأخوانه الله يحفظهم لك , صح ؟

يعني , هل للقارورة ( الرضاعة ) عندكم إسم أو مصطلح لها ؟

أنا أتذكر إن أمي كانت تقولي إني أنا كنت مسميها ألـ ( واا ) : )

الشغالة عندنا نسميها سيستر ( ناس كلالالالالالالالالاس ههههههههههههههه )

الأكل بصفة عامة : الننة , طبعاً للأطفال ,,,

البوبو : اللحمة , تلاقي الولد يقول لأمه قدام الناس ماما أبا بوبو , بس محد فاهم ويش معنى البوبو هههههههههه

أمبوووو : موية , زي عندكم : )

النوم : ناني

وأيامك كلها خير وبركة يا أم سلطان , في إنتظار عودتك ,,,

موفقة يارب ,,,

zadi
27-05-2010, 11:12 PM
__________________


حيالله سارونة ,,, شكلك ونت صغيرة كنتي مسنترة عند الحجة هههههههههههههه

حبحبوه ودقة ,,, شي ,,,

الله على دقة الحجة وبالذات لمن تكون مكترة فيها ملح الليمون وتكون حامضة شوي , هههههههههههه

تصدقي لحد الآن وين ما ألاقي حجة عندها حبحبوة أو حلاوة باكورة أو كربو لازم أشتري , وأقعد أتمزج عليهم ,,, بس سبحان الله في ديك الأيام كان لها طعم , واليوم لها طعم ثاني ,,, الأول أحسن وأجود ,,,

مرة , قريب لقيت حجة عند سوق محمود سعيد عندها بسطة كنها دكان , ماخلت شي ,,, ونا قاعد أشتري منها إلا والحجة عندها جوال , دق الجوال عليها فردت وقعدت أنفردت بالكلام التكروني حقهم ونا قاعد أسمع وأحاول أفهم , مافهمت غير ( سنو الآفية ) يعني زي السلا أو كيف الحال ,,, والباقي بربرة ,,, قعدت أفتكرت حجة في حارتنا زمان إسمها حجة آمنة , الله يرحمها حية أو ميتة , والله ياناس عليها ديك الحجة , مرا كانت حبوبة معانا وتسلفنا وتعطينا ( كرامة ) ههههههههههه الكرامة هي الزيادة يعني الوصايا في اللوز أو الفصفص ,,, يرحم ذيك الأيام ,,,

مشكورة ياسارونة على المداخلة الحلوة ,,, تانكيو |547|

zadi
27-05-2010, 11:19 PM
__________________


مين , أرسطو باشا , ياهلا والله , أزهرت وأنورت وعلى بيتنا أنوار ,,, حيالله أبو عابد ,,,

ههههههههههههههه

إنت لساعك فاكر أمنا الغولة ,,, البزر دحين تقولو جااااااااااااااتك أمنا الغولة , يقولك قولها بعدين دحين موفاضي هههههههههههههههههه

ولا , هول الليل ,,, ذا إللي كانوا يجيبولنا عنو حكايات ,,,, إلين الواحد صار هاجس عنده حتى لمن كبر هههههههههه

روح اليوم قول لعابد جااااك هول الليل , أتوقع يقولك قوم يافككككككككككك ( يعني قوم ياكذااااااااااااااب ) هههههههههههههههههه أي هول الليل في ذي الأيام ؟؟؟ الليل صاير نهار والنهار صاير نهار برضو ,,,,

يعطيك العافية ياعم ,,,

بس شكلك مستعجل , ليه ؟

» رَحيْـقّ "
27-05-2010, 11:25 PM
يعني أقول مصطلحات الأطفال عندنا ؟ <- تنفع عنوان :D

الرضّاعه : ننه
الأكل : أَم <- بفتح الألف
المكرونه : مكمك
النوم : ناني
النمله : دبايه |297|
وحش أو شي نخوّف فيه الطفل : البَـع أو العو :b

وبس ..

*amula_beauty*
27-05-2010, 11:53 PM
سلام

معليش داخل عرضوعليكم السلام ورحمة الله وبركاته

منجد داخل عرض ,,, يا لطييييييييييييف قد ايييييه شرير:222:





أمولة

مو لأنه ما في أحد من المدينة تقومي تفكي عليهم بلوف

خافي ربك يا شيخة

يعني لا هي من ثقافة السحمان ولا الشهدا ولا الحرة ولا أي شي اللي قلتي عليها

أصلاً مافي أي صلة
ههههههههههههههههههههههههههههه
ومين قلك انو دي مصطلحات اهل المدينه ,,, ايشبي عاد اعرفهم ....

يا ابني انا تجميييييييع تايواني على قولة الخال :141:

هدي يا طويل العمر ,, شويه من تبوك على شويه من جده على شويه من ينبع على شويه من الاردن وتطلعلك دي النتيجه الفزيعه

وبعدين دي عيلتنا وي !!!


طيب لا تجيبلي سيرة الحرة والشهدا والسحمااان,,,, ترا ليا فيهم ذكريااااات :drr05_13: هههههههههههه





وبعدين إيش دخل نبيل في الموضوع !!
نبيل يعني شي نبيل وجنتل ^^ :129:,,,, مدري و يمكن يكون اسم صاحب البقاله كمان:drr05_88:




وعشان ما تقول إني داخل أتلكك خذ عندك
هههههههههههههههههه

اقدر احلف انك داخل تتلكك ,,, بــطـل لكاعه طينتنا وحده ترا:209:

*amula_beauty*
27-05-2010, 11:58 PM
مسا الورد يا خالي ^^



أهلين سنيورة أمولة ,,,


بلبل هو دلع نبيل ههههههههههههههههه تصوري ,,, واحد يدلع نبيل ويقولو يابلبل هههههههههههههههههه
هوا طلع بلبل دلع نبييييييييييل

ايش السر في نبيل يا ترى ؟؟؟:drr05_06:





عندي الولد الصغير دا بصراحة لولوة عقلي ,,, المهم , من صغره وهو يحب السبايدر مان ,,, ونا جايبلو كل أشكال السبايدر مان , ومسميه ( صديق ) بفتح الصاد وتسكين الدال ,,, طبعاً إسم صديق إسم مكاوي قديم , وينطبق على بعض الشخصيات إللي كنت أعرفهم أيام كنت في
ههههههههههههههههههه اما صديق :181:

هههههههههههههه مرررررررررررره يجنن ,,,,, لو يدري سبايدر مان ينتحر :drr05_27:هههههههههه

يسعدك ربي يا خالي|548|

((كــــــــادي))
28-05-2010, 01:34 AM
كلاكيت تاني مرة :)



إذا على مصطلحات البزورة ... ياكثرها ،،


وللمعلومية ... كل المصطلحات السابقة الخاصة بالبزورة اصلها فرعوني " ابحثوا وشوفوا "



~*~*~*~


خذ عندك ...


ننه = اكل ... يعني زي عندكم


دحه = ملابس ... مو في مثل بيقول " اللي يبغى الدح ما يقول اح "


كخه = يع .... تقال للطفل لمن نبغى نمنعه من انه يمسك حاجة وسخة


اح ح ح ح = حار ...


اح = بمعنى اترك " سيب " ... متعوب عليها هذه الكلمتين


وس ! "بكسر الواو " = تبغى دش " <<<<<< تحفة وربي


حبووووه = كيف اشرحها هذه ،، وربي ماني عارفة على العموم هذه الكلمة نقولها للطفل


لمن يتعدى على اي احد " يعني بمعنى لاتضربه هذا حبيب " والله اختصارات مفيدة .


عن = سيارة




الى هنا .. هذا اللي افتكرته من هروج الصغار:242: ..




~*~*~*~*~


نجي للكبار ..



بالله تستروا على ما واجهتم


في كلمة اتحدى اي واحد في العالم يقول لي ايش معناها ...


واللي يجيب معناها صح راح اعطيه ترشيح <<< لا ياشيخة جائزة محرزة يعني :drr05_89:


المهم ..


الكلمة هي ...



خييييييص


قلبانها حزر فزر :289:


~*~*~*~




طيب نجي للكلمة الثانية ...



فتحية ...


ادري فتحية هي اسم مؤنث ... :drr05_44:


بس عندنا لها معنى ثاااااني |467|


والله يا زادي " ولا يهنون الباقين " من كم سنة كتبت موضوع عنوانه :


" عذراً فتحية ،،، لم نقصد الإهانة "


بس ما نزلت الموضوع .. ما حبيت اجرح اي وحدة اسمها فتحية ..


المهم ...


فتحية عندنا معناتها = دلخ .. عبيط ... غبي :drr05_64:


وتراها تنقال للرجل و المرأة على حد سواء :220:


يعني اخويا دااايم يستخدمها لمن يكون في واحد واقف قدامه بالسيارة ويخلي العالم


تدخل عليه وهو ما يحرك ساكن .


ولها استخدامات كثيرة في مواقف كثيرة :262:


~*~*~


طولت عليك :)


بس والله عندي كلام كثير ..


اقول؟؟ ولا اتوكل على الله شبعتوا ..!




احلى تحية :163:

سارونه
28-05-2010, 11:00 AM
http://alfrasha.maktoob.com/up/10079774462139834.gif


للحين فهمت
ننه وككا وكخه وحبوه واح

لانها عندنا

الموت الكلمات الثانية !! مافهمت شي

متابعة لو يدري عنكم سيبويه
:D

zadi
28-05-2010, 02:44 PM
________________


أهلين رحيق ,,, حياك الله

الننة فعلاً مصطلح شائع تقريباً عند كل الأسر ,,, مافي طفل إلا و مر بمرحلة الننة ههههههههه

أمممم شرحو , نفس الشي ,,, مصطلح مشهور عند الجميع ,,, بصراحة إختصارات حلوة رقيقة ,,,

ناني حقت النوم ,,, نفس الشي ,,, مشهورة أكتر من نانسي عجرم هههههههههههه

نجي للغريبة ,,, مكمك !!! يعني مكرونة !!! حلوة والله ,,, تعال يابابا كل مكمك ههههههههههه

أنا عندي السمك مدلعه مع العيال بـ ( سمكمك ) |547| يعني اليوم ويش تبون ؟ سمكمك ؟ أديها سمكمك :245:

البعبع ,,, دا كان حقنا زماااااااااااااان ,,, يفجعونا بيه ويخلون الواحد ينام ضغط من بعد العشا عشان يخلالهم الجو هههههههههههههههه

بس دحين البزران مايمشي معاهم بعبع , لأنهم شايفينو في أفلام كارتون وخلاص الرجال فقد هيبته معاهم ,,, زي الغول ,,, أتذكر إن فيه فلم كارتون طالع فيه شخصية بإسم الغول , إذا ماخاب ظني فلم شركة .... التخويف مدري إيش ,,, إللي فيها محمد هنيدي متقمص شخصية بعبع بعين وحدة , بس طالع بعبع دمه خفيف هههههههههه

على فكرة ,,, بالنسبة لعيالي من صغرهم وهم يخافون من الشخصية الأسطورية إللي أنا مخترعها ( أبو علي ) هههههههههههههه هذا ياستي أبو علي عندهم أقوى من الغول ومن البعبع ,,, هذا ياكل البزورة , يطبخهم على النار , يقطعهم , يخطفهم ويرميهم من الطاقة , وهلم جراً ,,, وتطلع منهم وهم صغار كلمة أبو علي , تجنن هههههههههههه

يعطيك العافية يا فاضلة ,,, تحياتي ,,,

zadi
28-05-2010, 02:59 PM
____________


أهلين أمولة ,,, جمعة مباركة على الجميع يارب ,,,

أنا الحقيقة لي مع عيالي شوية حاجات يمكن تكون غريبة لكن , مطبقة عندنا ,,, مثلاً السبايدر مان دا ,,, أقرب حاجة قبل يومين كنت في جزيرة الشراع أودي الصغير دا حق السبايدر مان يسبح هناك لأنه عندهم مسابح حقت عمر سنتين وفوق ,,, ومن دخلنا وهذا قاعد يصيح صديق ,,, أبغا صديق ,,, بابا شوف صديق ,,, وقسم بالله ودا كان قدام البنغالي إللي يبيع في محل ألعاب عند بوابة الجزيرة من داخل ,,, طبعاً ولا أحد فاهم القصة ,,, هههههههههههه

عندي بنتي لها إسم دلع من يوم ولدت ,,, والله الإسم ذا طغى تماماً على إسمها الأصلي , تماماً , لحد إن إسمها الأصلي ماتتعامل فيه غير في المدرسة ,,, حتى زميلاتها ماينادونها غير بإسم الدلع ,,, وفي البيت عندنا نفس الشي , أنا أحياناً أتنح لمن أحد ينطق إسمها الأصلي قدامي وأقول ذا الإسم مو غريب عليا ههههههههههههههههه

عندي السيارة العائلية الكبيرة حقت السفر والتماشي , مسميها على إسم واحد من العيال ( زاد ) يعني حط العفش في زاد , خليني أعبي البنزين لزاد , وكاتب على قزازه إسم زاد بالإنجليزي zad

يعطيك العافية أمول خانوم ,,, عندك أرسطو باشا , أبغاكي تسحبيه على شنباته ,,, قال السحمان قال ههههههههههههههه

أرسطو و تعرف حاجة في مكة إسمها الجودرية ؟؟؟؟؟؟؟؟؟

اختكم الكبيره
28-05-2010, 03:04 PM
صدق مخمخت على دا الموضوع اغلب المصطلحاااات مرت علياااا

لكن ابو تركى اخد راحتووو بالمره راح يشمع لكم الموضووووووع :drr05_19:

سلم على ابو على حقك يازادى

فيه عوايل تسميه خربوص هههههههههه

واكيد اللى فى باالى متاااابعه الحين وتضحك على الكلمه:drr05_08:

zadi
28-05-2010, 03:09 PM
_________________


أهلين أم سلطان ,,,

الفراعنة دول كانو شعب يفهم ,,, ههههههههه يعني نفرتيتي دا إسم دلع !!! طب إيش الإسم الأصلي ؟ نفر تاتا مثلاً أو نفر تونة يعني ؟؟؟؟

حلوة المصطلحات دي , فعلاً شائعة , الدحة والأحة والكخ والننة والحبوة ,,,

بس بصراحة ألـ ( وس ) دي إللي جديدة عليا كومبليت ,,, ماقد سمعتها ,,, الدش أو الإستحمام نسميه ألـ ( ببش ) لكن الوس جديدة ,,,

بالنسبة لخيييييييييييص ,,, أتوقع إن معناها يشابه معنى ( إخييييييييييييي ) يعني تعييب في شي معين ينقال للأطفال وحتى للكبار ,,,

أما الفلة بصراحة , ياني قعدت ميت ضحك على فتحية هههههههههههههه

سجلي عندك , الدرر راح تاخذ براءة إختراع وإستعمال لهذي الكلمة على كل متنح أو متنحة ,,, راح نسميه فتحية ههههههههههههههههه وخذي قيمة براءة الإختراع من أبو فهد :245: ماعنده غير الترشيحات هههههههههههههه يالله مو بطالة ,,,

يعطيك العافية يا أم سلطان ,,, مشاركة حلوة ,,,

إن افتكرتي شي لاتبخلي ,,, شكلك ( مليانة ) بس محتاجة تركيز :233:

ابو تركي 1976
28-05-2010, 03:13 PM
اهلين بأختنا الكبيرة لالا هديت السرعة شويه وعدلت في موضوعي بسرررررررررررعة
قبل لا تدخل لجنة التعديات وربك ستر لأنه بعدين مين اللي راح يفكني من عمنا زادي
لو شمعوا دكانة

zadi
28-05-2010, 03:14 PM
________________

أهلين سارونة , حيالله بنت العم ,,,

ياستي هذا السيبويه لو كان عايش في عصرنا هذا كان شقق كتبه وبطل إختراع وفلسلفات وتلاقيه مولع سجاير ويقول شعر نبطي :245:

بس ماقلتيلنا ويش عندكم في الطايف من مصطلحات ؟ أكيد عندكم شي مختص فيكم ,,,

هاتي ماعندك ,,, منتظرينك ,,,

سلام يا أستاذة ,,,

((كــــــــادي))
30-05-2010, 02:08 AM
... عودة :)



بالنسبة لخيييييييييييص ,,, أتوقع إن معناها يشابه معنى ( إخييييييييييييي ) يعني تعييب في شي معين ينقال للأطفال وحتى للكبار ,,,



لا,,,,, ما جبتها يا زادي ...


خذ عندك المعنى الصحيح ...


هذه الله يسلمك من اختراعات اختي الكبيرة ،،،

لها باع طويل في ابتكار الكلمات .. وطبعاً نحن اللي اصغر منها نتبعها ،،

مو هي اختنا الكبيرة واللي تقوله مزبوط !!:129:

معنى " خييييص " او تنقال كلمة " خيييييص " لصاحب الوجه الطويييييل النحيييييف

يعني كل واحد يطل في المراية .. إذا لقي وجهه نحييييف و طويييل فهو " خييييص " :drr05_25:

~*~*~*~*~

خذ بعض ابتكارات اختي العزيزة لبعض الكلمات ..

لِل لِل = بيانو ...... ان شاء الله تعرفوا تنطقوها

طِن طِنه = عود :215:

~*~*~*~

افتكرت لك بعض مصطلحات الأطفال :242:...

تِتو = اجلس

تاتي = تعال او امشي |33|

مو في انشودة للأطفال نقول فيها :

تاتي حبة حبة ،، تاتي خطي العتبة .


.........

هذا اللي طلع معايا :)

اسعد الله ايامك بالخيرات

zadi
30-05-2010, 04:34 PM
__________________


أهلين أبو تركي ,,, حياك الله ,,,

هذي ياسيدي لجنة التعديات والتحذيفات راح نخليهم يدورونلهم على شغلى ثانية , نخليهم عاطلين العمل , مافي شي يحذفوه , خلاص بح ,,, على فكرة :134: كلمة بح , برضها مصطلح حجازي يعني مافي , فا نقولهم بح , خلاص مافي شي ينحذف :245:

توووووووووووووشكر ,,,

zadi
30-05-2010, 04:40 PM
_______________

حيالله العودة ,,, حيالله ستهم كلهم ,,,

شوفي طال عمرك , حتى كلمة ( مخمخ ) و ( مخمخة ) و ( يمخمخون ) و ( يتمخمخ ) و ( مخمخها ) هذي كلها مصطلحات :233: مزاجية ,,, يعني حالة خاصة بتكييف المزاج |547|

فا , ما أشوفك ( مخمختيلنا ) شي ؟؟؟

أصل مصطلح المخمخة ,,, يتهئلي إنه كان خاص بالبليلة ,,, يعني إذا ماكانت البليلة ممخمخة ماتتاكل , صح ؟

طيب أبغا أسألك سؤال في الصماصيم ,,, كيف تسير البليلة ممخمخة ؟؟؟

نبغا منك جيم جواب !!!! :233:

zadi
30-05-2010, 04:59 PM
_____________


هلا أم سلطان ,,,

هذا الكلام ,,, صح , فكرتيني بتتو وتاتي ,ماقلتلك شكلك عندك كتيييييييييييييير بس نساااااااية ههههههههههههه

بالنسبة حقت البيانو والعود , بصراحة جديدة , ماشاء الله الشباب عندكم طالعين فنانين :245: شغل عدل ,,, بيانو وعود , ومين فيهم المايسترو ؟؟؟

الغريب إن مافي أحد جابلنامصطلحات خليجية :131: ؟؟؟ أنا حاسس إن المصطلحات الخليجية تموت ضحك , بس ودنا أحد يعطينا ,,,

وعلى ذكر أختك الكبيرة الله يطولكم بعمرها ,,, عندنا مصطلح للأخت الكبيرة , ستيتة أو إستيتة ,,, بصراحة مصطلح حلو ويدل على التوقير والإحترام ,,,

حتى للأخ الكبير , ينقال له سيدي ,,, طبعاً غير ستي إللي هي أم أمي ,,, وفي بعض الناس يقولون للعمة ( أنتي ) دلع يعني : )

الغريب قبل شهر كنت في سينما وحاضر فلم ماني مذكر إسمه الآن , بس أكتشفت إن مصطلح ( نينه ) هو أصله إنجليزي !!! ومعناه المربية تقريباً ,,, وعندنا ناس وفي مصر كمان يقولون للمربية إللي عايشة مع الأطفال فترة طويلة يقولونلها نينه ,,,

مشكورة يا أم سلطان ,,,

لاتنسي ,,, إذا أفتكرتي شي هاتيه ,,,

في أمان الله ,,,

سارونه
30-05-2010, 06:05 PM
http://alfrasha.maktoob.com/up/130809728868997638.gif


اوووو تتو صح خخخخخخ

بنت اختي تقول بالله تفكونا من الكلام النغماتي هخخخخخخ
وماتبي تعلم اولادها تتو وهم وننه

وبالاخير عرفوها
سبحان الله


بأخلي بنات أخوي يتعلمون أنتي
أريح من عمة وسط الملاهي :( عمة هاتي عمة نبي عمة عمة
نرجع البيت وأنا ماأسمع الاعمة من كثر ماينادوني لا من كثر مايطلبون

كملوووا متابعة :D

((كــــــــادي))
30-05-2010, 11:28 PM
باااااااااااااااك :) <<<< ما تندل على موضوع :drr05_52:



المهم ...



افتكرت شي مهم و لازم ،،،لازم اقوله


هو مصطلح خاص جداً .. يتهيألي محد سمعه ولا استخدمه من قبل ..


زي فتحية كذا :drr05_19:


قد سمعت يا زادي مصطلح x y z


اكيد لا ..


هذا المصطلح نستخدمه لمن اي احد يقول رأي غلط


فنقول له : Xyz:219:


او اي وحدة تجي توريني لبسها إذا لابق على بعضه ولا لا ..


فأقول لها : Xyz:drr05_28:


وهذه تعني " من النهاية " ان اللي انت قلته او اللي انتِ مسويتو غلط غلط غلط .. وما يحتاج نقااااش


طبعاً لازم نتكي على الـ z في النهاية


~*~*~*~*~*~


ادري نحن من العوايل التحف اللي في البلد:drr05_19:



سلااااااااااااااام

سارونه
30-05-2010, 11:43 PM
xyz

مستويات الرياضيات !!

((كــــــــادي))
30-05-2010, 11:51 PM
ما شاء الله عليكِ يا سارونه ...

على طول اعتمدتي :268:

سارونه
31-05-2010, 01:11 PM
خخخخخخخخ

وش اعتمد
تخصصي !!
اتذكرت الكلية والتربية العملي هههه
ندرس xyz
ونعلم البنات س,ص,ع
عشان كذا مو معروفة الا للمتخصص :) بماان الرياضيات عقدة الطالب السعودي

الله يعيدها يا رب وأكمل ماجسيتر


يالله الحين زادي بيجي بالمكنسة
خربنا أبو رواقه
أحسه لما يكتب موضوع يضرب صنف عالي ويجي يفرغ هنا خخخخخخخخ

بالله واحد من صنفك لاهنت :D

zadi
01-06-2010, 03:00 PM
___________________


أهلين سارونة ,,,

والله حلوة كلمة ياعمة ,,, هههههههههههههههه

وخاصة من البزران وسط الملاهي وبصوت عالي ههههههههههههههه

الناس تدور وين هالعمة يحسبونها حرمة كبيرة في السن ههههههههههههه

مرة من المرات كنت في زواج بدو ,,, المهم , قاعد معنا ولد يمكن عمره مايزيد عن 12 سنة ,,, الولد بسم الله ماشاء الله عليه طب في بطن اللحم يمزع فيه تمزيع , ولا , ويقولي تعش ياعم !!! وقعد يقطع لي لحم ويرمي قدامي وحدة قدامي و وحدة في بطنه ههههههههههههههه
قلت والله حنا إللي مدلعين عيالنا ونقولهم أوف وأحه ونطلعهم نعانيع ههههههههههه

يعطيك العافية ياعمة : ) مشكورة على التواجد ,,,

zadi
01-06-2010, 03:11 PM
_________________


أهلين أم سلطان , هلا أقين وأقين : )

ياشيخة يخرب بيت فتحية , جابت العيد ,,, طيب كدا توفي شكلها زعلانة مني إني قلتلها فتحية !!! في موضوع أي منهما تختار حق أبو تركي , الموضوع دا ماقد مر علي زيو , كله مشاكل وتلكيك ههههههههههه المهم أرسلتلها إعتذار وماردت عليا , شكلها زعلانة بقوة , حسبي الله عليك يافتحية ,,, يامديرة أتوسطيلنا عندها ,,, تكفين , قوليلها خلاص يتوب ويحط لسانه في فمه وماعاد يجيب سيرة فتحية .

نرجع للموضوع ,,, طيب إيش يعني إختصار دي ألـ xyz ؟؟؟

يعني مثلاً :
X = كخخخخخخ
y = يااااااا
z = زفت |119|

كخ يا زفت = x y z |579| هههههههههههههههههههه

والله يا أم سلطان إنتي تخلينا ندخل في المناطق الصعبة ونسرح باللسان ونصبح على مافعلنا نادمين هههههههههههههههه

فيه هرجة تنفعلك بعد ما أرد على سارونة , أستني شوية :245:

zadi
01-06-2010, 03:24 PM
__________________

الشي الجميل إللي في حياتي وأفتخربه إني ما أكره مادة وأعتبرها إسرائيل بالنسبة لي قد ما أكره الرياضيات |119| إيش سين زايد صاد تساوي خمسة تربيع على نون تكعيب !!! شي يجيب الغثيان :233: بلا في شكلهم وشكل إللي دخلها المدارس ,,,

سجلي عندك , أبلد واحد في البلد في الرياضيات ,,, ونرفع معروض لأبو متعب إنه بس يخليها مقررة على الأجانب ( كيييييييييييييييييييييييد فيهم ههههههههههه )

وحنا يعطونا التعبير والمطالعة والخط :134:

zadi
01-06-2010, 03:33 PM
_________________

البارح صار بيني وبين مدامنا حفظها الله هذا النقاش :

ـ المدام : وحدة من جيراني ( وسمتها لي ) قابلتها ونا خارجة من البيت وسلمت عليها قامت ماردت عليا و ( شمقتلي ) !!!! :233:

ـ أنا : هههههههههه طب شمقيلها إنتي وأرميها على باب الطهارة :245:

طبعاً الموضوع كلو حش في حش وقعدنا نضحك ,,, بس بصراحة فكرتني بمصطلح قدييييييييييييييم بين الحريم ,,, التشميق !!

أظنكم تعرفو ويش معناه ؟؟؟ يعني تجي الوحدة قدام التانية وتسحبها بنظرة عين وكأنها بتشيلها وترزعها على الأرض ,,,

كنا زمان لمن نلعب مع البنات ونحن صغار , نسمعهم وحدة ترد على التانية ( شمقي على باب الطهارة يختي ) ههههههههههه لأن الأولى تلاقيها صكتها برمشة عين على كيف كيفك ,,,

وطبعاً باب الطهارة معروف ويش معناه وإنتم بكرامة ,,, يعني باب الحمام وبحسب العصر الكلاس إللي عايشين فيه , هو التواليت :134:

أقولكم على حاجة ,,, أنا أعتقد إن ظاهرة التشميق لحد الآن موجودة ,,, في المنتدى عندنا ,,, يعني إذا وحدة ماعجبها موضوعي ومي طايقتني , تشمقلي من ورا الشاشة ههههههههههههههه

لاتشمقوا , رجاءاً عشان لا أرد عليكم الرد حقها ( شمق على باب الطهارة ) ههههههههههههههه

أحد عنده هرجة ( أخرى ) ؟؟؟؟؟؟؟ |119|

To0ofy
01-06-2010, 04:50 PM
على سيرة فتحية الله يفتح عليها باب الجنة قولوا آميييييين

ويفتح لها ابواب الروقان والصحصحه

وتسير منيرة خانوم... تبشركم انه توفي هانم تمام التمام

الله لا يجيب الزعل برضو قولوا آمييين

المهم مصطلح وس اللي ماعرفته ياخال دا المصطلح ((اجيبلك اصوله وجذوره وفخذه))

دوش = وِش = وِس

أو

تروش = ووش = وِش = وِس

افتكر اخويا زمان ماما ما ابغى وس مو حلووو ااااف ((اخاف))

بسكوت = كوته = كوتاءه

بطاطس = تاتس

حليب = ايب

شوكولاته = سوكولاته

اما مصطلح خا ص فيا

يلا نغني = كنت اقول غنى غنى<<<<ياناسو عليا وانط نط عالكنب

مصطلح اخويا الله يحفظه

لبن = ببن

مصطلح جدتي الله يحفظها

لبن = بخه<<<كيف راكبه ما اعرف

يع = كخه

وننه وتاتي و تتو <<<<مصطلحات متعارف عليها في جميع العوائل

مويا = بوا = بو

روح = يوح

بيب = سياره او مشوار

اخويا لما كان هه سنتين سنتين وشي

كان اذا شاف سواد

على طول يفز ويلصق عند الباب

يلا يوح بيب يلا بيب طبعا السواد دا على طول يستنتج انه عبايه

وياااا الله يانووووم:131:

يوم افوق ارجع تاني حاسه اني فاقد الذاكره:178:

عمر باعقيل
01-06-2010, 05:39 PM
خال الكل
خالو زادي

شوف ياخالي عندك ولد اختي الله يحفظه لمن كان عمر ثلاثه سنوات كان عنده دي المصطلحات


سوما كاكت = سوبرماركت
يع = سيارة الصرف الصحي
ماماوح = مروحه
عيب = حليب
شاك لاته = شوكولاته
انطونيو= العضو الذكري للطفل
سيم = السلام عليكم ورحمة الله وبركاته
خليني افتكر واكيد راجع هنا ياخالو :206:

سارونه
01-06-2010, 06:37 PM
http://alfrasha.maktoob.com/up/130809728868997638.gif



اها عند بدو
جيدين اسم الله علينا :229:



شمقت :206:
تدري اني اعرف عائلة كريمة من جيرانا تقاتلوا الأخوان عند تشميقة زوجة واحد منهم لزوجة أخوه :253:


فانتبه أنت لاتقاتل أحد :drr05_89:

مع أني أشك :183: ماقدرت ع المفاطيح وتمزيع اللحم بتقوى الرجال عقب التشاميق :142:


وطلعت فاشل بالرياضيات بعد !!! :( اتذكر أننا سوينا بحث التخرج عن هالموضوع
طلعنا بمصايب الشكوى لله

الجوري
02-06-2010, 04:40 PM
انا جمعت لكم كلمات جنوبيه بتحديد من

جازان

واصلاه كلمات تقريبا عربيه بحت مع تفسير كل كلمه







( مالك )

يعني ماخبرك



(هبلي)

ومعناه عطني



(ترقب لي )

اي انتظرني



(الجلجلان )

وحب السمسم



ينجفها

اخذ الشي بالقوة من شخص ما


صنج

بمعنى تجاهل سماع الشيء



كدمي

بضم الكاف وسكون الدال تجمع رمل اثر الرياح بارتفاع معقول قليلا عن الارض


دغاغ

طين مطحون وناعم




فسوخ

طعام الافطار


عرسة

ارض مصنوعة من الاسمنت يداس عليها



كزمة

دلة قهوة



زل

بكسر الزاي وسكون اللام بمعنى ادخل


تبلحس

بكسر التاء بمعنى اجلس


تشعبط

بكسر التاء وسكون العين بمعنى تمسك


هوش

بضم الهاء وسكون الواو بمعنى قطيع مما يمتلكه الشخص من الحيوانات



خبشة

بمعنى البقرة المتوسطة



صرفة

خشبة صغيرة



خفق

بكسر الخاء والفاء بمعنى مدلل ومتدلع



كبح

غير يانع


خفن

بكسر الخاء والفاء أي متعفن




مزوام

ترصف حزم القصب على شكل مخروطي



مجران

موقع تصفية الذرة من الشوائب



يتمغنج

يتصف بصفات النساء في المشي والحركة



املع

لا يستحي



غثى

تعب او ملل

رمث

بكسر الراء والميم بمعنى غير نظيف



احوه

بسكون الحاء بمعنى انتظر



ولح


بفتح اللام وكذلك بكسرة وهي كلمة تهديد وتحذير من فعل الشيء


ملطام

الصفع على الوجه


يكثح علينا

يدخن بجانبنا



لابص

ناقص



ايش رايكم

zadi
02-06-2010, 06:47 PM
___________________


ماشاء الله , مشاركات جميلة بصراحة ,,,

توفي , ماشاء الله عليكي حافظة المصطلحات صح ؟ يابت لاتكوني بتشتغلي مربية أوقات الأوفر تايم ؟؟؟ ههههههههههههه
بس حلوة يع ,,, نسيناها , دا مصطلح دولي ,,, يعععععععع خاصة لمن تمطيها كدا ههههههههه

يعطيك العافية ياتفتوفة ,,, ( خلاص ماراح أقول فتحية ولا منيرة هههههههه ) توفي وبس , والباقي كلو خسسسسسسس :245:

zadi
02-06-2010, 06:55 PM
_________________

ياعمر ,,, ياسيد , قسم بالله مت ضحك على أنطونيو ههههههههههههههههه

سبت الموضوع كلو و وقفت عند مستر أنطونيو هههههههههههههه

نفسي أعرف ليش أنطونيو يعني ؟ ليش ماكان مستر جاك أو جورج ههههههههههههه

والله الواد هذا دولي , له اسماء رهيبة و إيشي بلبل وإيشي نبيل ودحين أنطونيو ,,, أخاف بكرا يجينا واحد يقول يدلعه بإسم ( كومار ) ههههههههههههه هيا خيطها , يطلع هندي في الآخر ,,,

تسلم ياسيد ,,, يعطيك العافية ,,,

zadi
02-06-2010, 06:59 PM
__________________


أهلين بالجوري ,,,

أفلقيني إن فهمت شي من المصطلحات الأساسية هههههههههههههه يا إنتو رهيبين والله ,,,

لي زملاء من نفس المنطقة , بس يتكلمون معانا شي مفهوم , الظاهر إن يوم يتكلمون مع بعض نصير حنا مثل الطرشان في الزفة :245:

إضافة جميلة يا جوري ,,, يعطيك العافية ,,,

zadi
02-06-2010, 07:02 PM
______________


أهلين سارونة ,,, يعني نفس المصطلح حق التشميق عندكم ساري المفعول ومستخدم :233: طيب , شي كويس ,,, وصلتكم التطورات الحاصة في المجتمع :245:

أفتكر كلمة الولد يوم يقولي تعش ياعم !!! هههههههههه قلت في نفسي مين العم أنا ولا إنتا هههههههههههههه
سفااااااااااح لحم ههههههههههههه

مشكورة يا سارونة ,,,

الجوري
03-06-2010, 06:41 PM
__________________


أهلين بالجوري ,,,

أفلقيني إن فهمت شي من المصطلحات الأساسية هههههههههههههه يا إنتو رهيبين والله ,,,

لي زملاء من نفس المنطقة , بس يتكلمون معانا شي مفهوم , الظاهر إن يوم يتكلمون مع بعض نصير حنا مثل الطرشان في الزفة :245:

إضافة جميلة يا جوري ,,, يعطيك العافية ,,,

شوف يا زادي باشا

هذي المصطلحات الحين الي يستخدمها اكثر شي الي عايشين هناك

والاكثر كبار السن <<< حلوه كبار السن :220:

وافلقني اذا انا بعد فهمت او عرفت كل هذي الكلمات

:130:

همس الورد
05-06-2010, 08:03 PM
مرحبا زادي
حبيت ردي يكون آخر رد
عن نفسي حبدء بكلامي أنا شخصيا قبل كلام الأطفال الصغار
بسم الله نبدء
أول شي أنا احب أدلع الكلام
يعني زي كلمة بقر أو بقرة = بقرانيه
شب شب = شبشوب
أمد لساني = أونه (كلمة مو حركه )
لمن أعصب من أحد وأسبه = أرنبه أو أرنب
أمي أو ماما = مايتو
أبويا أو بابا =بيتو
همس الورد = هموسة الناموسة
هبله = هبوله
لمن أعصب مره اقول كلمة بطه
حيوانه = حوانه بدون الياء
لمن أبغا اعبر عن حبي لأحد = أحوبيك وأنطق الحروف بطريقه واضحه لدرجة انه الكلمه تتغير
بيبي أو نونو = نونه

بالنسبه لكلام الأطفال الصغار
مم = أكل مام شد الميم الأخيره
محمح = حمام الله يكرمك
بوه = مويه
مي مي = هذي الست يعني ولد اختي يقول لماما مي مي بس انا الوحيده الي اعلمه يقول ستي
بحه = خلص
حوا = حلاوه
جيعان = نم نم
دو دو = الشي الي يخوف وعلى قولتك مافي شي يخوف هذا الجيل
كخه = سيب
ما ابغا = نا
ابغا = نعا
كرع = بكسر الكاف صل صال
بنبر = حفاضة بامبرز بنت خالتي لمن امها كانت تقولها جيبي الحفاضه كانت تقول كذا
طن طن = دباب ولا سيارة أهم حاجه انه شي تسوقه

اختكم الكبيره
06-06-2010, 03:48 AM
_______________

حيالله العودة ,,, حيالله ستهم كلهم ,,,

شوفي طال عمرك , حتى كلمة ( مخمخ ) و ( مخمخة ) و ( يمخمخون ) و ( يتمخمخ ) و ( مخمخها ) هذي كلها مصطلحات :233: مزاجية ,,, يعني حالة خاصة بتكييف المزاج |547|

فا , ما أشوفك ( مخمختيلنا ) شي ؟؟؟

أصل مصطلح المخمخة ,,, يتهئلي إنه كان خاص بالبليلة ,,, يعني إذا ماكانت البليلة ممخمخة ماتتاكل , صح ؟

طيب أبغا أسألك سؤال في الصماصيم ,,, كيف تسير البليلة ممخمخة ؟؟؟

نبغا منك جيم جواب !!!! :233:



جيم جواااااب ياسيدى


ودينى جده وامخمخ حتى على البليله الحب


لبى قلب جده واهلهاااااا
تصدق من زماااااااان ماااكلت بليله تعدل الرااااس(صار براد شاهى مو بليله)


تذكرت كم كلمه لبناتى لما كانو صغار


عسى ماتكون تكررت


تح = افتح
تاح =مفتاح
ببح = حبحب
بعالم =براعم 0هادى قناه الاطفال


الحمد لله قدرنا نشارك فى البحث العلمى الخطير:209:

zadi
06-06-2010, 03:50 PM
__________________


أهلين ياهمس ,,, حياك الله ,,,

ماشاء الله قاموس مصطلحات ههههههههههه

عجبني مصطلح ( شبشوب ) ههههههههههه حلو : )

بس جيعان = نم نم ؟؟؟؟؟؟؟؟؟ إحنا عندنا في بلاد بني عبس إن ألـ نم نم حاجة تفجع هههههههههه مو حاجة تتاكل ؟؟؟

أما هاذي إللي قعدت أجمع كل مفرداتي في اللغة وماجبتها :

كرع = بكسر الكاف صل صال ؟؟؟؟؟؟؟؟؟؟؟؟؟؟

لافهمت الأولى ولا فهمت المصطلح حقها !!!

مشكورة ياهمس ,,, يسعدك ربي ,,,

zadi
06-06-2010, 03:59 PM
___________________


أهلين بست الكل ,,,

طبعاً أخوكي من رابطة محبي البليلة :134: ههههههههههههه ونعرف البليلة الأصلية من البليلة حقت خدني جيتك :233: زي حقت الهنود إللي يبيعونها في الكورنيش ,,,

هذا ياستي لما ست الناس الوالدة الله يحفظها لي ويطول في عمرها , لمن نكون مجموعين عندها , تتفنن في الحاجت دي ,,, يا بليلة , أو شرشو ( لاتقولي ماتعرفي معناها عشان لاتحسسيني إني جاي من زمن العسمانيين : )

طبعاً تضبطها تضبيته , شي ,,, صحن إتنين تروح زي سلامو عليكوم :245:

كنت زمان أقعد أسويها بنفسي , أنقعها يوم وأطبخها وأحطلها الكربونة ( قدييييييييييييييييم ههههههههههههههه ) وبعد كدا ( أفقع ) القدر لوحدي ههههههههههههههه

لو عندك بطاقة فيزا أرسلك صحن معتبر ,,,

أفتكرت , قبل كم شهر كنت في القاهرة ورحت في الليل أسهر في الحسين في قهوة الفيشاوي , وهناك يبيعوا بليلة بالطريقة المصرية , حاطينها في كاسة وعليها الخل والدقة حقتهم ويعيطك معاها ملعقة ,,, خطييييييييييييييييييييرة والله ,,,

تسلمي ياست الكل ,,, مشكورة على المشاركة في البحس العلمي الختيييييييييييير دا ههههههههههههههههه في حفظ الله ,,,

______________

ياجماعة منتظر أبو فهد إنو يطل أو يشقر , آخر طنااااااااااااش ,,, ليه ياعمدة ؟

شكلك والله عندك حاجات حلوة , ياعمي لاتبخل وهات ,,, الشغلة مو فلوس هههههههههههه

يسعدك ربي ,,,